Amós 8:4 - La'aqtaqa Ñim Lo'onatac 'Enauacna 2013

⁴ Ña qana'axaỹaxañiỹa de'era, qami' maye sa qauchoxoreñi nam shiỹaxauapi maye huo'o da lhuenaxanaxa, qataq huetaiya' qanqa'eñi na choxoraqpi ana 'alhua,

Toba del Oeste

⁴ Anaquiaĝañiya jenjo', ami jo'ne aue'viñetac nale jogaa'me joĝodaic naa'me lai'li, nataq'aen auauoyi lachoĝode'j jogaa'me choĝodache,

Amós 8:4 Referans Kwoze

Amós 5:11

Qaq souaxat da ỹataqta huetaiya' qanqa'eñi nam choxoraqpi, nache desheetenaxana qanqa'eñi na ala na trigo da qami' isheete'n, qaq ỹoqo'oye qami' saishet qome da qoñiỹaigui na nỹecpi, nam chegaqaigui na no'onatac coma' maye qano'oxoñiisheguem, qataq saishet qome da qauañoxoche da qanỹomiigui na lataxa maye chegaqaigui anam qaỹa'añiiñi co'ollaxa uva.

Proverbios 30:14

Qataq huo'o na 'eeta'am naqa'en na ỹeelonec naua lhue, qataq 'eeta'am naqa'en na ỹeelonec naua lanogoshel, da yaqto' nmatchiguiñi da chec na shiỹaxauapi choxoraq, qataq na qaica ca ye maye huetalec ana 'alhua.

Salmos 14:4

Qaica ca laỹaanataxanaxac na ỹo'ottac na qauem, nam chectac na ỹalamaxatpi, 'eeta'am naqa'en da chec ca nallec, nam saishet da nqouagaxaueetega da le'enaxat Ñim Nataxala'.

Salmos 140:12

Aỹem saỹaten da Ñim Nataxala' ỹo'otec ca ỹaỹamaqchiguiñi na choxoraqpi, qataq iueelec cam huo'o da lhuenaxanaxa.

Salmos 12:5

Qaq 'era da la'aqtac Ñim Nataxala', 'eeta': «Nagui maye ñachaañi da ñeca'alaxatec nam qaica ca nyacnataguec, qataq na choxoraqpi maye ỹataqta qanhuottalec nache sanem namayepi, da ntaunaguec maye ỹataqta iuattaique.»

Santiago 5:6

Qami' qauasaqailec ca lasouaxashet ca shiỹaxaua maye qaica ca ỹasouaxat qataq qaualauache nam sa ỹañoxot da qami' dataỹa'agueta.

Mateo 23:13

Nache So Jesús 'enapega som fariseopi qataq som dapaxaguenataxaatapeguec na namaxasoxonaxacpi, 'eeta': ¡Ỹataqta qauem da qa'aita'ague qami' tenataxanaxaicpi! Cha'aye qami' qauapoigui ñi lasom dam lo'onataxanaxac Ñim Lo'onatac 'Enauacna, da yaqto' saishet da huo'o ca inoxoneuo. Qalaxaye ivira'alo qami' saishet da qaunoxoñiiuo, qataq saishet da qauashiñim da inoxoneuo nam nshetaique da inoxoneuo.

Jeremías 5:21

‹Ñaq qana'axaỹaxañiỹa de'era qami' nhuo' le'ecpi maye qaica ca qarauattonaxanaxaqui, qataq qaica ca qauaỹaañiỹapec, cha'aye huo'oi naua qara'ai'chilli' qalaxaye saishet da qanauañiiñi, qataq huo'oi naua qartelai lauacolli' qalaxaye saishet da qaua'aqai.

1 Reyes 22:19

Nache so Micaía, qaltaq 'enapec: Qaq souaxat de'era 'ara'aqtac, nache nagui 'ana'axaỹaxana da la'aqtac Ñim Nataxala', 'eeta': Aỹem sauaachigui Ñim Nataxala' da nso'ootangui aso nso'onaxaqui, qaq so nalleppi Ñimaye nachattañi, huo'o so pa'ata'ague na aloic qataq na ne'emaq.

