Amós 5:2 - La'aqtaqa Ñim Lo'onatac 'Enauacna 2013

² Mashe huañi nam ỹataqta huo'o da lyac Israel, qaq nache saishet da qaltaq ỹe'eguelaxa da ñesheguem, mashe huañi da huetalec ye maiche na'alhua, nache qaica ca anac da nauaxaỹaxaasheguem.

Toba del Oeste

² Am jo'ne onaĝae ca'li nataq'aen qaya'te adaviyaĝajet, auena'am jaga'me q'añole: male a'naqañe, ja yitaĝa ta'le oñejeguem. Nach'e oueta'ña jodi'me aleua qomle, qama'le qaya'te yaqanatet ta'le am yañijeguem.

Amós 5:2 Referans Kwoze

Jeremías 14:17

'Aua'aqtaxanem qome na nhuo' le'ecpi de'era, 'eeta': ‹Naayiñi qome naua ỹache' chegaqaiguilo naua ỹa'ai'te, nache saishet da vi'iigueta ye na'a'q qataq ye pe, souaxat dam chaqaic qataq qauem maye huaigui na ihuo' le'ecpi, qataq dam lta'araic lque'emaxa.

Amós 9:11

Qaq que'eca na'a'q, nache qaltaq ñauaxaỹaxaasheguem qome ye mashe nlaguiñi lma' so David. Nache sapogui nam lpoxoỹaxapi, qataq ño'oxoosheguem nam mashe nlaguiñi, nache se'enaxatchigui so hua'auchiguiñi lataxac co'ollaxa,

Amós 8:14

Qataq nam ỹanot da la'aqtac nam atamnaxala'pi ye Samaria, maye 'eeta': «Aỹem san da ỹa'aqtac souaxat da lca'alaxa ñim atamnaxala' ye Dan», qataq «souaxat da lca'alaxa ñim atamnaxala' ye Berseba», qaq namayepi huañi qome nache saishet da qaltaq ỹe'eguelaxa da ñesheguem.

Oseas 14:1

¡Qami' Israel le'ecpi, qavi'eguelaqaỹa Ñim Nataxala' maye Qanatamnaxala'ai, cha'aye souaxat na qarasouaxashechi nache qoviỹañi!

Oseas 6:2

Nache sa qaỹaloq qome da qomi' no'oite' naqa'en, qataq sa qaỹaloq qome da qomi' nauaxaỹaxaayeshegue'm da yaqto' ñachaataqto'ot Ñimaye.

Lamentaciones 2:13

'Am, Jerusalén maye ỹataqta 'am 'onaxaic ¿Negue'tom ca ishet da 'am ñaloqnaxaneguet? ¿Negue'tom ca ishet da saloqnaxana da yaqto' 'am sa'añaqchet, 'am Sión maye ỹataqta 'am qui'itta qataq huo'o da 'aryac? Da 'anque'eenaxac ỹataqta lta'araic, ¿qaq negue'tom cam ishet da 'am nataren qome?

Jeremías 51:64

nache qoneta': ‹'Era da 'eetec qome da iyiiñi na Babilonia, qaq nache saishet qome da qaltaq ỹe'eguelaxa da nachaañi souaxat dam qauem maye namaxa qome Ñim Nataxala'.›» Qaq 'ena na tachiguiña na la'aqtacpi so Jeremías.

Jeremías 50:32

Qami' ỹotta'a't shiỹaxauapi maye qaica ca qanỹeñi, qaupogolaxañiiñi qome nache qoviỹañi, nache qaica ca qami' naviguiyeshegue'm. Aỹem savigaxat qome 'enauac na 'aralamaxat huaqta'a't nỹecpi maye ỹotta'a't naua nañalo, qaq que'eca norec nlaxatchiguiñi qome 'enauac nam 'am coleesoppi.

Jeremías 31:4

Aỹem qaltaq 'am ñe'eguelaxatsheguem qome 'am Israel. Nache qaltaq 'añe'eguelaq qome 'auauota'a na 'arasaquiaxanatacpi, da 'auasottac souaxat da 'antonaxac.

Jeremías 18:13

Qaq ỹoqo'oye Ñim Nataxala', 'eeta': «Qaunache qome na ỹotta'a't shiỹaxauapi, da huo'otaq huo'o ca hua'aqchigui co'ollaxa ca 'eeta'am de'era. ¡Na Israel le'ecpi huo'o da ỹo'ot maye ỹataqta qaiqaiga!

Jeremías 4:20

Qataq mashe nvi' da na'axaỹaxac da nacalec lỹa nam qailaxachiguipi, 'enauac ne'ena 'alhua qanlaxaañi. Qataq choche nque'elaxatta da qanlaxaañi na ỹanataqa'pi qataq ỹataqta nlachiguiñi qanqa'en so ipe'lpi.

