Apocalipsis 11:19 - La'aqtaqa Ñim Lo'onatac 'Enauacna 2013

¹⁹ Huaña, nache nauatoiguilo soua laso'omi añi lo'onaxanaxaqui late'erai Ñim Lo'onatac 'Enauacna maye neta'ague da piguem, qaq ỹataqta yo'oqta aso laỹe' soua naỹamaxataxaco Ñimaye. Nache huo'o so nqashelgaxa, qataq huo'o so lta'araic nalataxa, qataq so lta'araic lacholaxanaxa ana 'alhua, qataq anac aso late'erai lache.

Nuevo Testamento Toba Sur

¹⁹ Huaña, nachi qaÿauatoigui aso l'onaxanaxaqui ñi Dios mayi neta'ague da piguem. Nachi ÿataqta yi'oqta aso laÿi' soua diez lqataxaco ñi Dios. Nachi huo'o so nqashilgaxa, nlamaxa, qataq so nalataxa, qataq so nacholaxanaxa, qataq aso late'edai lachi.

Nuevo Testamento Toba Sombrero Negro

¹⁹ Chane'eja 'nouategue ga'me tamenaĝaiqui jo'ne loĝot joñe'me Dios 'me ne'tague di'me piyem, qama'le qoyauana jaga'me uetaue joga'me tamenaĝaiqui jo'ne lae't jogaa'me diez lamaĝajoĝonaĝaco joñe'me Dios, qama'le en naqalip nataq'aen 'uo ga'me nejamaĝa choqoga'me 'noĝoyaĝac; male deda jena'me aleua qama'le 'uo jaga'me loñi lat'edai jo'ne ena'am ta'le qadipi.

Apocalipsis 11:19 Referans Kwoze

Apocalipsis 16:21

Qaq na piguem qalaq chegoqo'ot aso late'erai lache, nache talec na shiỹaxauapi. Ana lache 'eeta'am da lsallaxa na coma', ỹoqo'oye da lsallaxa ivi' cuarenta kilos añi 'oonole. Qaq na shiỹaxauapi qalaq dalemataỹa qataq isheueetac Ñim Lo'onatac 'Enauacna, souaxat aso lache, cha'aye ỹataqta lta'araic da nque'eenaxac naqa'en somayepi.

Ezequiel 38:22

'Am Gog, qataq na 'analleppi, qataq na qalota alleppi maye 'antaueetague', sauo'o qome ca qanhuaxanaguiiqui, qami' seroleguete ca napiina, qataq qaicorec qome na ntago'q, qataq so'ot qome da naañi ca lta'araic auot, qataq aca lache, qataq ca norec, qataq ca quiquiaxaraic.

Apocalipsis 4:5

Qaq asa'aso so'onaxaqui chegoqtapegueua'a na nqashelgaxa, qataq nllimiaxa, qataq datateguet asomaye soua siete ncoỹaraxanaxaqui' 'ettaiguilo, maye nachesoua soua siete saq cha'alo la'añaxaco Ñim Lo'onatac 'Enauacna.

Apocalipsis 8:5

Nache se'eso namaxashec ỹacona aso 'eeta'am ana ỹomaxaqui late'erai, nache nlaxatchigui ana poqo 'ettaigui ỹachegoxotalec aso nca'atoxonaxalate. Ime, nache icorelec 'enauac ana 'alhua, ime, nache chemaqchiguiñalo na nllimiaxa qataq nqashelgaxa, qataq huo'o so lta'araic lacholaxanaxa ana 'alhua.

Isaías 30:30

Qaq Ñim Nataxala' ỹo'ot qome da qaỹa'axaỹa dam ỹo'oxoraq lavilỹaxac, qataq ỹachaxan da la'añaxac qom do'ogoxona dam chaqaic layeloxo, qataq nactaigui na le'eraxa ca norec maye ỹavigaxat 'enauacna, qataq ca nqashelgaxa, auot qataq aca lache.

