Apocalipsis 11:7 - La'aqtaqa Ñim Lo'onatac 'Enauacna 2013

⁷ Qalaxaye que'ecaua dos ỹa'aqtaxanaxanaqa qome da ima't dam ỹa'axattrac dam 'eesa ỹa'aqtaxanaxac, nache so shiguiỹac leguemaxaic maye chegaqaña som laponqa' nam leuaxaicpi, iloquiaxa'n caamaye. Ime, qaq loxonqa, nache ỹalaua't.

Nuevo Testamento Toba Sur

⁷ Qalaxayi qom mashi ima't nam i'o'tpi, nachi so shiguiÿac mayi chigaqaña som laponqa' nam leuaxaicpi, somayi iloquiaxa'n soomayi. Ime, qaq loxonqa, nachi ÿalaua't.

Nuevo Testamento Toba Sombrero Negro

⁷ Qalaĝaja qom male yoma't ena'uaque da'me 'laqataĝanaĝa'j, qama'le joñe'me jiyac polio' male nenoĝojeguem chiyaqañgui jaga'me limaĝañi jo'ne qaya'te loiquiaqa', qama'le paja'a da'me deuo'yalo, qama'le noma't chayovida'a da'me male yala't.

Apocalipsis 11:7 Referans Kwoze

Apocalipsis 13:7

Nataqa'en qaỹasheetem se'eso shiguiỹac leguemaxaic da iloquiaxan 'enauac nam lalamaxatpi Ñim Lo'onatac 'Enauacna, qataq ivitta'a da 'enauac loxonec. Qataq qoỹami' da la'añaxac da yaqto' maiche ỹoiqueetac 'enauac nam ỹotta'a't shiỹaxauapi maye ỹotta'a't na la'aqtacpi qataq ỹotta'a't na netañapi ana 'alhua.

Daniel 7:25

Qataq isheueetac qome Ñim Nataxala' maye Nataỹaña 'Enauacna, qataq nquigaxattañi qome nam nhuo' le'ecpi maye lalamaxat Ñimaye, qataq nmitaique qome ca lataxac da naralaxat na lqataxacpi Ñim Lo'onatac 'Enauacna, qataq nam lataxacpi da na'amqaanataxanaxac, nache na nhuo' le'ecpi maye lalamaxat Ñim Lo'onatac 'Enauacna, huetalec qome da la'añaxac camaye, choche ivittre'c caua tres vi'iye qataq ca laiñi ca lỹa vi'i.

Juan 17:4

Qaq Aỹem ỹataqta 'am sho'oxoreetac nagui da soota'a ana 'alhua, cha'aye ỹataqta sematta da Aỹem 'auamaxalec da so'ot.

Lucas 13:32

Qalaxaye Somaye 'enapeco': –Qauesomiỹa, qaua'aqtaxañim qome aca'aca huaxaỹaxa, qoñiita': «Nagui na na'a'q, qataq qonte' so'orauec na ne'ecpi leguemaxaicpi, qataq ñataren na sa no'onpi, qaq que'eca lỹa na'a'q, nache seme.»

Apocalipsis 13:11

Ime, qaltaq sela'a so lỹa shiguiỹac leguemaxaic, somaye chegoqtoigui ana 'alhua. Qaq somaye dos soua lcouel, 'eeta'am na qagueta llalec, qalaxaye naua la'aqtaqa 'eeta'am so shiguiỹac leguemaxaic maye 'eeta'am na na'araxanaq;

Apocalipsis 11:3

Nache Aỹem sama'q caua dos ỹa'aqtaxanaxanaqa, da yaqto' ỹa'axa't da ỹataqta 'eesa ỹa'aqtaxanaxac. Qaq caamaye qom sama'q qalaq ỹaatrañi ñaqa'e'n caua alogo lasouaxaqui', da yaqto' ỹa'axat da ỹa'aqtaxanaxac iviraxattre'c que'ecaua tres vi'iye qataq ca laiñi ca lỹa vi'i.»

Hechos 20:24

Qalaxaye 'enauac namayepi qaica ca seqocha'a, ivira'a da maiche ñachaalataxac 'eeta'am ñaqa'en da qaica ca naigui. Chaqrata da ñeshetaique da samachiguiñi qom sematta da ñamaxasaguec qataq da sepaqueelec dam ỹo'onataxanaxac maye aỹem ỹami' So Qarataxala' Jesús.

2 Timoteo 4:7

Mashe semat da seloctapeguelec da ỹo'onataxanaxac, qataq mashe senoxonaqchetec da ñaloxoyaxac. Cha'aye saishet da huo'o ca huaña da saxanec da ñaquitaxac, qataq da salaxaguet Ñim Lo'onatac 'Enauacna.

Juan 19:30

Nache So Jesús nỹomgui se'eso lataxa 'euaxaic. Ime, nache 'enapeco': –Nagui mashe 'enauac ipacchigui. Huaña, nache naqchiguiñi na lqaic, nache ileu.

Lucas 8:31

Nache se'eso saqcha'a na'añaxacpi, nachoxoreetacot So Jesús da yaqto' saishet da ỹamaxaña cam qaica ca loga't nhuaxanaqa' nam saqcha'a na'añaxac leguemaxaicpi.

Apocalipsis 12:17

Qaq ỹoqo'oye se'eso shiguiỹac leguemaxaic ỹataqta dalemataỹa asa'aso 'alo, nache jec da iloquiaxan na no'onañi llalaqpi asomaye, qaq damaye 'eeta', nam ỹataqta ỹalaxaguet nam lamaxasoxonaxacpi Ñim Lo'onatac 'Enauacna, qataq saq ỹaxanec da lpi'iỹaxac So Jesús.