Apocalipsis 12:9 - La'aqtaqa Ñim Lo'onatac 'Enauacna 2013

⁹ Nachaqrata da qaỹamaqauec se'eso shiguiỹac leguemaxaic maye nacheso som na'araxanaq maye la'atchiguiñi: som le'enaxat da pa'aguenataxanaxaic. Somaye qataq so lamaxashecpi qaỹamaqauec da yaqto' talec ana 'alhua, nache somaye nalemaqte' da ỹatenachet 'enauac na huetalec ana 'alhua.

Nuevo Testamento Toba Sur

⁹ Qaq 'eda da 'eetec co'ollaq qaÿamaqhuec se'eso 'ico' da'ail'oc. Qaq somayi nachiso so n'adaxanaq mayi l'atchiguiñi da datenataxan, l'enaxat Satanás, som shiÿaxaua mayi lma'na. Qaq somayi qataq 'enauac so nallippi qai'odalec ana 'alhua.

Nuevo Testamento Toba Sombrero Negro

⁹ qama'le qoyamaĝaye ñe'me jiyac let'adaic jo'ne ena'am ta'le ñaĝadiaq da'me 'loyaĝac, nach'eñe ñe'me nanaic jo'ne 'uaechiñe 'uo joca'li jo'ne lenaĝat da'me Payac nataq'aen lenaĝat laqaya da'me Satanás, jo'ne yoqovi'n yema ga'me aleua laje'pi. Ñe'me Satanás nataq'aen ena'uaque jogaa'me mach'e lalemaĝajetpi male qonajaĝadi'ña jena'me aleua.

Apocalipsis 12:9 Referans Kwoze

Lucas 10:18

Nache So Jesús 'enapeco': –Aja', Aỹem sauaachigui da naañi so pa'aguenataxanaxaic, chegoqtot na piguem, 'eeta'am na nqashelgaxa.

Juan 12:31

Nagui mashe ivita ye laloqo' da Ñim Lo'onatac 'Enauacna nmit na huetalec ana 'alhua, qataq da ỹamaqauec som damaxasoxonapec ana 'alhua.

Apocalipsis 20:10

Qaq so pa'aguenataxanaxaic maye ỹatenachet somayepi, qaỹasaxangui so lta'araic norec maye huaña da ỹavictac na quiquiaxaraic, som huaña da qaỹasaxangui co'ollaxa so shiguiỹac leguemaxaic qataq so 'eetega da la'aqtaxanaxanec Ñim Lo'onatac 'Enauacna qalaxaye saq 'en. Huaña, nache huo'o da nque'eenaxac somayepi chochaq tatec ye na'a'q qataq ye pe.

1 Juan 5:19

Saỹatenaqta da qomi' lalamaqa'ate Ñim Lo'onatac 'Enauacna. Qaq nam laỹepi shiỹaxauapi maye huetalec ana 'alhua qalaq 'enauac hueto'ot da la'añaxac so pa'aguenataxanaxaic.

2 Corintios 4:4

Dam no'on na'axaỹaxac, damaye qomi' da'aqtaxanema da la'amaqchec So Cristo, qaq Somaye qomi' ỹachaxanalo da la'amaqchec Ñim Lo'onatac 'Enauacna. De'era na'aqtaxanaxac 'eroigui, 'eeta'am na le'eraxa aca ncoỹaraxanaxaqui. Qalaxaye nam saishet da ỹa'amaqten saishet da ila'a, cha'aye so pa'aguenataxanaxaic saishet da ỹashenem da ila'a.

Isaías 14:12

¡Ca 'eeteco' da 'auanaañi da 'auachegoqtot na piguem, 'am chi'ishe maye 'am yo'oxoñi lalaqte! 'Am maye 'anauectalec naxa na ỹotta'a't shiỹaxauapi, 'am qaỹanataqcheelec ana 'alhua.