Jeremías 2:27

Cha'aye naxa da detaxaỹot na 'epaq laỹe nache, 'eeta': ‹'Am maye 'am ita'a›, qataq naxa da detaxaỹot na coma' nache, 'eeta': ‹'Am maye 'am ỹate'e.› Qaq Aỹem qalaq aỹem iro'oguet naxa na l-laq, nache saishet da aỹem ỹamato'ot. Qalaxaye naxa da chochaq cara'acolec da huaigui da lchec, nache aỹem detaxaỹot, 'eeta': ‹¡Ña 'auanac da qomi' 'anca'alaxatrec!›

Isaías 43:17

qataq ỹo'ot da huenoxonec 'enauac so 'añaxaic alleppi, netangui ana nnaigonapi qataq na netalec na lalo caipi da yaqto' ilaxachigui. Qaq somayepi qanasaxañi nache saishet da qaltaq nachaañi, somayepi nache loga't 'eeta'am ca ncoỹaraxanaxat da imeuo qalaq maiche 'om.

Isaías 37:22

Qaq 'enaua naua la'aqtaqa Ñim Nataxala', da ỹa'axata'a da 'eetec qome ñim nta'a ye Asiria: «Na huaqta'a't nỹecpi na Sión, 'eeta'am qome aca qa'añole da 'am ỹe'eetac 'am Senaquirib. Qataq na Jerusalén iconnaxaatac qome na lqaic, qom qoca'ai namaye.

Isaías 24:20

Qataq 'eeta'am ca taxaic da ỹe'egottapigui', qataq cholaxaatac 'eeta'am catai' npe'l maye sa da'añaañi. Qaq souaxat da ipataqtañi nam lasouaxashetpi namayepi, nache ivitta'a da huañi nache saishet da ỹe'eguelaxa da nachaañi.

Isaías 14:21

Qanaỹamaxache da qaualauache na ñalaqpi, souaxat da lalaataxanaxac som lta'alpi namayepi, yaqto' saishet da qaltaq iuennatega da ilo'ogue ana 'alhua, qataq da nlaxattelec ana 'alhua nam huaqta'a't nỹecpi.»

Isaías 3:8

Cha'aye ỹoqta 'eesa da na Jerusalén hua'axañi qome, qataq ye Judá nlachiguiñi qome, cha'aye nache huaña yemaye nam ntaxaỹaxacpi qataq na qaỹo'otpi da qaỹataỹa'aguet Ñim Nataxala', da qaisheueetac da la'amaqchec Ñimaye.

2 Reyes 17:16

Nache ca'ai 'enauac na lamaxasoxonaxacpi Ñim Nataxala' maye Natamnaxala'. Nache ỹo'o't soua dos le'enaqtaqa huaca llalqa maye chegaqaigui na lcat nqachilliguishec, qataq so lqui'i aso Aserá, qataq nataqa'en natamnot 'enauac ana huaqaañipi late'eraipi maye neto'ot na piguem, qataq so Baal.

2 Reyes 15:29

Qaq huetoiguilo se'esoua na'axa'te da so Pecaj nta'a ye Israel, nache nvita yi'iye 'alhua so Tiglat Piléser, maye nta'a ye Asiria, nache loxonec ye Iyón, Abel Betmacá, Yanoja, Cedes, Jazor, Galaad, Galilea, qataq 'enauac ye na'alhua so Neftalí, qataq 'enauac som netalecpi yemaye da loxonec, nache ỹauega ye Asiria.

Jeremías 8:4

Qaq 'am Jeremías, 'aua'aqtaxanem qome ne'ena nhuo' le'ecpi dam ỹa'aqtac maye 'am samaxalec, qoneta': Da huañi ca 'oonolec qalaq ishet da qaltaq ñisheguem, qataq da npe'en ca nqa'aic qalaxaye ishet da ỹe'eguelaxa.

Jeremías 9:9

¿Qaq peta'a saishet da sauo'o ca nhuaxanaguec souaxat de'era? Cam nhuo' le'ecpi da 'eetec de'era, ¿Peta'a saishet da sanem cam naigui nam ỹo'otpi? Qaq 'era da la'aqtac Ñim Nataxala'.

Jeremías 9:21

«Da nleuaxa nvitalo naua qarma'ate, qataq taigui na qarma' lta'araicpi, qataq huangui naqa'en na nqa'aic da ỹalauat na ñaqpiolec qataq huaña naqa'en na nlagaqa'pi da ỹalauat na nsoxoppiolec.