Apocalipsis 12:10 - La'aqtaqa Ñim Lo'onatac 'Enauacna 2013

¹⁰ Nache sa'axaỹa so na'aqtac ỹataqta alam, chemqot na piguem, 'eeta': «¡Ñim Qarta'a maye Lo'onatac 'Enauacna nca'alaxatec na lalamaxatpi; qataq ỹachaxan da la'añaxac, qataq nachaqñita da Nta'a! Ñi Lca'aguishec Ñimaye, mashe do'onataxan, ilo'ogue 'enauac na huetalec ana 'alhua. Cha'aye so pa'aguenataxanaxaic mashe qaỹamaqauec na piguem, cha'aye ima'ape naua na'axa'te qataq naua pesa'ache, da nachattaua'a Ñi Qarta'a maye Lo'onatac 'Enauacna da ỹa'axattauo na 'eetega lasouaxashetpi na qarqaỹañicpi.

Nuevo Testamento Toba Sur

¹⁰ Nachi sa'axaÿa so n'aqtac ÿataqta alam, chimqot na piguem, 'eeta': –Mashi nvi' da nca'alaxa, qataq da n'añaxac, qataq da l'onataxanaxac da ilo'ogue 'enauacna ñi qadta'a Dios, qataq da lamaxasoxonaxac som namaq nta'a nca'alaxaqui. Cha'ayi mashi qaÿamaqhuec som ÿasaqtapeguelec na lasouaxashit na qadqaÿañicpi som na'axa'tesa'chi qataq pesa'chi da ÿi'iguelaqtau'a ca netaña ñi qadta'a Dios.

Nuevo Testamento Toba Sombrero Negro

¹⁰ Qama'le jomachiya ga'me 'naqatac jo'ne yejam 'me chimaqapegue di'me piyem jo'ne eetac: “¡Nayi joote novitequena da'me lec'alaqataĝanaĝac ñe'me Qanedios; Male di'yoq da'me lañoqotaĝanaĝac qaedi nejaliaĝatelo'te yema ga'me aleua laje'pi, Nach'e ena'am male di'yoq da'me mach'e lejaliaĝa ñe'me Liquiyac! Qa'a joote qoyamaĝaye ñe'me lauteua' gaa'me mach'e qadaqaya'olqa, Ñe'me jo'ne yemeda naa'me noloqo'ote choqogaa'me pi'yaĝadi da'me ya'uo da'me latenataĝanaĝac jo'ne yaloĝona ñe'me mach'e Qanedios.

Apocalipsis 12:10 Referans Kwoze

Lucas 22:31

Nataqa'en 'enapeco' So Jesús: –Simón, Simón, maxatchaxa, ten so pa'aguenataxanaxaic mashe iỹaxanot Ñim Lo'onatac 'Enauacna qataq mashe qoỹami' da qami' ỹe'egue'n, huotaique da 'eeta'am naqa'en qami' na trigo da ichegoq.

Apocalipsis 11:15

Nache so pa'atec soua siete namaxa'she piguem lashe', ỹashiiyigui aso lasheere, nache na piguem chemqot so ỹataqta lamaxaraic nvilỹaxac, 'eeta': «Ñim Qarta'a maye Lo'onatac 'Enauacna qataq Ñi Lca'aguishec, mashe ilo'ogue 'enauac ana 'alhua. Qaq da lo'onataxanaxac, damaye chochaq tatec.»

Daniel 2:44

Qaq qom ñaq huetaigui da lo'onataxanaxac que'eca nta'alpi, nache Ñim Lo'onatac 'Enauacna maye neto'ot na piguem, nauaxaỹaxaasheguem qome ca no'onataxanaxac maye saishet qome da nlaguiñi, qataq saishet qome da anac ca laỹepi ỹotta'a't shiỹaxauapi da ilo'ogue, nacherata da camaye nlaxaañi da lo'onataxanaxac na laỹepi nta'alpi, qaq camaye chochaq tatec qome.

1 Crónicas 29:11

¡'Am Nataxala', maiche 'aralamaxat da na'amaqchec, da na'añaxac, da ño'oxoyec, da noxonaxanaxac qataq da qaica ca 'ena'am na'amaqchec! Cha'aye 'enauac na hueto'ot na piguem, qataq na huetalec ana 'alhua, maiche 'aralamaxat. Nataqa'en 'aralamaxat da lo'onataxanaxac na lta'alpi, qataq 'anataỹaña 'enauac namayepi.

Mateo 28:18

Nache So Jesús nquiga somayepi nache 'enapega, 'eeta': «Ñim Lo'onatac 'Enauacna Aỹem ỹami' da na'añaxac da yaqto' selo'ogue 'enauacna.

