Apocalipsis 13:10 - La'aqtaqa Ñim Lo'onatac 'Enauacna 2013

¹⁰ «Cam taalec da taua'a qanqa'en añi ncoñetaxanaxaqui, qalaq nachañi qaỹauegueua'a; qaq cam taalec da qaira'a ca ỹeelonec da qaỹalauat, qaq camaye qaỹauota'a ỹeelonec da qaỹalauat.» Qaq de'era naigui da na lalamaxatpi Ñim Lo'onatac 'Enauacna, iuen da ỹaỹaten da na'añaxateguet da nque'eenaxac, qataq queto'ot da lpi'iỹaxac Ñimaye.

Nuevo Testamento Toba Sur

¹⁰ Ca ÿauec ca lÿa da icoñi', qaq camayi nataq'en qaicoñi'. Qataq cam huota'a ca lainec da dalaataxan, qaq camayi nataq'en qaÿauota'a ÿiilonec da qaÿalauat. Qaq ÿoqo'oyi nam lalamaxatpi ñi Dios iuen da ÿauo'o da lhualaxavic qataq da lpi'iÿaxac.

Nuevo Testamento Toba Sombrero Negro

¹⁰ “Jogaa'me jo'ne yeloteda'a da'me necoñetague'j, Nach'egaua gaa'me jo'ne qoyecoñe't qomle. Nataq'aen jogaa'me jo'ne yeloteda'a da'me yeletem ga'me liaĝa ga'me nedaĝanaĝat, Nach'ega ga'me nedaĝanaĝat liaĝa da'me yala't qomle.” Chane'eja male qoyauana da'me eeta da'me napogaĝadenaĝa'j joga'me lec'oqo'tepi joñe'me Dios choqoda'me lepi'iyaĝa'j.

Apocalipsis 13:10 Referans Kwoze

Jeremías 15:2

Qaq da huo'otaq 'am inat cam hua'ague ca taigue, nache 'aua'aqtaxanem da ỹa'aqtac, qoneta': ‹Nam taỹa'a da ilem ca napiina, nache ilem qome ca napiina, qaq cam taỹa'a da ileuaigui ca alaataxac qalaq ileuaigui qome ca alaataxac, qaq cam taỹa'a da ilem na lqouaxa, qaq ilem qome na lqouaxa, qaq cam taỹa'a da qaỹauega ca ỹaqa'a 'alhua qalaq qaỹauec qome.›

Apocalipsis 14:12

Qaq ỹoqo'oye na lalamaxatpi Ñim Lo'onatac 'Enauacna, iuen da ỹaỹaten da lhueneguet qataq na'añaxateguet na lqalaiguesat qataq na nque'eenaxacpi. Nataqa'en iuen da ỹalaxaguet nam lamaxasoxonaxacpi Ñim Lo'onatac 'Enauacna qataq queto'ot da ỹa'amaqteetac So Jesús.

Apocalipsis 3:10

'Enauac na huetalec ana 'alhua ivireguet qome na lqalaiguesat qataq nque'eenaxacpi. Huaña qome, nache saỹaten ca Aỹem pi'iỹa'a qataq ca saishet da Aỹem pi'iỹa'a. Qaq 'am qalaxaye 'am ñepaxattalec, cha'aye Aỹem 'aualaxaguet co'ollaq 'am shenapega da saishet da 'axanec da 'arpi'iỹaxac Aỹem.

Lucas 21:19

Qaq cam saishet da huo'o ca iqocha'a, qaq nacheca ca nauec cam nca'alaxa maye qaica ca loga't.

Isaías 33:1

¡Choxoraxaso' 'am maye 'anhuottac na shiỹaxauapi, qalaq ỹauana da 'am qanhuo', qataq 'auque'elaqtaxan naxa qalaq ỹauana da 'am qaique'elaxat! Cha'aye qom 'aumat da 'anlaxaañi namayepi, nache 'am qanlaxaañi qome, qataq qom ime da 'arque'elaqtaxanaxac, nache nataqa'en 'am qaique'elaxat qome.

Hebreos 6:12

Qataq sa saỹamaxarenaq da qavi'eguelaqaỹa da qami' hualaicpi. Nachaqrato' da saishet da huo'o ca huaña da qauqolectaxañi, qoquiitegue da lataxac som huo'o da lpi'iỹaxac Ñim Lo'onatac 'Enauacna, cha'aye da nache qoñiitec de'era, nache qauacoñiiguet dam qami' ỹachaxanapeguema Ñimaye.

