Amós 9:1 - La'aqtaqa Ñim Lo'onatac 'Enauacna 2013

¹ Qaq ime, nache sela'a Ñim Nataxala', nachattaua'a na laỹe añi nca'atoxonaxalate, nache aỹem 'enapega, 'eeta': «'Auaxaalec qome na pa'asheguem ana lauoqtepi añi atamnaxaqui, yaqto' cholaxan na l-llecnaxanaxatpi nache da naañi na laỹepi nache talec na lqaic na shiỹaxauapi. Qaq ca lca'alaxaicpi namayepi nache serolec qome ca ỹeelonec da salauat. Nache ỹataqta qaica qome ca ishet da datauec, qataq qaica qome ca nca'alec.

Toba del Oeste

¹ Jauana joñe'me Jaliaĝanec ue'ta joga'me tamenaqa', qama'le jayem dojapegue', enaac: «¡A'uaĝan ga'me p'ajeguem jena'me ñetamenaĝaiqui, qaedi yema nemañe, qama'le qoyep'aĝadiñe ga'me jiyaĝadipi! Qom uo'oe jogaa'me te'me nec'aletedaye, naqaegaua qomle qoyedo'oque ga'me yataqata yaic yedaĝanaĝat. Te'me jetaque dajodegue, qalaĝaja yataqata qaya'te nec'aletaye qomle.

Amós 9:1 Referans Kwoze

Salmos 68:21

Ñim Lo'onatac 'Enauacna ilaxachigui qome na lqaic na mpa'aguenaxauapi, na lqaic na queto'ot da ỹo'ottac na lasouaxashetpi.

Apocalipsis 1:17

Qaq can sela'a, nache souañi, ñalo'oto naua lchel Somaye, 'eeta'am da seleu. Qalaxaye Somaye ỹauota'a na lhuaq aloic da aỹem ỹashel-lec, nache aỹem 'enapega, 'eeta': Saishet da 'añi'i. Aỹem maye Nachaỹem la'auaxanec, qataq Aỹem maye Nachaỹem sepa'atec,

Juan 1:18

Qaica ca ishet da nma'ai' da ila'a Ñim Lo'onatac 'Enauacna, qalaxaye so 'oonolec Llalec maye ỹataqta neto'ot Ñimaye, Somaye nacheso so qomi' ỹauattonaxanaxaneque Ñimaye.

Habacuc 3:13

'Am 'auanac da 'autauan nam 'aralamaxat nhuo' le'ecpi, qataq so nta'a maye maiche 'arca'aguishec. Qataq 'aulaxachigui so lauo' lapo' som qauemaic, qataq yo'oqchiguiña 'anqa'en, so coma' maye lo'oxonaxala' so lma'.

Amós 3:14

cha'aye qom ivita ca na'a'q da sauo'o ca nhuaxanaguec na Israel le'ecpi souaxat da lle'etaxaloxo, nache selaxachigui qome ana nca'atoxonaxalatepi ye Betel, qataq huacagre'c ñaqa'en naua lcoue aca nca'atoxonaxalate, nache naayiñi huetraiya' ñaqa'en.

Isaías 6:1

Qaq huetoigui so vi'i maye huaigui da ileu so nta'a Uzías, da aỹem sela'a Ñim Nataxala' da nso'ootangui aso ỹataqta qaỹoqotcheguemec nso'onaxaqui, qaq naua laỹel so lapo' qalaq imattaigui aso atamnaxaqui.

Juan 1:32

Nataqa'en so Juan 'enapeco': –Aỹem sauaateguet So Saqcha'a Na'añaxac Qui'itta da chegoqtot na piguem, 'eeta'am na qoto', nache talec Namaye.

Sofonías 2:14

Na 'epaqpi maye no'onataxat na lma'pi qalaq qanqat qome, nache nnaatalec qome anam nlo qaguetapi qataq 'enauac na shiguiỹacpi maye huauec. Qaq ana huoqo' qataq na 'alaxaraq qalaq do'ochetalec qome ana no'onañi nhuoqtepi, qataq na teguesanpi nỹeetagui qome netaviiguilo naua nalloxoqui', qataq na nqauaxala' nam ñegueuopi.

Ezequiel 10:4

Huaña nache da llo'oxoyec Ñim Nataxala', ca'ai na pa'asheguem soua huo'oi naua laua't, nache jec taỹa so ñegueuo aso atamnaxaqui, nache so lo'oc na piguem nlaxagui naqa'en aso atamnaxaqui, qaq da lqashelgaxa da llo'oxoyec Ñim Nataxala' icoỹarelec so qasoxoc.

Ezequiel 9:2

Qaq huaña nache sela'alo soua seis shiỹaxau' da pa'areuo, tatreua'a ñi lasom lta'araic maye datata'ague da sheu', qaq ñi 'oonolec soomaye nasoqta'a so lo'ogoxonaxat. Qaq nache ỹalectaiguilo soomaye so ỹale maye ỹaatrañi soua alogo chegaqaigui na lino qataq nshettañi so lo'onataxanaxat da deraxan. Qaq soomaye pa'areuo, nache huera'a ye saqaỹapeque aso nca'atoxonaxalate bronce.

Ezequiel 1:28

'eeta'am da lataxac so quemoxonalo da nachaxan huetaigui na lo'oc na piguem da ime na auot. Qaq 'era da 'eetec da aỹem nachaxana da llo'oxoyec Ñim Nataxala'. Qaq co'ollaq sela'a nache sa'alyiñi naua illecte nache seviraxata'aguet na ỹatap na 'alhua.

