Apocalipsis 15:4 - La'aqtaqa Ñim Lo'onatac 'Enauacna 2013

⁴ 'Am Ita'a, 'enauac da huo'o naq 'enec qanqa'en 'am qataq 'am qaỹo'oxoreetac, cha'aye 'am 'oonolec da 'am qui'itta. 'Enauac na ỹotta'a't shiỹaxauapi ana 'alhua, anac da 'am ỹo'oxoren, cha'aye ỹaỹateeta da 'am ỹataqta no'on da 'arataxac.»

Nuevo Testamento Toba Sur

⁴ Qaq ¿negue'tom cam sa ishit da saq huo'o ca 'enec naq'en 'am, 'am qadataxala'? Qataq ¿negue'tom ca saq 'am ÿi'oxoden? Cha'ayi nachaq'amta da 'am qui'itta, qaq 'enauac qome na ÿotta'a't shiÿaxauapi anac da 'am ÿi'oxoden. Cha'ayi ÿataqta qaÿauaachigui da sa ishit da 'anpe'enai' da 'anmit ca lataxac.

Nuevo Testamento Toba Sombrero Negro

⁴ Am Jaliaĝanec, ¿jach'e jogamaĝa yaqanatet ta'le ja am 'te t'oiya? ¿Jach'e jogamaĝa ja am 'te 'nonaĝachichigui? Qa'a naqa'am jo'ne am Onolec da'me ja am 'te 'nalegue; Ena'uaque naa'me noyaqa let'adayaqa na'taquena qomle, Qama'le am 'nonaĝachidegue, Qa'a da'me adec'atenaĝanaĝac joote aualoĝon Nataq'aen da'me qonauachigui yema.”

Apocalipsis 15:4 Referans Kwoze

Salmos 86:9

'Am Nataxala', 'enauac na ỹotta'a't shiỹaxauapi maye 'aro'onatacpi, anac qome da 'am natamnot qataq ỹo'oxoreetac da 'are'enaxat.

Malaquías 1:11

Cha'aye ỹataqta 'enauac na ỹotta'at shiỹaxauapi ana 'alhua, ỹataqta huo'o naq 'enec naqa'en Aỹem; qataq 'enauac na pa'aiguelo da qaỹavigaxat na nchenaxanaxat da qaỹo'oxoren da ỹe'enaxat, qataq Aỹem qandoua'a ana no'on nachetaqtaxanaqte.

Jeremías 10:7

¿Negue'tom ca saishet da 'am ñi'iỹa, 'am Nta'a maye 'aulotague' na ỹotta'a't shiỹaxauapi? 'Am maye 'aiguet da huo'o naq 'enec qanqa'en. Cha'aye 'enauac na ỹaanaxanaxaicpi qataq na nta'alpi ana 'alhua qaica ca 'eeta'am 'am.

Salmos 22:27

Qaq tachigui lauel qome Ñim Nataxala' nache ỹe'eguelaxa Ñimaye 'enauac na ỹotta'a't shiỹaxauapi maye neta'alo naua loga'te ana 'alhua. Qataq 'enauac na llalaqpi na ỹotta'a't shiỹaxauapi da ỹa'aldoto qome naua l-llecte Ñimaye.

Apocalipsis 11:15

Nache so pa'atec soua siete namaxa'she piguem lashe', ỹashiiyigui aso lasheere, nache na piguem chemqot so ỹataqta lamaxaraic nvilỹaxac, 'eeta': «Ñim Qarta'a maye Lo'onatac 'Enauacna qataq Ñi Lca'aguishec, mashe ilo'ogue 'enauac ana 'alhua. Qaq da lo'onataxanaxac, damaye chochaq tatec.»

Apocalipsis 14:7

Somaye ỹataqta na'axannec da la'aqtac, 'eeta': «Ỹataqta huo'o naq 'enec qanqa'eñi Ñim Lo'onatac 'Enauacna, qataq qavio'oxoyiñi; cha'aye mashe ivita ye laloqo' da Ñimaye nmit na shiỹaxauapi ana 'alhua. Qavio'oxoyiñi Ñim lo'onatac na piguem qataq ana 'alhua, qataq aso auaxai, qataq anam npaxaatasheguem na le'ec 'etaxat.»

