Amós 4:12 - La'aqtaqa Ñim Lo'onatac 'Enauacna 2013

¹² Qaq ỹoqo'oye qami' Israel le'ecpi nataqa'en qami' so'oteque qome de'era, qaq cha'aye so'ot qome damaye nache qanaỹamaxache da qauanaiua'a nam Qanatamnaxala'ai.

Toba del Oeste

¹² «Chane'eja, ami Israel lec'oqo'tepi, naq'aeta qomle joga'me ami je'eteque: yataqata eja naq'aeta ga'me ja'uo qomle, qama'le ¡aniyamaĝacheta't nayi qaedi ami janema da'me yec'atenaĝanaĝac, mach'e jayem Anedios!»

Amós 4:12 Referans Kwoze

Ezequiel 13:5

Qataq namayepi qaica cam ỹo'ot cam ishet da mpaxaalec na Israel, da yaqto' namayepi ishet da dataỹa'aguet ca alaataxac, qom nvi' cam na'a'q maye lalamaxat Ñim Nataxala'.

Isaías 47:3

yaqto' qaimeten da 'aro'ocỹaxac maye huetauec, aja', ỹataqta imauec qome da qaỹauaachigui da 'aro'ocỹaxac qom qouetauec, cha'aye Aỹem sepalaique ivi', nache qaica ca sechoxoreetac.

Mateo 24:44

Qaq ỹoqo'oye nache 'eetec nataqa'en da qoñiita, iuen da qanloitec qataq qanaỹamaxacheetai' qome. Cha'aye Aỹem Shiỹaxaua Llalec ñevi' qom mashe saishet da Aỹem qaỹauotaique.

Mateo 5:25

Qaq da huo'otaq huo'o ca 'am nmaxalec da 'eetega huo'o ca 'auo'otec sa ỹaỹamaxañi, nache no'on da 'anaỹamaxate' camaye qom huo'otaq saxanaxa da 'am ỹauegueua'a ca nmit na nasouaxashet. