Apocalipsis 11:12 - La'aqtaqa Ñim Lo'onatac 'Enauacna 2013

¹² Ime, qaq se'esoua dos na'aqtaxanaxanaqa hua'axaỹalo so nvilỹaxac ỹataqta lamaxaraic, 'eeta': «¡Qauanaisheguemec ne'ena pa'asheguem!» Nache soomaye taresheguemec na piguem, huenoorelec so lo'oc, ỹauaachigui 'enauac nam ipa'agueetacpi soomaye.

Nuevo Testamento Toba Sur

¹² Ime, qaq se'esoua dos n'aqtaxanaxanqa, soomayi hua'axaÿalo so lta'adaic nvilÿaxac chimqot na piguem, 'eeta': –Qauanaishiguemec ne'ena pa'ashiguem. Nachi soomayi tadegue da piguem, quedoigui so l'oc. Qaq nam ipa'agueeta'pe soomayi, nachi ÿauaachiguilo.

Nuevo Testamento Toba Sombrero Negro

¹² Chane'eja jaa'me dos aqataĝanaĝayaqa domachita ga'me 'naqatac jo'ne chimaqapegue di'me piyem, jo'ne enaac: “¡Anec'achije'ma jena'me jenjo'!” Qama'le quetedaue jo'me piyem lo'oc da'me yec'adije'ma di'me piyem, qama'le jogaa'me laute'upi male yauata da'me dojo'.

Apocalipsis 11:12 Referans Kwoze

Apocalipsis 4:1

Qaq co'ollaq ime de'era, nache sela'a so lasom, nauattaigui, neto'ot na piguem. Qaq som nvilỹaxac maye hua'auchiguiñi co'ollaxa da sa'axaỹa maye 'eeta'am da l-lamaxa ana nasheere, aỹem 'enapega, 'eeta': «¡Ñaq Aỹem 'anquigueua'a!, yaqto' 'am sachaxana nam huotaique da yo'oq.»

Hechos 1:9

Qaq co'ollaq ime da ỹa'axattac de'era So Jesús, nache ỹauaachiguilo soomaye co'ollaq naỹoxotcheguem da qaỹaueegue da piguem. Choche ivitta'a da huo'o so lo'oc na piguem, nache taigui. Huaña, nache saishet da qaila'a.

2 Reyes 2:11

Qaq co'ollaq ñaq quete', qataq na'aqtaxaatega't soomaye, nache nque'elaxatta da anac aso naigona 'ettaigui, qataq soua lauegaxala'ate caaỹo maye nataqa'en 'ettaiguilo, nache icolaxachiguilo soomaye, nache so Elías jec, taigue da piguem, queuoigui aso daua'ache.

1 Ts 4:17

Ime, nache Ñim Lo'onatac 'Enauacna nataqa'en qomi' ỹaue'c maye ña ñeca'alaqtauec, nache salegaxaigui na laỹepi shiỹaxauapi, sonaqtalec ca lo'oc na piguem. Nache huaña da 'enauac da ñauanaxai' qataq chochaq tatec da sonaqta'aguet Somaye.

Apocalipsis 12:5

Qaq asa'aso 'alo ñiguiñi so llalec ỹale, som ỹataqta lta'araic da la'añaxac da ilo'ogue 'enauac nam ỹotta'a't shiỹaxauapi ana 'alhua. Qalaxaye se'eso llalec asomaye qaiuotaxanec, nache qaira'a cam hueta'a Ñim Lo'onatac 'Enauacna.

Apocalipsis 3:21

Qaq cam saishet da iqallem na lqalaiguesat, qataq saishet da ỹaxanec da lpi'iỹaxac Aỹem, nache camaye ỹo'onataxanaxaua da seloxogue ana 'alhua, 'eeta'am da 'eetec co'ollaxa da sauegaxan, nache nagui ỹo'onataxanaxaua Ñim Ita'a da seloqtague' ana 'alhua.

Lucas 16:23

nache taỹa ca nhuaxanaqa' na 'etaxaloxoicpi, huaña, nache ỹataqta ỹaguec da nque'eenaxac. Qaq huaña yemaye, nache ila'a so Abraham ỹataqta sa qaỹoqotcheguema, qataq so Lázaro nso'ootañi huaqta'ai' somaye.

