Apocalipsis 13:16 - La'aqtaqa Ñim Lo'onatac 'Enauacna 2013

¹⁶ Nataqa'en damaxasoxoolec da 'enauac na shiỹaxauapi da qaỹauo'o ca na'anaxat na lhuaq aloiguishec huo'otaq na latap. Saishet da qoỹectega da sallaxanecpi huo'otaq choxoraqpi, 'amaqtaqaicpi huo'otaq qaica ca la'amaqchec huo'otaq nam huesochiguiñipi qataq nam nlatacpi, 'enauac iuen da huo'o ca na'anaxat.

Nuevo Testamento Toba Sur

¹⁶ Qaq nataq'en sa ishit da nachaqdata de'eda. Cha'ayi asomayi nataq'en ÿamaxalec da 'enauac nam saq 'amaqtaqpiolec qataq nam 'amaqtaqaicpi, sallaxanecpi qataq nam choxodaqpi, qataq nam sa nlatacpi qataq nam nlatacpi, da yaqto' qaÿauo'o aca n'anaqte na lhuaq aloic, huo'otaq na latap.

Nuevo Testamento Toba Sombrero Negro

¹⁶ Qama'le nach'e ena'am 'uo da'me 'yeteque ena'uaque ga'me jiyaĝadipi, uotaĝa jogaa'me ja 'yaĝayaqa uotaĝa gaa'me 'yaĝayaqa, nataq'aen jogaa'me neuoyaĝadi uotaĝa jogaa'me pioĝoiquipi, nach'e ena'am gaa'me ne'uaqa uotaĝa jogaa'me ja ne'uaqa, da'me yepagaqateteque da'me qoyetet na'me louaq jo'ne yayaten uotaĝa naa'me nepel jaga'me 'nanaĝaijete,

Apocalipsis 13:16 Referans Kwoze

Apocalipsis 20:4

Qaq can ime, nache sela'a aso so'onaxaquipi. Qaq asomayepi nso'ootangui som qaỹalauatpi co'ollaxa, souaxat da saishet da ỹaxanec da lpi'iỹaxac So Jesús, qataq da la'aqtaxanaxac Ñim Lo'onatac 'Enauacna. Somayepi nacheso so saishet da ỹo'oxoren so shiguiỹac leguemaxaic qataq som ne'enaqtac maye lqui'i somaye, qataq saishet da nasheneguet aso la'anaxanaqte da yaqto' qaỹa'an na latap, qataq na lhuaq. Qataq sela'a somayepi da qaltaq nca'alec, nache Ñim Lo'onatac 'Enauacna ỹami' da lo'onataxanaxaua Ñim Lca'aguishec Ñimaye, choche iviraxattraue'c caua mil vi'iye.

Apocalipsis 19:20

Qaq se'eso shiguiỹac leguemaxaic noxonec, nataqa'en so 'eetega la'aqtaxanaxanec Ñim Lo'onatac 'Enauacna qalaxaye saq 'en maye ỹo'ottac na na'anecpi sa qaỹauanapega, da yaqto' qaỹa'amaqten so shiguiỹac. Qaq se'eso 'eetega da na'aqtaxanaxanec irolec nam saq qaỹauanapegapi da ỹatenachet 'enauac nam nasheeteguet aso la'anaxanaqte so shiguiỹac leguemaxaic, qataq ỹo'oxoreetac so ne'enaqtac maye lqui'i somaye. Qaq se'eso shiguiỹac qataq som 'eetega da na'aqtaxanaxanec, soomaye nache nca'altraue'c qanqa'en da qaỹasaxayingui so lta'araic norec maye huaña da ỹavictac na quiquiaxaraic.

Ezequiel 9:4

nache 'enapega, 'eeta': «'Aucoleelec qome ye huaqta'a't nỹecpi ye Jerusalén, nache 'auauo'o ca la'anaxat na latap 'enauac nam huo'o da lta'araic laquicoxo, souaxat 'enauac nam ỹataqta qaiqaiga maye qaỹo'ottac da huaña yemaye.»

Apocalipsis 19:18

Yaqto' qolliqui na lapat na nta'alpi, qataq na huataxanaq lta'alpi, qataq nam 'añaxaicpi alaataxaicpi. Nataqa'en qolliqui na lapat na caipi, qataq nam netalecpi; qataq qolliqui 'enauac na ỹotta'a't lapat na shiỹaxauapi, nam huesochiguiñipi qataq na nlatacpi, qataq na 'amaqtaqaicpi qataq nam qaica ca la'amaqchecpi.»

