Apocalipsis 11:10 - La'aqtaqa Ñim Lo'onatac 'Enauacna 2013

¹⁰ Qaq 'enauac qome nam shiỹaxauapi maye huetalec ana 'alhua ỹataqta huo'o da ntonaxac qome da ilota'alo caamaye qom mashe ileu', nache ỹauo'o ca ntonaxac namayepi da qantootaleguete da l-leuqa't. Qaq souaxat da ntonaxac, nache ñi 'oonolec ỹamaxa ca lachetaqtaxanaxat ca lỹa, cha'aye ỹataqta lta'araic naqa'en co'ollaxa da nque'eenaxac na shiỹaxauapi se'esoua dos na'aqtaxanaxanaqa.

Nuevo Testamento Toba Sur

¹⁰ Qaq 'enauac qome nam shiÿaxauapi mayi huetalec ana 'alhua ÿataqta ntootapeguec da nalaatague'c soomayi. Qaq souaxat de'eda ntonaxac, nachi ñi 'oonolec ÿamaxa ca lachitaqtaxanaxat ca lÿa. Cha'ayi se'esoua dos l'aqtaxanaxanqa ñi Dios, soomayi ÿataqta huo'o naq'en da nque'ejnaxac namayipi.

Nuevo Testamento Toba Sombrero Negro

¹⁰ Jogaa'me jo'ne 'lachaqa't jodi'me aleua ja 'yamaqate'n jodia'me Dios 'laqataĝanaĝanaqa, qa'a eetedapega nach'ediaua dia'me jo'ne chiyaqayilo da'me layaliaqa'. Chane'eja yataqata netotec da'me leleuaĝa' jodia'me, yauote da'me lamai'j nataq'aen yache't gaa'me leyalaqataĝanaĝa'j gaa'me laqaya'.

Apocalipsis 11:10 Referans Kwoze

1 Reyes 18:17

Nache co'ollaq choche ila'a somaye, nache 'enapega, 'eeta': ¿Qache nache 'amo' maye 'auo'ottac da qaica ca laỹamqa' na Israel le'ecpi?

Apocalipsis 3:10

'Enauac na huetalec ana 'alhua ivireguet qome na lqalaiguesat qataq nque'eenaxacpi. Huaña qome, nache saỹaten ca Aỹem pi'iỹa'a qataq ca saishet da Aỹem pi'iỹa'a. Qaq 'am qalaxaye 'am ñepaxattalec, cha'aye Aỹem 'aualaxaguet co'ollaq 'am shenapega da saishet da 'axanec da 'arpi'iỹaxac Aỹem.

Hechos 5:33

Qaq co'ollaq hua'axaỹa de'era so nta'alpi maye 'amaqtaqaicpi qataq so lataxala'pi na judiopi, nache somayepi ỹataqta dalemata, nache huotaique da ỹalaua't soomaye.

Juan 7:7

Nam shiỹaxauapi maye huetalec ana 'alhua, qaica cam ỹoqta 'eesa da qauasoviilec da huo'omshe qami' nquiỹategalo. Aỹem, qalaxaye Aỹem nquiỹa, cha'aye Aỹem ỹataqta sa'aqtaxaatem namayepi naua lataxaco maye sa ỹaỹamaxayiñi.

Mateo 10:22

Qataq 'enauac qome nam shiỹaxauapi ỹataqta qami' nquiỹalo, souaxat da Aỹem qoquiitague'. Qalaxaye cam Aỹem pi'iỹa'a choche ivitta'a ca loga't da nachaalataxac nache Aỹem ñeca'alaxatec .

Miqueas 7:8

Qaq 'am ñepa'aguenaxaua, saishet qome da aỹem 'antootalec, cha'aye na'aictaxa da souañe co'ollaxa qalaxaye qaltaq ñachaañi qome, qataq na'aictaxa da sootaigui ca napalaxa, qalaxaye Ñim Nataxala' nacheñi ñim aỹem icoỹattalec.

1 Reyes 22:8

Nache som nta'a ye Israel, ỹasateguet so Josafat, 'eeta': Aja', ñaq huo'o so lỹa, maye ishet da senataq ca 'eetec ca la'aqtac Ñim Nataxala', qaq somaye le'enaxat Micaía, som llalec so Imla. Qalaxaye ỹataqta sa sesheteguet somaye, souaxat da saishet da aỹem da'aqtaxanem ca no'on, nda'a't na qauem da ỹa'axata'a. Qalaxaye so Josafat 'enapego' somaye, 'eeta': Saishet taxa da 'anasaxauec de'era.

Apocalipsis 13:14

Qaq se'eso shiguiỹac leguemaxaic ỹatenachet na shiỹaxauapi da chegoqchigui naqa'en nam ỹo'otpi maye saq qaỹauanapega da do'onataxaatega da na'añaxac maye ỹachegoxoto'ot so hua'auchiguiñi shiguiỹac leguemaxaic. Ime, nache ỹamaxalec da ỹo'ot ca le'enaqtac maye lqui'i so hua'auchiguiñi shiguiỹac leguemaxaic, som huo'o co'ollaxa so lta'araic lque'emaxa, que'emaxam so ỹeelonec, qalaxaye saishet da ilem.

