Apocalipsis 10:1 - La'aqtaqa Ñim Lo'onatac 'Enauacna 2013

¹ Ime, nache sela'a so lỹa namaxashec piguem le'ec ỹataqta 'añaxaic, chegoqo'ot na piguem, huetaigui so lo'oc. Qaq huo'o so 'eeta'am da lo'oxoỹaxac na quemoxonalo coleesop na lqaic somaye. Qaq na lashec qalaq 'eeta'am na le'eraxa añi nala'. Qaq naua lchel 'eeta'am na le'eraxa na norec da nachatchiguiñi.

Nuevo Testamento Toba Sur

¹ Ime, nachi sela'a so lÿa namaxashic piguem l'ec ÿataqta 'añaxaic, chigoqo'ot na piguem, huetaigui so l'oc, qataq so qomoxonalo coleesop na lqaic. Qataq na lashic, qalaq 'eeta'am na l'edaxa añi nala'. Qataq naua lchil 'eeta'am na nodec l'edaxa.

Nuevo Testamento Toba Sombrero Negro

¹ Yem qama'le jauana jo'me piyem le'ec laqaya jo'ne 'uo da'me lañoqotaĝanaĝac, naquetaue jo'me piyem lo'oc da'me nenochiñe chiyaqaje'ma di'me piyem, na'me laqaic uetalegue jo'me uosac choqoda'me yaqaselec jo'me latajoĝoc ena'am ta'le ajeua lauaq, nataq'aen naa'me lotetadi ena'am ta'le dole'te qom noĝoneje'melo jena'me lauaq.

Apocalipsis 10:1 Referans Kwoze

Mateo 17:2

Huaña yemaye, nache nqochen da lataxac, ỹauaachiguilo soomaye. Na lashec co'ollaxa Somaye ỹataqta 'eroigui, 'eeta'am añi nala', qaq soua alogo qalaq ỹataqta ỹapaga'q, 'eeta'am na le'eraxa añi nala' da mashe laiñi ye na'a'q.

Ezequiel 1:28

'eeta'am da lataxac so quemoxonalo da nachaxan huetaigui na lo'oc na piguem da ime na auot. Qaq 'era da 'eetec da aỹem nachaxana da llo'oxoyec Ñim Nataxala'. Qaq co'ollaq sela'a nache sa'alyiñi naua illecte nache seviraxata'aguet na ỹatap na 'alhua.

Apocalipsis 5:2

Ime, nache sela'a so namaxashec piguem le'ec ỹataqta qaica ca 'ena'am da la'añaxac. Somaye ỹataqta nlamaxaren da denataxaatac, 'eeta': «¿Negue't ca ishet da nqa't naua na'anaxanaqtel, ime, nache ỹauachigui ara nere?»

Daniel 10:6

Qaq da lo'ocỹaxac somaye qalaq qashelecteguiñi, 'eeta'am na coma' topacio, qaq na lashec qalaq 'ettapogoigui 'eeta'am na nqashelgaxa, qaq naua la'ai'te qalaq 'eeta'am aca ncoỹaraxanaqte 'ettaigui, qaq naua lhuaxaye qataq naua lapia'ate qashelectrapiguiñi 'eeta'am na bronce, qaq da lavilỹaxac qalaq 'eeta'am ca qalota shiỹaxauapi.

Apocalipsis 4:3

Somaye ỹataqta qashelectapiguiñi, 'eeta'am da lqashelgaxa na coma' le'enaxat diamante, huo'otaq na coma' le'enaxat rubí. Qaq aso so'onaxaqui coleesop so 'eeta'am na quemoxonalo. Qaq da lqashelgaxa somaye qalaq 'eeta'am na coma' le'enaxat esmeralda.

Apocalipsis 8:13

Qaq can ime de'era, nache sela'ague so vi'ic huaỹotac, queto'ot na piguem, nache sa'axaỹa so la'aqtac ỹataqta na'axannec 'eeta': «¡Ỹataqta qauem da taỹa'ague 'enauac nam huetalec ana 'alhua, qom ivita da ỹashiiyiguilo caua lasheerel caua lỹa't tres namaxa'she piguem lashe'!»

Salmos 104:3

Qataq ca qaỹoqotcheguemec 'arma' na'arelec 'anqa'en na 'etaxat, qataq na lo'oc na piguem nañigui 'anqa'en aca 'annaigona, qaq da qojec qalaq qonetaleguete naua laua't na la'at.

Salmos 97:2

Na napalñi lo'oc coleesop Ñimaye, qataq da nalochiguiñi qataq da no'on lataxac, nachera da na'attalec da lo'onataxanaxac Ñimaye.

