Apocalipsis 16:13 - La'aqtaqa Ñim Lo'onatac 'Enauacna 2013

¹³ Huaña, nache sauaachigui na alap so shiguiỹac leguemaxaic maye 'eeta'am na na'araxanaq, qataq na alap som lỹa shiguiỹac leguemaxaic, qataq na alap som 'eetega da la'aqtaxanaxanec Ñim Lo'onatac 'Enauacna qalaxaye saq 'en da chegoqtoiguilo soua tres na'añaxaco saq cha'alo maye qauema, 'eeta'ama ana miỹo.

Nuevo Testamento Toba Sur

¹³ Huaña, nachi sauaachigui na alap so 'ico' da'ail'oc, qataq som shiguiÿac, qataq som 'eetega da l'aqtaxanaxanec ñi Dios, da chigoqtoiguilo soua n'eco leguemaxaiqa, 'eeta'ama ana miÿo.

Nuevo Testamento Toba Sombrero Negro

¹³ Ua'a qama'le jauana na'me nedegaĝat ñe'me ñaĝadiaq polio', nataq'aen na'me nedegaĝat ñe'me jiyac polio' choqona'me nedegaĝat ñe'me jo'ne ja eja da'me lapaĝaguenataĝanaĝac, da'me chiyaqauelo jaa'me tres nepaqa'li jo'ne paĝachiguilo, da'me 'loyaĝa'j jo'ne ena'am jana'me petayo.

Apocalipsis 16:13 Referans Kwoze

Apocalipsis 19:20

Qaq se'eso shiguiỹac leguemaxaic noxonec, nataqa'en so 'eetega la'aqtaxanaxanec Ñim Lo'onatac 'Enauacna qalaxaye saq 'en maye ỹo'ottac na na'anecpi sa qaỹauanapega, da yaqto' qaỹa'amaqten so shiguiỹac. Qaq se'eso 'eetega da na'aqtaxanaxanec irolec nam saq qaỹauanapegapi da ỹatenachet 'enauac nam nasheeteguet aso la'anaxanaqte so shiguiỹac leguemaxaic, qataq ỹo'oxoreetac so ne'enaqtac maye lqui'i somaye. Qaq se'eso shiguiỹac qataq som 'eetega da na'aqtaxanaxanec, soomaye nache nca'altraue'c qanqa'en da qaỹasaxayingui so lta'araic norec maye huaña da ỹavictac na quiquiaxaraic.

Apocalipsis 20:10

Qaq so pa'aguenataxanaxaic maye ỹatenachet somayepi, qaỹasaxangui so lta'araic norec maye huaña da ỹavictac na quiquiaxaraic, som huaña da qaỹasaxangui co'ollaxa so shiguiỹac leguemaxaic qataq so 'eetega da la'aqtaxanaxanec Ñim Lo'onatac 'Enauacna qalaxaye saq 'en. Huaña, nache huo'o da nque'eenaxac somayepi chochaq tatec ye na'a'q qataq ye pe.

Apocalipsis 18:2

Somaye ỹataqta alam da lavilỹaxac, detaqtac, 'eeta': «¡Chaxan lshegue, qaq noxonec yem lta'araic nỹecpi le'enaxat Babilonia! Qaq yemaye lma' nagui na saqcha'a na'añaxacpi, qataq nqañoxotaqa' nam saqcha'a na'añaxacpi maye qauemaicpi, qataq lpata'c na ỹotta'a't maỹopi qataq lauac na shiguiỹacpi maye qarqaigaxat qataq saishet da sacheguenaq.

Apocalipsis 16:14

Qaq soomaye nachesoua soua saq cha'alo na'añaxaco maye qauemaiqa, maye ỹo'ottac na na'anecpi maye ỹo'ot da na'aalaxa. Qaq soomaye huenoxoore'c, da yaqto' laỹona't 'enauac na nta'alpi maye huetalec ana 'alhua, da yaqto' delogui' Ñim Lo'onatac 'Enauacna maye qaica ca ỹaqalanapec. Qaq damaye ỹo'ot qom ivita que'eca na'a'q da Ñim Lo'onatac 'Enauacna nmit 'enauac na huetalec ana 'alhua.

Salmos 105:30

Qataq 'enauac ye Egipto nlaqtelec ana miỹo, nache iviraigui na pa'auo naua lma'ate so nta'alpi.

Salmos 78:45

Qataq namaxa aso ncoga da chec namayepi, qataq ana miỹo da nlaxaañi namayepi.

Mateo 7:15

¡Qarvichiỹa'aguet nam tenataxanaxaicpi maye 'eetega da la'aqtaxanaxanecpi Ñim Lo'onatac 'Enauacna! Namayepi qami' naỹalo, nache ỹe'enaxat da lataxac ana qagueta, qalaxaye na pa'auo 'eeta'am da lataxac na shiguiỹac maye dequi'iỹapec.