Zacarías 14:16

Qaq qom ime de'era, nache 'enauac nam lca'alaxaicpi nam shiỹaxauapi maye deloctague' co'ollaxa nam netaña ye Jerusalén, 'enauaque qome naua vi'iye da natega yemaye da yaqto' natamnot Ñim Nta'a, Ñim Nataxala' maye Qaica ca Ỹaqalanapec, qataq da ỹo'oxoren ye naponaxaqui maye laloxoqui da qanayenaiguilo naua ña'axaqui' 'epaq laue, maye le'enaxat Enramadas.

Isaías 25:3

Qaq ỹoqo'oye na 'añaxaicpi nhuo' le'ecpi 'am ỹo'oxoren qome, qataq nam qauemaic shiỹaxauapi maye netaigui na huaqta'a't nỹecpi 'am ỹalaxaguet qome.

Isaías 45:23

Aỹem, maiche aỹem san da ỹa'aqtac, sachaxanapec co'ollaxa da ỹauegaxanaxac, qaq de'era sachaxanapec ipacchigui qome, qaq 'enauac qome nam shiỹaxauapi da aỹem ỹa'aroto naua l-llectel, qataq Aỹem ỹanot qome da la'aqtac

Apocalipsis 4:8

Qaq ñi 'oonolec se'esoua cuatro shiguiỹa'c qalaq ivi' seis ana laua't ñi 'oonolec, qataq nlaxagui ana la'aitepi qataq saishet da ỹa'axaneguet da lo'onaxanaxa'c ye na'a'q qataq ye pe da 'eetra': «¡Ỹataqta qui'itta, ỹataqta qui'itta, ỹataqta qui'itta Ñim Nataxala', Ñim Lo'onatac 'Enauacna maye qaica ca ỹaqalanapec, maye nache 'eetai' da huo'o, Ñim nca'altauec qataq mashe nayeetai'!»

Zacarías 2:11

Qaq qom nvi' que'eca na'a'q, nache qalota qome na ỹotta'a't shiỹaxauapi nam quegue Ñim Nataxala'. Nache Ñimaye 'enapec qome: ‹Ne'ena ỹotta'a't shiỹaxauapi nataqa'en ỹalamaxatpi. Qaq Aỹem nache qami' sootanguilo qome.›» Qaq huaña qome, nache qauaỹacheñi da Ñim Nataxala' maye Qaica ca Ỹaqalanapec nacheñi ñi aỹem namaq.

Apocalipsis 16:7

Nataqa'en sa'axaỹa so nvilỹaxac chemaqteua'a aso nca'atoxonaxalate, 'eeta': «Aja', 'am Ỹataxala' maye 'Aro'onatac 'Enauacna, qataq qaica ca 'auqalanapec, ne'ena 'arhuaxanaxanaxacpi ỹataqta ỹaỹamaqchiguiñi qataq 'eesa.»

Apocalipsis 19:2

Cha'aye Ñim Lo'onatac 'Enauacna saishet da depe'enaxan da huo'o ye nmit qataq ipagaqchiichigui da 'eesa lataxac. Ỹauo'o da nhuaxanaguec añi ỹataqta lta'araic da lquisheguetaxac maye ỹapaxaguenec 'enauac na huetalec ana 'alhua, da natamnot nam qanatameetacotpi maye saq 'en. Qataq qaỹo'ot da nhuaxanaguec, souaxat da ỹalauat nam lo'onataxanaxanecpi Ñimaye.»

Isaías 26:9

Qaq ỹataqta imauec ye pe da 'am seuennatega, qataq yem ỹataqta pa'auo ivilỹaxac 'am nmittaique. Qaq qom 'anmit ana 'alhua, nache na shiỹaxauapi ỹaỹaten qome da nalochiguiñi lataxac.

Salmos 89:7

'Am maye 'Aro'onatac 'Enauacna ỹataqta huo'o 'archec da 'aualectaigui na qui'itta da lataxac, qataq huo'o da 'ara'amaqchec naqa'en na 'am datato'otpi.