Isaías 60:8

¿Negue't nam huaỹotacpi maye 'eeta'am na lo'oc na piguem, qataq 'eeta'am na qoto'pi da huaỹoua'a na lma'pi?

Isaías 40:31

qalaxaye nam ỹataqta pi'iỹa'a Ñim Nataxala', namayepi dalaxaicta'aguet qome da la'añaxac, nache ishet qome da huaỹo 'eeta'am na vi'ic, qataq ishet da chegaqañi qalaxaye sa nqui'itec, qataq queuoỹapigui' qalaq saishet da nasamñi.

2 Reyes 2:5

Qalaxaye som na'aqtaxanaxanecpi maye netaña ye Jericó, huaqata'aguet co'ollaxa so Eliseo, nache 'enapego' somaye, 'eeta': ¿Peta'a 'auaỹaten da ne'ena na'a'q, Ñim Nataxala' ỹauec da 'anapaxaguenaxala'? Nache so Eliseo 'enapeco': Aja', mashe saỹaten, qaue'enaxañiitai'.

2 Reyes 2:1

Qaq co'ollaq mashe nayeeta'a so laloqo' da Ñim Nataxala', ỹaueegue da piguem so Elías, da queuoigui naqa'en aso daua'ache, nache so Elías, nnaictague' co'ollaxa so Eliseo da je'c, chegoqchiyiña ye Gilgal.

Malaquías 3:18

Huaña qome, nache qami' qaltaq ỹataqteguet qanqa'eñi ca no'on qataq ca qauem, qataq cam ỹo'oxoreetac Ñim Lo'onatac 'Enauacna, qataq cam saishet da ỹo'oxoren Ñimaye.»

Isaías 14:13

'Am maye naxa da 'auennataxaatac nache qoneta': ‹Aỹem sasheguema qome na piguem, nache sanalec aca ñeso'onaxaqui ana huaqaañipi maye lalamaqte Ñim Lo'onatac 'Enauacna, nache aỹem qaỹoqta qome da ñeso'ooñi soota'ague da sheu' añim qasoxonaxa maye hueta'a naxa da dataỹa't nam atamnaxala'pi.

Salmos 112:10

Qaq ca qauemaic da ila'a de'era nache dalemata, nache inaga't naua lhue qalaxaye taỹa'a da imeuo. Qataq da lqopitaxanaqtaic na qauemaicpi taỹa'a da imeuo.

Salmos 86:17

Aỹem 'auachaxana qome ca la'anaxat da 'arauotaxanaqtaic, yaqto' da ỹauaachigui na ñepa'aguenaxauapi nache na'aloxon. Cha'aye 'Am Nataxala', aỹem 'aỹa'anem da 'artaunaxanaxac qataq aỹem 'aua'añaqchet.

Salmos 24:3

¿Qaq negue'tom ca ishet da huenotsheguema añi qasoxonaxa maye lalamaqte Ñim Nataxala'? ¿Qataq negue'tom ca ishet da hueta'a añi qui'itta atamnaxaqui maye lalamaqte Ñimaye?

Salmos 15:1

¿'Am Nataxala', negue'tom ca ishet da netaña ye 'aranataqa'? ¿Negue'tom ca ishet da netaña añim qui'itta 'anqasoxonaxa?

2 Reyes 2:7

Qalaxaye nvi' so cincuenta na'aqtaxanaxanecpi, nache hua'a ye datatta, qataq qaỹata'a, yem huetra'a soomaye. Nache so Elías qataq so Eliseo, vi'iigueta co'ollaq huaña so loigue so tala Jordán.

Éxodo 14:25

qataq na'aqche't naua lasaxanna aso nnotaxaquipi, huaña nache nqalaatapigui' da jec. Nache somayepi 'enapeco' da la'aqtac: «Sataxaueeguesop qome na Israel le'ecpi. Cha'aye Ñim Nataxala', ye deloclec namayepi da qomi' deloguito».