Apocalipsis 19:11

Ime, nache sela'a na piguem da nauatoigui, nache sela'a so caaỹo lapagaxaic. Qaq som netalec le'enaxat «Ipacchiguilo naua la'aqtaqa» qataq «'Eesa», cha'aye somaye ỹataqta ỹaỹamaqchiguiñi da lo'onataxanaxac da nta'a huo'otaq da taỹa ca alaataxac.

Apocalipsis 11:15

Nache so pa'atec soua siete namaxa'she piguem lashe', ỹashiiyigui aso lasheere, nache na piguem chemqot so ỹataqta lamaxaraic nvilỹaxac, 'eeta': «Ñim Qarta'a maye Lo'onatac 'Enauacna qataq Ñi Lca'aguishec, mashe ilo'ogue 'enauac ana 'alhua. Qaq da lo'onataxanaxac, damaye chochaq tatec.»

Números 10:33

Huaña co'ollaxa, nache so Israel le'ecpi, ca'ai añi qasoxonaxa maye lalamaqte Ñim Nataxala', nache tres na'axa'te soua lqueuoxoqui'. Qataq qaica'attaueegue aso arca maye laỹe' da naỹamaxataxac Ñim Nataxala', nache qanmittaique ca huaña da qanayeua'a.

Números 4:15

Nache ñi Aarón qataq ñeua llalqa, da ime da laỹona't 'enauac cam nogoxoshetpi maye sa qaishetapec, nache na Israel le'ecpi ishet da jec, nache anac na chegoxoguet so Quehat da ỹache 'enauac ca nogoxoshetpi. Qalaxaye saishet da ỹasheleua'a ca camachaqca que'eca nogoxoshetpi maye sa qaishetapec, yaqto' saishet da ileu. Qaq 'enauac que'eca logoxoshetpi que'eca npe'l maye naỹonqa', da nachena nam chegoxoguetpi so Quehat nam ishet da ỹache camaye.

Números 4:5

Da ivita da jec ne'ena nhuo' le'ecpi, nache so Aarón qataq na llalaqpi, nachena na nqat qome ca lapoxot ca ñegueuo ca npe'l, nache dapoxona camaye da ỹapolec añi arca maye laỹe' da aỹamaxataxac.

Apocalipsis 16:18

Nache huo'o so nqashelgaxa, qataq so nvilỹaxac, qataq so nalataxa qataq huo'o so lta'araic qalagoxoñi 'alhua, somaye ỹataqta napacalec 'enauac nam nacholaxanaxapi maye huo'o co'ollaq cheta'ague da huo'o na shiỹaxauapi ana 'alhua.

Apocalipsis 11:13

Qaq nache huetoigui da huo'o so lta'araic qalagoxoñi 'alhua, nache ilaxachigui ñi 'oonolec nam diez nỹecpi se'eso lta'araic nỹecpi, qataq ivi' siete mil so ileu shiỹaxauapi. Qaq som lca'alaxaicpi ỹataqta lta'araic da lcolanaxa, nache cheta'ague da ỹo'oxoreetac Ñim Lo'onatac 'Enauacna maye neta'ague da piguem.

Apocalipsis 8:7

Nache so hua'auchiguiñi namaxashec piguem le'ec can ỹashiiyigui aso lasheere, nache anac aso lache qataq so norec ỹalecteguet na ntago'q. Nache ỹavic so 'oonolec naua tres lpa'axaco ana 'alhua, nataqa'en ana qo'oipaq, qataq nataqa'en 'enauac na 'auaqpi.

Isaías 32:19

na'aictaxa da qanchiguiñi na aviaq qataq qaica ca 'enec qanqa'en na huaqta'a't nỹecpi.

