Apocalipsis 1:11 - La'aqtaqa Ñim Lo'onatac 'Enauacna 2013

¹¹ Qaq se'eso nvilỹaxac aỹem 'enapega, 'eeta': «'Auauo'o aca 'ere da 'iyiñi nam 'aulota'api, ime, qaq 'auamaxalo naua siete 'aleu' maye hueta'alo nam ỹa'amaqten So Jesús maye huetaigui ye 'alhua Asia, yem nỹecpi ye Éfeso, Esmirna, Pérgamo, Tiatira, Sardis, Filadelfia, qataq ye Laodicea.»

Nuevo Testamento Toba Sur

¹¹ Qaq aÿim 'enapega, 'eeta': –Nachaÿim mayi aÿim l'auaxanec qataq nachaÿim mayi sepa'ateec, shiita'am aca l'auaxana ana leetrapi qataq aca pa'ateec. Qaq 'am 'edelec qome aca nede 'enauac na 'auauaachigui. Ime, qaq 'auamaxalo qome naua siete 'ale'u mayi netalguete na 'amqajnataxanaxaicpi mayi netaigui yi 'alhua Asia: yim Éfeso, Esmirna, Pérgamo, Tiatira, Sardes, Filadelfia, qataq yi Laodicea.

Nuevo Testamento Toba Sombrero Negro

¹¹ Qama'le jayem enapega: “Auediñe da'me dojo' jo'ne auana jo' qomle, auachalegue jaga'me nede qaedi auamaĝalo jogaa'me siete tamenaĝaiqui', jogaa'me jo'ne napi'ñalo jogaa'me noyaqa jo'ne netedaue di'me aleua Asia: gaa'me noyaqa jo'ne Éfeso, Esmirna, Pérgamo, Tiatira, Sardes, Filadelfia nataq'aen di'me Laodicea.”

Apocalipsis 1:11 Referans Kwoze

Apocalipsis 3:1

«'Auauo'o aca 'ere, nache 'auamaxa ñi namaxashec maye ilotague' nam ỹa'amaqten So Jesús maye netaña ye nỹecpi ye Sardis. Qoneta': ‹Aỹem maye Aỹem hueto'oto soua siete saq cha'alo la'añaxaco Ñim Lo'onatac 'Enauacna qataq soua siete huaqaañi: Ñaq 'ana'axaỹaxana dam 'am sa'axatem: Aỹem saỹaten 'enauac nam 'auo'ottacpi, qataq saỹaten da 'ana'aqtaguec da qoỹeetega Aỹem 'aualaxaguet. Qalaxaye de'era saishet da 'en.

Apocalipsis 1:4

Aỹem Juan, samaxa ana ỹere qataq sequiita'ape naua siete 'aleu' maye netaleguete na ỹa'amaqten so Jesús maye netaigui ye 'alhua Asia. Ñim Lo'onatac 'Enauacna, Ñim nache 'eetai' da huo'o, qataq Ñim do'onataxaatac nagui, qataq naỹa'acna. Aỹem ỹataqta huo'o da iyaxa da Ñim Lo'onatac 'Enauacna qataq So Jesucristo qataq soua siete na'añaxaco saqcha'alo maye nachattraua'a añi nso'onaxaqui Ñimaye, da qami' ỹauoteque qataq qami' ỹanema ca qarlagaxayiqui. Sa'amaqtenaq da So Jesucristo qomi' ỹauoteque qataq qomi' da'aqtaxanema da 'eesa na'aqtaguec Ñim Lo'onatac 'Enauacna. So Jesucristo nacheso so la'auaxanec da nca'aleeguesop da nleuaxa, qataq nacheso so ilotague' 'enauac nam nta'alpi maye ilotague' nam 'alhuapi. Qataq chegoqchigui da l-leuaxa So Jesucristo da Ñim Lo'onatac 'Enauacna ỹapalaxat na qarasouaxashetpi.

Habacuc 2:2

Nache Ñim Nataxala' aỹem ỹasateguet, 'eeta': «'Erelec qome ca 'alhua laỹe dapaqaic nam 'am sachaxanapi, yaqto' ỹataqta sailaua'ague qome da qaitaxaỹaxan.