Apocalipsis 2:2

Aỹem saỹaten 'enauac nam 'auo'ottacpi, qataq saỹaten da souaxat da Aỹem 'aualaxaguet, nache qalota na 'avireguet lqalaic. Nataqa'en saỹaten da ỹataqta 'anala'aguet damaye cha'aye huo'o da 'arhualaxavic qataq saishet da 'auaconeguet nam qauemaicpi. Qataq saỹaten da 'am 'avi'igue'n naua 'eetregalo da lamaxa'she So Jesús qalaxaye saq 'en. Qataq 'am 'auachaxa'n naamaye da choche tenataxanaxaiqa.

Mateo 26:52

Qalaxaye So Jesús 'enapega somaye, 'eeta': «'Oxot na 'ainec, cha'aye ca dalaataxana ca ỹeelonec, nache camaye qaira'a nataqa'en ca ỹeelonec da qaỹalauat.

Jeremías 43:11

Qaq ñimaye anac qome nache ilaxachigui na 'alhua na Egipto. Qaq nam taỹa'aguet da ileu nache ileu qome, qaq nam taỹa'aguet da qaỹauec, nache qaỹauec qome, qaq nam taỹa'aguet da ileuaigui ca alaataxac, nache ileu qome huaigui ca alaataxac.

Apocalipsis 16:6

Nam 'am ipa'agueetacpi qalota so ỹalauat nam 'aralamaxatpi maye ỹataqta qui'itta, qataq nataqa'en so 'ara'aqtaxanaxanecpi. Qaq ỹoqo'oye, 'am nagui 'aỹa'anem da nỹomgui na ntago'q namayepi, ¡cha'aye ỹataqta 'itchiguiñi da talec namayepi de'era!»

Apocalipsis 1:9

Aỹem Juan, maye maiche aỹem qarỹai da sa'amaqtenaqtac So Cristo, cha'aye qami' qataq aỹem huo'o da qarpi'iỹaxac Somaye. Qaq souaxat da ỹataqta huo'o da ipi'iỹaxac Somaye, nache ñeuanaua'a da lo'onataxanaxac Ñim Lo'onatac 'Enauacna 'eeta'am 'enauac da qoñiita: Qataq nataqa'en huo'o da ñeqalanaxac da satata'aguet na lqalaic, sheeta'ama qami'. Qalaxaye nataqa'en huo'o da ỹa'añaxac maye aỹem ỹami' Ñim Lo'onatac 'Enauacna da yaqto' ñala'aguet ne'ena que'eenaxacpi. Qataq souaxat da sa'axattac da la'aqtac Ñimaye qataq da sa'axattac So Jesucristo, nache aỹem qaỹamaxauga ana ỹaqa'ata 'alhua maye le'enaxat Patmos.

Habacuc 2:3

Qaq na'aictoxo' de'era 'arauanaqchec da ñaq qaỹoqta cam laloqo' da yo'oq, qalaxaye damaye ipacchigui qome. Qaq 'am ñaq 'auata'a qome damaye na'aictaxa da qaỹaloqta, cha'aye damaye ỹataqta ipacchigui qom ivita ca laloqo'.

Lamentaciones 3:26

Qaq ỹataqta no'on da ñe'emaxataq da suetaqa'aguet, Ñim Nataxala' da qomi' nca'alaxatrec.

Apocalipsis 3:3

Qataq 'auennata'a 'enauac nam 'auaỹaten maye na'aqtaguec Ñim Lo'onatac 'Enauacna, ime, nache 'avi'eguelaqot Ñimaye qataq 'aualaxaguet. Qaq da saishet da nache qonetec de'era, nache 'am ñeqo'ona da sauo'o ca 'anhuaxanaguec, qataq 'am sevira qom mashe saishet da Aỹem 'auauotaique; sheeta'am ca cachaxaic da saishet da qaỹaỹaten ca laloqo' da nvi' da decache.