Isaías 28:2

Qaq Ñim Nataxala' mashe iqataxaatai' ñi ỹale maye sansatta, qataq 'añaxaic, 'eeta'am ca la'at da nactaigui aca lache, 'eeta'am ca la'at maye sala'axaic da la'añaxac, 'eeta'am ca auot lta'araic, qataq 'eeta'am ca chaqaic ndep da ipaxaalec naqa'en ana 'alhua. Qaq irota'a qome na lhuaq da ỹamaxañi ye Samaria nache huetaiya' naqa'en,

Ezequiel 13:11

Qaq ỹoqo'oye qonapega qome nam da'amnaxaatega na na'amnaxanaxat lapagaxaic da ỹa'ameetac na lque na nỹec, da namaye hua'axauec qome. Cha'aye anac qome ca lta'araic auot, qataq aca lache maye 'eeta'am na coma', qataq anac qome ca la'ana't la'at,

Salmos 105:32

Qataq so auot nañigui naqa'en ana lache, qataq talec naqa'en na norec le'eraxa yi'iye 'alhua,

Salmos 18:12

Nache na le'eraxa Ñimaye chegaqaigui so lo'oc, qataq aso lache qataq aso 'ettaigui poqopi.

Josué 10:11

Qaq se'eso amorreopi co'ollaq mashe quetangui so ca'amegue ye Bet Jorón souaxat da 'ettapeguem so Israel le'ecpi, nache Ñim Nataxala' anacot co'ollaxa aso lache maye ỹataqta late'el, nache ỹataqta qalota so ỹalauat. Nache ỹataqta qalota so lalaatac asa'aso lache, napacalec so lalaatac so Israel le'ecpi.

Isaías 29:6

da 'am naỹa, nactaigui ca nalataxa, qataq ca lacholaxanaxa na 'alhua, qataq ca lta'araic nllimiaxa, qataq nactaigui ca la'at maye qaica ca iren, qataq cam dalaataxanapec le'eraxa ca norec.

Ezequiel 13:13

Qaq ỹoqo'oye Aỹem Nataxala' shenapec: Qom salemata nache so'ot da anac ca la'ana't la'at, qataq qom salemata nache so'ot da anac ca lta'araic auot, qataq naañi ñaqa'en aca lache maye 'eeta'am na coma', yaqto' ilaxachigui 'enauac camaye.

Apocalipsis 4:1

Qaq co'ollaq ime de'era, nache sela'a so lasom, nauattaigui, neto'ot na piguem. Qaq som nvilỹaxac maye hua'auchiguiñi co'ollaxa da sa'axaỹa maye 'eeta'am da l-lamaxa ana nasheere, aỹem 'enapega, 'eeta': «¡Ñaq Aỹem 'anquigueua'a!, yaqto' 'am sachaxana nam huotaique da yo'oq.»

Apocalipsis 7:15

Qaq ỹoqo'oye nagui namayepi datataua'a añi nso'onaxaqui Ñim Lo'onatac 'Enauacna, qataq ima'ape naua na'axa'te qataq naua pesa'ache, da do'onataxaatacot Ñimaye da huetaua'a añi lo'onaxanaxaqui. Qaq Ñim Lo'onatac 'Enauacna hueta'aguet namayepi, qataq npaxattalec.

Apocalipsis 12:1

Ime, nache na piguem qaltaq huo'o so yo'oq lta'araic qataq sa qaỹauanapega: Huo'o aso 'alo nachattaigui añi nala', 'eeta'am da lapo'. Qaq ñi ca'agoxoic, qalaq petalec. Qataq asomaye ỹaatañi aso naro'o na nta'a. Qaq asa'aso aro'o netaguilo soua doce huaqaañi.

Apocalipsis 16:1

Nache sa'axaỹa so nvilỹaxac ỹataqta alam chegoqtoigui aso no'onaxanaxaqui, da 'eetegalo soua siete namaxa'she piguem lashe', 'eeta': «Qoqui, nache qaucoyeelec ana 'alhua nam huetagui naua ỹomaxaqui' maye naigui dam qaica ca 'ena'am lalemataic Ñim Lo'onatac 'Enauacna.»