Apocalipsis 11:16 - La'aqtaqa Ñim Lo'onatac 'Enauacna 2013

¹⁶ Nache soua veinticuatro nqueroxonqa maye nso'ootrañi datato'ot Ñim Lo'onatac 'Enauacna, ỹa'alyiñi naua l-llectel qataq iviraxatra'agueta naqa'e'n na latap na 'alhua. Nache ỹo'oxoreetrac Ñim Lo'onatac 'Enauacna,

Nuevo Testamento Toba Sur

¹⁶ Nachi som veinticuatro nquedoxonecpi mayi datato'ot ca nso'onqa' ñi Dios, somayipi i'alyiñi naua l-llicte, ÿataqta ividaxata'agueta naq'en na latap na 'alhua. Nachi qaÿi'oxoden ñi Dios,

Nuevo Testamento Toba Sombrero Negro

¹⁶ Qama'le jogaa'me veinticuatro 'yaĝaicachidi jo'ne netañelo jogaa'me nejaliaĝaiqui' jo'ne neje'onaĝaiqui' da'me dajoteda'aguet joñe'me Dios, male naĝadi'ñejop chayovida'a da'me yedaĝateda'agueta naa'me latajoĝoco jena'me aleua, qama'le 'nonaĝachidegue joñe'me Dios,

Apocalipsis 11:16 Referans Kwoze

Apocalipsis 4:4

Nataqa'en huo'oi soua veinticuatro lỹa't so'onaxaqui', maye coleesopa aso late'erai so'onaxaqui. Qaq soomaye nso'ootanguilo soua veinticuatro nqueroxonqa. Qaq se'esoua nqueroxonqa ỹaatrañi naua alogo maye qaica ca 'ena'am da lapagaqa', qataq naua naro'ol ndotec ana chegaqaigui na oro.

Apocalipsis 7:11

Qaq 'enauac som namaxashec piguem le'ecpi nachattañi, coleesop aso so'onaxaqui, qataq soua nqueroxonqa, qataq soua cuatro shiguiỹa'c maye nca'altraue'c. Nache somayepi ỹa'alyiñi naua l-llectel, ỹataqta iviraxata'agueta naua lata'api naqa'en ana 'alhua, nache ỹo'oxoreetac Ñim Lo'onatac 'Enauacna,

Apocalipsis 19:4

Nache soua veinticuatro nqueroxonqa qataq soua cuatro shiguiỹa'c maye nca'altraue'c, soomaye nqapaxanegueta ana 'alhua. Nache 'eetra' da la'aqta'c: «¡Aja', nache 'eetec! ¡'Enauac qome da qaỹo'oxoren Ñim Lo'onatac 'Enauacna!» Ime, nache ỹo'oxoreeta'ape Ñimaye maye nso'ootangui aso nso'onaxaqui da nta'a.

Apocalipsis 5:14

Qaq soua cuatro shiguiỹa'c maye nca'altraue'c 'eetra': «¡Aja', nache 'eetec!» Qaq soua veinticuatro nqueroxonqa ỹa'alyiñi naua l-llectel, nache ỹo'oxoreetrac som nso'ootangui aso nso'onaxaqui qataq So Qagueta Llalec.

Mateo 19:28

Nache So Jesús 'enapeco': –Ỹataqta 'eesa de'era qami' sa'axatema da 'enauac da qoñiita qami' ỹo'onataxanaxau' Aỹem Shiỹaxaua Llalec qom ñeso'ooñi da samaxasoxonapec. Huaña, nache Ñim Lo'onatac 'Enauacna naralaxat 'enauac na lataxaguesat, nache ñi 'oonolec da qoñiita ilo'ogue ca 'oonolec soua doce llalqa so Israel.