Apocalipsis 10:4 - La'aqtaqa Ñim Lo'onatac 'Enauacna 2013

⁴ Qaq aỹem mashe sauotaique da shiyiñi da la'aqta'c soua siete nvilỹaxaco co'ollaq sa'axaỹa so na'aqtac chemqot na piguem da aỹem 'enapega 'eeta': «Saishet qome da 'iyiñi da la'aqta'c soua siete nvilỹaxaco maye 'eeta'ama na nalataxa, nachaqrata da qaica ca ỹaỹate'n 'anqa'en.»

Nuevo Testamento Toba Sur

⁴ Qaq can ime da ltaxaÿaxa'c soua siete qasoxonaxa, nachi aÿim sauotaique shiyiñi. Qalaxayi aÿim sa'axaÿa so n'aqtac, chimqot na piguem, aÿim 'eetega, 'eeta': –Sa ishit qome da 'iyiñi da l'aqta'c soua siete qasoxonaxa, yaqto' sa ishit da huo'o ca ÿaÿaten.

Nuevo Testamento Toba Sombrero Negro

⁴ Mane'e ca'li yem da'me doje'y gaa'me siete 'loĝoyaĝaco jajo'me qajoĝonaĝa, qama'le da'me jayem te'me jetaque jediñe, qalaĝaja 'uo ga'me 'naqatac jo'ne jomachiya 'me chimaqapegue di'me piyem, jo'ne jayem enapega, eet'oi: “Ena'te auen di'yoq joda'me auomachiya jo'ne 'yaĝatetedac jaa'me siete 'loĝoyaĝaco jajo'me qajoĝonaĝa, qama'le ena'te auediñe.”

Apocalipsis 10:4 Referans Kwoze

Daniel 12:4

Qalaxaye 'am Daniel, saishet qome da 'aua'axattac de'era, qataq 'aunana't ana'ana nere, nache 'autoqoolec aca 'ara'anaxanaqte da 'auapogui, choche ivitta'a qome da ivita cam loga't. Qalota qome ca shiỹaxauapi maye coleetega't, nmittaique da nquigaxatec da lauattonaxanaxac.

Daniel 8:26

Qaq som 'arauanaqchec co'ollaq 'am qaỹachaxana so avit qataq nte'eta, somaye ỹataqta 'eesa, qalaxaye 'am saishet qome da 'aua'axattac, cha'aye somaye ipacchigui qome da yo'oq qom qaỹoqteguelo naua vi'iye.

Daniel 12:9

Nache somaye aỹem ỹasateguet, 'eeta': 'Am Daniel, qoquetegue qome da 'anqa'aicỹaxac, cha'aye de'era iuen da saishet da qaỹa'axattac, choche ivitta'a cam loga't.

Apocalipsis 22:10

Nataqa'en aỹem 'enapega, 'eeta': «Saishet qome da 'oxooñi de'era la'aqtaxanaxac Ñim Lo'onatac 'Enauacna maye nanettalec ana'ana nere. Cha'aye mashe saqaỹapeque ye laloqo' da ipacchiguilo naua nanettrañi.

Deuteronómio 29:29

Nam saqcha'a lataxacpi namayepi lalamaxatpi Ñim Nataxala' maye Qanatamnaxala', qalaxaye nam yo'oqta lataxacpi namayepi qomi' qaỹachaxanalo qome, qataq ca qoyalaqpi, yaqto' sepagaqtelec da so'otaq 'enauac ne'ena na'aqtacpi ne'ena qoỹan nqataxacpi.

Apocalipsis 1:11

Qaq se'eso nvilỹaxac aỹem 'enapega, 'eeta': «'Auauo'o aca 'ere da 'iyiñi nam 'aulota'api, ime, qaq 'auamaxalo naua siete 'aleu' maye hueta'alo nam ỹa'amaqten So Jesús maye huetaigui ye 'alhua Asia, yem nỹecpi ye Éfeso, Esmirna, Pérgamo, Tiatira, Sardis, Filadelfia, qataq ye Laodicea.»

Isaías 29:11

Qaq 'enauac na l-loxocpi maye ỹachaxan, 'eeta'am ca nerec maye huetalec aca napotagui nere, da qoỹanem cam ỹaỹaten da itaxaỹaxan acamaye nache qoỹenapega qoỹeeta': «'Autaxaỹaxan ana'ana», nache camaye, 'eeta': «Sa seshet da setaxaỹaxan cha'aye anamaye napotagui.»

Isaías 8:16

Ỹataqta qauaỹamaxacheetec qome na iqataxacpi qataq qaỹo'oxochiichiguiñi da ỹapaxaguenataxanaxac.

Isaías 8:1

Ñim Nataxala' aỹem 'enapega 'eeta': «'Auacona qome ca dapaqaic qalotelec, nache ỹataqtegue 'anqa'en da 'erelec camaye da ne'enaxat maye 'eeta': ‹Maher Salal Jasbaz.›

Apocalipsis 1:19

'Iyiñi 'enauac nam 'auauaachigui: nam mashe yo'oq qataq cam ñaq taỹa'a da yo'oq.

Apocalipsis 10:8

Nache qaltaq sa'axaỹa so na'aqtac maye sa'aqtega co'ollaxa, chemaqtacot na piguem da ỹe'eguelaxalec da aỹem 'enapega, 'eeta': «'Asoma qome, 'auacona ara nerole maye ỹauattagui. 'Anqateeguesop na lhuaq da namaxashec piguem le'ec maye petalec ana auaxai qataq ana 'alhua.»