Apocalipsis 11:8 - La'aqtaqa Ñim Lo'onatac 'Enauacna 2013

⁸ Nache da lo'ocỹaxa'c caamaye qaỹachetrangui na laiñi so nqa'aic lta'araic ye nỹecpi maye huaña co'ollaq qaỹalauat So Qarataxala' qaiuaxaneguet so npe'enaxaqui. Qaq na shiỹaxauapi ỹamata'ac yi'iye nỹecpi da naigui naqa'en da Sodoma qataq Egipto.

Nuevo Testamento Toba Sur

⁸ Nachi da l'oquiaxa'c soomayi qaÿachitrangui na laiñi so nqa'aic yim lta'adaic la ciudad mayi huaña co'ollaq qaiuaxanguet so qo'ipaq so qadataxala', yim chochi qaÿamata'ac da l'enaxat Sodoma qataq Egipto.

Nuevo Testamento Toba Sombrero Negro

⁸ Chane'eja jogaa'me lapa'che dia'me joote yele'u nelagaĝachichidiñe, ueteda'ña ga'me naq'aeuo joga'me noic let'adaic, di'me jo'ne ua'ña joca'li ñe'me mach'e Qadejaliaĝanec da'me qoyep'enajeguem, di'me noic jo'ne lenaĝat qoyen Sodoma qama'le nach'e ena'am da'me lenaĝat laqaya qoyen Egipto.

Apocalipsis 11:8 Referans Kwoze

Jeremías 23:14

Qataq Aỹem sauaachigui na na'aqtaxanaxanecpi na Jerusalén da ỹo'ottac nam ỹataqta qaiqaiga, namayepi ncachetague' ana saishet da lhua, qataq decachetac, qataq ỹa'añaqchet na qauemaicpi da yaqto' namayepi saishet da ca'ai da qauem. Namayepi qataq nam laỹepi maye hueta'a ne'ena huaqta'a't nỹecpi, 'eeta'am ñaqa'en so Sodoma qataq so Gomorra.

Apocalipsis 18:10

Qalaxaye souaxat da lcolanaxa da qaỹauo'o ca nhuaxanaguec da 'eeta'am yemaye, nache ỹataqta qaỹoqteuga qome namayepi, nache 'eeta': «¡'Agai, ỹataqta chaqaic da qouaigui! ¡Ỹataqta 'am choxoraxaso', 'am maye ỹataqta 'am lta'araic Babilonia, 'am maye 'am 'añaxaic! ¡'Eeta'am da 'eetec da nqachegoxoñi ca shiỹaxaua da Ñim Lo'onatac 'Enauacna lhuennataxac da ỹauo'o da 'anque'eenaxac!»

Apocalipsis 18:21

Ime, nache so 'oonolec namaxashec piguem le'ec maye ỹataqta qaica ca 'ena'am da la'añaxac, somaye ỹacoosop so coma' lta'araic maye 'eeta'am na namaicnaxanaxat, nache ỹasaxangui aso auaxai, nache 'eeta': «'Am Babilonia, 'am ỹataqta lta'araic da 'ara'añaxac, ¡'Era qome da 'eetec da 'am qailaxachigui, nache saishet qome da qaltaq 'am qaila'a!

Hebreos 13:12

Qaq nache 'eetec nataqa'en So Jesús co'ollaq qaỹalauat qalaq huaña ye pa'auec ye nỹecpi ye Jerusalén, da yaqto' chegoqchiguilo naua ltago'q da Ñim Lo'onatac 'Enauacna ỹapalaxat na lasouaxashetpi na shiỹaxauapi maye lalamaxatpi.

Apocalipsis 18:18

Qaq co'ollaq ila'a na lmala'q se'eso lta'araic nỹecpi maye ỹavic, nache ỹa'alaq, 'eeta': «¡Saishet da huo'o ca lỹa lta'araic nỹecpi qataq 'añaxaic da 'eeta'am ye Babilonia!»