Da na'aqtaguec so Job 1:11

Qalaxaye da huo'o ca qona'ac qataq da 'auacona 'enauac na hueto'otpi, nache 'aue'elaqtem qome da 'Am iviraxato'ot da 'Am isheuen.»

Da na'aqtaguec so Job 1:9

Qalaxaye som Pa'aguenataxanaxaic, 'enapeco': «Qaica ca choche vichiguiñi da ỹataqta 'Am ỹalaxaguet.

Apocalipsis 2:26

Qaq na saishet da iqallem na lqalaiguesat, qataq saishet da ỹaxanec da lpi'iỹaxac Aỹem, nache sami' da la'anaxat da dauegaxan namayepi aca huaqaañi yo'oxoñi lashe. Qaq da nache 'eetai' da Aỹem ỹalaxaguet, nache sami' da la'añaxac da ilo'ogue 'enauac na ỹotta'a't shiỹaxauapi ana 'alhua, 'eeta'am da 'eetec Ñim Ita'a da Aỹem ỹami' de'era na'añaxac. Da ilo'ogue ne'ena ỹotta'a't shiỹaxauapi qalaxaye ỹataqta sa icherapec; ¡ỹataqta ilaxachigui 'eeta'am naqa'en aca no'onata taxaqui maye qaỹachegoxotaigui na 'alhua!

2 Corintios 12:9

Qalaxaye Ñimaye aỹem ỹasateguet, 'eeta': «Da iqouagaxanaqtaic mashe 'am hueto'ot, qaq saqca ca lỹa 'aueetac. Cha'aye da ỹa'añaxac yo'oq da nachattaigui ca shiỹaxaua qaica ca la'añaxac.» Qaq ỹoqo'oye ỹataqta samachiguiñi da saqca ca ỹa'añaxac yaqto' da la'añaxac So Cristo yo'oq da aỹem nachattaigui.

Lucas 11:2

Nache So Jesús 'enapeco': –Da ivita da qanatamñi, qalaq qoñiita': «'Am Qarta'a maye qoneto'ot na piguem, 'enauac qome da 'am qaỹauatton da 'am 'oonolec maye 'Aro'onatac 'Enauacna. Ña 'auanac yaqto' 'am 'oonolec da 'am Qarta'a,

Mateo 26:64

Nache So Jesús 'enapeco': –Aja', nachera dam 'anasaxauec. Ñaq 'ana'axaỹaxana dam ỹa'aqtac nagui. Da mashe saqaỹapeque ca na'a'q da qami' Aỹem qauloỹa'aguet Aỹem Shiỹaxaua Llalec da sootalec ca lo'oc na piguem da ñanactaigui da na'añaxac qataq da namaxasoxonaxac maye Aỹem ỹami' Ñim Lo'onatac 'Enauacna maye qaica ca ỹaqalanapec.

Mateo 6:10

Ña 'auanac yaqto' 'am 'oonolec da 'am Qarta'a maye ỹataqta ỹactec da 'ara'amaqchec. Yaqto' 'enauac na shiỹaxauapi maye huetalec ana 'alhua 'am ỹalaxaguet, 'eeta'am da lalaxayec nam hueto'ot na piguem.

Salmos 22:28

Cha'aye Ñim Nataxala' nacheñi Ñim Nta'a, qaq Ñimaye nacheñi ñi ilotague' na ỹotta'a't shiỹaxauapi.

Da na'aqtaguec so Job 2:5

Qalaxaye da 'aupoteua'a da nachaalataxac, nache 'auaỹaten qome da ishet da 'am iviraxato'ot da 'am isheuen.»

Tito 2:3

Nache 'ena'am qonapega na ỹa'axaina'pi da ỹataqta quetelec da lataxac aca quetague' Ñim Lo'onatac 'Enauacna, qataq saishet da na'aqtaqa lo'o', qataq saishet da taxai. Nachaqrata da ỹachaxana ca no'on lataxac anam saxanaxa da ỹe,

Salmos 45:6

Da 'aro'onataxanaxac 'am maye 'Aro'onatac 'Enauacna damaye chochaq tatec, qaq de'era 'aro'onataxanaxac damaye ỹataqta nalochiguiñi.

Apocalipsis 7:10

Qaq somayepi ỹa'alaqtagui, 'eeta': «Qomi' nca'alaxatre'c Ñim Qarta'a maye Lo'onatac 'Enauacna, maye nso'ootangui añi so'onaxaqui, qataq Ñim Qagueta Llalec.»

1 Pedro 5:8

Qataq ỹataqta qanaỹaanaxanaqchiñi, qataq qami' lhuotte' da huo'o ca qaviyeeguet, cha'aye so pa'aguenataxanaxaic, somaye nmittaique ca ishet da ilaxachigui, 'eeta'am ca quiyoc da desoqtac.