Apocalipsis 14:7 - La'aqtaqa Ñim Lo'onatac 'Enauacna 2013

⁷ Somaye ỹataqta na'axannec da la'aqtac, 'eeta': «Ỹataqta huo'o naq 'enec qanqa'eñi Ñim Lo'onatac 'Enauacna, qataq qavio'oxoyiñi; cha'aye mashe ivita ye laloqo' da Ñimaye nmit na shiỹaxauapi ana 'alhua. Qavio'oxoyiñi Ñim lo'onatac na piguem qataq ana 'alhua, qataq aso auaxai, qataq anam npaxaatasheguem na le'ec 'etaxat.»

Nuevo Testamento Toba Sur

⁷ Nachi somayi ÿataqta n'axannec da l'aqtac, 'eeta': –Ÿataqta huo'o naq 'enec qome qanqashiñi ñi Dios, qataq qavi'oxoyiñi, cha'ayi mashi ivita yi laloqo' da ñimayi nmit na nasouaxashitpi. Qaq qavi'oxoyiñi qome ñim l'onatac na piguem, qataq ana 'alhua, qataq aso auaxai, qataq anam lapelpi mayi npaxaatashiguem na l'ec.

Nuevo Testamento Toba Sombrero Negro

⁷ Qama'le netenec da'me 'laqatac jo'ne eetac: “At'oiya'aguet ñe'me Dios qama'le a'nonaĝachiyegui joñe'me, qa'a male yovita da'me laloqo' da'me ya'uo lec'atenaĝanaĝac. Anetameñiyot ñe'me jo'ne ya'uo di'me piyem nataq'aen jena'me aleua nach'e ena'am joga'me noĝop let'adaic choqoga'me noĝop jo'ne natetajeguem.”

Apocalipsis 14:7 Referans Kwoze

Éxodo 20:11

Cha'aye Ñim Nataxala' ivi' soua seis na'axa'te co'ollaq ỹo'ot na piguem, 'alhua, auaxai, qataq 'enauac nam huetalec ana 'alhua. Qaq co'ollaq ivita se'eso na'a'q siete nache nmatec. Qaq ỹoqo'oye se'eso na'a'q maye nmataxaqui iỹotauga da ỹataqta lalamaxat.

Apocalipsis 15:4

'Am Ita'a, 'enauac da huo'o naq 'enec qanqa'en 'am qataq 'am qaỹo'oxoreetac, cha'aye 'am 'oonolec da 'am qui'itta. 'Enauac na ỹotta'a't shiỹaxauapi ana 'alhua, anac da 'am ỹo'oxoren, cha'aye ỹaỹateeta da 'am ỹataqta no'on da 'arataxac.»

Nehemías 9:6

Qaq huaña, nache 'enauac somayepi natamen, 'eeta': 'Am, maye nache 'amta Nataxala'. 'Am, maye 'aro'onatac na piguem qataq nam ỹataqta pa'asheguem na piguem, qataq 'enauac ana huaqaañipi. Nataqa'en 'aro'onata ana 'alhua, qataq 'enauac na huetalecpi anamaye, qataq aso auaxai qataq 'enauac na huetangui asomaye. 'Am maye 'aỹa'anem da lca'alaxa na 'aro'onatacpi, qaq ỹoqo'oye ana huaqaañipi maye neto'ot na piguem 'am ỹo'oxoreetac.

Apocalipsis 11:18

Qaq nam ỹotta'a't shiỹaxauapi maye saq 'am ỹa'amaqten, ỹataqta dalemata, qalaxaye mashe ivita na na'a'q da 'am 'auauo'o ca nhuaxanaguec 'enauac namayepi 'arolec da lta'araic 'arayeloxo. Qataq da 'anmit 'enauac nam mashe ileu, qataq 'auauo'o ca nsheetenaguec nam 'ara'aqtaxanaxanecpi, qataq na 'aro'onataxanaxanecpi, qataq 'enauac na 'aralamaxatpi, qataq nataqa'en nam huo'o naq 'enec naqa'en 'am; na'aictaxa da huo'otaq 'amaqtaqaicpi huo'otaq qaica ca la'amaqchec; namayepi 'am 'auauo'o ca nsheetenaguec.»

Apocalipsis 4:11

«'Am Qarataxala' maye 'Aro'onatac 'Enauacna; 'am maye 'aiguet da 'am qaỹo'oxoren, qataq da 'am qaiỹaxana qalaq huo'o da 'ayo'oxoyec, qataq ỹo'ot da na'aalaxa da 'ara'añaxac. Cha'aye 'am 'aro'onatac 'enauac nam huo'o; qaq qana'achec cha'aye maiche 'am chegoqchigui namayepi.»

