Amós 7:3 - La'aqtaqa Ñim Lo'onatac 'Enauacna 20133 Huaña, nache Ñim Nataxala' huo'o da lchoxonnataxanaxa, nache 'eeta': ¡Aỹem saishet qome da sepaca'a da so'ot de'era! Gade chapit laToba del Oeste3 Qampaja'a ñe'me Jaliaĝanec yaĝañi joga'me te'me 'yeteque, qama'le enaac: «¡Jenjo' male ja di'yoq qomle!» Gade chapit la |
'Am Efraín, ¿ca sheetectaxa da 'am sheca'ai? 'Am Israel, ¿ca sheetectaxa da 'am salat? ¿Isheto' peta'a da 'am selaxachigui da 'eeta'am so huaqta'a't nỹecpi ye Admá, huo'otaq da 'eeta'am da sheetec co'ollaxa so huaqta'a't nỹecpi ye Seboyin? ¡Da iquiyaqteỹaxac ỹataqta Aỹem iraxanapec, souaxat da ichoxonnataxanaxa da qoneta!
¿Qaq peta'a so nta'a Ezequías qataq 'enauac so nhuo' le'ecpi ye Judá, ỹalauat co'ollaxa so Miqueas? 'A'i, maye nacherata da so nta'a huo'o co'ollaxa da lcolanaxa Ñim Nataxala', nache iỹaxanot da yaqto' ichoxoren somayepi. Huaña nache Ñim Nataxala' saishet co'ollaxa da namaxa somayepi cam qauem maye ỹa'axatta'a co'ollaxa. Qalaxaye qomi' sauoqtaique da maiche qomi' taleguete ca qauem.»
Qataq Ñim Nataxala' namaxa ye Jerusalén so lamaxashec piguem le'ec da yaqto' nlaxaañi yemaye, qalaxaye co'ollaq ñaq nlaxattapiguiñi yemaye, nache Ñim Nataxala' ilota'a somaye, nache huo'o da ntogotaxac da ỹauo'o da nhuaxanaguec somayepi. Nache 'enapega somaye 'eeta': «¡A'aye qome, saishet da qoqueto'ot de'era!» Qaq som lamaxashec piguem le'ec Ñim Nataxala' hueta'a co'ollaxa ye sa qaỹapeque so lchegoxosoxonqa' so Ornán, som jebuseo.
¡Qataq qavi'eguelaqaỹa Ñim Nataxala' maye Qanatamnaxala'ai, qaumachiỹo'ot da qarquiyaqteỹaxaqui, qaq saishet da nachenaua naua qorogolli' da qancolaxacheeta'alo! Cha'aye Ñimaye soxoraic, hualaxaunaxaic qataq choxonnataxanaxaic, qataq qaỹaloqchiguinguit da lalemataic. Qataq ỹataqta lta'araic da lauotaxanaqtaic, qataq huo'o da nqui'ic da ỹan ca lhuaxanaxanaxac.