Apocalipsis 13:8

Qaq se'eso shiguiỹac leguemaxaic, na shiỹaxauapi maye huetalec ana 'alhua ỹataqta ỹo'oxoreetac somaye, nam saishet da nanettalec ca le'enaxat aso lere Ñi Qagueta Llalec maye qaỹalauat co'ollaxa. Asa'aso nere asomaye qaỹo'ot co'ollaq saxanaxa da ỹo'ot ana 'alhua Ñim Lo'onatac 'Enauacna, qaq asomaye nanettalec 'enauac na le'enaxatpi nam chochaq tatec da lca'alaxa.

1 Corintios 13:6

Qataq saishet da iuaxaata'a't naua lhua'q da ỹo'oxoreetac nam qauem da lataxac, nachaqrata da ntootapeguec nam ỹa'axattac da 'eesa lataxac.

Juan 16:20

Ỹataqta 'eesa de'era qami' sa'axatema nagui, da qami' qome ỹataqta qauaquicoita qataq qanỹiñiitac; qalaxaye na shiỹaxauapi maye ndota't da iuennatega na lataxacpi maye huetalec ana 'alhua, namayepi ỹataqta machiguiñi. Qalaxaye na'aictaxa da qami' ỹataqta qauaquicoita, qalaxaye de'era qaraquicoqoi, damaye nmeneguet qome ca qantonaxaqui.

Jeremías 38:4

Qaq huaña, nache so 'amaqtaqaicpi nataxala'pi detaxaỹot so nta'a, 'eeta': De'era ỹale iuen da qaỹalauat, cha'aye naua la'aqtaqa ỹo'ot da qaica ca la'añaxac nam alleppi qataq nam laỹepi shiỹaxauapi maye ñaq hueta'a ne'ena huaqta'a't nỹecpi. De'era ỹale saishet da nmittaique ca laỹamaxa ne'ena nhuo' le'ecpi, nacherata da ỹasaxalec da qauem.

Proverbios 24:17

Qaq saishet qome da 'antootapeguec qom huañi ca 'am ipa'agueetac, qataq qom quia'aqañi camaye nache saishet da 'antootalec,

Salmos 89:42

Ỹataqta nquiguec 'anqa'en da la'añaxac na mpa'aguenaxauapi, qataq machiguiñi 'anqa'en na ipa'agueetacpi.

Salmos 13:4

Yaqto' na ñepa'aguenaxauapi saishet qome da 'eeta': «Mashe ỹoxonec ñimaye.» Qataq saishet da ntootapeguec da souañi.

1 Reyes 22:18

Nache so nta'a ye Israel 'enapego' so Josafat, 'eeta': ¿Qaq peta'a saisheto' da 'am sa'aqtaxaatapeguem, da de'era shiỹaxaua ỹataqta saishet da aỹem da'aqtaxanem ca no'on, nda'a't na qauem?

1 Reyes 21:20

Nache so Ajab 'enapega so Elías, 'eeta': «¿'Am ñepa'aguenaxaua? ¿Qalaq isheto' da aỹem 'auanata?» Nache so Elías, 'enapeco': «Aja', 'am sanata, cha'aye nda'a't da 'auo'ottac na ỹataqta sa ỹaỹamaxaren Ñim Nataxala'.

Apocalipsis 16:10

Qataq jec so lỹa namaxashec piguem le'ec da icorelec so huetagui aso ỹomaxaqui so nso'onqa' so shiguiỹac leguemaxaic, nache da lo'onataxanaxac somaye ỹataqta napalñi. Nache na shiỹaxauapi ỹataqta inaiguilo naua lachaqa'ate, souaxat da nqui'ic, cha'aye na lquesaxa nachena na ỹo'ot da lta'araic nqui'ic. Qalaxaye ñaqaiyeta saishet da ỹaxaañi da ỹo'ottac na qauem, nachaqrata da dalemataỹa Ñim Lo'onatac 'Enauacna, souaxat da nqui'ic; ¡ỹataqta sa iyacnapec da detaqtega Ñim Lo'onatac 'Enauacna maye neto'ot na piguem!

Apocalipsis 12:13

Qaq se'eso shiguiỹac leguemaxaic, co'ollaq noma da mashe qanasaxaña ana 'alhua, nache icanapec aso 'alo maye cheta'ague da huo'o so llalec.

Abdías 1:12

Qataq saishettaxa da 'antootapeguec da 'auauaachigui nam 'arqaỹañecpi so na'a'q co'ollaq huaigui da nque'eenaxac, qataq saishettaxa da 'antooteguec da 'auauaachigui da qailaxachigui na Judá le'ecpi, qataq saishettaxa da 'avi'iitac namayepi so na'a'q co'ollaq huo'o da lachetataic.

Jeremías 50:11

Qami' caldeopi maye qanhuoyeeta co'ollaxa ye ỹalamaxat nhuo' le'ecpi ¡ñaq qauamaichiguiñi qome qataq qantoñiỹapigui'! ¡Qauparenaxañeetai' qome qoñeeta'am aca huaca llale da quetaigui na 'auaqpisat! ¡Qataq qauachemnaxañeetai' qoñeeta'am ca caaỹo!

Salmos 35:19

Saishet qome da aỹem ntootalec na ñepa'aguenaxauapi, qataq saishet da naquiaxaatalec ana la'aite nam choche aỹem nquiỹatega.