Jeremías 30:2

«Ñim Nataxala' maye Natamnaxala' na Israel le'ecpi 'eeta': 'erelec qome aca nere 'enauac nam 'am sa'axatem,

Apocalipsis 3:14

'Auauo'o nataqa'en aca 'ere, ime nache 'auamaxa ñi namaxashec maye ilotague' nam ỹa'amaqten So Jesús maye netaña ye nỹecpi ye Laodicea. Qoneta': ¡Aỹem maye ỹe'enaxat da 'Eesa! Qaq ỹe'enaxat de'era, cha'aye sapaxaguenataxaateguec da 'eesa na'aqtaguec Ñim Lo'onatac 'Enauacna, qaq saishet da satenataxaatac. Qataq chegoqchigui Aỹem da Ñim Lo'onatacna ỹo'ot 'enauacna. Ñaq 'ana'axaỹaxana dam 'am sa'axatem:

Apocalipsis 3:7

Nataqa'en 'auauo'o aca 'ere, nache 'auamaxa ñi namaxashec maye ilotague' nam ỹa'amaqten So Jesús maye netaña ye nỹecpi ye Filadelfia. Qoneta': «Aỹem maye ỹoqta 'eesa da Aỹem Llalec Ñim Lo'onatac 'Enauacna qataq selo'ogue da lo'onataxanaxac co'ollaxa so nta'a David. Da ivita da sauatoigui ca lasom, nache qaica ca ishet da ỹapogui, qaq da sapogui qalaq qaica ca ỹe'eguelaxalec da ỹauatoigui. Qaq nagui ñaq 'ana'axaỹaxana dam 'am sa'axatem:

Apocalipsis 2:18

«Nataqa'en 'auauo'o aca 'ere, nache 'auamaxa ñi namaxashec maye ilotague' nam ỹa'amaqten So Jesús maye netaña ye nỹecpi ye Tiatira. Qoneta': ‹¡Aỹem maye Aỹem Llalec Ñim Lo'onatac 'Enauacna! Naua ỹa'ai'te 'eeta'ama na le'eraxa na norec, qaq naua ichel qalaq qashelectrapiguiñi 'eeta'am da lqashelgaxa na lcat le'enaxat bronce da ime da nqatelaguec. Ñaq 'ana'axaỹaxana dam 'am sa'axatem:

Apocalipsis 2:12

«Nataqa'en 'auamaxa qome aca 'ere ñi namaxashec maye ilotague' nam ỹa'amaqten So Jesús maye netaña ye nỹecpi ye Pérgamo. Qoneta': ‹Aỹem maye sauota'a na ỹainec maye ỹataqta shetteguet qataq dos naua ala'api. Ñaq 'ana'axaỹaxana da 'am sa'axatem:

Apocalipsis 2:8

«'Auamaxa qome aca 'ere ñi namaxashec maye ilotague' nam ỹa'amaqten So Jesús maye netaña ye nỹecpi ye Esmirna. Qoneta': ‹Aỹem maye Aỹem la'auaxanec qataq sepa'atec. ¡Aỹem seleu co'ollaxa, qalaxaye qaltaq she'eguelaxalec da ñeca'alec! Ñaq 'ana'axaỹaxana dam 'am sa'aqtaxanem:

Efesios 1:1

Qami' ñauochaxau' ỹaqaỹa't maye qoñiitaña na Éfeso: Qami' maye qami' lalamaqa'ate Ñim Lo'onatac 'Enauacna qataq qoquiito'ot da qaua'amaqchiñiitac So Jesucristo, cha'aye qana'ayeetaua'a Somaye, qami' samaxalo da iquinaxanaxac. Aỹem Pablo, maye aỹem lamaxashec So Jesucristo cha'aye Ñim Lo'onatac 'Enauacna, maiche lhuennataxac.

Isaías 30:8

Qaq nagui qojec, nache 'erelec qome ca dapaqaic de'era 'arauanaqchec, ỹauaachigui 'anqa'en namayepi, qataq 'erelec qome de'era aca nere da yaqto' nache huetalec acamaye choche ivitta'alo caua pa'atrec na'axa'te, qataq yaqto' chochaq tatec da saishet da qaicoua'ai.

Apocalipsis 21:5

Nache Ñim Lo'onatac 'Enauacna maye nso'ootangui aso nso'onaxaqui da nta'a 'eeta' da la'aqtac: «¡Aỹem ñaralaxat 'enauacna!» Nataqa'en 'eeta': «'Iyiñi qome ne'enapi, cha'aye ne'ena na'aqtacpi ỹataqta 'eesa qataq ishet da qaipi'iỹa'a.»

