Amós 8:2 - La'aqtaqa Ñim Lo'onatac 'Enauacna 2013

² nache Ñimaye aỹem inat, 'eeta': Amós, ¿negue't na 'aulota'a? Nache aỹem sheeta': Qomye selota'a añi npaqta maye huetagui ana mashe ỹeta ala ana nañiguishe. Nache Ñimaye 'eeta': Na Israel le'ecpi, mashe ỹoqta ỹe, ỹoqo'oye aỹem saishet da qaltaq she'eguelaxa da sechoxoreetac qome.

Toba del Oeste

² Qama'le jayem yenat ca'li ñe'me: «Amós: ¿jach'e ga'me male auana?» Qama'le ja'ateguet: «Jauana jona'me nachoĝonaĝaiqui jo'ne qoyachañgui jaga'me nana jala jo'ne joote yi.» Qama'le joñe'me Jaliaĝanec enaac: «Jena'me Israel lec'oqo'tepi ena'am ta'le joote yi': male laloqo' da'me ja yitaĝa ta'le jichoĝode'n.

Amós 8:2 Referans Kwoze

Amós 7:8

Nache Ñim Nataxala' aỹem inat, 'eeta': ¡Amós! ¿Negue't na 'aulota'a? Nache aỹem sheeta': Qomye selota'a ana laloqnaxanaqte na nỹec lo'o. Nache Ñim Nataxala' 'eeta': Aỹem so'ogoxona qome ana'ana laloqnaxanaqte na nỹec lo'o, da ñaloqten da lataxac na ỹalamaxat nhuo' Israel le'ecpi, da huo'otaq ỹaỹamaqchiguiñi da lataxac, cha'aye aỹem saishet qome da she'eguelaxa da sechoxoreetac namayepi.

Lamentaciones 4:18

Naua qarqauaxaqui' qalaq ỹataqta qanaua'n, nache sa seshetaq da qolaqtague' na nqa'aicpi. Ye qoroga't mashe sa qaỹapeque, mashe qomi' nviralo ye qaraloqo', ¡mashe ivita ye qoroga't!

Miqueas 7:1

¡Qaq choxoraicolec aỹem Miqueas! Cha'aye sheeta'am ca nmittac ca nanaxanaqa', da mashe ime da qanqat ana ala na nañiguishec, nache saishet da ilalec aca uvapi huo'otaq hiigopi, acam ala na nañiguishec maye nshetaique da chec.

Zacarías 5:2

Qaq som namaxashec piguem le'ec aỹem inat, 'eeta': «¿Negue't so 'aulotague'?» Nache aỹem sasateguet somaye, sheeta': «Qomye aỹem selotague' aso qoỹaxatta'a't nere huaỹotac; qaq asomaye ivi' diez metros ye lalogaxa, qataq cinco metros ye lcateueegue.»

Ezequiel 12:23

Qaq ỹoqo'oye qonapega qome, qoneta': ‹'Era da la'aqtac Ñim Nataxala': Aỹem so'ot qome da saishet da qaltaq qaỹe'eguelaxalec de'era na'aqtac ne'ena Israel.› Qataq nataqa'en 'aua'aqtaxanem qome da mashe nayeetai' ca na'a'q maye huaigui da ipacchigui qome 'enauac nam ỹa'axatta'a co'ollaxa so nloxocpi.

Ezequiel 8:17

Qaq huaña nache Ñim Nataxala' aỹem 'enapega, 'eeta': «¿Peta'a 'aulota'a de'era? Na nhuo' le'ecpi na Judá, 'eeta'am da saq 'amaqtaq naqa'en nam ỹo'otpi maye ỹataqta qaiqaiga da huaña ne'ena, qataq nataqa'en nlaxalec naqa'en ne'ena 'alhua da loquiaxac. Nache nacalec lỹa da ỹo'ot da ỹayeloxo, qataq Aỹem iviro'ot na laita na lapiina.

Ezequiel 8:12

Ime, nache aỹem 'enapega, 'eeta': «¿'Aulota'a peta'a nam ỹoxottañi da ỹo'ottac nam nqueroxonecpi maye lataxala'pi na Israel le'ecpi, da ñi 'oonolec namayepi huo'o na maiche lma'piolec naqa'en na lqolacpi? Namayepi ipettega da sa sela'a, qataq da mashe sheca'ai ne'ena 'alhua.»

