Apocalipsis 12:12 - La'aqtaqa Ñim Lo'onatac 'Enauacna 2013

¹² ¡Qaq ỹoqo'oye iuen da ntonapigui' na piguem, qataq 'enauac nam hueto'ot namaye! Qalaxaye ¡ỹataqta qauem da taỹa'ague nam huetalec ana 'alhua, qataq nam huetangui aso auaxai! Cha'aye so pa'aguenataxanaxaic ỹataqta dalemata; taña na huetalec ana 'alhua da iloquiaxan. ¡Cha'aye somaye ỹaỹateeta da sa qaỹalec ye ldaqa'!»

Nuevo Testamento Toba Sur

¹² Qaq ÿoqo'oyi 'am piguem, qataq 'enauac na 'am netalec, ÿataqta qauamaichiguiñi qome. Qalaxayi ÿataqta choxodaicpiolec qome na netalec ana 'alhua qataq asom auaxai. Cha'ayi so shiÿaxaua lma'na ÿataqta dalemata. Qaq somayi qami' huenoteeguesopa, cha'ayi somayi ÿaÿateeta'a da mashi sa qaÿapeque ca laloqo'.

Nuevo Testamento Toba Sombrero Negro

¹² Chane'eja ¡ami made'tape, yema da'me ami jo'ne oñe'tague di'me piyem! Qalaĝaja ami choĝodayaqolqa, ami jo'ne oñeta'ña jena'me aleua nach'e ena'ama ami jo'ne oñetañgui joga'me noĝop let'adaic, Qa'a ñe'me payac ami nenochi'ñalo. ¡Ami nautenalo, najaĝaye da'me lalemataic, Qa'a yayaten da'me male na'ta da'me loiquiaqa'!”

Apocalipsis 12:12 Referans Kwoze

Apocalipsis 8:13

Qaq can ime de'era, nache sela'ague so vi'ic huaỹotac, queto'ot na piguem, nache sa'axaỹa so la'aqtac ỹataqta na'axannec 'eeta': «¡Ỹataqta qauem da taỹa'ague 'enauac nam huetalec ana 'alhua, qom ivita da ỹashiiyiguilo caua lasheerel caua lỹa't tres namaxa'she piguem lashe'!»

Isaías 49:13

¡'Am piguem, ña 'aua'alaq qome souaxat da 'aramaicỹaxac! ¡'Am 'alhua ña 'am nlaxagui qome da 'antonaxac! ¡Qami' qasoxonaxapi qa'aua'alqaitai' qome souaxat da qauamaichiguiñi! Cha'aye Ñim Nataxala' ỹa'añaqchet nam lalamaxat nhuo' le'ecpi, qataq huo'o da lchoxonnataxanaxa souaxat da lta'araic lhuogoxo.

Apocalipsis 18:20

¡Qantoñiỹapigui' qami' maye qami' qui'itte' maye qoviito'ot na piguem, cha'aye Ñim Lo'onatac 'Enauacna ilaxachigui ye lta'araic nỹecpi! ¡Qantoñiỹapigui' qami' maye qami' namaxa'she, qataq nataqa'en qami' maye qami' la'aqtaxanaxanecpi Ñim Lo'onatac 'Enauacna, cha'aye Ñimaye mashe ỹauo'o da nhuaxanaguec ye Babilonia, souaxat 'enauac nam ỹo'otpi qauem maye qami' ỹo'oteque!»

Apocalipsis 10:6

Nache ỹan da la'aqtac chegoqchigui da la'añaxac naqa'en Ñim Lo'onatac 'Enauacna da ipacchigui da ỹa'axat nache 'eeta': Ñim Lo'onatac 'Enauacna mashe saishet da huo'o ca iuatta'a. Qom ỹashiiyigui ara lasheere dam 'oonolec daua siete namaxa'she piguem lashe', nache Ñim Lo'onatac 'Enauacna ỹo'ot nam lapaqtañipi maye saishet da qaỹaỹaten. Qataq ỹo'ot 'enauac nam ỹa'axattac co'ollaxa som la'aqtaxanaxanecpi. Qaq se'eso namaxashec piguem le'ec ỹan da la'aqtac chegoqchigui da la'añaxac Ñim Lo'onatac 'Enauacna maye nache 'eetai' da nca'altauec qataq lo'onatac 'enauacna.