Génesis 3:1

Qalaxaye so na'araxanaq ỹataqta sa nqalat, napacalec 'enauac na laỹepi shiguiỹacpi maye lo'onatacpi Ñim Nataxala', qaq somaye inato' aso 'alo, 'eeta': «¿'Eesa peta'a da Ñim Lo'onatac 'Enauacna da saishet da qami' ỹashenema da qolliqui ana ala ana qo'oipaqpi maye huaigui ne'ena nanqa' ana nañiguishe?»

Apocalipsis 12:7

Ime, nache huo'o so lta'araic loquiaxac, huo'ot na piguem. Qaq huo'o so 'oonolec maye lataxala' na namaxashec piguem le'ecpi, le'enaxat Miguel, nnaictague' so nalleppi da delogui' so shiguiỹac leguemaxaic. Qaq se'eso shiguiỹac qataq so nalleppi ỹataqta deloctac.

Juan 8:44

Qami', som qarta'ai, nacheso som pa'aguenataxanaxaic, ỹoqo'oye qansheetaique da qauo'oche cam 'eetapeguec somaye. Se'eso pa'aguenataxanaxaic, somaye ỹataqta laataxanaxaic qataq tenataxanaxaic. 'Enauac nam ỹa'axat saishet da 'en qataq ỹo'oteguet ca shiỹaxaua da tenataxanaxaic.

Isaías 65:25

Qaq ca qa'alaq qataq ca qagueta llalec qalaq huaqta'a't qom deque'eta'ape, qaq ca llon qalaq chectac qome na 'auaqpi, 'eeta'am ca huaca nauegaxanaxala', qaq ca 'araxanaq qalaq chectac qome na lsoche na 'alhua. Qaq 'enauac qome añi qui'itta ñeqasoxonaxa qaica ca que'eenaxac qataq qaica ca na'aqchettac ca lỹa.» Qaq 'era da la'aqtac Ñim Nataxala'.

Apocalipsis 20:8

Nache nnoxoosheguem da yaqto' ỹatenachet na shiỹaxauapi maye hueta'a ye Gog qataq Magog maye naigui 'enauac na ỹotta'a't shiỹaxauapi ana 'alhua. Nache so pa'aguenataxanaxaic laỹona't na nalleppi ne'ena ỹotta'a't shiỹaxauapi da yaqto' nalat naqa'en; qaq namayepi saishet da qaivi' da qanaloqten, 'eeta'am da 'eetec da saishet da ishet da qanaloqten na lsoche na delec maye hueto'ot na loigue aso auaxai.

Apocalipsis 12:3

Ime, qataq yo'oq so lỹa huo'ot na piguem, lta'araic qataq sa qaỹauanapega: Yo'oq so lta'araic shiguiỹac leguemaxaic togaxaraic da lo'oxoỹaxac, qaq somaye siete naua lqaigo, qataq diez soua lcouel. Qaq ñi 'oonolec soua lqaigo ỹaatañi ana naro'o na nta'a.

Apocalipsis 9:1

Qaq co'ollaq ivita so cinco soua siete namaxa'she piguem lashe' da ỹashiiyigui aso lasheere, nache sela'a aso 'oonole huaqaañi maye chegoqo'ot co'ollaxa na piguem da talec ana 'alhua. Nache asomaye qoỹami' aso lvinaqte ca lasom ca auac maye ñegueuo da taỹaña cam ỹataqta qaỹoqchiguiña ncoñetaqa' nam saqcha'a na'añaxacpi qauemaicpi.

Apocalipsis 2:24

Qalaxaye nam hueta'a ye nỹecpi ye Tiatira maye saishet da quegue naua lapaxaguenataxanaxaco aña'añi 'alo, qataq sa ivita da ỹauatton nam qoỹeetega saqcha'a lataxacpi so pa'aguenataxanaxaic, qaq Aỹem sami' de'era 'oonolec iqataxac:

Apocalipsis 2:13

Aỹem saỹaten da qoueta'a nam nỹecpi maye netaña añi nso'onaxaqui so pa'aguenataxanaxaic. Qalaxaye na'aictaxa da nache 'eetec de'era qalaq nache 'ena'am qoqueto'ot da huo'o da qarpi'iỹaxac Aỹem. Qataq saishet da 'axaañi da Aỹem 'aua'amaqteetac, na'aictaxa co'ollaq da huaña ne'ena nỹecpi maye qoueta'a da qaỹalauat so Antipas, som nache 'eetai' naxa da ỹachaxaata da lpi'iỹaxac Aỹem.

