Amós 8:3 - La'aqtaqa Ñim Lo'onatac 'Enauacna 2013

³ Nache que'eca na'a'q, ne'ena no'onecpi maye qaỹo'ootac da huaña ñi nma' lta'araic, nmeneguet qome da achoxonnaxac. Qataq ỹataqta qalota qome na ileu, nache choche qancheraxaatec da qaỹasaxauec. Qaq 'era da la'aqtac Ñim Nataxala'.

Toba del Oeste

³ Male na'ta ga'me nolo' qom naa'me nalaco di'me nejaliaĝaiqui ma'te noenaĝaco, yajouaĝat da'me jalcote jogaa'me yele'u qomle. Qama'le tochiñe da'me qoyajaĝadegue jogaa'me lapa'che. Naq'aeta da'me 'yaqatac, mach'e jayem Jaliaĝanec.»

Amós 8:3 Referans Kwoze

Amós 5:23

Qaq ña qauỹocheuga qome da l-lamaxa nam qaro'oñiqui, cha'aye saishet da ña'axaỹaxana da l-lamaxa anam arpapi.

Amós 5:16

Qaq ỹoqo'oye da la'aqtac Ñim Nataxala', maye Lo'onatac 'Enauacna, maye Qaica ca Ỹaqalanapec, 'eeta': «Ỹataqta 'enauac qome na naponqa'pi da huo'o da noinaxac, qataq 'enauac na nqa'aicpi da qaỹa'aqtega da na'alaxac souaxat da qui'ic, qataq nam danaxaateguelec na 'alhuapi qaiỹaxanegue da yaqto' nỹen, qataq nam noinaxaicpi da yaqto' nỹen.

Levítico 10:3

Qaq co'ollaq mashe lcopa'ague de'era, nache so Moisés 'enapega so Aarón, 'eeta': «'Era, da 'eetega Ñim Nataxala' co'ollaq 'eeta': ‹Da huo'o ca Aỹem naua'a na ntaxaỹaxanaxanecpi, nache ñachaxana da ỹataqta Aỹem sa qaishetapec, qataq 'enauac na Israel le'ecpi sachaxana da qaica ca 'ena'am ỹo'oxoyec.›» Nache so Aarón choche ñe'emaxat.

Nahúm 3:3

Qataq da l-lamaxa nam qanayeetalec caipi, qataq da lqashelgaxa na ỹeelonecpi, qataq na le'eraxa ana taquiaxaipi. Qataq nam qalota que'emaxaicpi, qataq nam logosheguem leuaxaicpi. Nam leuaxaicpi maye qaipogolaxaateguesop.

Amós 8:10

Nache que'eca laloxoquipi na nquia'axacpi, qalaq nmeneguet ñaqa'en da qanỹeetapeguelec na leuaxaicpi, qaq da no'onaxanaxac qalaq nmeneguet ñaqa'en da achoxonnaxac, qataq so'ot da qaỹa'añiiñi na nogoxot nasouaxaqui, qataq da qanamarec naua qarqaigolli' souaxat da qanqui'iqui. Qataq qanoỹeñiitac qoñiita'am ca shiỹaxaua da ileu ca ỹataqta 'oonolec llalec, qaq da ime nache ỹataqta lta'araic que'eca qanqui'iqui.

Amós 4:10

Qataq qami' ñamaxalo da qanhuaxanaguiiqui maye 'eeta'am so ñamaxa co'ollaxa ye Egipto, qataq serolec na ỹeelonec da qaỹalauat so nsoxoppi nache qaiuotaxanec so lalo caipi, qataq qauaviquiitañi ñaqa'en na laita so leuaxaicpi. Qalaq ñaqaiyeta saishet da aỹem qañe'eguelaqaỹa. Qaq 'era da la'aqtac Ñim Nataxala'.