Apocalipsis 11:13

Qaq nache huetoigui da huo'o so lta'araic qalagoxoñi 'alhua, nache ilaxachigui ñi 'oonolec nam diez nỹecpi se'eso lta'araic nỹecpi, qataq ivi' siete mil so ileu shiỹaxauapi. Qaq som lca'alaxaicpi ỹataqta lta'araic da lcolanaxa, nache cheta'ague da ỹo'oxoreetac Ñim Lo'onatac 'Enauacna maye neta'ague da piguem.

Salmos 33:6

Ñim Nataxala' ỹauota'aisalo co'ollaxa naua la'aqtaqa da ỹo'ot na piguem, qataq co'ollaq iquetetec na la'at nache ỹo'ot 'enauac ana huaqaañipi.

Apocalipsis 18:10

Qalaxaye souaxat da lcolanaxa da qaỹauo'o ca nhuaxanaguec da 'eeta'am yemaye, nache ỹataqta qaỹoqteuga qome namayepi, nache 'eeta': «¡'Agai, ỹataqta chaqaic da qouaigui! ¡Ỹataqta 'am choxoraxaso', 'am maye ỹataqta 'am lta'araic Babilonia, 'am maye 'am 'añaxaic! ¡'Eeta'am da 'eetec da nqachegoxoñi ca shiỹaxaua da Ñim Lo'onatac 'Enauacna lhuennataxac da ỹauo'o da 'anque'eenaxac!»

Apocalipsis 16:9

Nache ỹataqta 'enauac da ỹavic na shiỹaxauapi, qalaxaye ñaqaiyeta saishet da ỹe'egueloqot Ñim Lo'onatac 'Enauacna qataq da yaqto' ỹo'oxoren. Nachaqrata da dalemataỹa Ñim Lo'onatac 'Enauacna maye huo'o da la'añaxac da ishet da ỹa'axaneguet se'eso qaica ca 'ena'am da lchec lhuaxanaxanaxac Ñimaye.

Apocalipsis 4:9

Qaq se'esoua cuatro shiguiỹa'c maye nca'altraue'c do'onaxaata'ape qataq ỹaatracot da na'achecỹaxac som nso'ootangui aso so'onaxaqui maye chochaq tatec da nachaalataxac. Qaq so lo'one'c soomaye ỹa'axat da llo'oxoyec qataq da la'añaxac qataq da nacheñi Ñimaye da taiguet da huo'o naq 'enec qanqa'en. Qaq naxa da 'eetec de'era se'esoua shiguiỹa'c maye nca'altraue'c, nache se'esoua veinticuatro nqueroxonqa ỹa'aroto naua l-llectel som nso'ootañi, nache ỹo'oxoreetrac, qataq nqa't naua naro'ol da ỹacho'oto aso so'onaxaqui. Ime, qaq do'onaxa'n soomaye 'eetra':

Salmos 124:8

Da qantaunaguec chegoqo'ot Ñim Nataxala', maye lo'onatac na piguem qataq ana 'alhua.

Hechos 14:15

–¡Qami' ỹalleppi! ¿Ta'ainco' ye nache qoñiitec de'era? Qomi' nache qami' shenaqta'ama, choche qomi' shiỹaxau'. Qalaxaye nachera da huo'omshe ñanaguenaq da qami' shenaqapegalo da qaỹa'axañiiuec na chochena qaica ca naigui, nache qoquiigue Ñim Lo'onatac 'Enauacna maye nca'altauec, qataq lo'onatac na piguem, 'alhua, auaxai qataq 'enauac na huetalecna.

Isaías 40:6

Huo'o so nvilỹaxac, 'eeta': «'Anlamaxaren», nache aỹem senataxan sheeta': «¿Negue't cam sa'axat da ñelamaxaren?» «'Aua'axat da 'enauac na shiỹaxauapi 'eeta'am aca huoue, qataq 'enauac da llo'oxoyec 'eeta'am aca lauoxo maye huetalec na no'onaxa.

Apocalipsis 19:5

Nache sa'axaỹa so nvilỹaxac chemaqtelec som hueta'a aso so'onaxaqui, 'eeta': «¡'Enauac qome da qaỹo'oxoren Ñim Qarta'a maye Lo'onatac 'Enauacna! ¡'Enauac nam huetalec ana 'alhua ỹo'oxoren qome Ñimaye, nam 'añaxaicpi qataq nam qaica ca la'amaqchec, qataq nam do'onataxaatacot Ñimaye qataq nam huo'o naq 'enec naqa'en!»