Amós 7:16

Qaq ỹoqo'oye nagui 'ana'axaỹaxana da la'aqtac Ñim Nataxala', cha'aye 'am qonapec: ‹Saishet da 'aua'axata'a ca qauem da talec na Israel le'ecpi, qataq da 'auataỹa'aguet na chegoxoguetpi so Isaac.›

Jeremías 28:15

Qaq huaña, nache so Jeremías 'enapega so Jananías, 'eeta': «¡Ñaq aỹem 'ana'axaỹaxana 'am Jananías! Ñim Nataxala' saishet co'ollaxa da 'am namaq, qaq 'am 'aỹa'aateguem ne'ena nhuo' le'ecpi da ỹa'amaqten da 'aratenataxanaxac.

Isaías 28:14

Qaq qami' ỹalleppi maye qaica ca qaureñi, maye qauloitague' na nhuo' le'ecpi na Jerusalén, ña qana'axaỹaxañiỹa da la'aqtac Ñim Nataxala'.

Isaías 1:10

Qami' nataxala'pi ye Sodoma ña qana'axaỹaxañiỹa da la'aqtac Ñim Nataxala', qami' nhuo' le'ecpi maye qarmaye ye Gomorra ñaq qana'axaỹaxañiichigui da qami' ỹapaxagueneque Ñim Qanatamnaxala'.

Salmos 56:1

'Am Ñatamnaxala', aỹem 'auchoxoren qome, cha'aye huo'o na aỹem icaatac, qataq 'enauaque naua na'axa'te da aỹem iloquiaxaatac qataq aỹem ỹachetaiya'.

Da na'aqtaguec so Job 24:4

Qataq ca'ai naqa'en so nqa'aic na huo'o da lhuenaxanaxa, qataq nqañoxooñi naqa'en na choxoraqpi.

Ezequiel 45:10

Qauo'ogoxoñiỹa qome 'enauac ana naloqnaxanaxaquipi, qataq ana naloqnaxanaqtepi maye sanpe'en da huo'o ye naloqten.

Amós 5:12

Aỹem saỹaten da ỹataqta qalota na qauem qauo'ocheetac, qataq na ỹataqta qalota qarasouaxashichi, qataq da ỹataqta huetaiya' qanqa'eñi na no'on da lataxac, qataq yem huaña naxa da qanmit nam nasouaxashetpi, nache huaña da qauacoñeetapeeguet ana nsheetenaxanaqte, da yaqto' qanauec qanqa'eñi na choxoraqpi.

Miqueas 2:2

Qaq da huo'o ye nqopita 'alhua nache ỹacona da ỹauo'o lalamaxat, qataq da nqopita ca nỹec nache ỹacona da ỹauo'o lalamaxat, qataq sa iyacnapec cam ỹale qataq cam llalaqpi maye lalamaxat que'eca nỹec.

Salmos 10:7

Na alap qalaq da'aichigui da lsheunaxanaxac, latenataxanaxac qataq mpa'aguenaxac, naua la'aqtaqa qalaq ỹoxottrañi na qauemsat, qataq da loquiaxac.

Ezequiel 22:12

Qataq nam 'am netaiguipi, huo'o na ỹaỹamaxareeta da qaisheeten da yaqto' ỹalauat ca lỹa. Qataq huo'o na ỹan ana alom da qaỹa'aalaxana, qalaxaye da qaisheeten nache ỹagaqnauec añi iỹaxanaique, qataq nhuo' ca lỹa, qataq sairen ca lqaỹa, nache icoua'ai Aỹem. Qaq 'era da ỹa'aqtac Aỹem Nataxala'.

Miqueas 3:3

Qaq nache nca'altauec qanqa'eñi da qollequiitac na ỹalamaxat nhuo' le'ecpi, qataq da ime da qancolaxacheetauec na lapat nache qaunoxoñi' naua lpi'ineqa, qataq qanpelliquiichiguiñe 'eeta'am ca lapat maye taỹa'a da qaỹasaxangui aca taxaqui.

Zacarías 5:6

Nache senat somaye, sheeta': «¿Negue't dam ra'?» Nache somaye ỹasateguet aỹem 'eeta': «Qomye naloqnaxanaxaqui. Laloqnaxaqui na lasouaxashet 'enauac nam hueta'a ne'ena 'alhua.»