Apocalipsis 11:18 - La'aqtaqa Ñim Lo'onatac 'Enauacna 2013

¹⁸ Qaq nam ỹotta'a't shiỹaxauapi maye saq 'am ỹa'amaqten, ỹataqta dalemata, qalaxaye mashe ivita na na'a'q da 'am 'auauo'o ca nhuaxanaguec 'enauac namayepi 'arolec da lta'araic 'arayeloxo. Qataq da 'anmit 'enauac nam mashe ileu, qataq 'auauo'o ca nsheetenaguec nam 'ara'aqtaxanaxanecpi, qataq na 'aro'onataxanaxanecpi, qataq 'enauac na 'aralamaxatpi, qataq nataqa'en nam huo'o naq 'enec naqa'en 'am; na'aictaxa da huo'otaq 'amaqtaqaicpi huo'otaq qaica ca la'amaqchec; namayepi 'am 'auauo'o ca nsheetenaguec.»

Nuevo Testamento Toba Sur

¹⁸ Qaq nam ÿotta'a't shiÿaxauapi ÿataqta dalemata, qalaxayi mashi ivita yi laloqo' da 'am 'auauo'o ca nhuaxanaguec 'enauac namayipi. Qataq nataq'en mashi ivita yi laloqo' da 'am 'anmit 'enauac nam leuaxaicpi, qataq da 'auauo'o ca nshiitenaguec nam 'adamaxashicpi mayi i'axatta'pe naua 'ad'aqtaqa, qataq nam nañanot da 'am quetague', qataq na 'am ÿi'oxodeetac, nai'ctaxa da huo'otaq 'amaqtaqaic, huo'otaq da saq 'amaqtaq. Qataq nataq'en mashi ivita yi laloqo' da 'am 'aulaxachigui nam nlaxattapiguiñi 'enauac nam huetalec ana 'alhua.

Nuevo Testamento Toba Sombrero Negro

¹⁸ Qa'a joga'me jiyaĝadipi jo'ne qaya'te lepe'e' male 'uo da'me nalimaĝa let'adaic; Qalaĝaja male yovita jena'me nolo' da'me a'uaĝa'n jogaa'me, Qom aua'uo da'me adec'atenaĝanaĝac jodia'me joote yele'u; Nataq'aen da'me auanema da'me nejetenague'j jogaa'me jo'ne mach'e adalemaĝaje'te jo'ne at'aqataĝanaĝanaqa, Choqoga'me mach'e ac'oqo'tepi jo'ne yataqatelo'te Nataq'aen yema jogaa'me jo'ne yataqata am 'nonaĝachidegue, Gamachaqaegaua jo'ne p'ajodaye, uotaĝa ja p'ajodaye; Nataq'aen da'me auala't jogaa'me jo'ne yolaĝachidegue jena'me aleua.”

Apocalipsis 11:18 Referans Kwoze

Apocalipsis 20:12

Nache sela'a 'enauac nam ileu co'ollaxa nam qaica ca la'amaqchec qataq na 'añaxaicpi, nachattaua'a aso so'onaxaqui. Huaña, nache qaỹauachigui aso nerepi maye nanettalec nam ỹo'ot ñim 'oonolec shiỹaxaua. Nataqa'en qaỹauachigui aso lỹa nere maye naneraxalate nam qanca'alaxatec qataq chochaq tatec da hueta'aguet Ñim Lo'onatac 'Enauacna. Qaq nam leuaxaicpi qanmit ñi 'oonolec qaipagaqchiichigui nam ỹo'otpi maye nanettalec asa'aso nerepi.

Apocalipsis 19:5

Nache sa'axaỹa so nvilỹaxac chemaqtelec som hueta'a aso so'onaxaqui, 'eeta': «¡'Enauac qome da qaỹo'oxoren Ñim Qarta'a maye Lo'onatac 'Enauacna! ¡'Enauac nam huetalec ana 'alhua ỹo'oxoren qome Ñimaye, nam 'añaxaicpi qataq nam qaica ca la'amaqchec, qataq nam do'onataxaatacot Ñimaye qataq nam huo'o naq 'enec naqa'en!»

