Apocalipsis 12:1 - La'aqtaqa Ñim Lo'onatac 'Enauacna 2013

¹ Ime, nache na piguem qaltaq huo'o so yo'oq lta'araic qataq sa qaỹauanapega: Huo'o aso 'alo nachattaigui añi nala', 'eeta'am da lapo'. Qaq ñi ca'agoxoic, qalaq petalec. Qataq asomaye ỹaatañi aso naro'o na nta'a. Qaq asa'aso aro'o netaguilo soua doce huaqaañi.

Nuevo Testamento Toba Sur

¹ Nachi qaltaq yi'oq so lÿa n'anec, hueto'ot na piguem, 'eeta': Aso 'alo nachattaigui aso nala', 'eeta'am da lapo'. Qaq so ca'agoxoic, qalaq petalec. Qaq asomayi ÿaatañi aso nado'o na nta'a. Qaq asa'aso ado'o netaguilo soua doce huaqajñi.

Nuevo Testamento Toba Sombrero Negro

¹ Qama'le 'uo jo'me di'yoq jo'ne 'nanec let'adaic 'me ua'ague di'me piyem: 'uo jaga'me yauo jo'ne qoyen neuoĝoi jañe'me ajeua, choqoñe'me auoĝoic ne'toto naa'me lapia'te, nataq'aen jaga'me cop'a jo'ne netaye jo'me laqaic nalo'taguet doce naa'me uaqachiñil jo'ne netedalegue.

Apocalipsis 12:1 Referans Kwoze

Lucas 21:25

Nache huo'o qome na la'anaxatpi añi nala' qataq ñi ca'agoxoic qataq ana huaqaañipi. Qataq nam ỹotta'a't shiỹaxauapi maye huetalec ana 'alhua ỹataqta sa ỹaỹaten ca 'eetec, qataq ỹataqta ñi'i, souaxat da lchec da l-lamaxa ana lapaxa aso auaxai.

Efesios 5:32

Qaq de'era ỹataqta 'eesa qataq ỹataqta lta'araic da naigui maye saqcha'a. Qaq aỹem nachera da seueetac da sa'axattac So Cristo qataq na 'amqaanataxanaxaicpi.

Isaías 62:3

Nache 'am qoneta'am qome aca ỹataqta 'onaxai naro'o ca nta'a, da qouetaigui na lhuaq Ñim Nataxala' maye 'Anatamnaxala'.

Marcos 13:25

Qataq naañi qome ana huaqaañipi, qataq ivira'a da cholaxan nam na'añaxacpi maye hueto'ot na piguem.

Cantares 6:10

¿Negue't ana'ana cha'aguet nnoxotcheguem maye 'eeta'am añi chi'ishe da nte'eta, qataq 'erangui 'eeta'am ñi ca'agoxoic, qataq da llo'oxoyec 'eeta'am ana huaqaañipi?

Lucas 21:11

Qataq huo'o qome ca nacholaxanaxa naua pa'aiguelo naua laỹel ana 'alhua qataq ca nqouaxa. Qataq huo'oi qome naua nalolaxaco naua 'aleu'. Qataq qaila'a qome ca qaica ca 'ena'am da lchec qataq caua lta'al na'anqa na piguem.

Salmos 104:2

'Eeta'am 'anqa'en ca npo' da 'anapogoña na yo'oqchiguiñi. Qataq 'aupiguiisheguem na piguem 'eeta'am ca napoxonaxat.

Salmos 84:11

Cha'aye Ñim Lo'onatac 'Enauacna maye Nataxala', Ñimaye qomi' icoỹattaleguete qataq qomi' npaxattaleguete, Ñim Nataxala' chochaq ỹaatem da lchoxonnataxanaxa, 'enauac nam nalochiguiñi da lataxac.

