Amós 8:9 - La'aqtaqa Ñim Lo'onatac 'Enauacna 2013

⁹ Qaq que'eca na'a'q, 'enapec Ñim Nataxala', aỹem, so'ot qome da pal na le'eraxa añi nala' da na'a'q laiñi, nache que'eca na'a'q laiñi qalaq ỹataqta napalñi ñaqa'en ana 'alhua.

Toba del Oeste

⁹ Jenjo' nolo' ya'uo 'lataĝac ñe'me Jaliaĝanec: «Jen om qomle jañe'me ajeua qom nolo', qama'le yema jena'me aleua yataqata 'naltapiye.

Amós 8:9 Referans Kwoze

Marcos 15:33

Qaq co'ollaq mashe na'a'q laiñi, nache huo'o so napalaxa, ima'a't 'enauac ana 'alhua. Choche ivitta'a da dasheuec añi nala'.

Mateo 27:45

Nache 'enauac ana 'alhua ỹataqta napalñi, chegoqchiguiña so na'a'q laiñi, choche ivitta'a so dashiguiñi añi nala' se'eso avit.

Lucas 23:44

Co'ollaq mashe na'a'q laiñi choche ivitta'a da dasheta añi nala', nache 'enauac ye 'alhua ỹataqta napalñi,

Jeremías 15:9

Anam nate'elpi maye qalota na llalaqpi decopchetac qome, nache qaica ca la'añaxac, qataq huo'o da la'aloxo qataq qaica ca 'enec qanqa'en, ye yo'oqchiguiñi qalaq ỹe'eguelaxa da napalñi. Qaq da huo'otaq huo'o ca nca'altauec, nache so'otec da ca mpa'aguenaxaua ỹalauat camaye. Qaq 'era da ỹa'aqtac, Aỹem Nataxala'.»

Mateo 24:29

So Jesús queto'ot da da'aqtaxaatac, 'eeta': –Qom inoxonec que'eca que'eenaxac: «Nache añi nala' 'om qataq ñi ca'agoxoic saishet da 'eroigui, qataq naañi ana huaqaañipi, qataq ivira'a da cholaxan na na'añaxacpi maye hueto'ot na pa'asheguem.»

Miqueas 3:6

Qaq ỹoqo'oye nache tachiguiña da saishet da huo'o ca qarauanaqchiqui ye pe, qataq da qaua'axachiỹa'a cam ñaq natauo da huaigui ca napalaxa. Qaq añi nala' qalaq 'eeta'am qome da inoxooñi nache sa icoỹarelec namayepi, nache ye na'a'q qalaq 'eeta'am da huetaigui ca napalaxa namayepi.

Amós 5:8

Qanmichiỹaique qome ñim lo'onata 'enauac ana huaqaañipi, ñim nañigui naqa'en na yo'oxoñi nam pe, qataq nañigui naqa'en na pe nam yo'oxoñi, qataq iỹaxana na 'etaxat maye huetangui aso auaxai nache icorelec ana 'alhua. ¡Qaq Ñimaye le'enaxat, Nataxala'!

Isaías 13:10

Huaña nache ana huaqaañipi qataq aso dapiche' saishet da 'eroigui, qataq añi nala' da nnoxoosheguem qalaq naue', qaq ñi ca'agoxoic nataqa'en qaica ca le'eraxa.

Da na'aqtaguec so Job 5:14

¡Nache ye na'a'q, camayepi pogolaxaateguiñi, 'eeta'am da huetaigui ca napalaxa! Qaq ye na'a'q laiñi qalaq ipottapecra' 'eeta'am da huetaigui ye pe.

Amós 4:13

Cha'aye nachaỹem da ỹo'onata ana qasoxonaxapi, qataq so'ot na la'at, qataq saỹaanaxanaxanec nam shiỹaxauapi nam iuen da ỹo'ot, qataq so'ot da yo'oqchiguiñi na napalaxa, qataq sequeuoteguelec nam ỹataqta qaỹoqotcheguemec 'alhua. Aỹem Nataxala', Aỹem Atamnaxala', 'era da ỹe'enaxat: Qaica ca Saqalanapec.

Apocalipsis 8:12

Qaq so pa'atec soua cuatro namaxa'she piguem lashe' co'ollaq ỹashiiyigui aso lasheere, nache 'om na laỹe añi nala' qataq ñi ca'agoxoic qataq na huaqaañipi qaileguemaxat, nache saishet da 'eroigui. Qaq ỹoqo'oye huo'o na huaña na yo'oqchiguiñi, qaq ñi ca'agoxoic qataq ana huaqaañipi saishet da 'eroigui ye pe.

Apocalipsis 6:12

Qaq se'eso Qagueta Llalec can qaltaq ivita da nqat aso seis soua na'anaxanaqtel, qaq samata'a, nache huo'o so lta'araic qalagoxoñi ana 'alhua. Qaq añi nala' qalaq 'om, qaq ñi ca'agoxoic qalaq ỹataqta 'eeta'am na ntago'q da ltogaxa.

Jeremías 13:16

Qavio'oxoyeñi qome Ñim Nataxala' maye Qanatamnaxala'ai, qom saxanaxa da nvi' naqa'en ca napalaxa, qataq da qaupogolaxañiitapiguiñi da qoquiitaigui ca napalñi. Qaq qami' qauacheetaique cam yo'oqchiguiñi qalaxaye Ñimaye nmeneguet qome naqa'en cam sansattec napalaxa qataq ỹe'eguelaxa naqa'en da ỹataqta napalñi.

Ezequiel 32:7

Qom 'am selaxachigui, nache so'ot da napalñi na piguem, qataq 'om ana huaqaañipi, qataq añi nala' so'ot da ỹapolec na lo'oc na piguem, qataq ñi ca'agoxoic saishet qome da ỹe'eguelaxa da 'eroigui.

Zacarías 14:7

Que'eca na'a'q, qaica qome ca lỹa, qataq nacheñita Ñim Nataxala' da ỹaỹaten. Cha'aye da qanayeetaigui que'eca na'a'q, nache saqỹataxaguet ca pe, cha'aye na'aictaxa da nvi' ca pe, qalaq ñaq 'eetalec da yo'oqchiguiñi.