Apocalipsis 16:10 - La'aqtaqa Ñim Lo'onatac 'Enauacna 2013

^10-11 Qataq jec so lỹa namaxashec piguem le'ec da icorelec so huetagui aso ỹomaxaqui so nso'onqa' so shiguiỹac leguemaxaic, nache da lo'onataxanaxac somaye ỹataqta napalñi. Nache na shiỹaxauapi ỹataqta inaiguilo naua lachaqa'ate, souaxat da nqui'ic, cha'aye na lquesaxa nachena na ỹo'ot da lta'araic nqui'ic. Qalaxaye ñaqaiyeta saishet da ỹaxaañi da ỹo'ottac na qauem, nachaqrata da dalemataỹa Ñim Lo'onatac 'Enauacna, souaxat da nqui'ic; ¡ỹataqta sa iyacnapec da detaqtega Ñim Lo'onatac 'Enauacna maye neto'ot na piguem!

Nuevo Testamento Toba Sur

¹⁰ Qataq jec so lÿa namaxashic da icodelec so nso'onqa' so shiguiÿac, nachi 'enauac nam ilotague' somayi ÿataqta napanñi. Nachi na shiÿaxauapi ÿataqta inaiguilo naua lachaqa'te, souaxat da nqui'ic.

Nuevo Testamento Toba Sombrero Negro

¹⁰ Joñe'me cinco jogaa'me piyem laje' laqaya' yecodelegue ga'me le'ec jaga'me yomaĝaiqui jo'ne mach'e loqote ga'me neta'ña ga'me lejaliaqa' ñe'me jiyac polio', qama'le da'me lejaliaĝa male 'uo da'me 'lalaĝa. Chane'eja jena'me jiyaĝadipi male nach'e ena'am da'me yipaĝachidegue na'me lachaĝa't queda'me 'uo da'me layaliaqa'.

Apocalipsis 16:10 Referans Kwoze

Apocalipsis 9:2

Qaq co'ollaq asomaye da ỹauatoigui so lasom so ñegueuo maye taỹaña ca ncoñetaxanaqa', nache chegoqchiguingui se'eso auac so 'eeta'am na lmala'q ana late'erai nqatelaxanaxaqui, qaq se'eso lmala'q, nache napalñi naqa'en, cha'aye ỹapolec añi nala'.

Mateo 8:12

Qalaxaye nam hua'auchiguiñi ncoyeguenatacpi maye ỹalegueua'actaxa da lo'onataxanaxac Ñim Lo'onatac 'Enauacna, namayepi qaỹasaxauga ca napalaxa. Huaña da ỹataqta nỹen souaxat da nqui'ic qataq inaga't naua lhue souaxat da lcolanaxa.

Apocalipsis 18:23

¡Qataq saishet da qaltaq ỹe'eguelaxalec da icoỹarelec 'am na le'eraxa aca ncoỹaraxanaxaqui, qataq saishet da qaỹa'axaỹa ca ntonaxac cam hueta'a ca naronaxac! Cha'aye nam 'armenaxanaxanecpi namayepi co'ollaxa ndotec na 'añaxaicpi da huetalec ana 'alhua, qaq 'am ỹataqta 'auatenachet co'ollaxa da 'arolec da 'aye'eyaqnataxanaxac 'enauac na ỹotta'a't shiỹaxauapi.»

Apocalipsis 17:17

Qaq Ñim Lo'onatac 'Enauacna ỹasheetema se'esoua diez nta'al da ipaqueelec da ỹo'ot da maiche iuennatega co'ollaxa Ñimaye. Ỹoqo'oye ỹo'oteque da 'oonolec da lhuennataxa'c soomaye, da yaqto' ỹanema da la'añaxa'c so shiguiỹac leguemaxaic. Qaq huaña, nache soomaye ỹalaxareguet so shiguiỹac leguemaxaic, choche ivitta'a da ipacchigui 'enauac nam 'eetapeguecpi Ñim Lo'onatac 'Enauacna.

Mateo 22:13

Nache so nta'a ỹamaxalec so lamaxashecpi, 'eeta': ‹Qaucoñiyiỹa't naua lchel qataq naua lhua'q, nache qauasaqaiuga ye napalaxa, yem huaña da na shiỹaxauapi ỹataqta nỹen qataq inaga't naua lhue da nqui'ic.›

Apocalipsis 18:21

Ime, nache so 'oonolec namaxashec piguem le'ec maye ỹataqta qaica ca 'ena'am da la'añaxac, somaye ỹacoosop so coma' lta'araic maye 'eeta'am na namaicnaxanaxat, nache ỹasaxangui aso auaxai, nache 'eeta': «'Am Babilonia, 'am ỹataqta lta'araic da 'ara'añaxac, ¡'Era qome da 'eetec da 'am qailaxachigui, nache saishet qome da qaltaq 'am qaila'a!