2 Crónicas 32:31

Qaq 'era da 'eetec nataqa'en co'ollaq so nataxala'pi ye Babilonia, da ỹauo'oi soua ỹama'q da yaqto' namaqtrega, qataq yaqto' ỹaỹate'n so sa qaỹauanepega maye huaña yi'iye 'alhua. Qaq Ñim Lo'onatac 'Enauacna ca'ai co'ollaxa so Ezequías, da yaqto' ỹe'eguen qataq yaqto' ỹauatton yem ỹoqta pa'auo lhuennataxac somaye.

Apocalipsis 21:23

Qataq se'eso nỹecpi, somaye saishet da iuen añi nala' qataq ñi ca'agoxoic da huo'otaq icoỹarelec. Cha'aye na le'eraxa Ñim Lo'onatac 'Enauacna qataq Ñim Qagueta Llalec nache icoỹattalec.

Apocalipsis 15:1

Qaq aỹem sela'a so hueto'ot na piguem ỹataqta sa qaỹauanapega: soua siete namaxa'she piguem lashe', ỹacheta'ape soua pa'atre'c napaxaco maye talec naqa'en qome ana 'alhua. Qaq qom ime de'era, nache da layeloxo Ñim Lo'onatac 'Enauacna vi'iiguet.

Apocalipsis 12:3

Ime, qataq yo'oq so lỹa huo'ot na piguem, lta'araic qataq sa qaỹauanapega: Yo'oq so lta'araic shiguiỹac leguemaxaic togaxaraic da lo'oxoỹaxac, qaq somaye siete naua lqaigo, qataq diez soua lcouel. Qaq ñi 'oonolec soua lqaigo ỹaatañi ana naro'o na nta'a.

Apocalipsis 11:19

Huaña, nache nauatoiguilo soua laso'omi añi lo'onaxanaxaqui late'erai Ñim Lo'onatac 'Enauacna maye neta'ague da piguem, qaq ỹataqta yo'oqta aso laỹe' soua naỹamaxataxaco Ñimaye. Nache huo'o so nqashelgaxa, qataq huo'o so lta'araic nalataxa, qataq so lta'araic lacholaxanaxa ana 'alhua, qataq anac aso late'erai lache.

Hechos 2:19

Qataq na piguem huo'ot ñaqa'en ca sachaxan ca ishet da ỹo'ot da na'aalaxa, qaq ana 'alhua sauo'o na na'anecpi: ntago'q, norec, nchaxa lta'araic.

Mateo 24:30

Huaña, nache 'enauac da qaila'a na pa'asheguem ca la'anaxat da Aỹem Shiỹaxaua Llalec qaltaq ñe'eguelaq. Nache 'enauac qome na ỹotta'a't shiỹaxauapi ana 'alhua ỹataqta iviloxolaqchet da lcolanaxa qom Aỹem ila'aguet da ñanactaigui ca lo'oc na piguem, ỹataqta lta'araic da ỹa'añaxac qataq da ỹo'oxoyec.

Zacarías 9:16

Que'eca na'a'q, Ñim Nataxala' maye natamnaxala' namayepi, nca'alaxatec qome nam lalamaxat nhuo' le'ecpi, 'eeta'am naqa'en aca nlo qaguetapi, huaña nache qashelectapiguiñi na lalamaxatpi da hueta'a ye maiche na'alhua, 'eeta'am aca no'on coma' maye llo'oxoraqte aca aro'o.

Isaías 61:10

Aỹem ỹataqta lta'araic da ñetootapeguec Ñim Nataxala', da ñachaalataxac qalaq nlaqchigui da ntonaxac souaxat Ñim Ñatamnaxala', cha'aye Ñimaye aỹem ỹanaxanaxangui da nca'alaxa qataq aỹem napogonaxaaña da nalochiguiñi lataxac, Aỹem no'otaxanaxan sheeta'am ca auonaxaua qataq ỹauo'o ana ño'otaqtepi sheeta'am naqa'en aca auonaxaua.

Malaquías 4:2

Qalaxaye qami', maye huo'o naq 'enec qanqa'eñi da ỹe'enaxat, dam no'on ỹataxac qalaq 'eroigui qome, 'eeta'am na le'eraxa añi nala', qaq na le'eraxa qalaq nachetac qome da nca'alaxa. Nache qami' qaparenaxañeetac qome, souaxat da qantonaxaqui, qoñeeta'am ca huaca llalaqpi da parenaxaatague' da chegaqaigui aca laỹe'.

