Apocalipsis 11:13 - La'aqtaqa Ñim Lo'onatac 'Enauacna 2013

¹³ Qaq nache huetoigui da huo'o so lta'araic qalagoxoñi 'alhua, nache ilaxachigui ñi 'oonolec nam diez nỹecpi se'eso lta'araic nỹecpi, qataq ivi' siete mil so ileu shiỹaxauapi. Qaq som lca'alaxaicpi ỹataqta lta'araic da lcolanaxa, nache cheta'ague da ỹo'oxoreetac Ñim Lo'onatac 'Enauacna maye neta'ague da piguem.

Nuevo Testamento Toba Sur

¹³ Huaña, nachi huo'o so nacholaxanaxa, nachi nlaguiñi ñi 'oonolec nam diez noÿicpi se'eso la ciudad. Qataq ivi' na siete mil so ileu souaxat se'eso nacholaxanaxa. Qaq nam n'onañi na shiÿaxauapi ÿataqta huo'o da lcolanaxa, nachi ÿi'oxodeetac ñi Dios mayi neto'ot na piguem.

Nuevo Testamento Toba Sombrero Negro

¹³ Qama'le paja'a da'me 'uo jo'me nedaĝac let'adaic, qama'le di'me noic let'adaic ena'uaque gaa'me diez 'nachaqa'te male 'uo ga'me onolec jo'ne iyiñe, qama'le nach'e ena'ama joga'me jiyaĝadipi jo'ne yele'u nalo'taguet siete mil. Chane'eja jogaa'me jo'ne maliaĝa uo'oe male 'uo da'me loqolanaqa' qama'le 'nonaĝachidegue joñe'me Dios jo'ne ne'tague di'me piyem.

Apocalipsis 11:13 Referans Kwoze

Apocalipsis 14:7

Somaye ỹataqta na'axannec da la'aqtac, 'eeta': «Ỹataqta huo'o naq 'enec qanqa'eñi Ñim Lo'onatac 'Enauacna, qataq qavio'oxoyiñi; cha'aye mashe ivita ye laloqo' da Ñimaye nmit na shiỹaxauapi ana 'alhua. Qavio'oxoyiñi Ñim lo'onatac na piguem qataq ana 'alhua, qataq aso auaxai, qataq anam npaxaatasheguem na le'ec 'etaxat.»

Apocalipsis 6:12

Qaq se'eso Qagueta Llalec can qaltaq ivita da nqat aso seis soua na'anaxanaqtel, qaq samata'a, nache huo'o so lta'araic qalagoxoñi ana 'alhua. Qaq añi nala' qalaq 'om, qaq ñi ca'agoxoic qalaq ỹataqta 'eeta'am na ntago'q da ltogaxa.

Josué 7:19

Huaña, nache so Josué 'enapega so Acán, 'eeta': «'Am ỹalcolec, ñaq huo'o naq 'enec 'anqa'en qataq 'aỹa'anot da 'ayo'oxonnataxanaxac Ñim Nataxala' maye Natamnaxala' na Israel le'ecpi, nache aỹem 'aua'aqtaxanem de'era 'auo'ot. ¡Saishet da aỹem 'oxocheesop!»

Apocalipsis 15:4

'Am Ita'a, 'enauac da huo'o naq 'enec qanqa'en 'am qataq 'am qaỹo'oxoreetac, cha'aye 'am 'oonolec da 'am qui'itta. 'Enauac na ỹotta'a't shiỹaxauapi ana 'alhua, anac da 'am ỹo'oxoren, cha'aye ỹaỹateeta da 'am ỹataqta no'on da 'arataxac.»

Apocalipsis 11:19

Huaña, nache nauatoiguilo soua laso'omi añi lo'onaxanaxaqui late'erai Ñim Lo'onatac 'Enauacna maye neta'ague da piguem, qaq ỹataqta yo'oqta aso laỹe' soua naỹamaxataxaco Ñimaye. Nache huo'o so nqashelgaxa, qataq huo'o so lta'araic nalataxa, qataq so lta'araic lacholaxanaxa ana 'alhua, qataq anac aso late'erai lache.

Apocalipsis 11:11

Qalaxaye da inoxoore'c que'ecaua tres na'axa'te qataq ca laiñi ca lỹa na'a'q, nache Ñim Lo'onatac 'Enauacna qaltaq nca'alaxatre'c, nache caamaye qaltaq nachaayiñi; nache 'enauac na shiỹaxauapi maye ỹauaachiguilo ỹataqta lta'araic da lcolanaxa.

