Amós 5:3 - La'aqtaqa Ñim Lo'onatac 'Enauacna 2013

³ Qaq 'era da la'aqtac Ñim Lo'onatac 'Enauacna Ñim Nataxala', co'ollaq 'enapega 'enauac na Israel le'ecpi, 'eeta': «Da huo'o ca 'oonolec nam huaqta'a't nỹecpi da ỹamaxa ca alaataxac ca mil alleppi, qaq camayepi, nachecata ca cien cam ñe'eguelaq, qaq da huo'o ca 'oonolec nam huaqta'a't nỹecpi da ỹamaxa ca alaataxac ca cien, qaq camayepi, nachecata ca diez cam ñe'eguelaq qome.»

Toba del Oeste

³ Naq'aeta ca'li nenaĝategue joñe'me Jaliaĝanec Dios: «Qom 'uo ga'me noic yamaq joga'me mil jiyaĝadipi jo'ne nalada't lo'ol, jaldata da'me uo'oe qomle cien jo'ne nec'aletedaye. Uotaĝa uo'oe jogaa'me qoyama't jo'ne cien, qama'le nec'aledegue qomle gaa'me diez.»

Amós 5:3 Referans Kwoze

Romanos 9:27

Nataqa'en so na'aqtaxanaxanec Isaías co'ollaq detaxaỹa na Israel le'ecpi qalaq 'eeta': «Na'aictaxa da ỹataqta qalota na Israel le'ecpi da 'eeta'am na lsoche na delec maye hueto'ot na loigue aso auaxai, qalaxaye saq 'amaqtaq cam qanca'alaxatec.

Ezequiel 12:16

Qalaxaye so'ot qome da huo'o ca saq 'amaqtaq da nca'aleeguesop ca alaataxac, ca nqouaxa qataq ca nalolaxa, yaqto' camayepi ỹa'axatem qome cam ỹotta'a't shiỹaxauapi maye ỹalecta'aguet qome, 'enauac nam qaiqaiga maye ỹo'ottacpi co'ollaxa, qataq huaña nache ỹaỹaten da nachaỹem maye Aỹem Nataxala'.»

Isaías 10:22

Qami' Israel le'ecpi, na'aictaxa da qami' qalote' qome da qoñiita'am na lsoche na 'alhua maye huetangui aso auaxai, qalaxaye saq 'amaqtache qome caua ñe'eguela'q. Qaq dam nasataxac da qami' qanlaxaayeñi, damaye ỹo'ot qome da ỹaatec naqa'en dam nalochiguiñi lataxac.

Isaías 6:13

Qaq da huo'otaq huo'o ca cien shiỹaxauapi qaq da no'oirañi caua diez, nache caamaye nataqa'en qailaxachiguilo qome, qaq 'eeta'am qome aca roble huo'otaq aca encina, da qaichec nache no'onañi aca lamo.» Qaq aca'aca lamo nachaca aca ñaxatec aca llaxataxa maye sa qaishetapec.

Isaías 1:9

Ñim Nataxala' maye Qaica ca Ỹaqalanapec, taxa da qaica ca no'onaxatañi da nca'altauec da shenaqta, qaq nagui taxa nache shenaqta'ama soua Sodoma qataq Gomorra.

Deuteronómio 28:62

Qaq 'am Israel, maye 'am qalota co'ollaxa qoneta'am ana huaqaañipi maye neto'ot na piguem, 'am salaamai' qome, cha'aye souaxat da sa 'aualaxaguet Ñim Nataxala' maye 'Anatamnaxala'.

Deuteronómio 4:27

Qataq Ñim Nataxala' qami' ilagaxatoiguilo qome na ỹotta'a't shiỹaxauapi, nache da qoñiita saq 'amaqtaq qome ca ishet da nca'alec da netalec yi'iye 'alhua.

Amós 6:9

Qaq ỹoqo'oye da diez ỹalleppi cam huetaigui ca 'oonolec nỹec, nache camayepi imauec da ileu.

Salmos 144:14

Ca qarauegaxanaxala'pi ñaq huo'o qome da la'añaxac da qaỹo'onataxaalec, saishet qome da huo'o ca ñegueuo qataq ca ñeguec, qataq qaica ca na'alaxac naua qanqa'aico souaxat da nachetataic.

Deuteronómio 28:63

Qaq dam 'eetec co'ollaxa Ñim Nataxala' co'ollaq ỹaỹamaxareeta da 'am talec da no'on qataq 'anquictauec, qaq nache 'eetec Ñimaye da ỹaỹamaxareeta qome da 'am ilaxachigui, nache ỹo'ot da 'am sa qaiyacnapec qom 'am qanqateeguesop yem 'alhua maye qonetalec qome.