Apocalipsis 12:8 - La'aqtaqa Ñim Lo'onatac 'Enauacna 2013

⁸ Qalaxaye saishet da ỹañoxot da dauegaxan, nache saishet da qaỹashenem da queta da neto'ot na piguem.

Nuevo Testamento Toba Sur

⁸ qalaxayi somayi sa ishit da dauegaxan. Nachi somayi qataq so nallippi qaica ca lma' na piguem.

Nuevo Testamento Toba Sombrero Negro

⁸ qalaĝaja ja yaqanate't ta'le domataĝa'n. Chane'eja male qaya'te 'lachaqa't di'me piyem jogaa'me,

Apocalipsis 12:8 Referans Kwoze

Salmos 37:10

Cha'aye mashe sa qaỹaloq da imeuo ne'ena qauemaicpi, qaq na'aictoxo' da 'anmittaique qome qalaxaye saishet da qaltaq 'auanata.

Apocalipsis 12:11

Cha'aye da l-leuaxa Ñi Qagueta Llalec, qataq da na'aqtaguec Ñimaye, nachera da iqallem. So qarqaỹañicpi saishet co'ollaxa da ñe'etac, nachaqrata da ỹan da nachaalataxac da qaỹalauat.

Jeremías 1:19

Namayepi 'am delogui' qome, qalaxaye saishet qome da 'am loxonec, cha'aye aỹem 'am soota'aguet qome da yaqto' 'am ñepaxattalec. Qaq 'era da ỹa'aqtac Aỹem Nataxala'.»

Judas 1:6

Qaq 'era da 'eetec nataqa'en som lamaxashecpi piguem le'ecpi Ñim Lo'onatac 'Enauacna, maye saishet co'ollaxa da ỹaỹamaxatec da lo'onataxanaxac maye ỹami' Ñimaye. Qaq Ñimaye chochaq tatec naqa'en da ncoñetaguec somayepi qataq ỹapotaua'a, hueta'a ca ỹataqta napalñi, choche ivitta'a que'eca pa'atec na'a'q maye qaica ca 'ena'am qom qanmit 'enauacna.

Hechos 1:25

da yaqto' talec da lo'onataxanaxac so Judas maye iqataqchet souaxat dam lasouaxashet, nache ivireguet dam ỹataqta 'itchiguiñi naigui dam ỹo'ot.»

Mateo 16:18

Ỹoqo'oye Aỹem 'am sanagui da Pedro, damaye naigui da «coma'.» Qaq ne'ena coma' so'oxootelec cam 'amqaanataxanaxaicpi maye Aỹem ỹa'amaqteetac, qaq ivira'a da la'añaxac da nleuaxa saishet da ilaxachigui.

Jeremías 5:22

Qaq Aỹem Nataxala', shenapec: ¿Saishet peta'a da huo'o ca shenec qanqa'eñi? ¿Saishet peta'a da qaviloxolli da aỹem qauataito'ot? Aỹem so'ot co'ollaxa na delecpi da loga'tpi ñaqa'en ana auaxai, nam loga'tpi maye ana auaxai saishet da napacalec. Qaq na'aictaxa da dauaxan ana lapaxa qataq dellimigui qalaxaye saishet da napacalec yi'iye loga't.›

Salmos 129:2

Aỹem ỹataqta qalota na ñeque'eenaxacpi, chegoqta'a co'ollaq ñaq aỹem nsoqolec, qalaxaye saishet da aỹem noxonec.

Salmos 13:4

Yaqto' na ñepa'aguenaxauapi saishet qome da 'eeta': «Mashe ỹoxonec ñimaye.» Qataq saishet da ntootapeguec da souañi.

Da na'aqtaguec so Job 20:9

Nache na ilota'a co'ollaxa somaye, saishet da qaltaq ỹe'eguelaxa da ila'a, qataq ca lma' saishet da qaltaq qaỹauatton.

Da na'aqtaguec so Job 8:18

Qalaxaye da choche qanapogosheguem que'eca na'attaña, nache qaica da huo'o ca ỹa'axat da na'attaña co'ollaxa yi'iye 'alhua.

Da na'aqtaguec so Job 7:10

nache saishet da qaltaq ỹe'eguelaxa ca lma', nache ca lauo' le'ecpi saishet da qaltaq nauane' camaye.

Apocalipsis 12:7

Ime, nache huo'o so lta'araic loquiaxac, huo'ot na piguem. Qaq huo'o so 'oonolec maye lataxala' na namaxashec piguem le'ecpi, le'enaxat Miguel, nnaictague' so nalleppi da delogui' so shiguiỹac leguemaxaic. Qaq se'eso shiguiỹac qataq so nalleppi ỹataqta deloctac.

Apocalipsis 12:9

Nachaqrata da qaỹamaqauec se'eso shiguiỹac leguemaxaic maye nacheso som na'araxanaq maye la'atchiguiñi: som le'enaxat da pa'aguenataxanaxaic. Somaye qataq so lamaxashecpi qaỹamaqauec da yaqto' talec ana 'alhua, nache somaye nalemaqte' da ỹatenachet 'enauac na huetalec ana 'alhua.

Apocalipsis 20:11

Qaq can ime de'era, nache sela'a aso late'erai so'onaxaqui lapagaxai qataq som nso'ootangui asomaye. Huaña, nache ana 'alhua qataq na piguem ỹataqta nlagaxatapec, nache qaica ca ishet da qaltaq ila'a.