Apocalipsis 14:5 - La'aqtaqa Ñim Lo'onatac 'Enauacna 2013

⁵ cha'aye ỹataqta saishet da nauane' da datenataxan, huo'otaq da ỹo'ot ca qauem.

Nuevo Testamento Toba Sur

⁵ Qataq somayipi ÿataqta sa ishit da nauane' da nauoigui na alap ca latenataxanaxac. Qaq ÿataqta qui'itta somayipi, ÿoqo'oyi hueta'a cam nso'onqa' ñi Dios.

Nuevo Testamento Toba Sombrero Negro

⁵ Ja qodomachiya gamachaqaega noqovinaĝanaĝac ta'le nenaĝatedegue, qa'a nach'enaua qaya'te laviyaĝaje't.

Apocalipsis 14:5 Referans Kwoze

Efesios 5:27

Yaqto' qom ivita da nachaalataxaneuo Somaye na 'amqaanataxanaxaicpi, qalaq ỹataqta huo'o da lyacỹaxac, qataq qaica ca lshepaxanaxa, huo'otaq ca 'eco' lvigaxataxa, huo'otaq ca lỹa 'eeta'am de'era. Nachaqrata da ỹataqta qui'itta qataq nalochiguiñi.

Sofonías 3:13

Na no'onañipi maye lca'alaxaicpi nam nhuo' Israel le'ecpi, saishet qome da ỹo'ot na saỹaỹamaxañi lataxacpi, qataq saishet qome da ỹa'axattac nam saq 'enpi, qataq saishet da huetaigui na alap ca natenataxanaxac. Cha'aye namayepi qailotague' qome, nache da nmatec qalaq qaica ca ñe'etaique.»

Salmos 32:2

Ỹataqta machiguiñi ca shiỹaxaua maye saishet da qauem ca 'eetapeguec, qataq Ñim Nataxala' saishet da huo'o ca ỹasaxalec lasouaxashet.

Judas 1:24

Ñim Lo'onatac 'Enauacna ishet da qami' ntela'alo da yaqto' saishet da qauo'oche ca qauem, qataq nataqa'en huo'o da la'añaxac da yaqto' qami' nachaalataxaneua'alo cam hueta'a maye qaica ca 'ena'am da llo'oxoyec. Qaq da qanachaacheua'a Ñimaye, qalaq qami' nlaqchiguilo da qantonaxaqui qataq qami' qui'itte', qaica ca qarshepaxanaqai, qoñiita'am ca nogoxot da dalaxaicolec.

Juan 1:47

Nache So Jesús co'ollaq ila'aguet so Natanael da naỹaua'a, nache 'enapega, 'eeta': –'Ena na ỹoqta 'eesa da Israel le'ec, namaye saishet da tenataxanaxaic.

Colosenses 1:22

qalaxaye ỹachegoxotchigui naqa'en da nque'eenaxac qataq da l-leuaxa So Cristo maye ỹacona da lataxac ca yo'oqchigui shiỹaxaua co'ollaxa. Qaq 'eetec de'era Ñimaye, cha'aye nshetaique da qami' nachaalataxaneua'alo cam hueta'a qalaq qami' qui'itte' qataq qaica ca qarshepaxanaqai qataq ca qarasouaxashechi.

Lucas 23:4

Nache so Pilato 'enapega som lataxala'pi nam ntaxaỹaxanaxanecpi qataq som shiỹaxauapi, 'eeta': –Aỹem saishet da huo'o ca sanata lasouaxashet de'era shiỹaxaua.

1 Pedro 3:10

Cha'aye naua nanettaleguete ana nere maye huetalec na la'aqtacpi Ñim Lo'onatac 'Enauacna, 'eetra': «Nam imauec da lquiyaqteỹaxac da huo'o da lyaxa da nca'altauec qataq machiguiñi, nache iuen da ntelañi da saishet da datenataxan, qataq saishet da sa iyacna'ape naua la'aqtaqa da detaqtega ca lỹa;

Mateo 12:34

Nam qauapaxaguenataxañiitapeguec qami' ỹataqta qauem 'eeta'am na lshenataxanaxa na na'araxanaq. ¡Aja' ỹoqta 'eesa! Cha'aye ¿ta'ainco' taxa da qanasaqaiuec ca ỹaỹamaqchiguiñi ye qami' qauemaiqa? Cha'aye da huo'o ca no'on da lataxac, nache nataqa'en 'onaxaiqa naua la'aqtaqa, qataq ca qauemaic, nache nataqa'en ipacchigui da qauema naua la'aqtaqa.