Apocalipsis 11:10

Qaq 'enauac qome nam shiỹaxauapi maye huetalec ana 'alhua ỹataqta huo'o da ntonaxac qome da ilota'alo caamaye qom mashe ileu', nache ỹauo'o ca ntonaxac namayepi da qantootaleguete da l-leuqa't. Qaq souaxat da ntonaxac, nache ñi 'oonolec ỹamaxa ca lachetaqtaxanaxat ca lỹa, cha'aye ỹataqta lta'araic naqa'en co'ollaxa da nque'eenaxac na shiỹaxauapi se'esoua dos na'aqtaxanaxanaqa.

Apocalipsis 9:12

'Era da hua'auchiguiñi que'eenaxac, qalaxaye ñaq natai'salo caua lỹa't dos.

Lucas 15:10

Qaq Aỹem shenapec nataqa'en da ỹataqta huo'o da ntonaxac nam lamaxashecpi piguem le'ecpi Ñim Lo'onatac 'Enauacna, da huo'otaq ỹaxaare'c naua no'onataxaco ca shiỹaxaua 'etaxaloxoic.

Apocalipsis 11:14

Qaq se'eso nacheso so nca'ataxanauo maye qauem talec somayepi, qalaxaye saqaỹaloq da nvi' cam lỹa maye pa'atec.

2 Pedro 3:8

Qataq da lỹa, qami' ỹaqaỹarolqa, saishet da qaucoviỹa'ai da Ñim Nataxala' ye 'oonolec na'a'q qalaq 'eeta'ama naqa'en caua mil vi'iye, qataq caua mil vi'iye, qalaq 'eeta'ama naqa'en ca 'oonolec na'a'q.

Hebreos 10:37

Cha'aye da la'aqtac Ñim Lo'onatac 'Enauacna, maye nanettalec ana nere maye huetalec na la'aqtacpi Ñimaye 'eeta': «Ỹataqta saqaỹaloq da nvi' cam iuen da anac, ¡mashe yaqta'a da nvi'!

Lucas 2:14

«¡Ỹataqta lta'araic da ño'oxonnataguec Ñim Lo'onatac 'Enauacna maye neto'ot na piguem, nataqa'en ana 'alhua huo'o da l-lagaxayec 'enauac nam ỹauotec Ñimaye!»

Isaías 44:23

¡'Am piguem 'aua'alaq qome da 'antonaxac, souaxat dam ỹo'ot Ñim Nataxala'! ¡Qanlamaxareñi da qaua'alqai qami' maye qoviita'a na ỹataqta pa'aguiñi ana 'alhua! ¡Qami' qasoxonaxapi qataq aviaq, qataq 'enauac ana qo'oipaqpi, qaua'alqaitagui qome souaxat da lta'araic qantonaxaqui, cha'aye Ñim Nataxala' ỹachaxan da llo'oxoyec da isouec na Israel, maye chegoxoguet so Jacob!

Apocalipsis 12:9

Nachaqrata da qaỹamaqauec se'eso shiguiỹac leguemaxaic maye nacheso som na'araxanaq maye la'atchiguiñi: som le'enaxat da pa'aguenataxanaxaic. Somaye qataq so lamaxashecpi qaỹamaqauec da yaqto' talec ana 'alhua, nache somaye nalemaqte' da ỹatenachet 'enauac na huetalec ana 'alhua.

Apocalipsis 13:6

Qaq da ivilde'c que'ecaua ca'agoxoiqa, nache chegoqchiguiña da isheueetac Ñim Lo'onatac 'Enauacna qataq añi lo'onaxanaxaqui late'erai qataq 'enauac nam hueto'ot na piguem.