Apocalipsis 13:10

«Cam taalec da taua'a qanqa'en añi ncoñetaxanaxaqui, qalaq nachañi qaỹauegueua'a; qaq cam taalec da qaira'a ca ỹeelonec da qaỹalauat, qaq camaye qaỹauota'a ỹeelonec da qaỹalauat.» Qaq de'era naigui da na lalamaxatpi Ñim Lo'onatac 'Enauacna, iuen da ỹaỹaten da na'añaxateguet da nque'eenaxac, qataq queto'ot da lpi'iỹaxac Ñimaye.

Apocalipsis 22:12

«¡Ỹataqta qana'axaỹaxañiichiguiñi qome! ¡Aỹem saqaỹaloq da ñanac! Nache ñachetac ca nsheetenaxat ñi 'oonolec shiỹaxaua, ipacchigui cam ỹo'ot co'ollaxa.

Salmos 103:11

cha'aye ỹataqta lta'araic da lauotaxanaqtaic 'eeta'am na qalochiguiñi piguem da imattalec ana 'alhua, da ỹauotec cam huo'o naq 'enec naqa'en Ñimaye.

Apocalipsis 15:7

Nache so 'oonolec soua cuatro shiguiỹa'c maye nca'altraue'c ỹami' aso ỹomaxaqui nlaqchigui na lataxa ñi 'oonolec soua namaxa'she piguem lashe'. Qaq se'esoua siete ỹomaxaqui' maye huetagui na lataxa, naigui da layeloxo Ñim Lo'onatac 'Enauacna Ñim nache 'eetai' da nca'altauec.

Apocalipsis 15:1

Qaq aỹem sela'a so hueto'ot na piguem ỹataqta sa qaỹauanapega: soua siete namaxa'she piguem lashe', ỹacheta'ape soua pa'atre'c napaxaco maye talec naqa'en qome ana 'alhua. Qaq qom ime de'era, nache da layeloxo Ñim Lo'onatac 'Enauacna vi'iiguet.

Apocalipsis 14:10

nache Ñim Lo'onatac 'Enauacna ỹataqta dalemataỹa camaye qataq ỹataqta lta'araic ca nque'eenaxac naqa'en. Qaq que'eca nhuaxanaguec saishet da isotta, nachaqrata da nque'etaxangui na norec le'eraxa qataq nam quiquiaxaraic maye ỹavictaigui. Qaq nam qui'itta namaxashecpi piguem le'ecpi qataq Ñi Qagueta Llalec ỹauaachigui da nque'eenaxac camaye.

Hebreos 9:27

'Enauac da shenaqta 'oonolec da seleuaq, ime, nache nvi' ca nmitaguec 'enauacna.

Lucas 1:50

Ñimaye nache 'eetai' da ỹauotec 'enauac nam ỹo'oxoreetac Ñimaye.

Salmos 110:5

Qaq Ñim Nataxala' huetaua'a qome na pa'aỹa'ague da 'oic, qaq qom ivita ca na'a'q da dalemata nache nlachiguiñi naqa'en na nta'alpi.

Salmos 85:9

Cha'aye Ñimaye ỹataqta saqaỹapeque da nca'alaxatec na huo'o naq 'enec naqa'en Ñimaye, yaqto' da llo'oxoyec nache 'eetai' da hueta'a ne'ena qana'alhua.

Salmos 2:5

Ime qome, nache dalemata nache iquichoqchet, nache irolec da lta'araic lalemataic da 'enapega, 'eeta':

Apocalipsis 20:15

Qaq nacheye nataqa'en ye qaỹasaxangui 'enauac nam saishet da nanettalec ca le'enaxat aso naneraxalate nam chochaq tatec da nachaalataxac.

Apocalipsis 18:6

Qauo'ochec ayemaye 'enauac nam qauem maye ỹo'otec co'ollaxa nataqa'en na laỹepi shiỹaxauapi; ỹataqta ỹactec qanqa'eñi cam lsheetenaxanaxat ayemaye, da isheeten 'enauac na qauem maye ỹo'ot. Qauo'ochec ayemaye da dos da ỹe'eguelaxalec da talec dam lta'araic nqui'ic maye talec co'ollaxa na laỹepi shiỹaxauapi souaxat ayemaye.