Romanos 15:9

Somaye nataqa'en anac da yaqto' nam saishet da judiopi ỹanot da na'achec Ñim Lo'onatac 'Enauacna souaxat da lauotaxanaqtaic, nache 'enapec ana nere maye huetalec na la'aqtacpi Ñim Lo'onatac 'Enauacna maye 'eeta': «Ỹoqo'oye aỹem 'am sho'oxoreetac da sootangui na ỹotta'a't shiỹaxauapi, qataq so'ootac na no'onecpi maye naigui da 'ayo'oxoyec.»

Oseas 3:5

Qaq qom ime de'era, nache na Israel le'ecpi ñe'eguelaq qome, nache nmitaique Ñim Nataxala' maye Natamnaxala', qataq so David maye lta'a namayepi. Qaq que'ecaua pa'atrec na'axa'te, nache namayepi ỹataqta huo'o naq 'enec naqa'en Ñim Nataxala', qataq da lqouagaxanaqtaic Ñimaye.

Isaías 6:3

Nache ñi 'oonolec soomaye na'axanneque naua la'aqtaqa da detaqtega't, 'eeta': «Qui'itta, qui'itta, ỹataqta qui'itta Ñim Nataxala' maye Qaica ca Ỹaqalanapec. Da llo'oxoyec Ñimaye ỹataqta imattalec ana 'alhua.»

Salmos 111:9

Ỹanem da huesochiguiñi na lalamaxat nhuo' le'ecpi, qataq lapaxañi da chochaq tatec naỹamaxataxac. Da le'enaxat Ñimaye ỹataqta qui'itta qataq chaqaic.

Apocalipsis 6:10

Nache somayepi ỹataqta na'axannec da la'aqtac, 'eeta': «'Am maye 'Aro'onatac 'Enauacna, qataq qaica ca 'auqalanapec qataq ỹataqta 'am qui'itta qataq nache 'eetai' da 'am 'eesa. ¿Chaq lagui da 'auauo'o ca 'arvi' da 'avi'enaxata'aguet nam qomi' ỹalaua't co'ollaxa? Qataq ¿Chaq lagui da 'auo'ot ca nhuaxanaguec namayepi?»

Habacuc 1:12

'Am Nataxala', ¿saisheto' da nache qonetai' da 'anca'altauec, 'Am Ñatamnaxala' maye Qui'itta qataq sa 'ameuo? 'Am Nataxala' maye 'am ipaqtaxanaxat 'am 'aỹa'anem co'ollaxa da la'añaxac nam caldea le'ecpi, da yaqto' namayepi ỹacoolec da ỹo'ot da 'arhuaxanaxanaxac.

Apocalipsis 3:7

Nataqa'en 'auauo'o aca 'ere, nache 'auamaxa ñi namaxashec maye ilotague' nam ỹa'amaqten So Jesús maye netaña ye nỹecpi ye Filadelfia. Qoneta': «Aỹem maye ỹoqta 'eesa da Aỹem Llalec Ñim Lo'onatac 'Enauacna qataq selo'ogue da lo'onataxanaxac co'ollaxa so nta'a David. Da ivita da sauatoigui ca lasom, nache qaica ca ishet da ỹapogui, qaq da sapogui qalaq qaica ca ỹe'eguelaxalec da ỹauatoigui. Qaq nagui ñaq 'ana'axaỹaxana dam 'am sa'axatem:

Salmos 105:7

Ñimaye nacheñi Ñim Nataxala' maye Qanatamnaxala', qaq Ñimaye ilo'ogue 'enauac ana 'alhua.

Salmos 99:9

Qavio'oxoyiñi qome Ñim Nataxala' maye Qanatamnaxala', qataq qaua'ayiỹoto naua qarllectelli' qom qoviita'a añi qui'itta nqasoxonaxa, cha'aye ỹataqta qui'itta Ñim Nataxala' maye Qanatamnaxala'.

Salmos 22:3

Qalaxaye 'am qui'itta, qataq 'am nta'a, maye 'am ỹo'oxoreetac na Israel le'ecpi.

1 Samuel 2:2

¡Qaica ca Qui'itta da 'eeta'am 'Am, Nataxala'! ¡Qaica ca qomi' npaxattaleguete, da 'eeta'am 'am Qanatamnaxala'! ¡Qaica ca lỹa nachaq'amta!

