Apocalipsis 16:15 - La'aqtaqa Ñim Lo'onatac 'Enauacna 2013

¹⁵ Qaq ỹoqo'oye Ñim Nataxala' 'eeta' da la'aqtac: «Aỹem ñe'eguelaq qom saishet da Aỹem qaỹauotaique, sheeta'am ca cachaxaic da decache ye pe da huo'otaq saishet da qaỹauotaique. ¡Qaq Ñim Lo'onatac 'Enauacna ỹaalec da nqouagaxa cam nache 'eetai' da nlotauec qataq ỹaatrañi naua alogo da yaqto' saishet da qaỹauanalec da huetauec! ¡Qataq qaica ca ncoqtaique!»

Nuevo Testamento Toba Sur

¹⁵ “Qaq ña qauloÿa, aÿim ñanac qom sa ishit da aÿim qaÿauotaique, shiita'am ca cachaxaic. Qaq ÿataqta machiguiñi qome cam nlotauec qataq cam ntela'alo caua alogo, da yaqto' sa ishit da huetauec, nachi na shiÿaxauapi ishit da ilogui da l'oquiaxac.”

Nuevo Testamento Toba Sombrero Negro

¹⁵ Joñe'me Qadejaliaĝanec enaac: “Piiya, jayem auec'achiñe, ñanaequena qomle, qama'le ñejetetauo jena'am ga'me cachaĝaic, qama'le matac ga'me jo'ne nach'e eta't da'me nelotaye, qa'a Dios nelochi'ña joga'me nataq'aen da'me netelalo gaa'me louo qaedi ja jale'tague, qaedi ja qoyauana da'me jo'ne mach'e lepocoĝoc.”

Apocalipsis 16:15 Referans Kwoze

Apocalipsis 3:18

Qaq ỹoqo'oye nagui 'am seqata da Aỹem 'auachegoxoto'ot qome da 'ausheenaxana cam ỹoqta 'eesa da 'am sallaxanec naqa'en. Cha'aye ca Aỹem chegoqo'ot ỹataqta 'eesa da lta'araic da lashiichiỹaxac, 'eeta'am ca oro da ime da nqatelaguec. Da saishet da 'auauotaique da huo'o ca 'ara'agaxa da qouetauec, nache 'auaconegueta naua anogo lapagaxaiqa maye 'am sanema da yaqto' 'aayiñi qataq na lata' naua 'ara'ai'te, da yaqto' ỹoqta 'anauaachiguiñi.

2 Pedro 3:10

Qalaxaye qom ñe'eguelaq So Qarataxala', nache ca lle'eguelaxasoxoc 'eeta'am ca cachaxaic da pa'aigui ca nỹec da decachigui. Qaq que'eca na'a'q na piguem deqat, huetoigui ca lta'araic nllimiaxa maye qaica ca 'ena'am da lchec. Qataq ana huaqaañipi, qalaq qairolec ca norec da qailaxachigui, qataq ana 'alhua qataq 'enauac nam huetalec anamaye deqat.

Mateo 25:13

Nache So Jesús 'enapeco': –Ỹoqo'oye qami' maye qami' ỹapaxaguenataqa, iuen, da nache 'eetai' da qanloitec, cha'aye saishet da qauaỹaañi ca na'a'q qataq ca laloqo' da Aỹem ñe'eguelaq.

2 Corintios 5:3

Qaq qomi' saỹaanaqta da qom souaqta'a yemaye, nache ỹataqta qomi' qanpaxattaleguete.

Marcos 14:38

Saishet qome da qauo'oche; qanqouagaxauñi yaqto' ishet da qauataiỹa'aguet da qañe'eguenataguiiqui maye saqaỹapeque. Qami' qauauoitaique da qauo'oche ca ỹaỹamaqchiguiñi, qalaxaye sa qauañoxoche da ndotec da maiche qara'añaxaqui.»

Hechos 20:31

Qaq maxatchaxa qome, qanloisheguem, qauennachiỹo' qome soua tres vi'iye, da ica'n naua na'axa'te qataq naua pe' da qami' seqattegalo, ñeỹeetalec ñi 'oonolec da qoñiita.

