Apocalipsis 13:2 - La'aqtaqa Ñim Lo'onatac 'Enauacna 2013

² Qaq se'eso shiguiỹac leguemaxaic, 'eeta'am da lataxac na quiyoc, qaq naua lchel, qalaq 'eeta'ama ana potai. Qaq na alap qalaq 'eeta'am na lỹa quiyoc. Qaq se'eso hua'auñi shiguiỹac leguemaxaic maye 'eeta'am na na'araxanaq ỹanem da la'añaxac da damaxasoxonapec se'eso shiguiỹac leguemaxaic maye chegaqangui aso auaxai.

Nuevo Testamento Toba Sur

² Qaq se'eso shiguiÿac mayi sauaachigui, somayi da lataxac 'eeta'am na quiyoc. Qaq naua lchil, qalaq 'eeta'am ana potai. Qaq na alap, qalaq 'eeta'am na león. Nachi se'eso shiguiÿac mayi 'ico' da'ail'oc ÿanem da l'añaxac somayi, qataq aso nso'onaxaqui na nta'a, qataq ÿataqta lta'adaic na namaxasoxonaxacpi ÿanem.

Nuevo Testamento Toba Sombrero Negro

² Jo'me jiyac polio' jo'ne jauana ena'am jena'me quedoc da'me 'loyaĝac, nataq'aen naa'me lapia'te ena'am ta'le potae lapia'te, qama'le jena'me nedegaĝat ena'am ta'le jauaĝaic nedegaĝat. Qama'le ñe'me ñaĝadiaq polio' yanem da'me 'lañaĝac jo'me jiyac polio', choqoga'me lañoqotaĝanaĝac let'adaic qaedi male 'uo da'me lejaliaĝa.

Apocalipsis 13:2 Referans Kwoze

Apocalipsis 20:2

Qaq se'eso namaxashec, somaye loxonec so shiguiỹac maye 'eeta'am na na'araxanaq som la'atchiguiñi, maye ỹo'ot co'ollaxa da qauem somaye le'enaxat nataqa'en da pa'aguenataxanaxaic, nache icoñerai' mil vi'iye.

Apocalipsis 17:12

Qaq se'esoua diez lcoue maye 'auauaachiguilo, naiguilo caua diez nta'al maye saxanaxa da do'onataxa'n; qalaxaye qom do'onataxa'n, nache ivi' una hora da huo'o da la'añaxa'c, qataq ntauneto so shiguiỹac leguemaxaic da do'onataxa'n, 'eeta'am na nta'alpi.

Apocalipsis 12:9

Nachaqrata da qaỹamaqauec se'eso shiguiỹac leguemaxaic maye nacheso som na'araxanaq maye la'atchiguiñi: som le'enaxat da pa'aguenataxanaxaic. Somaye qataq so lamaxashecpi qaỹamaqauec da yaqto' talec ana 'alhua, nache somaye nalemaqte' da ỹatenachet 'enauac na huetalec ana 'alhua.

1 Pedro 5:8

Qataq ỹataqta qanaỹaanaxanaqchiñi, qataq qami' lhuotte' da huo'o ca qaviyeeguet, cha'aye so pa'aguenataxanaxaic, somaye nmittaique ca ishet da ilaxachigui, 'eeta'am ca quiyoc da desoqtac.

Apocalipsis 19:20

Qaq se'eso shiguiỹac leguemaxaic noxonec, nataqa'en so 'eetega la'aqtaxanaxanec Ñim Lo'onatac 'Enauacna qalaxaye saq 'en maye ỹo'ottac na na'anecpi sa qaỹauanapega, da yaqto' qaỹa'amaqten so shiguiỹac. Qaq se'eso 'eetega da na'aqtaxanaxanec irolec nam saq qaỹauanapegapi da ỹatenachet 'enauac nam nasheeteguet aso la'anaxanaqte so shiguiỹac leguemaxaic, qataq ỹo'oxoreetac so ne'enaqtac maye lqui'i somaye. Qaq se'eso shiguiỹac qataq som 'eetega da na'aqtaxanaxanec, soomaye nache nca'altraue'c qanqa'en da qaỹasaxayingui so lta'araic norec maye huaña da ỹavictac na quiquiaxaraic.

