Apocalipsis 1:10 - La'aqtaqa Ñim Lo'onatac 'Enauacna 2013

¹⁰ Qaq huetoigui so na'a'q maye laloxoqui da qaỹo'oxoren So Qarataxala', co'ollaq aỹem souaigui da la'añaxac So Saqcha'a Na'añaxac Qui'itta. Nache sa'axaỹa co'ollaxa so lta'araic nvilỹaxac, chemaxague na ilaq, 'eeta'am da l-lamaxa ana nasheere.

Nuevo Testamento Toba Sur

¹⁰ Qaq huetoigui so na'a'q mayi laloxoqui da qaÿi'oxoden so qadataxala', co'ollaq aÿim nvita da sootaigui da l'añaxac so Espíritu Santo. Nachi sa'axaÿa co'ollaxa so lta'adaic nvilÿaxac, chimaxague na ilaq, 'eeta'am na l-lamaxa ana nashiide.

Nuevo Testamento Toba Sombrero Negro

¹⁰ Ca'li jouetoue jo'me nolo' jo'ne laloqo' joñe'me Jaliaĝanec da'me qo'nonaĝachigui, qama'le jayem ua'ajop da'me lañoqotaĝanaĝac ñe'me Dios Lepaqal. Chane'eja jomachiya ga'me lejamaĝa da'me chimaqapegue jena'me jachiyoĝogue jo'ne netenec da'me 'laqatac, ena'am jaga'me najeede qom qoyajediye.

Apocalipsis 1:10 Referans Kwoze

Apocalipsis 21:10

Qaq can ñaq sootaigui se'eso ỹauanaqchec maye aỹem ỹachaxana So Saqcha'a La'añaxac Ñim Lo'onatac 'Enauacna, nache som namaxashec aỹem ỹaviguisheguemec aso qaỹoqotcheguemec 'alhua. Huaña, nache aỹem ỹachaxana so lta'araic nỹecpi qui'itta le'enaxat Jerusalén, anacta chegoqo'ot na piguem, chegaqa'a cam hueta'a Ñim Lo'onatac 'Enauacna.

Apocalipsis 17:3

Qaq can ñaq sootaigui se'eso ỹauanaqchec maye aỹem ỹanem So Saqcha'a La'añaxac Ñim Lo'onatac 'Enauacna, nache se'eso namaxashec piguem le'ec aỹem ỹauegueuga so toolec 'alhua. Huaña somaye, nache sela'a aso 'alo netalec so shiguiỹac leguemaxaic togaxaraic da lo'oxoỹaxac. Se'eso shiguiỹac leguemaxaic siete naua lqaigo, qataq diez naua lcouel somaye nanettalec 'enauac na lo'oc na ne'enaxatpi maye ỹataqta npa'aguene' Ñim Lo'onatac 'Enauacna.

Hechos 20:7

Qaq so la'auaxanec na'a'q naua na'axa'te, nache huo'o so qarquia'axac da seuennaqte da lquia'axac So Qarataxala'. Nache so Pablo ỹapaxagueetac na 'amqaanataxanaxaicpi. Qaq cha'aye somaye huotaique da jec so lỹa na'a'q, nache ỹataqta quetot da la'aqtaxanaxac, choche ivitta'a da laiñi so pe.

1 Corintios 16:2

Da iviteuga ca na'a'q la'auaxanec naua siete na'axa'te, nache ñi 'oonolec da qoñiita huo'o aca iỹotauga, qalaxaye acatai' nalotaua'a nachaca ỹaỹamaxat, yaqto' saishet da iuen da ỹoltaq qaime'eguet da qalapootega't aca ntaunaxanaqte qom qami' sevitalo.

Juan 20:19

Qaq se'eso na'a'q maye la'auaxanec naua na'axa'te co'ollaq mashe pe, nache soua napaxaguenataqa, soomaye lapoota'a't hueta'a ca nỹec. Qaq so lasom se'eso nỹec ỹataqta napochigui, souaxat da qañe'etega na lataxala'pi na judiopi. Nache So Jesús pa'auo, nache vichiguinguilo na laiñi soua lapaxaguenataqa. Nache iqui'n, 'eeta': –Ñim Lo'onatac 'Enauacna qami' ỹanema da lqouagaxanaqtaic qataq da nlagaxayec.

Mateo 22:43

Nache So Jesús 'eeta': –So David co'ollaq ỹachegoxotchigui da ltaunaxanaxac So Saqcha'a Na'añaxac Qui'itta so lerec, 'eeta': «Ñim Lo'onatac 'Enauacna 'enapega ñi Ỹataxala' maye Lca'aguishec, 'eeta': ‹'Anso'oota'ague qome da aỹoic, nato' qom mashe ñauec 'enauac nam 'am ipa'agueetacpi.›» Ñaq Aỹem qaua'aqtaxañim: Da so nta'a David iỹaxana da Lataxala' So Lca'aguishec Ñim Lo'onatac 'Enauacna, qaq ¿ca 'eeteco' qone' da ca Lca'aguishec Ñim Lo'onatac 'Enauacna da chegoxoguet so David? ¡Ye so David ỹamata'ac da saq 'ena'am da la'amaqchec!

Juan 20:26

Qaq co'ollaq mashe ivi' naua ocho na'axa'te, nache soua napaxaguenataqa qaltaq lapoota'a't da huetra'a so nỹec, nache ỹalectauo so Tomás da hueta'agueta soomaye. Qaq na'aictaxa da ỹataqta ỹapochigui so lasom, qalaq So Jesús pa'auo, nache vichiguinguilo soomaye. Nache iqui'n, 'eeta': –Ñim Lo'onatac 'Enauacna qami' ỹanema da lqouagaxanaqtaic qataq da qarlagaxayiqui.

Números 24:2

Qaq so Balaam co'ollaq ila'a so Israel le'ecpi da ỹataqtac so netañapi so lpe'lpi so maiche nalamaxat nhuo' le'ecpi, nache so Saqcha'a La'añaxac Ñim Lo'onatac 'Enauacna taigui somaye.

1 Corintios 12:3

Ỹoqo'oye ñeshetaique nagui da qauaỹaañita da qaica ca shiỹaxaua da ỹauectac So Saqcha'a Na'añaxac Qui'itta, nache ỹasaxaleguete naua qauema ltaxaỹaxaco So Jesús. Qataq nachaqnata nam ỹauectac So Saqcha'a Na'añaxac Qui'itta na ỹauatton da So Jesús, nacheso Som Nataxala'.