1 Ts 5:6

Ỹoqo'oye iuen da ỹataqta ñeloqtec, saỹamaxataqchiguiñi da qoyecỹaxac, qataq saishet da leetapigui ye qarhuel da shenaqta'am na laỹepi shiỹaxauapi.

Lucas 21:36

Qaq qami' ỹataqta qanaỹamaxacheetai' qome qataq qoquiito'oto naua na'axa'te da qanqouagaxauñiitac, yaqto' ishet da qami' ỹe't, qom ivita da yo'oq 'enauac ne'enapi, qataq yaqto' ishet da qanachaxañeeua'a qom nvi' na Shiỹaxaua Llalec.

Mateo 26:41

Saishet qome da qauo'oche, nachaqrata da qanqouagaxauñi, yaqto' ishet da qauataiỹa'aguet da qañe'eguenataguiiqui maye nayeetai'. Qami' ỹataqta qami' lhuotte' da qauo'oche ca ỹaỹamaqchiguiñi, qalaxaye saishet da qauañoxoche da qauroilec da maiche qara'añaxaqui.»

Isaías 47:3

yaqto' qaimeten da 'aro'ocỹaxac maye huetauec, aja', ỹataqta imauec qome da qaỹauaachigui da 'aro'ocỹaxac qom qouetauec, cha'aye Aỹem sepalaique ivi', nache qaica ca sechoxoreetac.

1 Pedro 4:7

Mashe nayeeta'a ye loga't 'enauacna. Qaq ỹoqo'oye ỹataqta qanloitec, qataq ỹataqta sa qauasaguiyi da qanqouagaxauñiitac.

Ezequiel 16:37

Qaq ỹoqo'oye Aỹem, llaỹona't qome 'enauac nam 'ancachaxauapi, nam ỹo'ot co'ollaxa da 'aramaicỹaxac, qataq 'enauac nam 'arauotaxatpi co'ollaxa, qataq nam 'arquiỹaxatpi, llaỹona't qome namayepi da 'am laponeua'a, yaqto' ỹauaachigui 'enauac da 'aro'ocỹaxac da huetauec.

Habacuc 2:15

¡Qaq choxoraxaso' 'am maye 'autaqchet naxa na 'arhuoreuapi, 'anỹomaxaatapigui na lataxa maye 'aualecneguet na deshenataxan, da yaqto' 'aue'enai', nache 'aumeteetac da huetauec!

Oseas 2:3

Cha'aye da saishet da ỹaxaañi de'era, nache so'orauec qome, qataq saleeta'ague ñaqa'en 'eeta'am so na'a'q co'ollaq ñiguiñi. Huaña nache 'eeta'am ñaqa'en ca toolec 'alhua, qataq ca deqaqta 'alhua, huaña nache ilem ñaqa'en na laquip.

Éxodo 32:25

Nache so Moisés co'ollaq ila'a da se'eso Israel le'ecpi qaica ca 'eco' ỹaueca'aguet, cha'aye so Aarón sa ỹaỹaten co'ollaxa da ilo'ogue somayepi. Nataqa'en tachigui lauel da huo'o qome da le'enaxanaxac so npa'aguenaxauapi se'eso nhuo' le'ecpi.

1 Ts 5:4

Qalaxaye qami' qarqaỹa't, saishet da qoviitaigui da qane'enaxaqui yaqto' que'eca na'a'q maye lviraxaqui So Qarataxala', saishet da qami' ique'elaxa't, 'eeta'am cam cachaxaic.

Apocalipsis 3:11

Qaq Aỹem saqaỹaloq da ñanac. Qaq ỹoqo'oye qoqueto'ot da 'aua'amaqteetac Aỹem, yaqto' saishet da huo'o ca ỹacona ca 'ansheetenaxat.

Apocalipsis 22:7

«¡Ỹataqta qana'axaỹaxañiichiguiñi! ¡Aỹem saqaỹaloq da ñanac! Qaq Ñim Lo'onatac 'Enauacna ỹaalec da nqouagaxa cam ỹalaxalec de'era na'aqtaxanaxac maye nanettalec ana'ana nere.»