Apocalipsis 8:5

Nache se'eso namaxashec ỹacona aso 'eeta'am ana ỹomaxaqui late'erai, nache nlaxatchigui ana poqo 'ettaigui ỹachegoxotalec aso nca'atoxonaxalate. Ime, nache icorelec 'enauac ana 'alhua, ime, nache chemaqchiguiñalo na nllimiaxa qataq nqashelgaxa, qataq huo'o so lta'araic lacholaxanaxa ana 'alhua.

Jeremías 13:16

Qavio'oxoyeñi qome Ñim Nataxala' maye Qanatamnaxala'ai, qom saxanaxa da nvi' naqa'en ca napalaxa, qataq da qaupogolaxañiitapiguiñi da qoquiitaigui ca napalñi. Qaq qami' qauacheetaique cam yo'oqchiguiñi qalaxaye Ñimaye nmeneguet qome naqa'en cam sansattec napalaxa qataq ỹe'eguelaxa naqa'en da ỹataqta napalñi.

Apocalipsis 19:7

Qaq ỹoqo'oye ỹataqta samaqtapiguiñi qome, qataq qomi' nlaqchiguilo da qantonaxac, qataq sho'oxorenaq Ñimaye, cha'aye mashe ivita ye laloqo' da huaron Ñi Qagueta Llalec. Añi lhua mashe sogote da naỹamaxattai', maye nachena nam 'amqaanataxanaxaicpi;

1 Samuel 6:5

Qaq nache, qauo'oche qome ca qare'enaqtaqui, qaue'enaxachiichigui ana na'agotaqtepi qataq ana chegoxonaxapi maye nlaxattapiguiñi na qana'alhuai, qataq huo'o naq 'enec qanqa'eñi Ñim Natamnaxala' ye Israel le'ecpi, shapegueto' qom vi'iiguet naqa'en da qanhuaxanaguiiqui, qataq da nhuaxanaguec nam qanatamnaxala'aipi qataq na qana'alhuai.

Génesis 6:4

Qaq huo'o co'ollaxa so logoraicpi shiỹaxauapi ana 'alhua, qataq co'ollaq so llalaqpi Ñim Lo'onatac 'Enauacna, huaroneguet aso llalpi so shiỹaxauapi, da yaqto' huo'o ca llalaqpi. Qaq somayepi nacheso som ỹataqta ỹo'oxoraicpi, qataq 'añaxaicpi soua hua'au' vi'iye.

Apocalipsis 3:4

Qalaxaye na nỹecpi na Sardis huo'o na netaña shiỹaxauapi na saishet da ỹo'ottac na qauem. Qaq ỹoqo'oye namayepi Aỹem hueta'aguet qome, ỹaatrañi caua alogo lapagaxaiqa maye naigui da dauegaxan, qataq da qui'itta lataxac. Qaq namayepi ỹataqta taiguet da qoỹami'.

Hechos 1:15

Qaq se'esoua na'axa'te, nache so Pedro nachangui na laiñi so lqaỹañecpi maye ivi' ye ciento veinte shiỹaxauapi. Nache 'enapega, 'eeta':

Malaquías 2:2

Qami', da saishet da Aỹem qaualaqaiguet, qataq da saishet da huo'o ca 'enec qanqa'eñi da ỹe'enaxat, nache sauo'o ca qauem qami' taleguete. Qauem ñaqa'en dam qanchoxonnataguiiqui. Qaq masheye da qami' sasaxaleguete da qauem, cha'aye saishet da ỹataqta 'eesa da huo'o naq 'enec qanqa'eñi Aỹem.» Qaq 'era da la'aqtac Ñim Nataxala' maye Qaica ca Ỹaqalanapec.

Isaías 29:6

da 'am naỹa, nactaigui ca nalataxa, qataq ca lacholaxanaxa na 'alhua, qataq ca lta'araic nllimiaxa, qataq nactaigui ca la'at maye qaica ca iren, qataq cam dalaataxanapec le'eraxa ca norec.

Juan 9:24

Nache na lataxala'pi na judiopi, qaltaq ỹe'eguelaxalec da iỹaxaneuga so ỹale maye qanamaic co'ollaxa. Nache 'eetega, 'eeta': –Nagui qomi' 'aua'aqtaxaatema cam ỹataqta 'eesa, ỹauaachigui 'anqa'en Ñim Lo'onatac 'Enauacna. Cha'aye qomi' saỹaanaqta da se'eso ỹale, Somaye 'etaxaloxoic.