Apocalipsis 1:7

¡Ñaq qauloỹa! ¡Na Cristo mashe anacta, netalec na lo'oc na piguem! 'Enauac da qailota'aguet da anacta, ivira'a nam ỹalauat co'ollaxa; qataq nataqa'en 'enauac na huetalec ana 'alhua, nỹen souaxat namaye. 'Era dam 'eetec qome, ¡aja', nache 'eetec!

Hechos 26:13

Qalaxaye co'ollaq huangui so nqa'aic, 'am ita'a Agripa, mashe na'a'q laiñi, nache aỹem sela'aguet so ne'eraxa, ỹataqta napacalec na le'eraxa añi nala', chegoqo'ot na piguem. Nache somaye souaigui, nataqa'en soua ñenaictegueto.

Lucas 21:27

Huaña qome, nache qaila'a Aỹem Shiỹaxaua Llalec, sootalec ca lo'oc na piguem ỹataqta qaica ca 'ena'am da ỹa'añaxac qataq da ỹo'oxoyec.

Daniel 7:13

Qaq aỹem nache shecto'ot da semeteetac som ỹauanaqchec se'eso pe. Nache nque'elaxatta da: Sela'a so 'eeta'am na shiỹaxaua llalec nactaigui so lo'oc na piguem, nache somaye taỹa so hueta'a som ỹa'axaiquiolec, nache qanquigaxateua'a so hueta'a somaye.

Lamentaciones 3:44

'Anqañoxotoigui na lo'oc na piguem, da yaqto' saishet da 'aua'axaỹa da qanatamnaxac.

Isaías 54:9

«Qaq 'eeta'am co'ollaq sanem da ỹa'aqtac so Noé, da saishet da ỹe'eguelaxa da ipaxaalec na 'alhua ca auot lta'araic, qaq nache 'eetec nagui da san ỹa'aqtac da saishet da qaltaq she'eguelaxalec da 'am salemataỹa qataq saishet da she'eguelaxalec da 'am sareetalec.

Isaías 19:1

Qaỹa'axata'a dam talec qome ye Egipto. Ña qauloỹeeguet nam Nataxala', netalec na ỹataqta qayaqaic lo'oc na piguem da naỹa'a ye Egipto. Qaq nam atamnaxala'pi ye Egipto qalaq iviloxol qom nvi' namaye, qataq nlaxagui qome da lli'iỹaxa ye Egipto le'ecpi.

Cantares 5:15

Naua lchel 'eeta'ama aca nhuoqte mármol, nachatchiguiñi na'attaleguete na ndotec oro. Qaq da lataxac ỹataqta qaramta 'eeta'am ana cedropi ye Líbano.

Levítico 16:2

Nache Ñim Nataxala' 'enapega so Moisés, 'eeta': «Qonapega qome ñi 'arqaỹa Aarón da saishet da saq ỹataq ca ñichiguiña añi nala' da huenoxoneua'a ye pa'auo ñi lapoxonaxat ñi npe'l maye netaña añi laỹe' naua ñaỹamaxataxaco, yaqto' da ñachaxan nache saishet da ileu, da sootaigui ca lo'oc maye nalotcheguema ñi lapoxot añi laỹe' naua ñaỹamaxataxaco.

Éxodo 16:10

Nache so Aarón co'ollaq ñaq detaqtague' 'enauac so Israel le'ecpi, nache 'enauac somayepi ỹamatalec so toolec 'alhua, nache ila'a da llo'oxoyec Ñim Nataxala' co'ollaq nachaxan huetaigui so lo'oc.

Apocalipsis 18:1

Qaq can ime de'era, nache qaltaq sela'aguet so lỹa namaxashec piguem le'ec, chegoqtot na piguem. Qaq somaye ỹataqta lta'araic da la'añaxac, qataq 'enauac ana 'alhua ỹataqta yo'oqtelec naqa'en na le'eraxa.

Apocalipsis 18:21

Ime, nache so 'oonolec namaxashec piguem le'ec maye ỹataqta qaica ca 'ena'am da la'añaxac, somaye ỹacoosop so coma' lta'araic maye 'eeta'am na namaicnaxanaxat, nache ỹasaxangui aso auaxai, nache 'eeta': «'Am Babilonia, 'am ỹataqta lta'araic da 'ara'añaxac, ¡'Era qome da 'eetec da 'am qailaxachigui, nache saishet qome da qaltaq 'am qaila'a!

Apocalipsis 20:1

Qaq can ime de'era, nache sela'aguet so namaxashec piguem le'ec chegoqtot na piguem, Qaq somaye lasoqta'a so lta'araic ncoñetaxanaxat lcat qataq aso lvinaqte so llegueuo so laponqa' na leuaxaicpi.