Oseas 8:1

e'Auashiiyigui qome aca nasheere, cha'aye mashe anacta na vi'ic da naỹa na lma' Ñim Nataxala', souaxat da sa qaipaguelec da ñaỹamaxataxac, qataq qaỹataỹa'agueta naua ỹamaxasoxonaxaco.

Jeremías 10:10

Ñim Nataxala' nacheñi Ñim 'eesa Atamnaxala', Ñim Lo'onatac 'Enauacna maye nca'altauec. Ñim Nta'a maye chochaq tatec. Da dalemata nache cholaxan ana 'alhua, qaq nam ỹotta'a't shiỹaxauapi sa ỹañoxot da dataỹa'aguet Ñimaye.

Isaías 42:12

Ña qaỹa'añim qome da llo'oxoyec Ñim Nataxala', qataq qaua'axacheuec da llo'oxoyec da qoviita'a na ỹaqauga 'alhuapiolec aso auaxai.

Salmos 89:7

'Am maye 'Aro'onatac 'Enauacna ỹataqta huo'o 'archec da 'aualectaigui na qui'itta da lataxac, qataq huo'o da 'ara'amaqchec naqa'en na 'am datato'otpi.

Salmos 36:1

Da lhuennataxac ca 'etaxaloxoic, 'eeta': «Qaica ca 'enec Ñim Nataxala', na'aictaxa da huo'o ca ỹauaachigui.»

Josué 7:19

Huaña, nache so Josué 'enapega so Acán, 'eeta': «'Am ỹalcolec, ñaq huo'o naq 'enec 'anqa'en qataq 'aỹa'anot da 'ayo'oxonnataxanaxac Ñim Nataxala' maye Natamnaxala' na Israel le'ecpi, nache aỹem 'aua'aqtaxanem de'era 'auo'ot. ¡Saishet da aỹem 'oxocheesop!»

Apocalipsis 8:10

Qaq so lỹa namaxashec piguem le'ec can ỹashiiyigui aso lasheere, nache naañi aso huaqaañi late'erai, nalalec so 'oonolec naua tres lpa'axaco na talapi qataq ana npaxaatasheguempi na le'ec. Qaq asa'aso huaqaañi na le'eraxa, 'eeta'am na le'eraxa ana ncoỹaraxanaqte,

Lucas 17:18

Cha'aye yem ya' chegaqa'a ca lỹa 'alhua, ¿peta'a yemaye 'oonolec da ñe'eguelaq da ỹanot da llo'oxonnataxanaxac Ñim Lo'onatac 'Enauacna?

Daniel 8:19

nache aỹem 'enapega, 'eeta': «Aỹem 'am sa'aqtaxanem cam qanayeuaigui qom inoxonec cam huaigui da layeloxo Ñim Lo'onatac 'Enauacna, cha'aye so 'arauanaqchec ỹa'axatta'a cam loga't 'enauacna.

Ezequiel 7:6

¡Mashe nayeetai' ye 'oga't, mashe ivita ye 'oga't! Yem 'oga't mashe nachaañi da 'am naỹa.

Ezequiel 7:2

«Aỹem Nataxala', shenapega 'enauac na na'alhua na Israel le'ecpi, sheeta': Mashe nayeetai' ye 'oga't, mashe nayeetai' ye loga't imauec ana 'alhua.

Isaías 58:1

Ñim Nataxala' aỹem 'enapega, 'eeta': «'Anlamaxaren qome da 'aua'alaq saishet da 'añe'etac, 'ana'axannec da 'arvilỹaxac 'eeta'am 'anqa'en aca nasheere, ỹataqta sa 'auala'ac da qonapega na ỹalamaxat nhuo' le'ecpi souaxat da saỹalaq, nam chegoxoguetpi so Jacob souaxat nam lasouaxashetpi.

Isaías 44:23

¡'Am piguem 'aua'alaq qome da 'antonaxac, souaxat dam ỹo'ot Ñim Nataxala'! ¡Qanlamaxareñi da qaua'alqai qami' maye qoviita'a na ỹataqta pa'aguiñi ana 'alhua! ¡Qami' qasoxonaxapi qataq aviaq, qataq 'enauac ana qo'oipaqpi, qaua'alqaitagui qome souaxat da lta'araic qantonaxaqui, cha'aye Ñim Nataxala' ỹachaxan da llo'oxoyec da isouec na Israel, maye chegoxoguet so Jacob!