Lucas 13:28

Huaña, nache qami' qanỹiñiitac qome qataq qaunaquiỹa't naua qarvilli' souaxat da qarhuogoqoi, qom qauloỹa'a ca Abraham, Isaac, Jacob qataq 'enauac som la'aqtaxanaxanecpi Ñim Lo'onatac 'Enauacna, qom huetaigui da lo'onataxanaxac Ñimaye. Huaña, nache qami' qaỹamaqraue'c.

Mateo 24:51

nache ỹauo'o ca nhuaxanaguec camaye, 'eeta'am naqa'en da nhuaxanaguec 'enauac nam namaxashecpi maye ỹatenachet ca na'aco'. Huaña, nache nỹeetac, qataq ỹataqta inaga't naua lhue da nqui'ic.

Salmos 78:49

Ñim Lo'onatac 'Enauacna namaxa somayepi da lta'araic layeloxo, qaq de'era lalemataic, lhuaxanaxanaxac, que'eenaxac, damaye 'eeta'am ca na'aqtaxanaxanec, maye ỹa'axatta'aguet na que'eenaxaguesat.

Apocalipsis 17:9

Qaq da yaqto' qaỹaỹaten de'era, qalaq qaiuen ca naỹaanec: se'esoua siete lqaigo, soomaye naiguilo naua siete qaỹoqotcheguemeque 'alhuaye maye nso'ootaleguete asa'aso 'alo, qataq nataqa'en naiguilo naua siete nta'al.

Mateo 13:50

Nache na qauemaicpi qaỹasaxaña ca nhuaxanaqa' na 'etaxaloxoicpi. Huaña, nache nỹeetac qataq ỹataqta inaga't naua lhue, souaxat da nqui'ic.»

Mateo 13:42

Qaq na ỹamaxashecpi ỹasaxaña namayepi que'eca nhuaxanaqa' na 'etaxaloxoicpi, huaña nache ỹaguec da nnoinaxac qataq inaga't naua lhue da nqui'ic.

Apocalipsis 18:2

Somaye ỹataqta alam da lavilỹaxac, detaqtac, 'eeta': «¡Chaxan lshegue, qaq noxonec yem lta'araic nỹecpi le'enaxat Babilonia! Qaq yemaye lma' nagui na saqcha'a na'añaxacpi, qataq nqañoxotaqa' nam saqcha'a na'añaxacpi maye qauemaicpi, qataq lpata'c na ỹotta'a't maỹopi qataq lauac na shiguiỹacpi maye qarqaigaxat qataq saishet da sacheguenaq.

Apocalipsis 11:10

Qaq 'enauac qome nam shiỹaxauapi maye huetalec ana 'alhua ỹataqta huo'o da ntonaxac qome da ilota'alo caamaye qom mashe ileu', nache ỹauo'o ca ntonaxac namayepi da qantootaleguete da l-leuqa't. Qaq souaxat da ntonaxac, nache ñi 'oonolec ỹamaxa ca lachetaqtaxanaxat ca lỹa, cha'aye ỹataqta lta'araic naqa'en co'ollaxa da nque'eenaxac na shiỹaxauapi se'esoua dos na'aqtaxanaxanaqa.

Apocalipsis 11:8

Nache da lo'ocỹaxa'c caamaye qaỹachetrangui na laiñi so nqa'aic lta'araic ye nỹecpi maye huaña co'ollaq qaỹalauat So Qarataxala' qaiuaxaneguet so npe'enaxaqui. Qaq na shiỹaxauapi ỹamata'ac yi'iye nỹecpi da naigui naqa'en da Sodoma qataq Egipto.

Apocalipsis 11:2

Qalaxaye saishet qome da 'analoqten ye nqasoxoc añi no'onaxanaxaqui, cha'aye yi'iye ndaqa' sanem nam saishet da ỹa'amaqten Aỹem. Namayepi ilo'ogue qome ye Jerusalén iviraxattre'c caua tres vi'iye qataq laiñi ca lỹa vi'i.

1 Pedro 2:17

Nachaqrata da ỹataqta huo'o naq 'enec qanqa'eñi 'enauac na shiỹaxauapi qataq ỹactec qanqa'eñi da qarauotaxanaqtaiqui nam ỹa'amaqten So Jesús. Qavio'oxoyiñi Ñim Lo'onatac 'Enauacna qataq huo'o naq 'enec qanqa'eñi ñi lataxala' na nta'alpi maye netaña ye nỹecpi ye Roma.

Apocalipsis 8:12

Qaq so pa'atec soua cuatro namaxa'she piguem lashe' co'ollaq ỹashiiyigui aso lasheere, nache 'om na laỹe añi nala' qataq ñi ca'agoxoic qataq na huaqaañipi qaileguemaxat, nache saishet da 'eroigui. Qaq ỹoqo'oye huo'o na huaña na yo'oqchiguiñi, qaq ñi ca'agoxoic qataq ana huaqaañipi saishet da 'eroigui ye pe.