Apocalipsis 12:6 - La'aqtaqa Ñim Lo'onatac 'Enauacna 2013

⁶ Qaq asa'aso 'alo qalaq datauec, taỹa cam toolec 'alhua, qaq huaña da Ñim Lo'onatac 'Enauacna ỹami' ca lma' qataq ilo'ogue, iviraxattre'c caua tres vi'iye qataq ca laiñi ca lỹa vi'i.

Nuevo Testamento Toba Sur

⁶ Qaq asa'aso 'alo, qalaq datauec, taÿa cam tojlec 'alhua, cam ÿaqataxaatapigui' ñi Dios da huotaique lma' asomayi, da yaqto' asomayi qaiqui'axaatac, chochi ivittraue'c caua mil doscientos sesenta na'axa'te.

Nuevo Testamento Toba Sombrero Negro

⁶ Qama'le jaga'me yauo dajooyi, yec'ata di'me aleua lae jo'ne totapega't, 'me joote Dios yaqataĝata't qaedi naqaedi 'me ue'ta da'me yiqui'yaĝatac, chayovida'a ga'me mil doscientos sesenta noloqo'ote.

Apocalipsis 12:6 Referans Kwoze

Apocalipsis 13:5

Qaq se'eso shiguiỹac leguemaxaic qaỹasheetem da 'eetega 'amaqtaqaic qataq da ỹa'axat da 'eetega nacheñi Ñim Lo'onatac 'Enauacna. Qataq nataqa'en qoỹami' da lo'onataxanaxac ca nta'a iviraxattre'c caua cuarenta y dos ca'agoxoiqa.

Apocalipsis 12:14

Qalaxaye Ñim Lo'onatac 'Enauacna ỹanema asomaye soua dos laua't na vi'ic, da yaqto' huaỹo da datauec, nache qaỹoqta naqa'en so shiguiỹac leguemaxaic, taỹa so toolec 'alhua da yaqto' Ñim Lo'onatac 'Enauacna ilotague' asomaye iviraxattre'c caua tres vi'iye, qataq ca laiñi ca lỹa vi'i.

Apocalipsis 12:4

Qaq so la'araxashet somaye ira'a da ỹanataxaalec ana 'alhua, som 'oonolec lpa'axac ana huaqaañipi maye neto'ot na piguem. Qaq se'eso shiguiỹac leguemaxaic, somaye nachatto'ot asa'aso 'alo maye huotaique da deco'o, da huotaique da chec so llalec da choche ñiguiñi.

Mateo 4:11

Nache so pa'aguenataxanaxaic, somaye ca'ai So Jesús, nache saqaỹaloq da anac so lamaxashecpi Ñim Lo'onatac 'Enauacna da huetague' So Jesús.

Daniel 12:12

Qaq ỹataqta machiguiñi qome cam huo'o da lpi'iỹaxac, choche inoxootre'c naqa'en caua mil trescientos treinta y cinco na'axa'te.

Apocalipsis 17:3

Qaq can ñaq sootaigui se'eso ỹauanaqchec maye aỹem ỹanem So Saqcha'a La'añaxac Ñim Lo'onatac 'Enauacna, nache se'eso namaxashec piguem le'ec aỹem ỹauegueuga so toolec 'alhua. Huaña somaye, nache sela'a aso 'alo netalec so shiguiỹac leguemaxaic togaxaraic da lo'oxoỹaxac. Se'eso shiguiỹac leguemaxaic siete naua lqaigo, qataq diez naua lcouel somaye nanettalec 'enauac na lo'oc na ne'enaxatpi maye ỹataqta npa'aguene' Ñim Lo'onatac 'Enauacna.