Apocalipsis 11:9

Nache ivittre'c caua tres na'axa'te qataq ca laiñi ca lỹa na'a'q da imeteetac da lo'ocỹaxa'c caamaye na ỹotta'a't shiỹaxauapi maye ỹotta'a't na la'aqtacpi. Qataq saishet da qaỹashe'n da qailalyiñi da lo'ocỹaxa'c.

Judas 1:7

Qataq nache 'eeta'am da huaigui co'ollaxa so shiỹaxauapi maye lma' ye Sodoma qataq Gomorra qataq som nỹecpi maye saqaỹapeque yeemaye. Som hueta'a yemaye ỹataqta ỹaguec da lle'etaxaloxo qataq ỹo'ottac na ỹotta'a't lataxac da quisheguetaxac maye sa qaishetapec. Qaq ỹoqo'oye Ñim Lo'onatac 'Enauacna ỹauo'o da nhuaxanaguec, icorelec so norec maye saishet da 'om da yaqto' ỹo'ot da nque'eenaxac somayepi. Qaq damaye nachera da 'enauac qomi' qaivitaqteetegalo.

2 Pedro 2:6

Ñim Lo'onatac 'Enauacna nataqa'en ỹauo'o da nhuaxanaguec so shiỹaxauapi maye lma' ye nỹecpi ye Sodoma qataq ye Gomorra, nache ỹavigaxat, iviraxata'a da ndota't na alo, da yaqto' laloqnaxanaxat, dam huotaique 'eetec maye talec naqa'en nam shiỹaxauapi maye qauemaicpi.

Mateo 10:15

Qaq ỹataqta 'eesa de'era qami' sa'aqtaxanema da qom ivita que'eca na'a'q da qanmit 'enauacna, nache ca nhuaxanaguec que'eca shiỹaxauapi ỹataqta napacalec qome da nhuaxanaguec som shiỹaxauapi maye netaña co'ollaxa so nỹecpi le'enaxat Sodoma qataq Gomorra.

Amós 4:11

Qataq qami' seroleguete so ỹataqta lta'araic lchec da qami' ñelaxaayiñi, 'eeta'am co'ollaq ñelaxaañi ye Sodoma qataq ye Gomorra, nache qoñeeta'am aca poqo maye qanqateeguesop ca norec, qalaxaye ñaqaiyeta saishet da aỹem qañe'eguelaqaỹa. Qaq 'era da la'aqtac Ñim Nataxala'.

Ezequiel 23:27

Qaq 'era da 'eetec qom sha'axaneguet dam 'arataxac maye maiche 'ananoiqueetac naxa da huo'o ye 'auo'ot, qataq da 'arquisheguetaxac, maye 'anañaneguet co'ollaq huaña ye Egipto, nache saishet qome da ỹe'eguelaxa da qaltaq 'anauane' ye Egipto le'ecpi, huo'otaq da 'auennatega yemayepi.

Ezequiel 23:19

Qalaxaye asomaye nache queto'ot da nquigaxattauec da lquisheguetaxac, iuennate soua na'axa'te co'ollaq ñaq qa'añole, co'ollaq hueta'a ye Egipto da nquishestac,

Ezequiel 23:8

Qaq nache chegoqta'a co'ollaq hueta'a ye Egipto, nache nañaneguet da nquisheguetaxac, nache saishet da ỹaxaañi damaye. Qaq nache chegoqta'a co'ollaq ñaq qa'añole da qalota som lauañe'pi, qataq ipottac ana ltogue, nache iqataqchet so nnogotshec qataq ỹaneguet da quisheguetaxac.

Ezequiel 23:3

Qaq chegoqchiguiña co'ollaq ña qa'añolel se'esoua dos 'alo, nache nañaareguet da nquisheguetaxac, co'ollaq huaña ye Egipto nache nasheete' da qaipotta'ape naua ltete, qaq huaña nache deqat so nnogotshe'c.

