Apocalipsis 11:11 - La'aqtaqa Ñim Lo'onatac 'Enauacna 2013

¹¹ Qalaxaye da inoxoore'c que'ecaua tres na'axa'te qataq ca laiñi ca lỹa na'a'q, nache Ñim Lo'onatac 'Enauacna qaltaq nca'alaxatre'c, nache caamaye qaltaq nachaayiñi; nache 'enauac na shiỹaxauapi maye ỹauaachiguilo ỹataqta lta'araic da lcolanaxa.

Nuevo Testamento Toba Sur

¹¹ Qalaxayi qom inoxoodeec caua tres na'axa'te qataq ca laiñi ca lÿa na'a'q, nachi ñi Dios qaltaq nca'alaxatreec, nachi qaltaq nca'aldeec. Nachi 'enauac nam ÿauaachiguilo soomayi ÿataqta huo'o da lcolanaxa.

Nuevo Testamento Toba Sombrero Negro

¹¹ Qalaĝaja qom yenoĝodegue jaa'me tres noloqo'ote nataq'aen jo'me laeñi jo'me nolo' laqaya, qama'le joñe'me Dios yajedelo'te jodia'me qaedi yitaĝa 'niyelaĝachidijeguem. Chane'eja yitaĝa ñidijeguem, qama'le ena'uaque jogaa'me jiyaĝa'u jo'ne yauata da'me dojo', male najaĝayelo da'me loqolanaqa'.

Apocalipsis 11:11 Referans Kwoze

Génesis 2:7

Qaq huaña nache Ñim Nataxala', ỹo'ot so shiỹaxaua ỹachegoxotaigui na 'alhua. Ime, nache iquichichiguilo naua nmic lauaco, qataq ỹanem da lca'alaxa. Nache so shiỹaxaua huo'o da lca'alaxa.

Romanos 8:11

Ñim Lo'onatac 'Enauacna nca'alaxateeguesop da l-leuaxa So Jesús, qaq Ñimaye nataqa'en nca'alaxatec da qaro'ocỹaxaqui maye mashe ileu, da yaqto' ỹe'eguelaxalec da nca'alec, da So Saqcha'a La'añaxac Ñim Lo'onatac 'Enauacna qami' hueta'agueta. 'Era dam ỹo'ot Ñim Lo'onatac 'Enauacna ỹachegoxotchigui So Saqcha'a La'añaxac maye qami' hueta'agueta.

Romanos 8:2

Qaq nagui da mashe ña'araqtaua'a Somaye, nache So Saqcha'a Na'añaxac Qui'itta, qomi' ilotegueto qataq qomi' ỹanema da qarca'alaxa qataq qomi' isoueeguesopa da ñe'etaxaloxo qataq da nleuaxa.

Apocalipsis 11:9

Nache ivittre'c caua tres na'axa'te qataq ca laiñi ca lỹa na'a'q da imeteetac da lo'ocỹaxa'c caamaye na ỹotta'a't shiỹaxauapi maye ỹotta'a't na la'aqtacpi. Qataq saishet da qaỹashe'n da qailalyiñi da lo'ocỹaxa'c.

Hechos 5:5

Qaq co'ollaq hua'axaỹa de'era so Ananías, nache huañi da ileu. Qaq 'enauac nam hueta'a yi'iye ỹataqta huo'o da lcolanaxa.

Hechos 5:11

Nache 'enauac nam shiỹaxauapi maye ỹa'amaqten So Jesús qataq 'enauac na laỹepi shiỹaxauapi co'ollaq ỹaỹaten de'era, nache ỹataqta qalota da lcolanaxa.

Oseas 3:5

Qaq qom ime de'era, nache na Israel le'ecpi ñe'eguelaq qome, nache nmitaique Ñim Nataxala' maye Natamnaxala', qataq so David maye lta'a namayepi. Qaq que'ecaua pa'atrec na'axa'te, nache namayepi ỹataqta huo'o naq 'enec naqa'en Ñim Nataxala', qataq da lqouagaxanaqtaic Ñimaye.

Jeremías 33:9

Ye Jerusalén, yemaye ỹo'ot qome da ỹamaicỹaxac, da shenec qataq da ỹo'oxoyec, qom imeteetac yemaye nam ỹotta'a't shiỹaxauapi ana 'alhua. Qaq nam ỹotta'a't shiỹaxauapi qom hua'aqtega da qaỹa'axattac da no'on maye talec ñaqa'en na lma' ye Jerusalén, qataq da nquictasheguem da qaica ca iuena'a, nache namayepi ỹataqta iviloxol qome souaxat da lli'iỹaxa.

Apocalipsis 11:13

Qaq nache huetoigui da huo'o so lta'araic qalagoxoñi 'alhua, nache ilaxachigui ñi 'oonolec nam diez nỹecpi se'eso lta'araic nỹecpi, qataq ivi' siete mil so ileu shiỹaxauapi. Qaq som lca'alaxaicpi ỹataqta lta'araic da lcolanaxa, nache cheta'ague da ỹo'oxoreetac Ñim Lo'onatac 'Enauacna maye neta'ague da piguem.

Josué 2:9

«Aỹem saỹaten da Ñim Nataxala' qami' ỹanema ne'ena 'alhua, ỹoqo'oye Ñimaye ỹataqta qomi' ỹo'oteque da lta'araic qarcolanaxa, cha'aye 'enauac na netaña ne'ena, ỹataqta ilem da lcolanaxa souaxat da qoñiita.