1 Pedro 5:8

Qataq ỹataqta qanaỹaanaxanaqchiñi, qataq qami' lhuotte' da huo'o ca qaviyeeguet, cha'aye so pa'aguenataxanaxaic, somaye nmittaique ca ishet da ilaxachigui, 'eeta'am ca quiyoc da desoqtac.

2 Corintios 11:14

Qaq damaye saishet da huo'otaq lleualqa'a, cha'aye saỹaanaq da so pa'aguenataxanaxaic ishet da choche ỹe'enaxat da lataxac cam 'oonolec na lamaxashecpi piguem le'ecpi Ñim Lo'onatac 'Enauacna maye huo'o na le'eraxa.

2 Corintios 2:11

Yaqto' so pa'aguenataxanaxaic saishet da huo'o ca llegueuo da shenaqta, cha'aye qomi' mashe saỹaanaqte' naua qauema 'eetapegueco.

Romanos 16:18

cha'aye ne'ena shiỹaxauapi saishet da do'onataxaatacot So Cristo maye Qarataxala', nachaqrata da maiche nmittaique ca maiche laỹamaxa. Qataq namayepi iroleguete naua la'aqtaqa isotta'ape na shiỹaxauapi da da'aqtaxan, qalaxaye namayepi ỹataqta tenataxanaxaicpi qataq ỹatenachet nam shiỹaxauapi maye saxanaxa da ỹaỹaten ca ỹoqta llec de'era na'aqtaxanaxac.

Hechos 26:18

Aỹem 'am samaxa namayepi, da yaqto' ishet da nauaañi 'anqa'en, yaqto' saishet da quetaigui na napalaxa, nachaqrata da quetaigui na yo'oqchiguiñi; qataq yaqto' namayepi saishet da hueto'ot da la'añaxac so pa'aguenataxanaxaic, nachaqrata da quegue Ñim Lo'onatac 'Enauacna; qataq ỹa'amaqten, nache ishet da qaỹapalaxat na lasouaxashetpi, qataq yaqto' qaỹalecneua'a da qoỹanem qome cam ỹachaxanapec Ñim Lo'onatac 'Enauacna da ỹami' nam lalamaxatpi Ñimaye.»

Lucas 22:31

Nataqa'en 'enapeco' So Jesús: –Simón, Simón, maxatchaxa, ten so pa'aguenataxanaxaic mashe iỹaxanot Ñim Lo'onatac 'Enauacna qataq mashe qoỹami' da qami' ỹe'egue'n, huotaique da 'eeta'am naqa'en qami' na trigo da ichegoq.

2 Corintios 11:3

Cha'aye de'era 'eetec so na'araxanaq maye sa nqalaataxaic co'ollaq ỹatenachet aso Eva, nachera da ỹo'ot da icolanaxa da saiuena'a da nataqa'en ishet da qami' ỹatenache't. Nache da qarhuennataxaqui ishet da dasheueeguesop dam huesochiguiñi qara'amqaanataxanaxaqui So Cristo.

Lucas 22:3

Nache so pa'aguenataxanaxaic taigui da lquiyaqteỹaxac so Judas, da le'enaxat lỹa Iscariote. Somaye maiche 'oonolec soua doce lapaxaguenataqa So Jesús.

