Apocalipsis 14:11 - La'aqtaqa Ñim Lo'onatac 'Enauacna 2013

¹¹ Qaq na lmala'q ca norec maye ỹo'ot da nque'eenaxac qalaq nache 'eetai' da ncheteguisheguem, cha'aye nam natameetacot som shiguiỹac leguemaxaic qataq so ne'enaqtac maye lqui'i somaye qataq na qaỹa'an da qaỹa'anaxana da le'enaxat somaye, saishet da vi'iiguet da nque'eenaxac ye na'a'q qataq ye pe.»

Nuevo Testamento Toba Sur

¹¹ Nachi chochaq tatreec naua na'axa'te qataq pesa'chi da nchitapiguishiguem da nhuaxanaguec nam ÿi'oxodeetac som shiguiÿac qataq som n'enaqtac lqui'i, huo'otaq da n'angui da l'enaxat. Nachi ÿataqta qaica ca nmataxac.

Nuevo Testamento Toba Sombrero Negro

¹¹ Jana'me nemala' jo'ne layaliaĝac qoyen nach'e eta't da'me nenoĝojeguem, qaya'te loiquiaqa', qama'le gaa'me pi'yaĝadi choqogaa'me noloqo'ote qaya'te 'nomataĝaiqui' jogaa'me jo'ne netametot ñe'me jiyac polio' uotaĝa jaga'me lequi'i, nataq'aen jogaa'me jo'ne yacoteguet jaga'me 'lanaĝanaqate jo'ne uaye da'me lenaĝat.”

Apocalipsis 14:11 Referans Kwoze

Apocalipsis 19:3

Ime, qaltaq ñe'eguelaxasheguem se'eso sa'aqtega maye ỹataqta alam nvilỹaxac, 'eeta': «¡'Enauac qome da qaỹo'oxoren Ñim Lo'onatac 'Enauacna! Cha'aye na lmala'q nam norec maye ỹavigaxat ayem ỹataqta lta'araic da lquisheguetaxac, chochaq tatec da nchetapiguisheguem.»

Isaías 34:10

Nache saishet qome da 'om ye na'a'q qataq ye pe, qataq nache 'eetai' qome da nchetapiguisheguem. Qataq chochaq tatrec naua vi'iye da qaỹalat qome, nache qaica qome ca ỹe'eguelaxa da ỹa'axasoxoolec yemaye.

Apocalipsis 20:10

Qaq so pa'aguenataxanaxaic maye ỹatenachet somayepi, qaỹasaxangui so lta'araic norec maye huaña da ỹavictac na quiquiaxaraic, som huaña da qaỹasaxangui co'ollaxa so shiguiỹac leguemaxaic qataq so 'eetega da la'aqtaxanaxanec Ñim Lo'onatac 'Enauacna qalaxaye saq 'en. Huaña, nache huo'o da nque'eenaxac somayepi chochaq tatec ye na'a'q qataq ye pe.

Mateo 25:46

Ne'ena shiỹaxauapi maye qauemaicpi ỹaconeguet ca nhuaxanaguec maye saishet da huo'o ca loga't, qalaxaye nam ỹalaxaguet Ñim Lo'onatac 'Enauacna, ỹaconeguet ca nca'alaxa maye chochaq tatec.

Mateo 25:41

Ime, nache shenapega na qauem da lataxac, sheeta': «¡Aỹem qoquiỹa'ai! Cha'aye Ñim Lo'onatac 'Enauacna 'oonolec da iqataxaatapigui' qauem maye qami' taleguete. Qanqo'oñiuga yem chochaq tatec norec maye iqataxaatai' Ñim Lo'onatac 'Enauacna, da yaqto' ỹasaxangui so pa'aguenataxanaxaic qataq nam lamaxashecpi.

Apocalipsis 18:18

Qaq co'ollaq ila'a na lmala'q se'eso lta'araic nỹecpi maye ỹavic, nache ỹa'alaq, 'eeta': «¡Saishet da huo'o ca lỹa lta'araic nỹecpi qataq 'añaxaic da 'eeta'am ye Babilonia!»

Apocalipsis 14:9

Ime, qataq ca'attalec so lỹa namaxashec piguem le'ec, nataqa'en ỹataqta na'axannec da la'aqtac, 'eeta': «Da huo'o ca ỹo'oxoreetac ñi shiguiỹac leguemaxaic qataq som lqui'i ñimaye qataq da huo'otaq ỹasheeta da qaỹauo'o ca na'anaxat na latap, huo'otaq na lhuaq,

Isaías 33:14

Qaq ye Sión qalaq iviloxol na 'etaxaloxoicpi, na qauemaicpi qalaq nlaxagui da lcolanaxa, nache, 'eeta': «Dam shenaqta ¿negue't ca ishet da huetaigui nam norec maye dalaataxanapec, nam lta'araic norec maye chochaq tatec?»

Génesis 19:28

Nache ỹamata'ague da pa'aigue ye Sodoma qataq ye Gomorra, qataq 'enauac so ca'amegue, nache ila'a da 'enauac se'eso 'alhua nchetapiguisheguem na lmala'q, 'eeta'am aca nqatelaxanaxaqui.

Apocalipsis 11:15

Nache so pa'atec soua siete namaxa'she piguem lashe', ỹashiiyigui aso lasheere, nache na piguem chemqot so ỹataqta lamaxaraic nvilỹaxac, 'eeta': «Ñim Qarta'a maye Lo'onatac 'Enauacna qataq Ñi Lca'aguishec, mashe ilo'ogue 'enauac ana 'alhua. Qaq da lo'onataxanaxac, damaye chochaq tatec.»

