Amós 5:4 - La'aqtaqa Ñim Lo'onatac 'Enauacna 2013

⁴ Qalaxaye da la'aqtac Ñim Nataxala' da 'enapega na Israel le'ecpi, 'eeta': «Ñaq aỹem qanmichiỹaique qome, yaqto' qanca'alleeuec.

Toba del Oeste

⁴ Qalaĝaja joñe'me Jaliaĝanec yanema jenjo' 'laqatac joga'me Israel lec'oqo'tepi: «Qom jayem a'niyelaqaeya, male anec'aliyegue qomle.

Amós 5:4 Referans Kwoze

2 Crónicas 15:2

nache somaye hueqata'aguet co'ollaxa so Asa, nache 'eeta': «'Am Asa, qataq qami' Judá le'ecpi, qataq qami' Benjamín le'ecpi, ña aỹem qana'axaỹaxañiỹa: Ñim Nataxala', qami' hueta'agueta da qanmichiỹaique Ñimaye, qaq da qoquiỹa'ai, qalaq nataqa'en Ñimaye qami' ca'aisalo qome.

Sofonías 2:3

Qanmichiỹaique Ñim Nataxala', 'enauac qami' maye qaica ca qara'amaqchequi ana 'alhua, qami' maye qaualaqaiguet nam namaxasoxonaxacpi. Qanmichiỹaique da nalochiguiñi lataxac, qataq saishet da qana'amaqchiñi, cha'aye saiuena'a da qoñeetec de'era, nache qanca'alleeuec, cam na'a'q maye huaigui ca layeloxo Ñim Nataxala'.

Salmos 14:2

Nache Ñim Nataxala' maye neto'ot na piguem namataña na shiỹaxauapi cha'aye huotaique da ila'a ca 'oonolec da ỹaanataxanaxaic huo'otaq da nmittaique Ñimaye.

Isaías 55:3

Ñaq Aỹem qauanaiua'a nache qana'axaỹaxañiichiguiñi, Aỹem qana'axañiỹa nache qanca'alleeuec. Aỹem so'ot qome cam chochaq tatec ñaỹamaxataxac da qami' ñaỹamaxateto, yaqto' sepaqueelec dam sachanapeguem co'ollaxa so David, souaxat da ỹauotaxanaqtaic somaye.

Mateo 7:8

Cha'aye cam pi'iỹa'a Ñim Lo'onatac 'Enauacna, qalaq ỹaconeguet cam iỹaxanaique; qataq ỹanata cam nmittaique, qataq da deỹaxan qalaq qailo'oguet.

1 Crónicas 28:9

Qaq 'am ỹalec Salomón, ỹataqta 'auauattota qome Ñim Natamnaxala' na 'arta'a, qataq ỹataqta 'aumato'ot da 'arquiyaqteỹaxac, qataq da 'arasapachaxa, cha'aye Ñim Nataxala' ỹataqta ilaua'a da nquiyaqteỹaxac, qataq naua nhuennataxaco. Qaq ỹoqo'oye da 'anmitaique ñimaye, nache ishet da 'auanata, qalaxaye da qoca'ai, nache ñimaye saishet da 'am ihuooneguet.

2 Crónicas 20:3

Nache so Josafat, ỹataqta huo'o da lcolanaxa, nache ỹe'eguenot Ñim Nataxala', ỹoqo'oye ỹamaxa da la'aqtac 'enauac so netaña ye Judá da ỹo'ot da nqouaqchetaxac.

Amós 5:6

Qaq ỹoqo'oye qanmichiỹaique qome Ñim Nataxala' yaqto' qanca'alleeuec, ten qom anacot ca norec nache talec naqa'en 'enauac na Israel le'ecpi, nache qaica ca anac nam Betel le'ecpi da ỹalamat camaye.

Salmos 69:32

Qaq da ila'a de'era na huo'o da nque'eenaxac, nache machiguiñi qataq na'añaxatapigui' da lquiyaqteỹaxac, da nmittaique Ñim Lo'onatac 'Enauacna,

Salmos 27:8

Cha'aye da iuennataxac, 'eeta': «Ñaq 'anmitaique da yaqto' 'anauane' Ñim Nataxala'.» Qaq ỹoqo'oye 'am Nataxala', ỹataqta 'am ñimittaique da 'am ñauane'.

Salmos 22:26

Qaq deque'e qome na choxoraqpi nache ivitta'a da comaraxaicpi, qataq ỹo'oxoren qome Ñim Nataxala' na nmittaique Ñimaye, huaña nache qaỹoqtrec naua vi'iye da nachaalataxac.

