Amós 7:8 - La'aqtaqa Ñim Lo'onatac 'Enauacna 2013

⁸ Nache Ñim Nataxala' aỹem inat, 'eeta': ¡Amós! ¿Negue't na 'aulota'a? Nache aỹem sheeta': Qomye selota'a ana laloqnaxanaqte na nỹec lo'o. Nache Ñim Nataxala' 'eeta': Aỹem so'ogoxona qome ana'ana laloqnaxanaqte na nỹec lo'o, da ñaloqten da lataxac na ỹalamaxat nhuo' Israel le'ecpi, da huo'otaq ỹaỹamaqchiguiñi da lataxac, cha'aye aỹem saishet qome da she'eguelaxa da sechoxoreetac namayepi.

Toba del Oeste

⁸ Qama'le jayem yenat: «Amós, ¿jach'e ga'me auana?» Qama'le jenaac: «Jauana ga'me 'nonataĝanaĝat jo'ne emec lo'o.» Qama'le jayem 'yateguet: «Nayi da'me male 'uo jenjo' 'nonataĝanaĝat, qama'le yataqata jayaten qomle da'me en nejiyaĝauayaĝa'j jenjo' yalaqapi jo'ne Israel lec'oqo'tepi. Male ja yitaĝa ta'le jichoĝode'n qomle.

Amós 7:8 Referans Kwoze

Amós 8:2

nache Ñimaye aỹem inat, 'eeta': Amós, ¿negue't na 'aulota'a? Nache aỹem sheeta': Qomye selota'a añi npaqta maye huetagui ana mashe ỹeta ala ana nañiguishe. Nache Ñimaye 'eeta': Na Israel le'ecpi, mashe ỹoqta ỹe, ỹoqo'oye aỹem saishet da qaltaq she'eguelaxa da sechoxoreetac qome.

Lamentaciones 2:8

Ñim Nataxala', maiche lhuennataxa co'ollaxa da ilaxachigui so lpaqtaxat yem ỹataqta huo'o da lyac Sión, ỹo'ot da lataxac dam 'eetec da ilaxachigui. Ime, nache ỹacoolec da ỹo'ot saishet da nmateeguesop damaye. Qataq ỹo'otec da qanỹeeteguelec so ñiguisheguem qataq so mpaqtaxanaxat, cha'aye soomaye nmerañi da hua'axareñi.

Jeremías 15:6

'Am mashe Aỹem qoca'ai qataq aỹem 'auro'oguet na 'al-laq. Qaq 'era da ỹa'aqtac Aỹem Nataxala'. Cha'aye Aỹem, mashe 'am ñasamiisop da 'am ñeualaxaueetague', nache ñauaxaỹaxaasheguem na ihuaq da 'am seuaxan qataq 'am selaxachigui.

Miqueas 7:18

Qaq ¿negue't ca Atamnaxala' da 'eeta'am 'am, da 'auapalaxat na lasouaxashetpi qataq sa 'aulogui da saỹalaq nam saq 'amaqtaq maye no'onañi co'ollaxa 'aralamaxat nhuo' le'ecpi? Qataq saishet da nache 'eetai' da 'arayeloxo, cha'aye nache 'eetai' da lta'araic 'arauotaxanaqtaic da shenaqta.

Isaías 28:17

Qaq qom ño'oxoosheguem que'eca nỹec, nache so'ogoxona da nalochiguiñi lataxac qataq da no'on lataxac.» Qaq dam natenataxanaxac maye qavi'eguiñiỹoigui co'ollaxa, qalaq ilaxachigui qome aca lache, qataq ca 'etaxat nlaxagui qome naqa'en ca qanqañoxotaqa'ai.

2 Reyes 21:13

Qaq da nque'eenaxac na Jerusalén, ñaloqteeteguet qome da nque'eenaxac co'ollaxa ye Samaria, qataq sauo'o ca nhuaxanaguec nam chegoxoguetpi so Ajab, nache ỹataqta qui'ittelec ñaqa'en na Jerusalén, 'eeta'am da qaiqui'itaxatta ca nquia'axaqui, ime nache qanqapaxanaqchiiñi.

Zacarías 5:2

Qaq som namaxashec piguem le'ec aỹem inat, 'eeta': «¿Negue't so 'aulotague'?» Nache aỹem sasateguet somaye, sheeta': «Qomye aỹem selotague' aso qoỹaxatta'a't nere huaỹotac; qaq asomaye ivi' diez metros ye lalogaxa, qataq cinco metros ye lcateueegue.»

Isaías 34:11

Qataq yemaye nache lma' qome na cheguerequic qataq ana huoqo' late'e, qataq ỹanaña da ỹo'ot na lpata'c na teguesan qataq ana chiyet. Nache Ñim Nataxala' ỹo'ot qome da ỹataqta toolec yi'iye 'alhua nache qaica ca shiỹaxaua da hueta'a yemaye.

Amós 7:7

Qaq Ñim Nataxala', nataqa'en aỹem ỹachaxana da Ñimaye nachattaua'a na laỹe so npaqtaxanaxat, nache nasoqta'a aso laloqnaxanaqte nam nỹec lo'o.

Zacarías 4:10

«Cha'aye nam qaica ca ỹanapoigui som saq 'amaqtaq maye chegoqchiguiña de'era no'onataxanaxac, namayepi ntonapigui' qom ila'a so Zorobabel da imatta de'era no'onataxanaxac.» Qaq ime, nache so namaxashec piguem le'ec qaltaq, 'eeta': «Ñe'eñeua siete ncoỹaraxanaxaqui', nache la'aitel Ñim Nataxala', maye imeteetrac 'enauac ana 'alhua.»

Oseas 1:6

Qaq aso Gomer, qaltaq hualaxai co'ollaxa, nache co'ollaq deco'o, nache 'alo aso llale. Nache Ñim Nataxala', 'enapega so Oseas, 'eeta': «Aya'aye nogotole, 'aỹa'anagui da le'enaxat Lorrujama, cha'aye aỹem saishet da qaltaq sechoxoreetac da lo'onataxanaxac na Israel le'ecpi, qataq nache saishet da sapalaxat na lasouaxashetpi.

Zacarías 4:2

'Am Zacarías «¿Negue't ca 'aula'a?» Nache aỹem sasateguet sheeta': «Qomye selota'a ara lashe ana ncoỹaraxanaxaqui maye chegaqaigui na oro, aramaye na'attalec añi laỹe' na aceite. Qaq na pa'asheguem aramaye nache huo'oi ñeua siete ncoỹaraxanaxaqui' maye netaua'alo naua siete lleco na aceite.