Deuteronómio 6:8

Nache ne'ena nqataxacpi, 'axattchiguiñi da 'anagui na 'arhuaq qataq 'analec na 'aratap da yaqto' la'anaxat 'anqa'en,

Deuteronómio 11:18

Qataq ỹataqta qauachiỹaiguilo naua qarquiyaqchilli', qataq da qantoonaxaqui naua ỹa'aqtaqa, qataq 'eeta'am qanqa'eñi ca la'anaxat da qaucoñiyiitaguilo naua qarhuaxayilli', qataq naua qarata'apilli'.

Éxodo 13:9

Qaq damaye 'eeta'am qome ca yo'oqchigui la'anaxat na qarhuaqai huo'otaq na qaratapi, yaqto' da huo'otaq qautaqaitac, qalaq nache 'eetai' da qauennacheetapega da lqataxac Ñim Nataxala', cha'aye Ñimaye nacheñi ñi qami' nqateeguesopa ye Egipto co'ollaq qami' iroleguete da lta'araic la'añaxac.

Apocalipsis 19:5

Nache sa'axaỹa so nvilỹaxac chemaqtelec som hueta'a aso so'onaxaqui, 'eeta': «¡'Enauac qome da qaỹo'oxoren Ñim Qarta'a maye Lo'onatac 'Enauacna! ¡'Enauac nam huetalec ana 'alhua ỹo'oxoren qome Ñimaye, nam 'añaxaicpi qataq nam qaica ca la'amaqchec, qataq nam do'onataxaatacot Ñimaye qataq nam huo'o naq 'enec naqa'en!»

Apocalipsis 20:12

Nache sela'a 'enauac nam ileu co'ollaxa nam qaica ca la'amaqchec qataq na 'añaxaicpi, nachattaua'a aso so'onaxaqui. Huaña, nache qaỹauachigui aso nerepi maye nanettalec nam ỹo'ot ñim 'oonolec shiỹaxaua. Nataqa'en qaỹauachigui aso lỹa nere maye naneraxalate nam qanca'alaxatec qataq chochaq tatec da hueta'aguet Ñim Lo'onatac 'Enauacna. Qaq nam leuaxaicpi qanmit ñi 'oonolec qaipagaqchiichigui nam ỹo'otpi maye nanettalec asa'aso nerepi.

Apocalipsis 6:15

Qaq huaña, nache 'enauac na nta'alpi maye ilotague' nam netalec ana 'alhua, qataq nam 'amaqtaqaicpi shiỹaxauapi huo'o da npogoxoinaxac da 'enauac da nqañoxotoiguilo naua auaco, nataqa'en nqañoxototo naua coma'ye maye netaiguilo ana qaỹoqotcheguemec 'alhuapi. Nataqa'en nqañoxooñi na lta'alpi na huataxanaq, qataq na sallaxanecpi, qataq na 'añaxaicpi, qataq 'enauac nam nlatacpi qataq nam huesochiguiñipi.

Hechos 26:22

Qalaxaye souaxat da ltaunaxanaxac Ñim Lo'onatac 'Enauacna da sheeta, ỹoqo'oye nagui ñaq shecta da sa'axattapeguem Ñimaye 'enauac na shiỹaxauapi, sa'aqtaxanem na choxoraq qataq na sallaxanecpi. Qaq saishet da huo'otaq ỹaqa'a ca ỹa'aqtaxanaxac da sa'aqtaxan. Nachaqrata da sa'axattac da la'aqtaxanaxac som hua'au la'aqtaxanaxanecpi Ñim Lo'onatac 'Enauacna qataq so Moisés da qaỹa'axatta'aguet cam naỹa'acna.

Salmos 115:13

Qataq ichoxoren qome cam huo'o naq 'enec naqa'en Ñimaye, nam lta'araicpi qataq na qapio'olecpi.

Da na'aqtaguec so Job 34:19

Qaq Ñim saishet da lca'atagui na llalaqpi na nta'alpi, qataq saishet da ỹapagaqnauec da ỹauotec na sallaxanecpi, cha'aye namayepi nache 'eeta'am na choxoraqpi, cha'aye Ñimaye saishet da 'eetec de'era, cha'aye 'enauac namayepi maiche lo'onatacpi.

Apocalipsis 15:2

Nataqa'en sela'a so 'eeta'am ana auaxai ye lcachiguiñi ỹataqta chauec ỹalecteguet na norec. Qaq asa'aso 'eeta'am aso auaxai nachattalec som nauec co'ollaxa so shiguiỹac leguemaxaic, qataq saishet da nashen da qaỹauo'o ca na'anaxat na lo'oc da qaỹa'anaxana da le'enaxat so shiguiỹac leguemaxaic qataq saishet da natamnot som ne'enaqtac maye lqui'i somaye. Qaq Ñim Lo'onatac 'Enauacna ỹami' aso lviquepi somayepi.

