Apocalipsis 11:5 - La'aqtaqa Ñim Lo'onatac 'Enauacna 2013

⁵ Qaq da huo'otaq huo'o ca nshetaique da ỹauo'o ca 'ena'aque, nache caamaye iquetetre'c na norec, nache ỹavigaxat 'enauac na ipa'agueetacpi iviraxata'a da ỹalauat.

Nuevo Testamento Toba Sur

⁵ Qaq da huo'otaq huo'o ca nshitaique da ÿauo'o ca 'en'ac, nachi soomayi ishit da ncosaueegue na nodec, nachi ishit da ÿataqta nmatchiguiñi da ÿavigaxat 'enauac na npa'aguenaxauapi. Qaq 'eda da 'eetec da nalaataguec da huo'otaq huo'o ca nshitaique da huo'o ca 'en'aque soomayi.

Nuevo Testamento Toba Sombrero Negro

⁵ Qom 'uo ga'me jo'ne jetaque 'uo ga'me 'yeteque, qama'le naajo' na'yalo naa'me nedegaqa'te joga'me dole', qama'le e'n yavi'j ena'uac joga'me laute'upi, qama'le naq'aeta da'me qoyalat gamachaqaega jo'ne jetaque 'naĝa't joñaa'me.

Apocalipsis 11:5 Referans Kwoze

Jeremías 5:14

Qaq ỹoqo'oye da la'aqtac Ñim Nataxala', Ñim Lo'onatac 'Enauacna maye Qaica ca Ỹaqalanapec, 'eeta': «Qaq cha'aye nam nhuo' le'ecpi nasaxauec de'era, nache Aỹem sanaigui qome na 'ap naua ỹa'aqtaqa qaq naua ỹa'aqtaqa 'eeta'ama qome ca norec, qaq ne'ena nhuo' le'ecpi qalaq 'eeta'am qome ca 'epaq maye nalonaxanaxat, qaq nache ỹavigaxatta qome namayepi ca norec.»

Oseas 6:5

Ỹoqo'oye chegoqchigui ñaqa'en co'ollaxa som ỹa'aqtaxanaxanecpi, da qami' selaxachiguilo, qataq naua ỹa'aqtaqa da qami' salaua't. Qaq da nalochiguiñi ỹo'onataxanaxac, 'eeta'am ca nqashelgaxa maye dalaataxanapec.

Isaías 11:4

Nacherata da do'ogoxona da nalochiguiñi lataxac da nmit na choxoraqpi, qataq iueelec nam qaica ca la'amaqchec maye netalec ana 'alhua. Naua la'aqtaqa qalaq 'eeta'am ca pon 'epaq da iuaxan ca qauemaic, qataq ỹauota'a na la'at maye chegaqaigui na alap da ỹalauat ca qauemaic.

Zacarías 2:8

Cha'aye Ñim Nataxala' maye Qaica ca Ỹaqalanapec, aỹem namaq da sa'axatem da na'aqtac maye dataỹa'aguet na ỹotta'a't shiỹaxauapi, maye qami' nhuotte' co'ollaxa, qaq damaye, 'eeta': «Camachaqca ca dataỹa'aguet na ỹalamaxat nhuo' le'ecpi, nache camaye 'eeta'am da ỹacootegueua'a aca ỹauotaqte ỹale.

Jeremías 1:10

«Aỹem sanaigui na 'ap naua ỹa'aqtaqa. Nagui 'am sanem da huo'o da qonec, da 'aulo'ogue na nta'alpi qataq na ỹotta'a't shiỹaxauapi, da yaqto' ishet da 'anqat qataq 'auamaxañi, qataq da 'anlaxaañi qataq 'aulaxachigui, qataq nataqa'en ishet da 'ano'oxoosheguem qataq 'aỹa'aañi.»

Salmos 18:8

Na lmic qalaq naviigui na lmala'q, na alap qalaq chegaqaigui na norec maye davigaqtaxanapec, qataq ana 'ettaigui poqopi.

Zacarías 1:6

Qalaxaye naua ỹa'aqtaqa, qataq naua ỹamaxasoxonaxaco, maye sanema som ỹamaxashecpi maye ỹa'aqtaxanaxanecpi, iviro'ot co'ollaxa so hua'au qarta'ailpi. Qaq somayepi aỹem ỹe'eguelaxa co'ollaxa, cha'aye ỹaỹateeteguet da Aỹem Nataxala' maye Qaica ca Saqalanapec, sero'oguet co'ollaxa dam naigui da maiche lataxac, qataq nam ỹo'otpi somayepi.»

Ezequiel 43:3

Qaq de'era ỹauanaqchec, 'eeta'am so ỹauanaqchec co'ollaq anac Ñim Nataxala' da ilaxachigui ye Jerusalén, qataq 'eeta'am so ỹauanaqchec co'ollaq huaña ye tala Quebar. Qaq huaña nache sa'alyiñi naua illecte, nache seviraxata'aguet na ỹatap na 'alhua,

Apocalipsis 9:17

Qaq so alleppi maye netalec so caipi lapaqtaleguete naua ltogue naua alaataxaqui' lcat togaxaraic da lo'oxoỹaxac, 'eeta'am na norec, malaxaraic 'eeta'am na coma' maye le'enaxat Zafiro qataq ỹoqovi da lo'oxoỹaxac 'eeta'am na coma' maye le'enaxat azufre. Qaq se'eso caipi naua lqaigo 'eeta'am na lqaic na lỹa quiyoc, qaq naua ala'api natapoiguilo na norec, qataq na lmala'q, qataq na 'eeta'am na quiquiaxaraic.

Apocalipsis 13:13

Nataqa'en somaye ỹo'ot nam saq qaỹauanapega da ỹauachigui naqa'en na shiỹaxauapi, qataq ivira'a da chegoqo'ot naqa'en na piguem na norec da talec ana 'alhua.