Apocalipsis 14:6 - La'aqtaqa Ñim Lo'onatac 'Enauacna 2013

⁶ Ime, qataq sela'a so lỹa namaxashec piguem le'ec, huaỹotac, queto'ot na piguem. Ỹachetac da no'on na'axaỹaxac maye huo'o naq 'enec qataq qaica ca loga't, da yaqto' da'aqtaxanem 'enauac na ỹotta'a't shiỹaxauapi maye netalec na ỹotta'a't 'alhuapi qataq ỹotta'a't na la'aqtacpi.

Nuevo Testamento Toba Sur

⁶ Ime, qataq sela'a so lÿa namaxashic piguem l'ec, huaÿotac, hueto'ot na piguem, ÿachitac so n'aqtaxanaxac mayi qaica ca loga't mayi chigaqaigui da nca'alaxa, da yaqto' da'aqtaxanem 'enauac nam netalec ana 'alhua ÿotta'a't shiÿaxauapi mayi ÿotta'a't na l'aqtacpi.

Nuevo Testamento Toba Sombrero Negro

⁶ Yem qama'le jauana jo'me piyem le'ec laqaya da'me uayotapelegue di'me piyem laeñi, jo'ne yachitac da'me 'naqataĝanaĝac jo'ne nach'e eta't ja pal, qaedi 'yaĝatema yema joga'me jiyaĝadipi jo'ne neteda'ña jena'me aleua, jo'ne yodapecache naa'me 'laqataqa nataq'aen jogaa'me noyaqa choqogaa'me neqomyaĝaco.

Apocalipsis 14:6 Referans Kwoze

Marcos 16:15

Nache So Jesús 'enapegalo soomaye, 'eeta': «Qanqo'oñiỹa qome 'enauac na ỹotta'a't shiỹaxauapi ana 'alhua, nache qaua'aqtaxañim dam no'on na'axaỹaxac.

Apocalipsis 8:13

Qaq can ime de'era, nache sela'ague so vi'ic huaỹotac, queto'ot na piguem, nache sa'axaỹa so la'aqtac ỹataqta na'axannec 'eeta': «¡Ỹataqta qauem da taỹa'ague 'enauac nam huetalec ana 'alhua, qom ivita da ỹashiiyiguilo caua lasheerel caua lỹa't tres namaxa'she piguem lashe'!»

Apocalipsis 3:10

'Enauac na huetalec ana 'alhua ivireguet qome na lqalaiguesat qataq nque'eenaxacpi. Huaña qome, nache saỹaten ca Aỹem pi'iỹa'a qataq ca saishet da Aỹem pi'iỹa'a. Qaq 'am qalaxaye 'am ñepaxattalec, cha'aye Aỹem 'aualaxaguet co'ollaq 'am shenapega da saishet da 'axanec da 'arpi'iỹaxac Aỹem.

Isaías 51:8

cha'aye namayepi 'eeta'am qome ca nogoxot da ichec na nogoxot lalaxat, qataq 'eeta'am ca qagueta laue da ichec na qoche'lpi. Qalaxaye da ỹauegaxanaxaxac chochaq tatec qome qataq da ica'alaqtaxanaxac nache 'eetai' qome qaica ca loga't.»

Isaías 51:6

Ña qauamachiỹo'ot na piguem, qataq qauamachiỹalec ana 'alhua: na piguem qalaq nlagaxatapec qome 'eeta'am na lmala'q, qaq ana 'alhua qalaq lto qome 'eeta'am aca npoto, qataq na netalecpi anamaye ileu qome 'eeta'am aca 'aỹat. Qalaxaye da ica'alaqtaxanaxac chochaq tatec qome, qataq da ỹauegaxanaxac saishet da huo'o ca loga't.

Salmos 139:24

'aumeten qome da iqauaxac da shectague' ca qauem nqa'aic, nache aỹem 'auauecteuga so nqa'aic maye chochaq tatec.