Ezequiel 8:6

Qaq ime nache qaltaq aỹem 'enapega, 'eeta': «¿Peta'a 'aula'a nam qaiqaiga ỹo'ottac na Israel le'ecpi, nam ỹo'ot da qaỹoqta ñaqa'en añi ỹalamaqte qui'itta atamnaxaqui? Qalaxaye nataqa'en 'aula'a qome na laỹepi maye ỹataqta ỹactec da qauem.»

Ezequiel 7:6

¡Mashe nayeetai' ye 'oga't, mashe ivita ye 'oga't! Yem 'oga't mashe nachaañi da 'am naỹa.

Ezequiel 3:10

Qaq ime, nache qaltaq aỹem 'enapega, 'eeta': «'Ana'axaỹaxaachigui 'enauac nam 'am sa'axatem, ime nache 'aỹa'anaigui ye 'antoonaxac.

Ezequiel 3:7

Qalaxaye na Israel le'ecpi saishet da huotaique da 'am ỹalaxaguet, cha'aye namayepi saishet da Aỹem ỹalaxaguet. 'Enauac na Israel le'ecpi qaramchigui qataq sana'axaỹaxan.

Jeremías 40:10

Qaq aỹem sonaña na Mispá da yaqto' aỹem qartaxaỹaxanaxañequi da sepa'aiguet na caldeopi da nvita ne'ena. Qaq qami' qalaq qavi'iguelaqỹa nam nỹecpi maye qauacoñiỹa, nache qoviỹapegue' da qauaỹamaxache na lataxa, qataq na ala na nañiguishec qataq na aceite.»

Jeremías 5:31

Nam na'aqtaxanaxanecpi qalaq saq'en nam la'aqtaxanaxacpi qataq na ntaxaỹaxanaxanecpi maiche ỹoiqueetac da lo'onataxanaxac, ¡Qaq nam ỹalamaxat nhuo' le'ecpi nachera dam ỹaỹamaxareeta! Qalaxaye ¿cam qoñiitec qami' qom qami' nvitalo ca laloqo' de'era?»

Isaías 28:4

Qaq anam huo'o da lyac llo'oxoraqte lauoxo maye taỹa'a da deqaqa, maye hualec na lcomaraxa so 'onaxaic ca'amegue, qalaq 'eeta'am qome aca la'auaxana ala ana hiigo, da huo'o ca choche ila'a nache ỹacona da chec.

Ezequiel 29:8

Qaq ỹoqo'oye Aỹem Nataxala', shenapec: 'Am Egipto, Aỹem so'ot qome da 'am qailoquiaxan, 'am qairolec ca ỹeelonec, qataq qaỹalauat na 'analleppi qataq na 'ana'atetpi.

Génesis 6:13

nache 'enapego' so Noé, 'eeta': «Mashe iuennataxac da imeuo ñaqa'en 'enauac na shiỹaxauapi. Cha'aye souaxat na lasouaxashetpi namayepi, nache ana 'alhua ỹataqta qalota da loquiaxac, qaq ỹoqo'oye ñelaxaañi qome namayepi, qataq 'enauac ana 'alhua.

Amós 8:1

Qaq Ñim Lo'onatac 'Enauacna, nataqa'en aỹem ỹachaxana aso npaqta maye huetagui ana ỹeta ala ana nañiguishe,

Oseas 9:7

¡Qaq mashe nvi' naua na'axa'te maye huetoiguilo da nhuaxanaguec namayepi! ¡Qataq mashe nvi' naua na'axa'te maye huetoiguilo da nsheetenaguec namayepi! ¡Qaq na Israel le'ecpi, ỹaỹateeta qome de'era! Namayepi 'enapec: «so na'aqtaxanaxanec ỹataqta qaica ca ỹaỹaana'a. Qataq so hueto'ot da saqcha'a na'añaxac, huo'o da aloic.» Qaq 'enapec de'era cha'aye ỹataqta nlaqchigui na qauem, qataq ỹataqta lta'araic da lquiỹaxanaqtaic.