Lucas 8:12

Qaq asom nañiguishe maye tatelec so nqa'aic, qalaq naigui ca shiỹaxaua maye na'axaỹaxaatac. Qalaxaye anac som pa'aguenataxanaxaic, nache ỹo'otec da icoua'ai naqa'en som na'aqtac maye huetaigui añi lquiyaqte, yaqto' saishet da da'amqaanataxan qataq saishet da ỹaconeguet da nca'alaxa maye ỹachaxaatac Ñim Lo'onatac 'Enauacna.

Mateo 25:41

Ime, nache shenapega na qauem da lataxac, sheeta': «¡Aỹem qoquiỹa'ai! Cha'aye Ñim Lo'onatac 'Enauacna 'oonolec da iqataxaatapigui' qauem maye qami' taleguete. Qanqo'oñiuga yem chochaq tatec norec maye iqataxaatai' Ñim Lo'onatac 'Enauacna, da yaqto' ỹasaxangui so pa'aguenataxanaxaic qataq nam lamaxashecpi.

Mateo 4:10

Nache So Jesús 'enapego' somaye, 'eeta': –'Am pa'aguenataxanaxaic, aỹem qoca'ai, cha'aye ye nanettalec ana nere maye huetalec na la'aqtacpi Ñim Lo'onatac 'Enauacna 'eeta': «'Avio'oxoren Ñim Lo'onatac 'Enauacna, qataq nachaqñita da 'aualaxaguet.»

Mateo 4:8

Qaq pa'atec nache so pa'aguenataxanaxaic ỹauega So Jesús aso qaỹoqotcheguemec 'alhua. Nache hualec asomaye da imeenaxanaxanec na 'alhuapi maye hueta'a na sallaxanecpi qataq 'añaxaicpi.

Mateo 4:5

Ime, nache so pa'aguenataxanaxaic ỹaviguisheguemec So Jesús ye qui'itta nỹecpi ye Jerusalén. Qaq huaña yemaye nache ỹaviguisheguemec na l-laq aso no'onaxanaxaqui late'erai,

Mateo 4:1

Qaq co'ollaq mashe ime de'era, nache So Saqcha'a La'añaxac Ñim Lo'onatac 'Enauacna, ỹauegueuga so toolec 'alhua So Jesús da yaqto' so pa'aguenataxanaxaic ỹe'eguen Somaye.

Isaías 27:1

Qaq que'eca na'a'q Ñim Nataxala' iuaxan qome so Leviatán, som na'araxanaq maye ỹataqta huegaqaic, som na'araxanaq maye ỹataqta saqanapot, irolec ca lainec maye qaramta, lta'araic qataq 'añaxaic, qataq ỹalauat qome so shiguiỹac le'enaxat dragón maye huetangui aso auaxai.

Génesis 3:13

Nache Ñim Lo'onatac 'Enauacna maye Nataxala', inat aso 'alo, 'eeta': «¿Ta'ainco' da 'auo'ot de'era?» Nache asomaye ỹasat, 'eeta': «So na'araxanaq aỹem ỹatenachet, ỹoqo'oye sachec aso ala ara'ara qo'oipaq.»

Apocalipsis 19:20

Qaq se'eso shiguiỹac leguemaxaic noxonec, nataqa'en so 'eetega la'aqtaxanaxanec Ñim Lo'onatac 'Enauacna qalaxaye saq 'en maye ỹo'ottac na na'anecpi sa qaỹauanapega, da yaqto' qaỹa'amaqten so shiguiỹac. Qaq se'eso 'eetega da na'aqtaxanaxanec irolec nam saq qaỹauanapegapi da ỹatenachet 'enauac nam nasheeteguet aso la'anaxanaqte so shiguiỹac leguemaxaic, qataq ỹo'oxoreetac so ne'enaqtac maye lqui'i somaye. Qaq se'eso shiguiỹac qataq som 'eetega da na'aqtaxanaxanec, soomaye nache nca'altraue'c qanqa'en da qaỹasaxayingui so lta'araic norec maye huaña da ỹavictac na quiquiaxaraic.