Gálatas 6:14

Qalaxaye aỹem, nachaqrata da huo'o da ña'amqaanaxac souaxat da sa'amaqten da l-leuaxa So Qarataxala' Jesucristo. Ỹoqo'oye huo'o da ña'achec, cha'aye de'era l-leuaxa Somaye, chegoqchigui da naua lhuennataxaco maye qauema nam huetalec ana 'alhua mashe saishet da seqochetega; cha'aye ana'ana 'alhua 'eeta'am ñaqa'en da mashe seleu.

Mateo 12:38

Nache huo'o nam ỹalectaigui na fariseopi qataq nam dapaxaguenataxaatapeguec na namaxasoxonaxacpi 'eetego' So Jesús, 'eeta': –'Am Napaxaguenataxanaq, sauoqtaique da huo'o ca 'auo'ot, cam ishet da ỹa'axat da 'am lamaxashec Ñim Lo'onatac 'Enauacna.

Apocalipsis 21:14

Qaq se'eso lcopaqtaxat se'eso nỹecpi somaye no'oxootaleguete qanqa'en soua doce coma'ye. Qaq ñi 'oonolec soomaye, nache nanettaleguete naua le'enaqa'ate soua doce lamaxa'she So Qagueta Llalec.

Apocalipsis 1:20

Aỹem 'am sa'aqtaxanem dam saqcha'a naiguilo soua siete huaqaañi, maye 'auauaachiguilo da huetaiguilo na ihuaq qataq dam saqcha'a naiguilo soua siete ncoỹaraxanaxaqui' maye chegaqaiguilo na oro. Soua siete huaqaañi, naiguilo naua lamaxa'she Ñim Lo'onatac 'Enauacna maye ilotagueto nam ỹa'amaqten So Jesús maye netaleguete naua siete 'aleu'. Qaq soua siete ncoỹaraxanaxaqui' naigui na 'amqaanataxanaxaicpi maye netaleguete naua siete 'aleu'.

Gálatas 3:27

Cha'aye co'ollaq qami' qanachelaxa'n, nache qami' qana'ayeeua'a So Cristo, qaq nagui qami' qoñiita'am Somaye.

2 Corintios 11:2

Cha'aye aỹem huo'o da 'eco' ica'alaxanaxac da qoñiita. Qalaxaye de'era ica'alaxanaxac, damaye chegoqtot Ñim Lo'onatac 'Enauacna. Cha'aye aỹem sauotaique da qami' saronaxanaxanegueta So Cristo, qataq sauotaique da qami' sachaxaneua'alo Somaye, da 'eeta'am ñaqa'en aca qa'añole maye saxanaxa da huaron, da huaroneguet ca 'oonolec ỹale.

Romanos 3:22

Ñim Lo'onatac 'Enauacna ỹaconeguet 'enauac nam ỹa'amaqten qataq huo'o da lpi'iỹaxac So Jesucristo, saishet da iuen da huo'otaq judío qalqo' saishet.

Juan 3:29

Da huo'otaq huo'o ca naronaxac, qaq cam ỹataqta huaroneguet aca auonaxaua, nacheca cam nauonaxaua. Qaq cam nauochaxaua que'eca auonaxaua, camaye ỹataqta machiguiñi da choche hua'aqtega da lvilỹaxac. Qaq nache 'eetec nataqa'en nagui aỹem ỹataqta aỹem nlaqchigui da ñetonaxac, cha'aye ca Lca'aguishec Ñim Lo'onatac 'Enauacna mashe hueta'a ne'ena.

Gálatas 4:26

Qalaxaye aso Sara naigui da dalaxaic aỹamaxataxac, qaq ỹoqo'oye qomi' qaralamaxat ye Jerusalén maye hueta'ague da piguem, qomi' maye ỹataqta qomi' huesochiyiñi.