Apocalipsis 14:19 - La'aqtaqa Ñim Lo'onatac 'Enauacna 2013

¹⁹ Nache se'eso namaxashec piguem le'ec, somaye iquesoxoñi so lpetegaxanaxat da nqat ana ala ana uva maye huetalec ana 'alhua. Ime, nache ỹasaxangui aso late'erai laponaxaqui anamaye, da yaqto' nlom na lli'i. Qaq damaye, nache naigui dam qaica ca 'ena'am lalemataic Ñim Lo'onatac 'Enauacna.

Nuevo Testamento Toba Sur

¹⁹ Nachi se'eso namaxashic piguem l'ec, somayi iquesoxoñi so lpetegaxanaxat da nqat ana ala ana uva mayi huetalec ana 'alhua. Ime, nachi ÿasaxaigui so lta'adaic laponaxaqui, da yaqto' qanlom na lli'i. Qaq damayi nachi naigui dam qaica ca 'en'am da lchiquiaxac lhuaxanaxanaxac ñi Dios.

Nuevo Testamento Toba Sombrero Negro

¹⁹ Joñe'me piyem le'ec male yichaĝalegue da'me ledaĝanaĝat jena'me aleua, qama'le yichaĝadegue jogaa'me lichidiqui joga'me uva jala jo'ne ueta'ñalo jogaa'me nanaĝanaqa'te jena'me aleua. Chane'eja da'me yem da'me qoyichaĝadegue gaa'me uva lichidiqui, qama'le qoyachañguilo jaga'me limaĝañi jo'ne lae't qoyen da'me qoyolaĝachigui joga'me uva jala da'me qoyen dolayi yema, qama'le nach'aga da'me chiyaqayi da'me jo'ne 'nanec 'me lalemataic joñe'me Dios.

Apocalipsis 14:19 Referans Kwoze

Isaías 63:2

Qaq ¿ta'ainco' da togaxaraiqa naua 'ogo, 'eeta'amso' da 'auapetapigui aca uvapi da 'auota'aisalo naua 'arapia'ate?

Joel 3:13

Cha'aye namayepi ỹataqta qauemaicpi, ỹoqo'oye 'eeta'am qome qanqa'eñi na trigo da mashe ỹe nache qauchiqui, cha'aye mashe ivita ye laloqo' da qanqat nam nañiguishecpi, nache ỹataqta dapaxa't qanqa'eñi namayepi, 'eeta'am ana uva da qaỹapigui da yaqto' qaỹo'ot na lataxa.

Apocalipsis 14:18

Qaq aso nca'atoxonaxalate, nache chegoqtelec so lỹa namaxashec piguem le'ec maye hueto'ot da la'añaxac na norec, nache 'enapega so namaxashec lỹa piguem le'ec maye ỹachetac so lpetegaxanaxat maye ỹataqta ỹaxaraic 'eeta': «¡Ña 'aquesoxoñi na 'arpetegaxanaxat maye ỹataqta ỹaxaraic! Ime, qaq 'alapona't ana ltaxale ana uva maye huetalec ana 'alhua, cha'aye anamaye mashe ỹataqta ỹeta.»