Apocalipsis 16:14

Qaq soomaye nachesoua soua saq cha'alo na'añaxaco maye qauemaiqa, maye ỹo'ottac na na'anecpi maye ỹo'ot da na'aalaxa. Qaq soomaye huenoxoore'c, da yaqto' laỹona't 'enauac na nta'alpi maye huetalec ana 'alhua, da yaqto' delogui' Ñim Lo'onatac 'Enauacna maye qaica ca ỹaqalanapec. Qaq damaye ỹo'ot qom ivita que'eca na'a'q da Ñim Lo'onatac 'Enauacna nmit 'enauac na huetalec ana 'alhua.

Apocalipsis 13:14

Qaq se'eso shiguiỹac leguemaxaic ỹatenachet na shiỹaxauapi da chegoqchigui naqa'en nam ỹo'otpi maye saq qaỹauanapega da do'onataxaatega da na'añaxac maye ỹachegoxoto'ot so hua'auchiguiñi shiguiỹac leguemaxaic. Ime, nache ỹamaxalec da ỹo'ot ca le'enaqtac maye lqui'i so hua'auchiguiñi shiguiỹac leguemaxaic, som huo'o co'ollaxa so lta'araic lque'emaxa, que'emaxam so ỹeelonec, qalaxaye saishet da ilem.

Apocalipsis 9:20

Qaq nam no'onañi shiỹaxauapi maye saishet da ilem so norec qataq so lmala'q qataq so 'eeta'am na quiquiaxaraic namayepi ñaq 'eetalec, saishet da ỹaxaañi da ỹo'ottac na qauem, qataq saishet da ỹaxaañi da ỹo'oxoreetac nam saq cha'api qauemaicpi, qataq nam lqui'ipi nam qanatameetacotpi maye saq 'en. Nachaqrata da nache queto'ot da ỹo'oxoreetac nam nqui'ipi maye saq 'en maye chegaqaigui na coma', qataq huo'o na 'epaq qataq huo'o na chegaqaigui na lcat le'enaxat oro qataq na lcat plata qataq na bronce. Ne'ena ne'enaqtacpi sanauaañi, qataq saishet da hua'aqa, qataq saishet da queuoỹapigui'.

Apocalipsis 3:9

Ñaq 'aumeten dam so'otec ne'ena tenataxanaxaicpi maye lalamaxatpi so pa'aguenataxanaxaic. Namayepi 'eetega judiopi, qalaxaye saq 'en. Ỹoqo'oye Aỹem so'otec namayepi da 'am ỹa'atto'oto naua l-llectel, yaqto' ỹaỹaten namayepi da Aỹem ỹataqta 'am sauotec.

Apocalipsis 2:9

Aỹem saỹaten 'enauac nam lqalaiguesat maye qouetaigui nagui, qataq saỹaten da 'am choxoraq, na'aictaxa da ỹataqta lta'araic da 'arsallaxa maye saqcha'a. Nataqa'en saỹaten naua ltaxaỹaxaco qauema maye 'am ỹasaqteguelec nam 'eetega da judiopi, qalaxaye namayepi ỹalectaigui nam lalamaxatpi so pa'aguenataxanaxaic.

Judas 1:9

Qamaq so lataxala' na namaxashecpi, le'enaxat Miguel, saishet da ishet da ỹo'ot ca 'eeta'am de'era. Co'ollaq deloctague' so pa'aguenataxanaxaic da deuotaxanec so lo'ocỹaxac so Moisés, qalaq saishet da isheuen, nachaqrata da 'oonolec so la'aqtac da 'enapega, 'eeta': «Ñim Nataxala' ỹauo'o qome ca 'anhuaxanaguec.»

Hebreos 2:14

Qomi' sachegoxosoxoigui ca shiỹaxaua maye huo'oi naua ltago'q qataq naua lpi'ineqa. Ỹoqo'oye So Jesús maiche lhuennataxac da shenaqta'am naqa'en. Cha'aye da nache 'eetec de'era, nache ishet da ileu da yaqto' nauec so pa'aguenataxanaxaic maye huo'o da la'añaxac da ỹalauat ca ỹale qataq aca 'alo.

