Apocalipsis 16:2 - La'aqtaqa Ñim Lo'onatac 'Enauacna 2013

² Nache jec som hua'auchiguiñi namaxashec piguem le'ec da icorelec ana 'alhua som huetagui aso ỹomaxaqui, nache 'enauac nam huo'o na na'anaqte maye chegoqo'ot so shiguiỹac leguemaxaic qataq ỹo'oxoreetac so ne'enaqtac maye lqui'i somaye, namayepi nasheguem na lo'oc na lquesaxa maye ỹataqta qaica ca 'ena'am da lqui'ic.

Nuevo Testamento Toba Sur

² Nachi jec som hua'auchiguiñi namaxashic da icodelec ana 'alhua. Nachi 'enauac na shiÿaxauapi mayi huo'o ana n'anaqte mayi chigoqo'ot so shiguiÿac qataq natameetacot som n'enaqtac lqui'i, nachi namayipi nashiguem na l'oc na ÿataqta saq maxata lquesaxa qataq ÿataqta qui'aq.

Nuevo Testamento Toba Sombrero Negro

² Joñe'me piyem le'ec jo'ne 'uaechiñe male ec, qama'le yecodelegue ga'me le'ec jaga'me yomaĝaiqui jo'ne mach'e loqote jena'me aleua, qama'le yema ga'me jiyaĝadipi jo'ne netayelo ga'me en 'nanaĝaijetel ñe'me jiyac polio' nataq'aen da'me 'yamaqate'n da'me netametot ga'me lequi'i ñe'me, male naje'moto ga'me nijiquiaĝa jo'ne co'yaq nataq'aen da'me dalataĝanac.

Apocalipsis 16:2 Referans Kwoze

Apocalipsis 8:7

Nache so hua'auchiguiñi namaxashec piguem le'ec can ỹashiiyigui aso lasheere, nache anac aso lache qataq so norec ỹalecteguet na ntago'q. Nache ỹavic so 'oonolec naua tres lpa'axaco ana 'alhua, nataqa'en ana qo'oipaq, qataq nataqa'en 'enauac na 'auaqpi.

Deuteronómio 28:27

Ñim Nataxala' ỹo'ot qome da 'am ique'ete'n aca na'agotaqtepi, cagaxai, nhuetapi, qataq ca nquesaxa maye qaica ca lata', 'eeta'am co'ollaq huaña ye Egipto.

Hechos 12:23

Nache saqaỹaloq da anac so lamaxashec Ñim Lo'onatac 'Enauacna, nache ique'emaqchet so Herodes, cha'aye somaye ipi'itaxaatega da 'eeta'am da lataxac Ñim Lo'onatac 'Enauacna. Nache qaỹata'ague, nache ileu. Ilem na qoche'l maye chectac na lauel somaye.

Isaías 3:17

Ñim Nataxala' ỹo'otec qome da qui'it na lqaic anamayepi, qataq ỹachaxan qome da huetauec anamayepi.»

2 Crónicas 21:18

Qaq co'ollaq ime 'enauac de'era, nache Ñim Nataxala' tatoigui naqa'en ana da'am so Jorán so nalolaxa maye qaica ca lata'.

2 Crónicas 21:15

Qataq 'am talec naqa'en ca qalota nalolaxapi. Qataq taigui naqa'en na 'arhuel ca 'arhuetaxanaxa, maye qaica ca lata', nache ivitta'a da nnoxotraue'c naua 'ailli'ishi.›»

1 Samuel 5:9

Qalaxaye co'ollaq mashe ime da qanquigaxat, nache Ñim Nataxala' ỹo'ot da lli'iỹaxa se'eso netaigui se'eso huaqta'a't nỹecpi, souaxat da ique'emaqchetec aso nachecai late'e, natcheguemalo naqa'en na lo'oc so ỹepi, qataq so ñaqpiolec.

1 Samuel 5:6

Nache Ñim Nataxala' ỹataqta sa ỹala'ac da iuaxan so lma' ye Asdod qataq som netaleguete soua lauoreu' 'aleu', qataq irolec aso na'agotaqte late'e da ique'emaqchet.

Deuteronómio 7:15

Qataq Ñim Nataxala' ỹataqta qami' ntela'alo qome, saishet da qami' hueque naqa'en na nalolaxasat, qataq na ỹotta'a't napiina maye iuaxanec co'ollaxa so Egipto le'ecpi, nachecata na qami' ipa'agueeta'ape maye huec naqa'en.

Isaías 3:24

Qaq na coraxat qalaq nmeneguet qome ca ỹotta'a't nalolaxapi, qaq na saataxaquipi qalaq nmeneguet ca nañecpi, qaq na no'on qoue qalaq nmeneguet qome da qui'it na nqaic, qaq ana no'on npotopi qalaq nmeneguet ca sansatta nogoxot, qaq da lyac da no'ogoỹaxac qalaq nmeneguet qome ca lque'emaxa souaxat ca lcat dapaqa.

Salmos 78:26

Ñimaye ỹauota'a da la'añaxac da anacot na la'at, chegaqa'ague naqa'en da yo'oxoñi qataq da la'añaxa, da ỹasheerelec naqa'en na 'alhua.

Apocalipsis 14:16

Qaq som nso'ootalec so lo'oc na piguem, nache iquesoxoñi so lpetegaxanaxat da yaqto' nqat ana ala na nañiguishec maye huetalec ana 'alhua.

Deuteronómio 28:35

Qataq Ñim Nataxala' ỹo'ot qome da 'am ique'eten aca 'ara'agotaqtepi naua 'arllecte, qataq naua 'archel, qataq 'enauac da 'aro'ocỹaxac icorelec ca nhuetaxanaxa maye qaica ca lata'.

Apocalipsis 13:12

qaq somaye ỹaconeguet co'ollaxa da la'añaxac ỹachegoxoto'ot som hua'auchiguiñi shiguiỹac leguemaxaic, qataq nache do'onataxaatacot somaye. Qaq somaye ỹamaxalec na shiỹaxauapi maye huetalec ana 'alhua da ỹo'oxoren se'eso hua'auchiguiñi shiguiỹac leguemaxaic, maye no'oita co'ollaxa so lta'araic lque'emaxa maye ishettaxa da ilem.

Apocalipsis 14:9

Ime, qataq ca'attalec so lỹa namaxashec piguem le'ec, nataqa'en ỹataqta na'axannec da la'aqtac, 'eeta': «Da huo'o ca ỹo'oxoreetac ñi shiguiỹac leguemaxaic qataq som lqui'i ñimaye qataq da huo'otaq ỹasheeta da qaỹauo'o ca na'anaxat na latap, huo'otaq na lhuaq,

Apocalipsis 16:1

Nache sa'axaỹa so nvilỹaxac ỹataqta alam chegoqtoigui aso no'onaxanaxaqui, da 'eetegalo soua siete namaxa'she piguem lashe', 'eeta': «Qoqui, nache qaucoyeelec ana 'alhua nam huetagui naua ỹomaxaqui' maye naigui dam qaica ca 'ena'am lalemataic Ñim Lo'onatac 'Enauacna.»