Apocalipsis 2:19

Aỹem saỹaten 'enauac na 'auo'ottacpi. Saỹateeta da Aỹem 'auauotec qataq saishet da 'axanec da 'arpi'iỹaxac Aỹem. Nataqa'en saỹaten da qouetague' na laỹepi shiỹaxauapi. Qaq nagui de'era 'artaunaxanaxac namayepi ỹataqta ỹactec 'anqa'en, saq 'ena'am so hua'auchiguiñi.

Colosenses 1:11

Qataq ỹachegoxotchigui da lta'araic la'añaxac Ñimaye da qami' 'añaxaiqa naqa'en, da yaqto' huo'o da qanhualaxaunaxaqui qataq ishet da qanaloỹa'aguet 'enauac na lqalaiguesat. Huaña, nache ỹataqta lta'araic da qantonaxaqui,

Isaías 14:2

Nache qalota qome cam ỹotta'a't shiỹaxauapi cam ỹaconeguet qome na Israel le'ecpi, nache nnaicapegue' camayepi nache iviraxatta'a ye maiche na'alhua, nache na Israel le'ecpi ỹauo'o l-latacpi camayepi qom huaña ye na'alhua Ñim Nataxala'. Qataq na Israel le'ecpi icoñi' qome nam hua'auñi da icoñettai' co'ollaxa namayepi, qataq maiche ỹoiqueetac nam saiyacnapec co'ollaxa namayepi.

Mateo 7:2

Cha'aye da saishet da qaurenataxañi da qanmichi ca qarỹai, nache Ñim Lo'onatac 'Enauacna nataqa'en saishet da qami' ire'n da qami' nmi't. Ñimaye qami' ỹo'oteque nataqa'en cam qauo'ochec na laỹepi shiỹaxauapi.

Isaías 26:21

Cha'aye Ñim Nataxala' mashe yaqta'a da ca'ai ñi lma' lta'araic, da anac da yaqto' ỹauo'o ca nhuaxanaguec na shiỹaxauapi maye netalec ana 'alhua souaxat na lasouaxashetpi, nache ana 'alhua ỹachaxan qome na ntago'q maye laguelec anamaye, qataq saishet da nache queto'ot da ỹoxottapiguiñi na leuaxaicpi maye huetaigui anamaye.

Apocalipsis 11:18

Qaq nam ỹotta'a't shiỹaxauapi maye saq 'am ỹa'amaqten, ỹataqta dalemata, qalaxaye mashe ivita na na'a'q da 'am 'auauo'o ca nhuaxanaguec 'enauac namayepi 'arolec da lta'araic 'arayeloxo. Qataq da 'anmit 'enauac nam mashe ileu, qataq 'auauo'o ca nsheetenaguec nam 'ara'aqtaxanaxanecpi, qataq na 'aro'onataxanaxanecpi, qataq 'enauac na 'aralamaxatpi, qataq nataqa'en nam huo'o naq 'enec naqa'en 'am; na'aictaxa da huo'otaq 'amaqtaqaicpi huo'otaq qaica ca la'amaqchec; namayepi 'am 'auauo'o ca nsheetenaguec.»

Apocalipsis 17:8

Se'eso shiguiỹac leguemaxaic maye 'auauaachigui, nacheso so 'oonolec maye nca'altauec co'ollaxa, qalaxaye nagui mashe saqca. Qaq somaye qaltaq nnoxoosheguem qome da chegaqaña cam laponqa' na leuaxaicpi, qalaxaye nachaqrata da yaqto' ima da qailaxachigui. Qaq na shiỹaxauapi maye huetalec ana 'alhua nam saishet da qoỹettaua'a acam lmalate nam qanca'alaxatecpi chegoqchiguiña co'ollaq saxanaxa da qaỹo'ot ana 'alhua, namayepi ỹataqta huo'o da la'aalaxa qom ỹauaachigui se'eso shiguiỹac leguemaxaic maye nca'altauec co'ollaxa, qalaxaye mashe saqca, qalaxaye qaltaq ỹe'eguelaxalec da nca'alec.

Apocalipsis 17:11

Qaq se'eso shiguiỹac maye nca'altauec co'ollaxa, qalaxaye mashe saqca, somaye nacheso som 'oonolec se'esoua siete nta'al. Somaye ñe'eguelaq qome da yaqto' ỹe'eguelaxalec da do'onataxan, nache ivi' ocho na nta'alpi, qalaxaye nache huaña da imauec da qailaxachigui somaye.