2 Timoteo 3:13

Qalaxaye na qauemaicpi qataq na tenataxanaxaicpi taỹañicra, nquicta'aguet 'enauac na sa ỹaỹamaxañisat. Namayepi datenataxaatac, qalaxaye nache 'ena'am natenatac.

1 Timoteo 2:14

Qataq nataqa'en so pa'aguenataxanaxaic saishet da hua'auñi da ỹatenachet so Adán. Aso Eva maye hua'auñi da ỹatenachet, qaq co'ollaq ỹatenachet, nache asomaye huo'o da lasouaxashet.

2 Ts 2:3

Saishet da qanashiñiiuo da huo'o ca qami' ỹatenache't. Cha'aye que'eca na'a'q saishet da ivita da saxanaxa da nachaxan na ipa'agueetacpi Ñim Lo'onatac 'Enauacna qataq da nchoxot da dataỹa'aguet Ñimaye qataq da huetoigui da nachaañi que'eca ỹale qauemaic cam taỹa'a da qailaxachigui.

Efesios 4:14

Nache saishet qome da shenaqta'am ca nogotolec maye qaica ca lqalaic da qaỹashaxanec da lhuennataxac, qataq saqalaq da qaỹatenachet da qairolec da napaxaguenataxanaxac maye saq 'en, maye lapaxaguenataxanaxac na shiỹaxauapi maye sa nqalaate' da latenataxanaxac maye quetague' da lsomaxac.

2 Corintios 12:7

huo'otaq nam ỹauanaqchecpi maye aỹem ỹachaxana Ñim Lo'onatac 'Enauacna. Qaq ỹoqo'oye da yaqto' saishet da aỹem taigui da ño'oxonnaxac, nache aỹem sevireguet da lta'araic ñequi'ic. 'Eeta'am da so pa'aguenataxanaxaic ỹa'ayigui da ỹo'ocỹaxac aca ỹaxat le da yaqto' ỹauo'o da lta'araic ñeque'eenaxac.

Romanos 16:20

Yaqto' Ñim Lo'onatac 'Enauacna maye chegoqo'ot da nlagaxayec saqaỹaloq da dauegaxan da nauec so pa'aguenataxanaxaic, nache qami' ỹanema da nataqa'en qauauegaxañi. ¡Qaq So Qarataxala' Jesucristo queto'ot da qami' ỹachaxaategalo da lsoxoyec!

Hechos 5:3

Nache so Pedro 'enapego' somaye, 'eeta': –Ananías, ¿ta'ainec ye 'aualaxaguet so pa'aguenataxanaxaic? Ye 'am 'ano'onaxatañi aso laỹe asom lasheue so 'ana'alhua, 'aupi'itaxaatega da ishet da 'auatenachet So Saqcha'a Na'añaxac Qui'itta.

Juan 14:30

Qaq nagui saishet da qaltaq huo'o ca sa'axat, cha'aye mashe nayeetai' nam pa'aguenataxanaxaic maye damaxasoxonapec ana 'alhua. Qalaxaye namaye qaica ca la'añaxac da ishet da Aỹem ỹachiguiñi.

Lucas 13:16

Qaq ara'ara 'alo ye maiche llale so Abraham, qaq so pa'aguenataxanaxaic ye icoñetta'aguet aramaye de'era nalolaxa, nagui mashe ivi' naua dieciocho vi'iye, qaq ¿peta'a saisheto' da qaisoueeguesop de'era lalolaxa aramaye ne'ena na'a'q mataxaqui?

Mateo 24:24

Cha'aye nvi' qome nam tenataxanaxaicpi maye 'eetega lca'aguishecpi Ñim Lo'onatac 'Enauacna qataq nam 'eetega da la'aqtaxanaxanecpi Ñimaye, nache ỹo'ot qome nam sa qaỹauanapega qataq huo'o da llo'oxoyec, nache ỹatenachet na qalota shiỹaxauapi. Qaq ivira'a da ishet nataqa'en da ỹatenachet nam ỹataqta iỹaxanapi Ñim Lo'onatac 'Enauacna.