Apocalipsis 13:4

Huaña, nache 'enauac qaỹo'oxoren se'eso hua'auchiguiñi shiguiỹac leguemaxaic maye 'eeta'am na na'araxanaq, cha'aye souaxat da ỹanem da la'añaxac da damaxasoxonapec se'eso lỹa shiguiỹac maye chegaqangui aso auaxai, qataq nataqa'en qaỹo'oxoren somaye qoỹeeta': «Qaica ca lỹa da 'eeta'am da la'añaxac ñi'iñi shiguiỹac leguemaxaic maye chegaqangui aso auaxai. Qataq qaica ca ishet da delogui' ñimaye.»

Apocalipsis 12:15

Qaq se'eso shiguiỹac leguemaxaic iquetetec na 'etaxat chegaqaigui na alap, qaq nache chegoqchigui da huo'o so tala da huotaique da huaỹoxon naqa'en asa'aso 'alo.

Apocalipsis 12:13

Qaq se'eso shiguiỹac leguemaxaic, co'ollaq noma da mashe qanasaxaña ana 'alhua, nache icanapec aso 'alo maye cheta'ague da huo'o so llalec.

Apocalipsis 16:10

Qataq jec so lỹa namaxashec piguem le'ec da icorelec so huetagui aso ỹomaxaqui so nso'onqa' so shiguiỹac leguemaxaic, nache da lo'onataxanaxac somaye ỹataqta napalñi. Nache na shiỹaxauapi ỹataqta inaiguilo naua lachaqa'ate, souaxat da nqui'ic, cha'aye na lquesaxa nachena na ỹo'ot da lta'araic nqui'ic. Qalaxaye ñaqaiyeta saishet da ỹaxaañi da ỹo'ottac na qauem, nachaqrata da dalemataỹa Ñim Lo'onatac 'Enauacna, souaxat da nqui'ic; ¡ỹataqta sa iyacnapec da detaqtega Ñim Lo'onatac 'Enauacna maye neto'ot na piguem!

Amós 5:19

Cha'aye 'eeta'am qome ca dataueeguesop ca llon, qalaxaye qaltaq natena'aguet ca oso, huo'otaq ca pa'aigui ca lma' da ỹasheleua'a na lque camaye, nache inac ca 'araxanaq.

Jeremías 13:23

¿Ca lairaxaic peta'a ishet da naralaxat da lo'oxoỹaxac? ¿ca quiyoc peta'a ishet da naralaxat da lchiỹaxataxa? Qaq nache 'eeteque qami' da saishet da qauo'oche ca no'on, cha'aye mashe qauanaiỹa'ac da qauo'ocheetac na qauem.

Jeremías 5:6

Qaq ỹoqo'oye na llonpi maye chegaqaigui na aviaq mpa'auec qome, nache ỹalauat namayepi, qataq na qa'alaqpi maye huetalec na toolec 'alhua qalaq icolaxattac qome namayepi, qataq na quiyocpi iloquiaxan namayepi qom hueta'a na lalamaxat huaqta'a't nỹecpi, qaq cam pa'auec namayepi, nache icolaxattac, cha'aye qalota na lasouaxashetpi qataq qalota da latenataxanaxac.

Isaías 5:29

qaq da desoqo qalaq 'eeta'am ca llon maye desoqtai' da huo'o ca loxonec, qaq da ỹache cam loxonec camaye nache qaica ca ishet da deuotaxanec.

Proverbios 28:15

'Eeta'am ca llon maye desoqtac, huo'otaq aca potai maye nqouaqato, ca qauemaic maye ilotague' na shiỹaxauapi choxoraq.