Apocalipsis 11:2

Qalaxaye saishet qome da 'analoqten ye nqasoxoc añi no'onaxanaxaqui, cha'aye yi'iye ndaqa' sanem nam saishet da ỹa'amaqten Aỹem. Namayepi ilo'ogue qome ye Jerusalén iviraxattre'c caua tres vi'iye qataq laiñi ca lỹa vi'i.

Daniel 8:25

Qaq souaxat da sanqalat, nache da latenataxanaxac dauegaxaatai'. Qataq nlaxagui qome da ño'oxonnaxac, nache ique'elaxat qome da ỹalauat ca qalota shiỹaxauapi maye pe'etega camaye. Qataq dataỹa'aguet qome ca lta'a na nta'alpi, qalaxaye camaye qailaxachigui qome.

Daniel 7:26

Qalaxaye camaye qanmit qome nache qaiuotaxanec da la'añaxac, nache ivitta'a da imauec da qanlaxaañi.

Eclesiastés 12:13

Qaq dam loga't 'enauac de'era na'aqtaxanaxac maye 'aua'aqchigui damaye, 'eeta': Huo'o naq 'enec 'anqa'en Ñim Lo'onatac 'Enauacna, qataq 'aupacteleguete naua lamaxasoxonaxaco, cha'aye nacherata maye iuen da ỹo'ot cam shiỹaxaua.

Eclesiastés 8:12

Qaq cam 'etaxaloxoic ishet da cien da ỹe'eguelaxalec da ỹo'ot ca qauem, qataq ỹataqta qaỹoqtrec naua vi'iye da nachaalataxac, qalaxaye nataqa'en saỹaten da 'onaxaic da taỹa'ague cam huo'o naq 'enec naqa'en Ñim Lo'onatac 'Enauacna qataq ỹalaxaguet Ñimaye.

Salmos 147:11

Ñim Nataxala', ỹamaateguet cam huo'o naq 'enec naqa'en Ñimaye, qataq cam pi'iỹa'a da lta'araic lauotaxanaqtaic Ñimaye.

Apocalipsis 19:15

Qaq na alap Somaye chegaqaigui so ỹeelonec ỹataqta ỹaxaraic, naigui da la'aqtaxanaxac maye huo'o da la'añaxac; qaq nacheso se'eso ỹeelonec da chegoqchigui da nauec na ỹotta'a't shiỹaxauapi. Qataq da yaqto' ilo'ogue namayepi irolec da la'añaxac. Qaq Somaye nlom na lli'i ana uva da ỹo'ot na lataxa, qaq damaye naigui da lta'araic layeloxo Ñim Lo'onatac 'Enauacna maye qaica ca ỹaqalanapec.

Daniel 11:44

Qalaxaye huo'o qome ca la'axaỹaxac, chegoxogue da nala' lliguisheguem qataq da sheu', nache ỹo'ot da huo'o qome da lcolanaxa, qaq nlaxagui qome da lalemataic nache jec da ỹalauat ca qalota shiỹaxauapi,

Apocalipsis 13:16

Nataqa'en damaxasoxoolec da 'enauac na shiỹaxauapi da qaỹauo'o ca na'anaxat na lhuaq aloiguishec huo'otaq na latap. Saishet da qoỹectega da sallaxanecpi huo'otaq choxoraqpi, 'amaqtaqaicpi huo'otaq qaica ca la'amaqchec huo'otaq nam huesochiguiñipi qataq nam nlatacpi, 'enauac iuen da huo'o ca na'anaxat.

Apocalipsis 19:18

Yaqto' qolliqui na lapat na nta'alpi, qataq na huataxanaq lta'alpi, qataq nam 'añaxaicpi alaataxaicpi. Nataqa'en qolliqui na lapat na caipi, qataq nam netalecpi; qataq qolliqui 'enauac na ỹotta'a't lapat na shiỹaxauapi, nam huesochiguiñipi qataq na nlatacpi, qataq na 'amaqtaqaicpi qataq nam qaica ca la'amaqchecpi.»