Mateo 13:39

som ỹaalec aso qauem huoue ana 'alhua. Qaq da qanqat na ala so trigo, qalaq naigui qom ivita ca laloqo' da qanmit 'enauacna, qaq som 'onataxanaxaicpi maye nqattac ana ala na trigo, qalaq nachena na lamaxashecpi Ñim Lo'onatac 'Enauacna.

1 Crónicas 21:1

Qaq se'eso pa'aguenataxanaxaic dataỹa'aguet co'ollaxa so Israel le'ecpi, nache ỹayena'a so David da ỹo'ot aso le'enaxat lmalate so Israel le'ecpi.

Apocalipsis 18:2

Somaye ỹataqta alam da lavilỹaxac, detaqtac, 'eeta': «¡Chaxan lshegue, qaq noxonec yem lta'araic nỹecpi le'enaxat Babilonia! Qaq yemaye lma' nagui na saqcha'a na'añaxacpi, qataq nqañoxotaqa' nam saqcha'a na'añaxacpi maye qauemaicpi, qataq lpata'c na ỹotta'a't maỹopi qataq lauac na shiguiỹacpi maye qarqaigaxat qataq saishet da sacheguenaq.

Ezequiel 28:16

Qaq souaxat na qalota 'armenecpi, nache 'avira'a da qaica ca 'aureetac, nache 'am nlaxagui na 'arasouaxashetpi. Qaq huaña nache 'am so'orauec, qataq 'am ñeqateeguesop añim nqasoxonaxa Ñim Lo'onatac 'Enauacna, qaq som huo'oi naua laua't maye 'am mpaxattalec co'ollaxa 'am nqateeguesop ana huaqaañipi.

Apocalipsis 18:23

¡Qataq saishet da qaltaq ỹe'eguelaxalec da icoỹarelec 'am na le'eraxa aca ncoỹaraxanaxaqui, qataq saishet da qaỹa'axaỹa ca ntonaxac cam hueta'a ca naronaxac! Cha'aye nam 'armenaxanaxanecpi namayepi co'ollaxa ndotec na 'añaxaicpi da huetalec ana 'alhua, qaq 'am ỹataqta 'auatenachet co'ollaxa da 'arolec da 'aye'eyaqnataxanaxac 'enauac na ỹotta'a't shiỹaxauapi.»

Salmos 109:6

Ñaq 'auo'ot da nmit 'anqa'en namayepi ca qauemaic, nache que'eca qauemaic ỹauo'o ca nhuaxanaguec cam huo'o da lasouaxashet.

Apocalipsis 12:8

Qalaxaye saishet da ỹañoxot da dauegaxan, nache saishet da qaỹashenem da queta da neto'ot na piguem.

Apocalipsis 12:12

¡Qaq ỹoqo'oye iuen da ntonapigui' na piguem, qataq 'enauac nam hueto'ot namaye! Qalaxaye ¡ỹataqta qauem da taỹa'ague nam huetalec ana 'alhua, qataq nam huetangui aso auaxai! Cha'aye so pa'aguenataxanaxaic ỹataqta dalemata; taña na huetalec ana 'alhua da iloquiaxan. ¡Cha'aye somaye ỹaỹateeta da sa qaỹalec ye ldaqa'!»

2 Crónicas 18:21

Nache somaye 'enapec: Qomye ñeqo'ona da so'onataxana na la'aqtaxanaxacpi so la'aqtaxanaxanecpi ñimaye, da ỹa'axat ñaqa'en da natenataxanaxac. Nache Ñim Nataxala', 'enapego' somaye, 'eeta': 'Aue, 'anqo'ona, nache 'auo'ot damaye, cha'aye 'auañoxot qome.