2 Crónicas 34:3

Qaq co'ollaq ivi' soua ocho vi'iye da lo'onataxanaxac, co'ollaq ñaq nsoqolec so Josías, nache somaye nmitaique Ñim Natamnaxala' som chegoxoguet David. Qaq so vi'i doce da lo'onataxanaxac, nache ỹacoolec da iqui'itaxat ye Judá qataq ye Jerusalén nqateua'a so atamnaqa'pi maye huaña so qaỹoqotcheguemec, qataq so lqui'ipi aso Asera qataq so nqolacpi, qataq so ne'enaqtacpi maye chegaqaigui so nqatelliguishec lcat,

Deuteronómio 4:29

Qalaxaye da huaña yemaye da ỹataqta 'enauac da qarquiyaqteỹaxaqui, qataq da qanachaalataxaqui da qanmichiỹaique Ñim Nataxala' maye Qanatamnaxala'ai, nache ishet da qauanachiỹa.

Deuteronómio 32:46

«Ỹataqta qauennataxañiilec qome 'enauac ne'ena qami' sa'aqtaxaateguema, qataq qauamaqailec na qoyalquipi da ỹataqta ỹo'ot qome 'enauac ne'ena napaxaguenataxanaxacpi.

Deuteronómio 32:47

Cha'aye saishet da chocheyetto ne'ena na'aqtacpi, ne'ena nqataxac namaye nca'alaxa, cha'aye chegoqchigui da logoraic da qanachaalataxaqui da qoñiitalec yi'iye 'alhua maye hua'ategue da le'ego ye tala Jordán, maye qaralamaxache qome.»

Isaías 31:1

¡Qaq choxoraxaso' nam taỹa ye Egipto da nmitaique ca ntaunaguec, nam pe'etega na qalota caipi qataq naquittega ana qalota naigonapi, qataq nam qalota alleppi maye nalaataxala' na caipi, qalaxaye sa ỹamato'ot Ñim Qui'itta Natamnaxala' na Israel le'ecpi, qataq saishet da nmitaique Ñim Nataxala'!

Ezequiel 18:9

qataq ipagaqchiichigui da lataxa'c naua iqataxaco, qataq ipacchigui da lataxac na ỹamaxasoxonaxacpi. Qaq que'eca ỹale nacheca ca ỹoqta 'eesa da no'on da lataxac, qaq ỹoqo'oye camaye nca'alec qome. Qaq 'era da ỹa'aqtac, Aỹem Nataxala'.

2 Reyes 20:3

«'Am Nataxala', 'am ñachoxonnot, da 'antoueeta'ac qome da ỹataqta 'am salaxaguet co'ollaxa, qataq ỹataqta imauec da iquiyaqteỹaxac da so'ot nam 'auaỹamaxareeta.» Nache so Ezequías ỹataqta lta'araic da nnoinaxac souaxat da laquicoxo.

2 Crónicas 20:4

Huaña nache 'enauac so shiỹaxauapi maye chegaqa'a so huaqta'a't nỹecpi maye ỹotta'a't naua nañalo ye Judá, laỹona't da yaqto' iỹaxanot Ñim Nataxala', da ỹauo'o ca ntaunaguec.

Salmos 69:33

cha'aye Ñim Nataxala' hua'axaỹa na choxoraqpi, qataq saishet da ỹo'otan na lalamaxatpi maye qaicoñettai'.

Jeremías 38:20

Nache so Jeremías ỹasateguet somaye, 'eeta': 'Am nta'a, ñaq 'aualaxaguet taxa da la'aqtac Ñim Nataxala' maye 'am sa'aqtaxaateguem, yaqto' saishet da 'am loxonec namayepi qataq qaica ca machaqca, nache 'anca'alec.

Oseas 10:12

Qaq aỹem shenapega namayepi sheeta': qauo'oche qome da nalochiguiñi lataxac, yaqto' qauacoñiiguet da alaỹaxac da nauotaxanaqtaic. Qataq qauqataxañiỹai' ca qana'alhuai, yaqto' qaỹa'añiiñi ca dalaxaic qa'añiguishequi, cha'aye mashe ivita ye laloqo' da qanmitaique Ñim Nataxala', nache ivitta'a qom anac Ñimaye da qami' taleguete naqa'en ca 'onaxaic auot da qami' nca'alaxatrec.