Isaías 3:9

Cha'aye da maiche lashiguiỹaxac nachera da ỹa'axat da lataxac namayepi, qaq saishet da ỹoxooñi nam lasouaxashetpi 'eeta'am co'ollaxa so Sodoma da imauec da ỹa'axat na lasouaxashetpi. ¡Qaq choxoraxaso' qome namayepi cha'aye iqataxaatapigui' da maiche nhuaxanaguec!

Éxodo 20:2

«Aỹem Nachaỹem Nataxala' maye 'anatamnaxala', Aỹem 'am ñeqateeguesop co'ollaxa ye 'alhua Egipto, yem huaña co'ollaq choche 'am nlatac.

Éxodo 3:7

Qalaxaye Ñim Nataxala', nache queta da 'eetega, 'eeta': «Aỹem ỹataqta semeteetac da nque'eenaxac ye nhuo' le'ecpi maye ỹalamaxatpi maye netaña ye Egipto, qataq sa'aqtega da lta'araic laquicoxo souaxat yem alleppi maye qaipataxalec da ilotague' yemayepi. Qataq ỹataqta sauattota de'era nque'eenaxac.

Génesis 19:24

nache Ñim Nataxala', anac naqa'en so norec, chegoqtot na piguem, qataq so 'eco' quiquiaxaraic da 'eeta'am na auot, da talec ye Sodoma qataq Gomorra,

Génesis 13:13

yem hueta'a som shiỹaxauapi maye 'enauac da qauemaicpi, qataq ỹo'ottac nam ỹataqta qauem 'onataxacpi, maye ỹataqta deqaiga Ñim Nataxala'.

Apocalipsis 18:2

Somaye ỹataqta alam da lavilỹaxac, detaqtac, 'eeta': «¡Chaxan lshegue, qaq noxonec yem lta'araic nỹecpi le'enaxat Babilonia! Qaq yemaye lma' nagui na saqcha'a na'añaxacpi, qataq nqañoxotaqa' nam saqcha'a na'añaxacpi maye qauemaicpi, qataq lpata'c na ỹotta'a't maỹopi qataq lauac na shiguiỹacpi maye qarqaigaxat qataq saishet da sacheguenaq.

Apocalipsis 16:19

Nache se'eso qalagoxoñi 'alhua, somaye tres soua lpoxoỹaqa'ate naqa'en ye lta'araic nỹecpi ye Babilonia, qataq na hueta'a na lta'araic nỹecpi 'enauac ana 'alhua qalaq qalagoxoñi. Ñim Lo'onatac 'Enauacna saishet da icoua'ai ye nỹecpi ye Babilonia, nachaqrata da ỹauo'o so nhuaxanaguec ỹataqta qaica ca 'ena'am da lchec qataq imatalec da layeloxo.

Apocalipsis 14:8

Qaq ca'attaueegue so lỹa namaxashec piguem le'ec nataqa'en detaqtac, 'eeta': «Mashe noxonec ye lta'araic nỹecpi le'enaxat Babilonia, mashe sogote da qailaxachigui yemaye, cha'aye yemaye ỹapaxaguenec 'enauac nam ỹotta'a't shiỹaxauapi da lasouaxashet, qataq da ỹalaxaguet naqa'en nam qanatameetacotpi maye saq 'en.»

Apocalipsis 11:13

Qaq nache huetoigui da huo'o so lta'araic qalagoxoñi 'alhua, nache ilaxachigui ñi 'oonolec nam diez nỹecpi se'eso lta'araic nỹecpi, qataq ivi' siete mil so ileu shiỹaxauapi. Qaq som lca'alaxaicpi ỹataqta lta'araic da lcolanaxa, nache cheta'ague da ỹo'oxoreetac Ñim Lo'onatac 'Enauacna maye neta'ague da piguem.