Apocalipsis 7:12

'eeta': «¡Sho'oxonnaqtac Ñim Qarta'a maye Lo'onatac 'Enauacna! ¡Aja' nache 'eetec! Ỹataqta huo'o da qara'aalaxa da na'aqtaguec qataq da laỹaanec, qataq da lamaxasoxonaxac, qataq da la'añaxac. Sanqot Ñim Qarta'a maye Lo'onatac 'Enauacna da qana'achec, souaxat dam qaica ca loga't llo'oxoyec. ¡Aja', nache 'eetec!»

Hebreos 1:8

Qalaxaye da detaxaỹa So Llalec, qalaq 'eeta': «Da 'aro'onataxanaxac chochaq tatec, qaica ca loga't, qataq 'auo'onataxana da 'ara'añaxac da 'aupagaqchiichigui da 'eesa lataxac.

Salmos 145:1

Aỹem huo'o ñaqa'en da 'ara'amaqchec, 'Am Ñatamnaxala' maye 'am Nta'a, chochaq tatec qome da sho'oxoreetac da 'are'enaxat.

Salmos 10:16

Ñim Nataxala' choche tatec da lo'onataxanaxac da Nta'a, qaq na ỹotta'a't shiỹaxauapi qalaq imeuo qanqa'en ana 'alhua.

Éxodo 15:18

¡Ñim Nataxala' chochaq tatec da ilotague' 'enauacna!»

Apocalipsis 22:5

Huaña, nache saishet da huo'o ca pe. Qaq nam netaña yemaye saishet da iuen aca lcoỹaraxanaxaqui qataq añi nala', cha'aye Ñim Lo'onatac 'Enauacna maye Nataxala' icoỹattalec. Qaq namayepi nache chochaq tatec da lo'onataxanaxac.

Apocalipsis 13:12

qaq somaye ỹaconeguet co'ollaxa da la'añaxac ỹachegoxoto'ot som hua'auchiguiñi shiguiỹac leguemaxaic, qataq nache do'onataxaatacot somaye. Qaq somaye ỹamaxalec na shiỹaxauapi maye huetalec ana 'alhua da ỹo'oxoren se'eso hua'auchiguiñi shiguiỹac leguemaxaic, maye no'oita co'ollaxa so lta'araic lque'emaxa maye ishettaxa da ilem.

Mateo 11:28

Qami' maye nache 'eetai' da qoviitaigui da qarhuogoqoi, qataq da qarachetataiqui. Qauanaiua'a Aỹem yaqto' qami' ñimataxaare'c.

Joel 2:30

qataq sachaxan qome ca lta'araic maye ỹo'ot da na'aalaxa na piguem qataq ana 'alhua, qataq ca ntago'q, norec qataq ca ỹashequitcheguem nmala'q.

Isaías 57:20

Qalaxaye na qauemaicpi 'eeta'am aso auaxai da ỹasheerelec na lta'araic la'at, nache na 'etaxat saishet da namaañi, nache ana lapaxa ilagaxattac na nshaxa qataq na lshepaxanaxa.

Deuteronómio 28:65

Qaq qom ñaq qonetaigui que'eca ỹotta'at shiỹaxauapi nache qaica qome ca 'arlagaxayec, qataq 'anmataxac, cha'aye Ñim Nataxala' 'am ỹo'otec qome da 'arcolanaxa, qataq daquigoi' naua 'ara'ai'te qataq qaica qome ca 'ara'añaxac.

Isaías 34:8

Cha'aye que'eca na'a'q huetoigui qome da Ñim Nataxala' ipalaique lvi', cam vi'i maye huaigui da ỹe'eguelaxateguet qome nam qauempi maye qaỹo'otec co'ollaxa ye Sión.

Daniel 3:6

Qaq 'enauac qome ca saishet da ỹa'alyiñi naua l-llectel da ỹo'oxoren ñi'iñi ne'enaqtac, nache saqaỹaỹaloxon qome da qaỹasaxaigui aca nqatelaxanaxaqui maye 'ettaigui.

Apocalipsis 13:15

Qaq Ñim Lo'onatac 'Enauacna ỹami' se'eso lỹa shiguiỹac leguemaxaic da ishet da ỹami' da lca'alaxa se'eso ne'enaqtac maye lqui'i som hua'auchiguiñi shiguiỹac leguemaxaic da yaqto' ishet da detaqa. Qaq 'enauac nam saishet da ỹo'oxoren se'eso ne'enaqtac maye lqui'i som hua'auchiguiñi shiguiỹac leguemaxaic qoỹaneguet da nalaataguec.

Apocalipsis 13:17

Huaña, nache saishet da huo'o ca desheenaxana huo'otaq da imen cam saishet da hueto'ot asa'aso na'anaxanaqte, huo'otaq som le'enaxat som shiguiỹac leguemaxaic, huo'otaq ye lcata na leraxatpi so le'enaxat somaye.

Apocalipsis 18:9

Qaq ye Babilonia qom nalaqaasheguem na le'eraxa, nache na'alaqtapiguiñi nam nta'alpi ana 'alhua qataq nỹeeteguelec yemaye. Ne'ena nta'alpi 'eeta'am ye Babilonia da ỹo'oxoreetac nam qanatameetacotpi maye saq 'en qataq huetaigui da lta'araic llo'oxoyec.