Isaías 40:9

'Am Sión maye 'auachetac da no'on na'axaỹaxac 'aunotsheguemec qome añi ỹataqta qaỹoqotcheguemec qasoxonaxa, nache ỹataqta 'anlamaxaren qome da 'aua'axat dam no'on na'axaỹaxac. 'Am Jerusalén, saishet da 'añe'etac da 'ana'axannec da 'arvilỹaxac da 'aua'aqtaxanem ye huaqta'a't nỹecpi maye ỹotta'a't naua nañalo ye Judá, qoneta': ¡'Ena nam Qanatamnaxala'ai!

Isaías 40:3

Huo'o so na'alaxac 'eeta': Qauqataxañeetai' ca nqa'aic maye taalec ye toolec 'alhua da yaqto' llec qome Ñim Nataxala' qauauo'oi ca 'eetegue nqa'aic maye taalec yem qaica ca ñaxaalec 'alhua da yaqto' llec Ñim Qanatamnaxala'.

Salmos 95:5

Qataq lalamaqte nataqa'en aso auaxai, cha'aye Ñimaye maiche ỹo'ot co'ollaxa, qataq ỹauota'ai naua lhua'q co'ollaq ỹo'ot ana 'alhua.

1 Samuel 6:5

Qaq nache, qauo'oche qome ca qare'enaqtaqui, qaue'enaxachiichigui ana na'agotaqtepi qataq ana chegoxonaxapi maye nlaxattapiguiñi na qana'alhuai, qataq huo'o naq 'enec qanqa'eñi Ñim Natamnaxala' ye Israel le'ecpi, shapegueto' qom vi'iiguet naqa'en da qanhuaxanaguiiqui, qataq da nhuaxanaguec nam qanatamnaxala'aipi qataq na qana'alhuai.

Génesis 22:12

Nache so namaxashec piguem le'ec, 'enapega somaye, 'eeta': «Saishet qome da huo'o ca qona'ac na nogotolec, cha'aye mashe saỹaten da 'am ỹataqta huo'o naq 'enec 'anqa'en Ñim Lo'onatac 'Enauacna, cha'aye qaica ca 'ectega da aỹem 'aỹa'anot na 'oonolec 'aỹa'alec.»

Apocalipsis 18:19

Nataqa'en imeeleguete naua lqaigo na alo da ỹachaxan da laquicoxo, nache nỹeetac, qataq na'alaqtapiguiñi, 'eeta': «¡'Agai, ỹataqta chaqaic da qouaigui! ¡Ỹataqta 'am choxoraxaso' 'am maye 'am lta'araic nỹecpi qataq 'am 'añaxaic! Cha'aye da 'arsallaxa nachera da isallaqchet, 'enauac nam nmenaxaicpi maye huo'o ana nnotaxaqui maye quiguingui na 'etaxat. ¡'Eeta'am da 'eetec da nqachegoxoñi ca shiỹaxaua nache 'am qailaxachigui!

Apocalipsis 18:17

¡'Eeta'am da 'eetec da nqachegoxoñi ca shiỹaxaua, nache imeuo so lta'araic 'arsallaxa!» 'Enauac na lo'opi ana notaxaquipi maye quiguingui na 'etaxat, qataq nam nqottauo, qataq nam 'etaxat lo'opi, qataq 'enauac nam nmenaxaicpi namayepi ỹataqta qaỹoqteuga.

1 Pedro 4:7

Mashe nayeeta'a ye loga't 'enauacna. Qaq ỹoqo'oye ỹataqta qanloitec, qataq ỹataqta sa qauasaguiyi da qanqouagaxauñiitac.

Mateo 25:13

Nache So Jesús 'enapeco': –Ỹoqo'oye qami' maye qami' ỹapaxaguenataqa, iuen, da nache 'eetai' da qanloitec, cha'aye saishet da qauaỹaañi ca na'a'q qataq ca laloqo' da Aỹem ñe'eguelaq.

Malaquías 2:2

Qami', da saishet da Aỹem qaualaqaiguet, qataq da saishet da huo'o ca 'enec qanqa'eñi da ỹe'enaxat, nache sauo'o ca qauem qami' taleguete. Qauem ñaqa'en dam qanchoxonnataguiiqui. Qaq masheye da qami' sasaxaleguete da qauem, cha'aye saishet da ỹataqta 'eesa da huo'o naq 'enec qanqa'eñi Aỹem.» Qaq 'era da la'aqtac Ñim Nataxala' maye Qaica ca Ỹaqalanapec.

Salmos 115:15

Qami' ỹanema qome da lchoxonnataxanaxa, Ñim Nataxala' maye lo'onatac na piguem qataq ana 'alhua.