Apocalipsis 19:9

Nache som namaxashec piguem le'ec aỹem 'enapega, 'eeta': «'Iyiñi qome de'era 'eeta': Ỹataqta machiguiñi 'enauac qome na qaicoyeguen da ỹalectaua'a ca nquia'axac da huaigui ca laronaxac Ñi Qagueta Llalec.» Nataqa'en aỹem 'enapega 'eeta': «'Era da la'aqtac Ñim Lo'onatac 'Enauacna, qaq Ñimaye saishet da datenataxan.»

Apocalipsis 14:13

Ime, nache sa'axaỹa so na'aqtac chemqot na piguem, aỹem 'enapega, 'eeta': «'Iyiñi qome de'era: ‹¡Ỹataqta machiguiñi qome nagui ca ileu, da huo'otaq na'attaua'a So Qarataxala' Jesucristo!›» Qaq som Saqcha'a La'añaxac Ñim Lo'onatac 'Enauacna 'eeta': «Aja', nache 'eetec, cha'aye namayepi nmateeguesop 'enauac nam nque'eenaxacpi qataq lqalaiguesat, qaq Ñim Lo'onatac 'Enauacna ỹauo'o ca nsheetenaguec namayepi souaxat nam qalota no'on maye ỹo'ot.»

Apocalipsis 10:4

Qaq aỹem mashe sauotaique da shiyiñi da la'aqta'c soua siete nvilỹaxaco co'ollaq sa'axaỹa so na'aqtac chemqot na piguem da aỹem 'enapega 'eeta': «Saishet qome da 'iyiñi da la'aqta'c soua siete nvilỹaxaco maye 'eeta'ama na nalataxa, nachaqrata da qaica ca ỹaỹate'n 'anqa'en.»

Apocalipsis 1:19

'Iyiñi 'enauac nam 'auauaachigui: nam mashe yo'oq qataq cam ñaq taỹa'a da yo'oq.

Apocalipsis 1:8

Ñim Nataxala' maye qaica ca 'ena'am da la'añaxac, Ñim nache 'eetai' da huo'o qataq Ñim do'onataxaatac nagui qataq Ñim mashe nayeetai', 'eeta' da la'aqtac: [«Aỹem maye Nachaỹem la'atchiguiñi, qataq Nachaỹem pa'atec.»]

1 Timoteo 1:3

Co'ollaq saigue da 'alhua Macedonia, qaq 'am shenapega da ñaq qoua'a ye nỹecpi ye Éfeso. Qaq nagui qaltaq she'eguelaxalec da 'am shenapega. Cha'aye yemaye huo'o na shiỹaxauapi maye dapaxaguenataxaatapeguec na saq 'en lataxac. Ỹoqo'oye sauotaique da 'am qonapega namayepi da saishet da nache 'eeta'ac de'era.

Deuteronómio 31:19

Qaq ỹoqo'oye nagui iuen da 'iyiñi de'era no'onec, nache 'auapaxaguenec na Israel le'ecpi yaqto' ỹo'on, qaq damaye nachera qome da maiche dataỹa'aguet namayepi.

Apocalipsis 1:17

Qaq can sela'a, nache souañi, ñalo'oto naua lchel Somaye, 'eeta'am da seleu. Qalaxaye Somaye ỹauota'a na lhuaq aloic da aỹem ỹashel-lec, nache aỹem 'enapega, 'eeta': Saishet da 'añi'i. Aỹem maye Nachaỹem la'auaxanec, qataq Aỹem maye Nachaỹem sepa'atec,

1 Corintios 16:8

Qalaxaye sauotaique da sonaña qome ye nỹecpi ye Éfeso, sevittauga ca na'a'q Pentecostés,

1 Corintios 15:32

Co'ollaq soota'a ye Éfeso, nache satata'aguet na ỹalleppi maye 'eeta'am ca shiguiỹac dequi'iỹapec. Qalaxaye da 'eesa da na leuaxaicpi saishet da ỹe'eguelaxalec da nca'alec, nache ¿negue't ca ỹaueguec maye sachegoxotaigui de'era? Qaq ỹoqo'oye ỹaỹamaqchiguiñi da so'otaq de'era na'aqtac naxa maye 'eeta': «Sequia'aq qataq ñeỹomaq, cha'aye qonte' seleuaq.»