Apocalipsis 11:18

Qaq nam ỹotta'a't shiỹaxauapi maye saq 'am ỹa'amaqten, ỹataqta dalemata, qalaxaye mashe ivita na na'a'q da 'am 'auauo'o ca nhuaxanaguec 'enauac namayepi 'arolec da lta'araic 'arayeloxo. Qataq da 'anmit 'enauac nam mashe ileu, qataq 'auauo'o ca nsheetenaguec nam 'ara'aqtaxanaxanecpi, qataq na 'aro'onataxanaxanecpi, qataq 'enauac na 'aralamaxatpi, qataq nataqa'en nam huo'o naq 'enec naqa'en 'am; na'aictaxa da huo'otaq 'amaqtaqaicpi huo'otaq qaica ca la'amaqchec; namayepi 'am 'auauo'o ca nsheetenaguec.»

Colosenses 3:11

Qaq damaye saishet da huo'otaq nachera da yo'oqchigui da judío le'ec huo'otaq da saishet, huo'otaq ca huo'o ca na'anaxat na lo'oc huo'otaq ca qaica, qataq ca ỹaqa'a ca chegaqa'ague, huo'otaq nam sa naỹamaxatapec, huo'otaq ca nlatac huo'otaq ca sa nlatac. Cha'aye So Cristo nachaqsota 'oonolec imata, qataq hueta'aguet 'enauac na shiỹaxauapi.

Efesios 6:8

Cha'aye qauaỹachiñiita da ỹoqta 'eesa da So Qarataxala' isheeten da qoñiita, souaxat nam ỹaỹamaqchiguiñipi maye qauo'oche, saishet da ỹectega da qami' nlataqa huo'otaq da qami' huesochiyiñi.

Gálatas 6:17

Qaq ỹoqo'oye, nache tachiguiña nagui da saishet qome da huo'o ca aỹem naxattac, cha'aye da ỹo'ocỹaxac no'onañi na lliguiñi na ñeuaxanaguecpi, qaq damaye ỹachaxan da shectague' So Cristo.

Gálatas 3:28

Qaq ỹoqo'oye nagui saishet da huo'o ca ỹectega da judío le'ec huo'otaq saishet, huo'otaq ca nlatac, huo'otaq ca huesochiguiñi, huo'otaq da ỹale, huo'otaq aca 'alo. Cha'aye da mashe qana'ayeetaua'a So Jesucristo, nache 'enauac da qoñiita'a't.

1 Corintios 12:13

Cha'aye qomi' huo'o na judío le'ec, qataq huo'o na saishet. Qataq huo'o na nlatacpi, qataq huo'o na huesochiguiñi. Qalaxaye 'enauac qomi' qanachelaxanguilo So Saqcha'a Na'añaxac Qui'itta, da yaqto' 'oonolec ca qara'amqaanataxanaxac qataq 'oonolec da qaro'ocỹaxac. Qaq ñi 'oonolec da shenaqta, Ñim Lo'onatac 'Enauacna ỹami' So Saqcha'a Na'añaxac Qui'itta.

Salmos 49:2

qami' sallaxanecpi qataq na choxoraqpi, na 'añaxaicpi qataq na qaica ca ye.

2 Crónicas 15:13

Qataq camachaqca somayepi da saishet da nmitaique Ñim Nataxala', maye Natamnaxala' na Israel le'ecpi, na'aictaxa da ỹe, na'asa, ỹale huo'otaq 'alo, nache camaye qaỹalauat.

2 Timoteo 3:8

Namayepi 'eeta'ama soua huo'o da no'onataxa'c Janes qataq so Jambres maye dataira'aguet co'olloxocheye so Moisés. Nataqa'en ne'ena shiỹaxauapi ỹataqta dataỹa'aguet da 'eesa lataxac maye na'aqtaguec Ñim Lo'onatac 'Enauacna. Namayepi mashe sotaq ỹaỹamaq da lauattonaxanaxac, qataq sa ỹaỹaten da llec da qaipi'iỹa'a Ñim Lo'onatac 'Enauacna.

Zacarías 13:6

Qaq da huo'o ca inat da, 'eeta': «¿Ta'ainco' da huo'o na 'arque'emaxa naua 'arhuaxaye?», nache camaye ỹasat qome, 'eeta': «Namaye qaỹo'ot caillaye huaña ye lma' na ñauochaxauapi.»