Qaq so shiỹaxaua maye ỹaatrañi soua alogo maye chegaqaiguilo na lino, ỹaayeshigue'm naua lhuaxaye ỹachaxanoto na piguem, nache ỹan so la'aqtac ỹachegoxotchigui da le'enaxat Ñim Lo'onatac 'Enauacna maye Nca'altauec, nache, 'eeta': Qom inoxoore'c caua tres y medio vi'iye, qom mashe vi'iiguet da nlaqtaguec da la'añaxac nam nhuo' le'ecpi, huaña qome nache ime de'era.
Apocalipsis 10:5 - La'aqtaqa Ñim Lo'onatac 'Enauacna 20135 Qaq som namaxashec piguem le'ec maye selota'a petalec na 'etaxat qataq na 'alhua, somaye ỹachaxanot na piguem na lhuaq aloic. Gade chapit laNuevo Testamento Toba Sur5 Ime, nachi som namaxashic piguem l'ec mayi selota'a petalec na 'etaxat qataq na 'alhua, somayi ÿachaxanot na piguem na lhuaq aloic. Gade chapit laNuevo Testamento Toba Sombrero Negro5 Chane'eja jo'me piyem le'ec jo'ne jauana da'me nechatetalegue di'me noĝop choqona'me aleua, nodijeguem jo'me louaq jo'ne yayaten da'me yacoje'mec di'me piyem Gade chapit la |
Apocalipsis 10:5
29 Referans Kwoze
Somaye ỹataqta na'axannec da la'aqtac, 'eeta': «Ỹataqta huo'o naq 'enec qanqa'eñi Ñim Lo'onatac 'Enauacna, qataq qavio'oxoyiñi; cha'aye mashe ivita ye laloqo' da Ñimaye nmit na shiỹaxauapi ana 'alhua. Qavio'oxoyiñi Ñim lo'onatac na piguem qataq ana 'alhua, qataq aso auaxai, qataq anam npaxaatasheguem na le'ec 'etaxat.»
–¡Qami' ỹalleppi! ¿Ta'ainco' ye nache qoñiitec de'era? Qomi' nache qami' shenaqta'ama, choche qomi' shiỹaxau'. Qalaxaye nachera da huo'omshe ñanaguenaq da qami' shenaqapegalo da qaỹa'axañiiuec na chochena qaica ca naigui, nache qoquiigue Ñim Lo'onatac 'Enauacna maye nca'altauec, qataq lo'onatac na piguem, 'alhua, auaxai qataq 'enauac na huetalecna.
Qaq se'esoua cuatro shiguiỹa'c maye nca'altraue'c do'onaxaata'ape qataq ỹaatracot da na'achecỹaxac som nso'ootangui aso so'onaxaqui maye chochaq tatec da nachaalataxac. Qaq so lo'one'c soomaye ỹa'axat da llo'oxoyec qataq da la'añaxac qataq da nacheñi Ñimaye da taiguet da huo'o naq 'enec qanqa'en. Qaq naxa da 'eetec de'era se'esoua shiguiỹa'c maye nca'altraue'c, nache se'esoua veinticuatro nqueroxonqa ỹa'aroto naua l-llectel som nso'ootañi, nache ỹo'oxoreetrac, qataq nqa't naua naro'ol da ỹacho'oto aso so'onaxaqui. Ime, qaq do'onaxa'n soomaye 'eetra':
Qaq huaña, nache 'enauac somayepi natamen, 'eeta': 'Am, maye nache 'amta Nataxala'. 'Am, maye 'aro'onatac na piguem qataq nam ỹataqta pa'asheguem na piguem, qataq 'enauac ana huaqaañipi. Nataqa'en 'aro'onata ana 'alhua, qataq 'enauac na huetalecpi anamaye, qataq aso auaxai qataq 'enauac na huetangui asomaye. 'Am maye 'aỹa'anem da lca'alaxa na 'aro'onatacpi, qaq ỹoqo'oye ana huaqaañipi maye neto'ot na piguem 'am ỹo'oxoreetac.
Ñim Lo'onatac 'Enauacna ỹauo'o co'ollaxa de'era ỹachaxanapecot so Abraham, 'eeta': «Aỹem sauo'o qome ca 'anqouagaxa qataq 'am sami' ca ỹataqta qalota 'aỹa'alaqpi.» Co'ollaq Ñim Lo'onatac 'Enauacna da ỹami' de'era la'aqtac so Abraham da ipaqueelec, nache ỹan da la'aqtac chegoqchigui da maiche la'añaxac, cha'aye qaica ca lỹa 'amaqtaqaic da huo'otaq ỹachegoxoto'ot da la'añaxac.
Cha'aye aỹem naxa da secoleetac na qoviita'a, nache semeteetac 'enauac nam nqui'ipi maye qanatamñeetacot. Nache huo'o ye selalec atamnaqa' qoỹettañi so na'aqtac, 'eeta': «Atamnaqa' da qanatamnot cam saishet da qaỹauatton.» Qaq Ñi'iñi Lo'onatac 'Enauacna maye qanatamñeetacot qalaxaye sa qauauattoñi, nacheñi nagui Ñim qami' sa'axatema.
Qataq qonapega, qoneta': 'Era da la'aqtac Ñim Nataxala': Co'ollaq lleca'aua'a na Israel, nache sanem so ỹa'aqtac som chegoxoguetpi namayepi, qataq ñachaxana somayepi co'ollaq huaña ye Egipto. Nache sachaxaasheguem na ihuaq nache san so ỹa'aqtac sheeta': Aỹem nachaỹem Natamnaxala' maye Qanatamnaxala'ai.
Co'ollaq inoxoneua'a ñaqa'en yem 'alhua maye sachaxanapeguem co'ollaxa da sanem, nache naxa da choche ila'a ana lcomaraxalatepi, ana qo'oipaq maye qalochiguiñi ana lcouepi, nache huaña naxa da ỹauo'o ana lachetaqtaxanaqtepi maye qaỹavigaxatta, qataq ana laỹepi lachetaqtaxanaqtepi maye ỹataqta Aỹem inogoqchet, qataq ỹauo'o na lchenaxanaxat maye ama na laita, qataq icorec na lachetaqtaxanaxat lataxa.
Piblisite