Hechos 20:17

Qaq so Pablo co'ollaq hueta'a ye nỹecpi ye Mileto, nache damaxasoxoneugalo soua lataxala'ate nam 'amqaanataxanaxaicpi maye netaña ye nỹecpi ye Éfeso da yaqto' detaxaỹapegueto.

Hechos 18:24

Qaq se'esoua na'axa'te nache nvita ye nỹecpi ye Éfeso so judío le'ec le'enaxat Apolo. Somaye lañoqo' ye 'alhua Alejandría, qaq somaye ỹataqta ỹaỹaten da la'aqtaxanaxac, qataq ỹataqta ỹaỹate'n naua lleco naua nanettrañi la'aqtaqa Ñim Lo'onatac 'Enauacna.

Hechos 16:14

Qaq huo'o aso 'oonole 'alo le'enaxat Lidia, asomaye lma' co'ollaxa ye nỹecpi le'enaxat Tiatira, asomaye imeetac ana ỹataqta no'on npoto, naueralec na ltogaxa, qataq ỹa'amaqteetac Ñim Lo'onatac 'Enauacna. Nache Ñim Qarataxala' ỹami' asomaye da ỹataqta na'axaỹaxaachigui da la'aqtaxanaxac so Pablo.

Colosenses 2:1

Qaq aỹem ñeshetaique da qami' qauaỹaañita da ỹataqta lta'araic da ñeloquiaxac souaxat da qoñiita, qataq nam netaña ye nỹecpi ye Laodicea, qataq 'enauac nam saxanaxa da aỹem ỹauatton.

Apocalipsis 1:20

Aỹem 'am sa'aqtaxanem dam saqcha'a naiguilo soua siete huaqaañi, maye 'auauaachiguilo da huetaiguilo na ihuaq qataq dam saqcha'a naiguilo soua siete ncoỹaraxanaxaqui' maye chegaqaiguilo na oro. Soua siete huaqaañi, naiguilo naua lamaxa'she Ñim Lo'onatac 'Enauacna maye ilotagueto nam ỹa'amaqten So Jesús maye netaleguete naua siete 'aleu'. Qaq soua siete ncoỹaraxanaxaqui' naigui na 'amqaanataxanaxaicpi maye netaleguete naua siete 'aleu'.

Apocalipsis 2:1

«'Auamaxa qome aca 'ere ñi namaxashec maye ilotague' na 'amqaanataxanaxaicpi maye netaña ye nỹecpi ye Éfeso. Qoneta': ‹Aỹem maye llasoqta'alo naua siete huaqaañi netaigui na ihuaq aỹoiguishec, qataq sootangui na laiñi naua siete ncoỹaraxanaxaqui' maye chegaqaigui na oro. Ñaq 'ana'axaỹaxana dam 'am sa'aqtaxanem:

Apocalipsis 2:24

Qalaxaye nam hueta'a ye nỹecpi ye Tiatira maye saishet da quegue naua lapaxaguenataxanaxaco aña'añi 'alo, qataq sa ivita da ỹauatton nam qoỹeetega saqcha'a lataxacpi so pa'aguenataxanaxaic, qaq Aỹem sami' de'era 'oonolec iqataxac:

Apocalipsis 3:4

Qalaxaye na nỹecpi na Sardis huo'o na netaña shiỹaxauapi na saishet da ỹo'ottac na qauem. Qaq ỹoqo'oye namayepi Aỹem hueta'aguet qome, ỹaatrañi caua alogo lapagaxaiqa maye naigui da dauegaxan, qataq da qui'itta lataxac. Qaq namayepi ỹataqta taiguet da qoỹami'.

Apocalipsis 22:10

Nataqa'en aỹem 'enapega, 'eeta': «Saishet qome da 'oxooñi de'era la'aqtaxanaxac Ñim Lo'onatac 'Enauacna maye nanettalec ana'ana nere. Cha'aye mashe saqaỹapeque ye laloqo' da ipacchiguilo naua nanettrañi.

Apocalipsis 22:16

«Aỹem samaq so ỹamaxashec piguem le'ec, da yaqto' da'aqtaxanem 'enauac de'era nam Aỹem ỹa'amaqteetac. Qaq Nachaỹem maye sachegoxoguet so nta'a David. Qataq nache Aỹem huaqaañi yo'oxoñi lashe maye ỹataqta 'eroigui da yo'oxoñitai'.»