Proverbios 17:12

Ỹataqta huo'o naq naigui da qanatena'aguet aca potai maye denotegueleguete caua llalqa, qaq saq 'ena'am ca qaica ca ỹaỹaanapec maye ỹo'ottac da no'oopashaxac.

Salmos 22:21

Qataq aỹem 'anca'alaxateeguesop qome naua ala'api na llonpi, qataq aỹem 'eltaxaneguet ana lcouepi ne'ena huacapi.

2 Reyes 2:24

Nache so Eliseo, nqoilec co'ollaxa ỹamata'aguet somayepi, nache ỹauota'a da le'enaxat Ñim Nataxala' da talec naqa'en somayepi so qauem la'aqtac. Huaña, nache ana'c soua dos oso maye chegoqraigui so aviaq, nache ỹataqta icolaxattac so cuarenta y dos se'eso nsoxoppi.

Habacuc 1:8

Qaq ana naloxo na lalo caipi qalaq napacalec ana naloxo ca quiyoc, qataq napacalec da lchec na qa'alaqpi maye huetauga na toolec 'alhua, qataq nam nalleppi maye netalec na caipi ỹataqta nquictauec, nache da ñaq qaỹoqta qalaq ỹataqta ỹachegoxotañi na lalo caipi da nalat, 'eeta'am ca qoỹo lo'o' da decanaxan da yaqto' huo'o ca loxonec.

Amós 3:12

Qaq da la'aqtac Ñim Nataxala', 'eeta': «'Eeta'am ca qagueta lo'o da nhuo' ca llon da deuotaxaneque caua dos lapia'ate, huo'otaq caua ltela lsheeneqa aca qagueta, qaq nache 'eetec qome da qoỹet nam Israel le'ecpi maye netaña na Samaria, nam hua'aqtalec naxa nam na'axasoxola'pi maye ỹataqta no'on maye chegaqa'a ye Damasco.»

Oseas 11:10

Qaq namayepi qome, ca'attague' qome Ñim Nataxala', qaq Ñimaye desoqo qome, 'eeta'am ca llon. Qaq qom desoqo Ñimaye, nache na lalamaxatpi iviloxol qom anac, chegoqta'ague da nala' lliguisheguem.

2 Timoteo 4:17

Qalaxaye So Qarataxala' Jesús aỹem itauan, qataq aỹem ỹami' da ỹa'añaxac da ña sepactelec da sa'axat da na'aqtac maye chegaqaigui da nca'alaxa, yaqto' hua'axaỹa de'era 'enauac na saq judiopi. Qaq nache 'eetec de'era da aỹem nca'alaxateeguesop da loxonaxanaxac nam dequi'iỹapec 'eeta'am ca shiguiỹac.

Apocalipsis 2:13

Aỹem saỹaten da qoueta'a nam nỹecpi maye netaña añi nso'onaxaqui so pa'aguenataxanaxaic. Qalaxaye na'aictaxa da nache 'eetec de'era qalaq nache 'ena'am qoqueto'ot da huo'o da qarpi'iỹaxac Aỹem. Qataq saishet da 'axaañi da Aỹem 'aua'amaqteetac, na'aictaxa co'ollaq da huaña ne'ena nỹecpi maye qoueta'a da qaỹalauat so Antipas, som nache 'eetai' naxa da ỹachaxaata da lpi'iỹaxac Aỹem.

Apocalipsis 13:12

qaq somaye ỹaconeguet co'ollaxa da la'añaxac ỹachegoxoto'ot som hua'auchiguiñi shiguiỹac leguemaxaic, qataq nache do'onataxaatacot somaye. Qaq somaye ỹamaxalec na shiỹaxauapi maye huetalec ana 'alhua da ỹo'oxoren se'eso hua'auchiguiñi shiguiỹac leguemaxaic, maye no'oita co'ollaxa so lta'araic lque'emaxa maye ishettaxa da ilem.