Amós 9:2 - La'aqtaqa Ñim Lo'onatac 'Enauacna 2013

² Nache na'aictaxa da taña ca ỹataqta qaỹoqchiguiña ana 'alhua da nqañoxooñi, qalaq nache sachegoxotchiguiña da ñeqatsheguem, qataq na'aictaxa da tasheguema ca ỹataqta qaỹoqotcheguema na piguem, qalaq nache sachegoxotasheguema da ñeqaañi qome.

Toba del Oeste

² Te'me tadoue jena'me aleua lauel da'me nañoĝochidiñe, qalaĝaja jauanalo qomle; uotaĝa te'me dajotegue jena'me piyem, qalaĝaja ñenotaĝadiñe qomle.

Amós 9:2 Referans Kwoze

Jeremías 51:53

Qaq na'aictaxa ye Babilonia da ivirasheguema na piguem da yaqto' qaỹoqotcheguemec naqa'en na lpaqtaxanaxatpi, qalaxaye nache 'ena'am samaxa cam mpa'aguenaxauapi da yaqto' ilaxachigui. Qaq 'era da ỹa'aqtac Aỹem Nataxala'.»

Abdías 1:4

Qalaxaye na'aictaxa da qoneta'am ca vi'ic maye huaỹotac na piguem, qataq da 'aỹa'anaigui ana huaqaañipi ca 'arpata'c, qalaxaye nache 'am sachegoxotchiguiña qome camaye da 'auanaañi ñaqa'en». Qaq 'era da la'aqtac Ñim Nataxala'.

Lucas 10:18

Nache So Jesús 'enapeco': –Aja', Aỹem sauaachigui da naañi so pa'aguenataxanaxaic, chegoqtot na piguem, 'eeta'am na nqashelgaxa.

Jeremías 49:16

Dam 'año'oxonnaxac co'ollaxa, nachera da 'am ỹatenachet, cha'aye souaxat 'am ncolanaxat. Qataq qouetaigui na lpoxoỹaxapi na coma'pi, qoueta'a na ỹataqta qaỹoqotcheguemec qasoxonaxapi. Qalaxaye na'aictaxa da qaỹoqotcheguemec 'anqa'en ca 'arpata'c da qoneta'am ca vi'ic qalaxaye nache 'am sachegoxotchiguiña qome da 'am ñeqaañi. Qaq 'era da ỹa'aqtac Aỹem Nataxala'.

Isaías 2:19

Qom ivita da nachaañi Ñim Nataxala', da imattalec naqa'en ana 'alhua da lchec, nache na shiỹaxauapi nqañoxotoigui qome na lauacpi ana coma'pi qataq na lpoxoỹaxapi ana 'alhua, souaxat da lchec da lviraxac Ñim Nataxala' qataq na le'eraxa da llo'oxoyec Ñimaye.

Da na'aqtaguec so Job 26:6

Ana huachiqui qalaq yo'oqta naqa'en Ñimaye, qataq da nleuaxa qaica da huo'o ca ỹoxochiisop Ñim Lo'onatac 'Enauacna.

Da na'aqtaguec so Job 20:6

Na'aictoxo' da iviro'ot na piguem da na'amqaanaxac, qataq da iviro'ot na lo'oc na piguem na lqaic,

Da na'aqtaguec so Job 34:22

Qaica ca lta'araic lpaqal, huo'otaq ca lta'araic napalaxa, da ishet da nqañoxotoigui ca ỹo'ottac na qauem.

Ezequiel 26:20

nache 'aviraña cam hueta'a nam leuaxaicpi, maye nacheso som hua'au shiỹaxauapi. 'Am sasaxaña qome cam ỹataqta pa'aguiñi ana 'alhua, cam 'alhua maye chochaq tatec da toolec, nache 'aualectaigui qome som mashe ileupi co'ollaxa. Nache saishet qome da 'avi'eguelaxa da qaltaq 'am qanayeetalec, qataq saishet da qaltaq 'am qano'oxoosheguem, da qouetalec na na'alhua nam nca'altauecpi.

Ezequiel 31:14

Qaq huaña nache qaca aca qo'oipaq da nquictasheguem da lañaxataxac, na'aictaxa da hueto'ot na loigue ca 'etaxat qataq na'aictaxa da qaicottalec, qalaxaye saishet da ishet da iviro'ot na lsheenec na lo'oc na piguem. Cha'aye 'enauac da taỹa'a da ileu, nache taña na ỹataqta pa'aguiñi na 'alhua, da yaqto' ỹalecta'aguet na mashe huetangui ana huachiqui.

Da na'aqtaguec so Job 22:13

Qalaq ¿ta'ainco' da qonetega qaica cam nanoma Ñim Lo'onatac 'Enauacna, qataq na sa nsatchiguiñi lo'oc na piguem nqanaxat da huo'o ca nmit?

Da na'aqtaguec so Job 24:23

Ñim Lo'onatac 'Enauacna hua'aqta'a namayepi da qaica ca ivittaique, qalaxaye ỹataqta naua'n naua lqauaxaqui'.