Romanos 16:25

Ñim Lo'onatac 'Enauacna ishet da qami' ỹo'oteque da ỹataqta qami' 'añaxaiqa da qoviitaigui da dalaxaic achaalataxac maye qomi' ỹanema So Jesucristo. Qaq ỹoqo'oye ¡sho'oxorenaq Ñimaye! 'Era da ỹa'aqtac co'ollaq qami' sa'aqtaxaateguema da no'on na'axaỹaxac qataq co'ollaq qami' sa'aqtaxaateguema So Jesucristo. Qaq damaye nateeteguet dam 'eetapeguec Ñim Lo'onatac 'Enauacna maye qomi' ỹaỹaanaxanaxaneque dam saqcha'a co'ollaq saxanaxa da ỹo'ot ana 'alhua.

Salmos 145:13

Cha'aye de'era 'aro'onataxanaxac chochaq tatec, qataq imattrec naua vi'iye de'era 'aramaxasoxonaxac.

2 Ts 2:16

Ñim Lo'onatac 'Enauacna maye Qarta'a, Ñimaye soxoraic; ỹoqo'oye qomi' ỹauoteque, nache qomi' ỹanema da chochaq tatec qaramaicỹaxac qataq da ỹataqta 'eesa da ñeca'alaxauec. Ñimaye qataq So Qarataxala' Jesucristo seỹaxanoto,

Daniel 9:21

Qaq so ñaq ñatameetac, nache so Gabriel, som aỹem nachaxana co'ollaq huaigui so hua'auñi ỹauanaqchec, somaye anac huaỹotac da naỹa ye soota'a. Qaq da lviraxac somaye, hua'c da huetoigui so laloqo' naxa da qoỹanot Ñim Nataxala' ana nachetaqtaxanaqtepi ye avit.

Apocalipsis 13:7

Nataqa'en qaỹasheetem se'eso shiguiỹac leguemaxaic da iloquiaxan 'enauac nam lalamaxatpi Ñim Lo'onatac 'Enauacna, qataq ivitta'a da 'enauac loxonec. Qataq qoỹami' da la'añaxac da yaqto' maiche ỹoiqueetac 'enauac nam ỹotta'a't shiỹaxauapi maye ỹotta'a't na la'aqtacpi qataq ỹotta'a't na netañapi ana 'alhua.

Hebreos 13:20

Ñim Lo'onatac 'Enauacna ỹo'otec So Qarataxala' Jesús da qaltaq ỹe'eguelaxalec da nca'alec. Qaq So Jesús qalaq 'eeta'am naqa'en da qomi' lalopi qagueta, qaq Somaye qalaq 'eeta'am ca ilotague' aca qaguetapi. Qataq chegoqchiguilo soua ltago'q maye huecolde'c co'ollaq qaỹalauat Somaye, da Ñim Lo'onatac 'Enauacna qomi' naỹamaxatto, qaq da naỹamaxataxac chochaq tatec. Qaq ỹoqo'oye seỹaxaatacot Ñim Lo'onatac 'Enauacna maye hueto'ot da nlagaxayec da qami' nalochiyiñi naqa'en qataq qami' huotaxanaqtaqaiqa. Qaq So Jesucristo qami' itaua'n da imauec da qaualaqaiguet Ñim Lo'onatac 'Enauacna. ¡Qaq So Jesucristo ỹataqta lta'araic da ño'oxonnataguec qataq chochaq tatec da 'enec! Aja', nache 'eetec.

Colosenses 1:23

Qaq ỹoqo'oye qami' iuen da saishet da qaỹa'axañiiuec da qarpi'iỹaxaqui qataq da qanaquitaxaqui, maye qauachegoxochiichigui da no'on na'axaỹaxac maye chegaqaigui da nca'alaxa maye qaua'aqaichigui. Qaq de'era na'aqtac nachera da qaỹa'axattac 'enauaque naua 'aleu' ana 'alhua. Qaq aỹem Pablo nachera da sa'axattac.