Jeremías 48:44

Qaq cam ỹet ca 'ipiỹaxaicpi qalaq tangui qome aca nshere, qaq ca ishet da nnoxoosheguem da chegaqangui aca nshere, qalaq tangui qome aca nqoina, cha'aye Aỹem talec qome ñaqa'en ye Moab ca nhuaxanaguec qom ivita ca laloqo'. Qaq 'era da ỹa'aqtac Aỹem Nataxala'.

Isaías 30:16

nacherata da qoñiita': «saishet, qomi' sataxauec qome sonaxalec na caipi.» Aja', nache 'eetec qome da qauataiuec. Qaq nataqa'en qoñiita': «Sonaxangui qome ana naigonapi maye ỹataqta qayaqaipi.» Aja', qaq nache 'eetec qome da ỹataqta qayaqaicpi cam qami' icana'ape.

2 Crónicas 18:18

Nache so Micaías, qaltaq 'enapec: Qaq souaxat de'era 'ara'aqtac, nache nagui qana'axaỹaxañiỹa da la'aqtac Ñim Nataxala', 'eeta': Aỹem selota'a Ñim Nataxala' da nso'ootangui aso nso'onaxaqui, qaq so nalleppi piguem le'ecpi nachattaua'a Ñimaye, huo'o so pa'ata'ague da aloic, qataq da ne'emaq.

Hechos 26:13

Qalaxaye co'ollaq huangui so nqa'aic, 'am ita'a Agripa, mashe na'a'q laiñi, nache aỹem sela'aguet so ne'eraxa, ỹataqta napacalec na le'eraxa añi nala', chegoqo'ot na piguem. Nache somaye souaigui, nataqa'en soua ñenaictegueto.

Apocalipsis 8:3

Ime, qataq anac so lỹa namaxashec piguem le'ec, nasoqta'a aso 'eeta'am ana ỹomaxaqui late'erai maye chegaqaigui na oro, qaq asomaye huetagui so qalota nchenaxanaxat maye ama na laita, da yaqto' ỹavigaxat da datato'ot aso nca'atoxonaxalate, lỹateuo naqa'en da nqouagaxaunaxac 'enauac na lalamaxatpi Ñim Lo'onatac 'Enauacna.

Salmos 68:22

Ñim Nataxala' 'enapec: «'Auachegoqchiguiña qome ye Basán da 'am ñe'eguelaxat, qataq 'auachegoqchiguiña ñaqa'en ye ỹataqta qaỹoqchiguiña, aso auaxai da 'am ñe'eguelaxatsheguem,

Jeremías 11:11

Qaq ỹoqo'oye Aỹem ñamaxa qome namayepi cam qauem nache saishet qome da huo'o ca ỹet. Qaq na'aictaxa da ỹa'alaqtagui da Aỹem iỹaxaatacot da setauan, qalaxaye saishet qome da sa'axaỹa namayepi. Qaq 'era da ỹa'aqtac, Aỹem Nataxala'.

Jeremías 42:16

nache da alaataxac qataq da nqouaxa maye ỹataqta qaye'eetaique damaye qami' ivira'alo qome, qaq nache qoviỹaña qome da qaullivi.

Ezequiel 15:7

Aỹem sataỹa'aguet qome namayepi. Namayepi dataueeguesop qome ca norec qalaxaye ca lỹa norec loxonec qome namayepi. Qaq qom sataỹa'aguet namayepi, nache ỹaỹaten da nachaỹem maye Aỹem Nataxala'.

Amós 7:17

Qalaxaye da la'aqtac Ñim Nataxala', 'eeta': ‹Aso 'arhua taỹa qome da nquisheguetaxac da huaña ne'ena huaqta'a't nỹecpi, qaq na 'aỹa'alaqpi qataq ana 'aỹa'alepi qalaq qairolec qome ca ỹeelonec da qaỹalauat, qaq na 'ana'alhua qalaq qanallichigui qom qoỹanec, 'am qalaq 'aleuaña qome ca ỹaqa'a 'alhua, qaq na Israel le'ecpi qalaq noxonecpi qome nache qaỹauega ca qaỹoqta 'alhua.›»

Sofonías 1:12

Qaq que'eca na'a'q qalaq sacona qome aca ncoỹaraxanaxaqui nache ñemit ye Jerusalén. Huaña nache sauo'o ca nhuaxanaguec nam shiỹaxauapi maye ỹe'emaqtac 'eeta'am na lataxa da qaica ca ldaxac, qataq 'enapec naxa: Ñim Nataxala' saishet da ỹo'ot ca no'on qalaxaye nataqa'en, saishet da ỹo'ot ca qauem.

Josué 10:18

Huaña nache so Josué, 'eeta': «Qauapoigui qome ca ñegueuo que'eca auac qauauoita'a ca ỹataqta lta'al coma', qataq huo'oi qome qanqa'eñi caua nauaata'ape que'eca ñegueuo.

Amós 7:9

Qaq na qaỹoqotcheguemec natamnaqa'pi so Isaac nlachiguiñi qome, qataq anam natamnaxaquipi so Israel ỹataqta nlachiguiñi qome. Nache ñachaañi qome sauota'a ca ỹainec da sataỹa'aguet na llalaqpi so Jeroboán.