Joel 1:13

Qaq qami' ntaxaỹaxanaxanecpi qaỹa'añiiñi na sa nsatta nogoxot, qami' maye qoviitague' añi nca'atoxonaxalate, ña qanoỹiñi, cha'aye añi atamnaxaqui maye lalamaqte Ñim Nataxala', mashe qaca ana nachetaqtaxanaqtepi ala na nañiguishec qataq na lataxa.

Joel 1:11

Qaq qami' maye qauo'ocheetac na nanaxanaqa'pi, ña qanỹeñi qome, qataq qami' maye qauo'ocheetac na uva lma'pi, qauaquicoita qome, souaxat da deqat na ala na nañiguishecpi, qataq deqat na trigo qataq na cebada.

Joel 1:5

¡Qaq qami' taxaicpi, ñaq qanloiuec! ¡Ñaq qanỹeñi qami' maye qanỹomiitapigui na lataxa, cha'aye na lli'i ana uva, taỹa'a qome da qaỹacona!

Jeremías 22:18

Qaq ỹoqo'oye da la'aqtac Ñim Nataxala', maye taalec so Joaquim, som llalec so Josías maye nta'a ye Judá, 'eeta': «Qaica qome ca nỹeelec ñimaye qom ileu. Qaica qome ca nỹeetac da 'eeta': ‹¡Aicoue 'am ỹaqaỹa! ¡Aicoue 'am ỹaqaỹole! ¡Aicoue 'am Nataxala'! ¡Aicoue 'am 'Amaqtaqaic!›

Isaías 37:36

Nache so lamaxashec Ñim Nataxala' jec, nache ỹalauat so ciento ochenta y cinco mil alleppi, huaña naqa'en yem lanataqa' so Asiria le'ecpi, qaq so lỹa na'a'q co'ollaq nlouec so laỹepi nache ilalec som leuaxaicpi huetaiya'.

Salmos 39:9

Aỹem se'enaxat da qaicaua naua ỹa'aqtaqa, nache ỹataqta qaica ca ñasaxauec ỹa'aqtac, cha'aye nache 'am maye 'auo'ot de'era.

Lamentaciones 2:10

Som ỹa'axaiquipi maye nataxala'pi yem huo'o da lyac Sión, qalaq choche ñe'emaxat, nso'ona'aguet na 'alhua qataq imettalec na lqaic na namoxoỹaxa, qataq ỹaatarañi naua sansattegueta alogo. Qaq nam qa'ampiolec ye Jerusalén qalaq naqtañi saishet da nlosheguem souaxat da la'aloxo.

Amós 6:4

Qataq qaro'ochaxala'ai na mala' maye chegaqaigui na marfil, qataq qaua'aqaitalec nam ỹataqta no'on na'axasoxola', qataq qauo'ocheetac na nquia'axac, qolliquiitac na ỹataqta chaxaraic lapat na qagueta qataq na huaca llalec,

Amós 6:5

qataq qaue'enaxacheetac so David da maiche qauo'oche na qaro'oñiqui, qataq qauo'onaxañeeta'ai' ana qarviqui maye maiche qaro'onatai.

Amós 6:8

Qaq Ñim Nataxala' maye Lo'onatac 'Enauacna maye Qaica ca Ỹaqalanapec, maiche nañaala't da ỹan da la'aqtac, 'eeta': «Aỹem, ỹataqta sepitaxac da na'amqaanaxac na lauo' le'ecpi so Jacob, qataq sepitaxac na lma' lta'araicpi, ỹoqo'oye nam huaqta'a't nỹecpi, saneguet qome na npa'aguenaxauapi namayepi, nache lỹaueegue' 'enauac nam huetaigui namayepi.»

Sofonías 1:7

¡Ñaq qañe'emaxache da qauataito'ot Ñim Nataxala', cha'aye da lviraxac Ñimaye mashe nayeetai'! ¡Ñim Nataxala' mashe iqataxaatai' cam lachetaqtaxanaxat, qataq mashe iqui'itaxat na lcoyeguenatacpi!