Hechos 9:4

Nache so Saulo naañi. Huaña, nache hua'axaỹa so na'aqtac, 'eeta': –Saulo, Saulo, ¿ta'ainco' ye Aỹem 'aucaatac?

Jeremías 26:23

nache soomaye ỹachegoxotchiyiña co'ollaxa ye Egipto da naue'c so Urías, ime nache ỹaareua'a so nta'a Joaquim, nache se'eso nta'a damaxasoxoolec somaye da qaỹalauat, qataq da lo'ocỹaxac somaye qaỹasaxangui aso nshere maye qauem.

Apocalipsis 18:24

Ñim Lo'onatac 'Enauacna ỹauo'o da nhuaxanaguec yi'iye lta'araic nỹecpi, cha'aye yemaye lasouaxashet da ỹalauat so la'aqtaxanaxanecpi Ñimaye qataq so lalamaxatpi. Qataq 'enauac nam ỹalauatpi maye huetalec ana 'alhua.

Apocalipsis 17:5

Qaq asomaye nanettalec na latap so ne'enaxat maye saqcha'a ca naigui. 'Eeta': «Nam ỹataqta 'amaqtaqaic Babilonia, nachana ana late'e ana quisheguetaxaipi qataq 'enauac nam qauem maye nqaigaxat maye huetalec ana 'alhua.»

Apocalipsis 17:1

Nache so 'oonolec soua siete namaxa'she piguem lashe' maye lasoqta'alo soua siete ỹomaxaqui', somaye anac. Nache aỹem 'enapega, 'eeta': «'Aỹala, ñaq 'am sachaxana da nhuaxanaguec maye iuatta'aguet añim 'alo maye ỹataqta lta'araic da lquisheguetaxac maye nso'ooto'ot na loigue na qalota 'etaxat.

Ezequiel 37:11

Qaq huaña nache Ñim Nataxala' aỹem 'enapega, 'eeta': «Na nhuo' Israel le'ecpi, namayepi 'eeta'am ne'ena npi'inecpi. Namayepi 'enapec naxa: Naua qarpi'inaqa ỹataqta deqaqte', mashe qaica ca qanaquitaxac, qataq mashe seqataq.

Ezequiel 16:46

Da sheu' qalaq neta'ague añi 'arqaỹa ỹe, maye nacheye yem huaqta'a't nỹecpi ye Samaria, qataq 'enauac nam salamai' nỹecpiolec maye coleesop yemaye, qaq da taguiñi qalaq neta'ague añi 'arqaỹa na'asa, maye nacheye yem huaqta'a't nỹecpi ye Sodoma, qataq 'enauac nam salamai' nỹecpiolec maye coleesop yemaye.

Ezequiel 16:49

Qaq 'ena nam lasouaxashetpi co'ollaxa aso 'arqaỹa Sodoma, asomaye qataq nam salamai' nỹecpiolec maye coleesop, huo'o co'ollaxa da ño'oxonnaxac souaxat da saqoue na aloq, qataq souaxat da huetaigui da qaica ca iuen, qalaxaye saỹauano' da itauan ca choxoraq qataq ca deuenaxaatac.

Apocalipsis 14:20

Qaq asa'aso uva can qanlom na lli'i, qalaq huaña qanqa'en som pa'aueegue da laỹe ye nỹecpi. Nache asa'aso laỹe' da qanlom anamaye, chegaqangui so ỹataqta lta'araic ntago'q, nache ivi' un metro y medio ye ivirasheguema, qaq ye lcachiguiñi se'eso ntago'q ivi' trescientos kilómetros.

Apocalipsis 17:18

Qaq asa'aso 'alo maye 'auauaachigui, naigui yem lta'araic nỹecpi, qaq so nta'a maye netaña yemaye, nacheso so ilo'ogue 'enauac nam nta'alpi maye huetalec ana 'alhua.»