Mateo 10:27

Da huo'o ca sa'axat da huaigui na napalaxa, qalaq qaua'axacheeuec qom qoviitaigui ca yo'oqchiguiñi. Qataq da huo'o ca qami' ño'otaxaatoto ỹa'aqtac qalaq qaua'axachem 'enauac na shiỹaxauapi.

Apocalipsis 10:11

Ime, nache aỹem qoỹenapega, qoỹeeta': «'Am iuen da 'aua'aqtaxanem na ỹotta'a't shiỹaxauapi ana 'alhua maye nataqa'en ỹotta'a't na la'aqtacpi qataq da lo'oxoỹaxac, nataqa'en na qalota nta'alpi ana 'alhua dam 'eetapeguec Ñim Lo'onatac 'Enauacna.»

Daniel 4:1

Qaq aỹem nta'a Nabucodonosor, sanem da ỹa'aqtac 'enauac na nhuo' le'ecpi, qataq na ỹotta'a't shiỹaxauapi, qataq na ỹotta'a't naua la'aqtaqa maye netalec ne'ena 'alhua, da sauotaique da namayepi nquictauec da l-lagaxayec.

Ezequiel 1:14

Qaq se'esoua maye huo'o da lca'alaqa' jec naxa, qaltaq ñe'eguela'q, 'eeta'am da layaqchec na nqashelgaxa.

Isaías 45:17

Qalaxaye Ñim Nataxala' nca'alaxatec qome na Israel le'ecpi, irolec da chochaq tatec lca'alaqtaxanaxac, qaq nache saishet qome da ỹe'eguelaxa da huetaigui da la'aloxo, qataq da qaica ca la'amaqchec.

Salmos 119:142

Naua nalochiyiñi lataxaco maye 'auo'o't chochaq tatrec, qataq naua 'arqataxaco ỹataqta 'eesora.

2 Samuel 23:5

Qaq ỹoqo'oye Ñim Lo'onatac 'Enauacna, qaica naqa'en ca iraxaatapigui' na ỹalaqpi cha'aye Ñimaye aỹem ỹo'otec da qaica ca loga't naỹamaxataxac, ỹataqta ỹaỹamaxatchiguiñi qataq ỹataqta 'eesa. Qataq Ñimaye nañaxat naqa'en da ica'alaxa, qataq ipacchigui naqa'en na sheetapeguecpi.

Isaías 40:8

Ana huoue deqaqa qaq ana lauoxo qalaq deqat da lyac, qalaxaye naua la'aqtaqa Ñim Qanatamnaxala' nache 'eetai'salo, chochaq tatrec.»

Génesis 1:6

Huaña nache Ñim Lo'onatac 'Enauacna, 'enapeco': Huo'o ca pa'asheguem na'atchiguiñi npaxatta'aguet na 'etaxat, da yaqto' dos naua lpa'axaco.

Isaías 6:2

Qaq so pa'asheguem Ñimaye qalaq huetra'a soua serafines, qaq ñi 'oonolec soomaye ivi' seis soua laua't, qaq soua dos nache ỹapotragui na lashec, qaq soua lỹa't dos nache ỹapotaleguete naua lapia'ate, qaq soua lỹa't dos qalaq nachesoua soua huaỹota'ape naqa'en.

1 Pedro 1:25

qalaxaye da la'aqtac Ñim Nataxala', saishet da huo'o ca loga't.» Qaq de'era na'aqtac nachera da no'on na'axaỹaxac maye qami' ỹapaxagueneque So Qarataxala' Jesucristo.

Apocalipsis 5:9

Qaq 'enauac somayepi ỹo'ootac de'era dalaxaic no'onec maye 'eeta': «'Am 'oonolec da 'aiguet da 'auacona ara nere qataq 'anqa't naua na'anaxanaqtel maye qaiuaxaataleguete aramaye. Cha'aye 'am qaỹalauat co'ollaxa, qaq soua 'artago'q, nache chegoqchiguilo da 'anca'alaxatec da lalamaxat 'anqa'en Ñim Lo'onatac 'Enauacna 'enauac na ỹotta'a't shiỹaxauapi, maye ỹotta'a't naua la'aqtaqa.