Isaías 60:5

Qaq 'am, qom 'aula'a namayepi nache 'am 'eroigui da 'antonaxac, añi 'arquiyaqte qalaq nlaxagui qome da ntonaxac, cha'aye 'am qanda'a qome nam no'on logoxoshetpi nam shiỹaxauapi maye netalec ana ỹaqauga 'alhuapiole aso auaxai, qataq 'am qoỹanem qome da lsallaxa nam ỹotta'a't shiỹaxauapi.

Jeremías 16:19

'Am Nataxala', maye 'Am ỹa'añaxac qataq aỹem 'ampaxattalec, qataq ỹe'eguenaxaqui da huo'o ye sevireguet lchec, 'am naỹa qome na ỹotta'a't shiỹaxauapi maye chegaqa'alo naua loga'te ana 'alhua, nache 'am 'enapega, 'eeta': «Nachenata nam saq 'en atamnaxala'pi maye qaca ca naigui qataq qaica ca la'añaxac da ỹaconeguet co'ollaxa som hua'au qarta'alpi da lalamaxat.»

Isaías 57:15

Cha'aye Ñim Qaỹoqotcheguemec, Ñim chochaq tatec da nca'altauec maye le'enaxat Qui'itta, 'eeta': «Aỹem maye soota'a ye ỹataqta qaỹoqotcheguemec qataq sa qaishetapec, qalaxaye nataqa'en soota'aguet ca qaica ca la'amaqchec qataq ca huo'o da laquicoxo, nache samem da la'añaxac qataq sa'añaqchet.

Isaías 24:15

Nataqa'en da nala' lliguisheguem qataq na 'alhuapi maye hueto'ot na loigue aso auaxai, ỹo'oxoren qome Ñim Nataxala' maye Natamnaxala' na Israel le'ecpi.

Salmos 99:5

¡Qavio'oxoyiñi qome Ñim Nataxala' maye Qanatamnaxala', qataq qaua'ayiỹoto naua qarllectelli'! ¡Ñimaye ỹataqta qui'itta!

Salmos 97:8

'Am Nataxala', co'ollaq hua'axaỹa de'era ye Sión nache machiguiñi, qataq ye huaqta'a't nỹecpi ye Judá ntootapigui' souaxat naua ỹaỹamaqchiyiñi 'aro'onataxanaxaco.

Salmos 22:23

Qaq qami' maye huo'o naq 'enec qanqa'eñi Ñim Nataxala', ¡qavio'oxoyiñi qome Ñimaye! Qami' maye qauachegoqoiguet so Jacob, ¡qavio'oxoyiñi qome Ñimaye! Qami' maye qauachegoqoiguet so Israel, ¡qanatamñiỹot qome Ñimaye!

Jeremías 5:22

Qaq Aỹem Nataxala', shenapec: ¿Saishet peta'a da huo'o ca shenec qanqa'eñi? ¿Saishet peta'a da qaviloxolli da aỹem qauataito'ot? Aỹem so'ot co'ollaxa na delecpi da loga'tpi ñaqa'en ana auaxai, nam loga'tpi maye ana auaxai saishet da napacalec. Qaq na'aictaxa da dauaxan ana lapaxa qataq dellimigui qalaxaye saishet da napacalec yi'iye loga't.›

Apocalipsis 16:5

Ime, qaq sa'axaỹa som namaxashec piguem le'ec maye hueto'ot da na'añaxac da ilotague' na 'etaxat, 'eeta': «'Am maye 'Aro'onatac 'Enauacna, 'Am maye ỹataqta 'am qui'itta, qataq chochaq tatec da 'anca'altauec qataq ỹaỹamaqchiguiñi da huo'o ye 'arhuaxanaxanaxac.

Apocalipsis 19:8

Ñim Lo'onatac 'Enauacna no'otaxanaxan ỹanaxanaxaangui na no'on nogoxot maye chegaqaigui na lino, ỹataqta qui'itta qataq qashelectapiguiñi da lyac.» Qaq se'esoua nogo maye chegaqaiguilo na lino, naigui dam no'on ỹo'ottac nam lalamaxatpi Ñim Lo'onatac 'Enauacna.