Oseas 10:2

Qaq ne'ena Israel le'ecpi, colaxagui da lquiyaqteỹaxac, qaq namayepi nagui huo'o da lasouaxashet. Ñim Nataxala' ilaxachigui qome ana lca'atoxonaxalatepi namayepi, qataq nlaxaañi nam natamnaxala'pi coma'.

Daniel 6:4

Qaq ỹoqo'oye som nauaatalec so nta'alpi, qataq som nta'alpi, nmittaique co'ollaxa da lataxac da ỹauo'o da lasouaxashet da 'eetega qauem da lo'onataxanaxac da ilotague' yi'iye 'alhua, qalaxaye so Daniel ye ỹataqta ỹaỹamaqchiguiñi da lo'onataxanaxac, nache saishet da qaỹanata ca lasouaxashet, qaq ỹoqo'oye saishet da qaỹañoxot da qoỹaneuo ca lasouaxashet da qaỹataỹa'aguet somaye.

Proverbios 8:8

'Enauaque naua ỹa'aqtaqa ỹataqta ỹaỹamaqchiyiñi, namayepi saishet da ỹalectaigui ca saq 'en.

Salmos 34:13

nache iuen da nllañi ñi lachaxat da sa nasaxauec ca qauem, qataq da sa nasaxauec ca natenataxanaxac.

Isaías 53:9

Qataq qaỹachaua'a na laỹe na qauemaicpi co'ollaq qailareñi, qataq ỹalectaigui na 'etaxaloxoicpi co'ollaq qailareñi, na'aictaxa da somaye sa nauane' da ỹo'ot ca qauem, qataq saishet da nauoigui na alap ca latenataxanaxac.

Salmos 55:11

nache na qauemsat huetaigui namayepi, nache naua nqa'aico qalaq nlaqchiguilo da loquiaxac qataq da natenataxanaxac.

Cantares 4:7

¡Ỹataqta 'am 'onaxaale, 'am ỹoqopitaqte, ỹataqta ivirañi da 'aryacỹaxac, imauec da 'aro'ocỹaxac 'onaxaic! ¡Qaica da huo'otaq huo'o ca sa ỹaỹamaxañi!

Malaquías 2:6

Qaq so Leví dapaxaguenataxanec co'ollaxa da 'eesa lataxac, qataq saishet da nasaxauec ca qauem. Somaye huo'o da l-lagaxayec qataq quetague' da no'on lataxac da Aỹem nnaictague', qataq qalota som ca'ai naqa'en nam qauempi.

Hebreos 9:14

Qaq da 'enauac damaye da 'eesa da huo'o da la'añaxac, nache ỹactec qone' da la'añaxa'c naua ltago'q So Cristo. Cha'aye chegoqchigui som Saqcha'a Na'añaxac maye chochaq tatec, da So Cristo maiche nañanot Ñim Lo'onatac 'Enauacna da 'eeta'am aca nachetaqtaxanaqte maye qaỹavigaxatta qataq ỹataqta qui'itta. Qaq naua ltago'q, nachenaua naua chegoqchiguilo da qomi' qui'itte' qataq chegoqchiguilo da qaỹapalaxa't naua qarasouaxashe'ete qataq da yaqto' ishet da so'onataxanaqot Ñim Lo'onatac 'Enauacna maye nache 'eetai' da nca'altauec.

1 Pedro 1:19

nachaqrata da desheetenaxanalo soua ltago'q So Cristo maye ỹataqta qaica ca 'ena'ama da lya'c. So Cristo co'ollaq qaỹalauat da qaiuaxaneguet so npe'enaxaqui, nache Somaye 'eeta'am ca qoỹaneuo nachetaqtaxanaxat qagueta llalec maye ỹataqta qaica ca lque'emaxa.

1 Pedro 2:22

So Cristo saishet da huo'o ca lasouaxashet, qataq saishet da huo'o ca ỹatenachet.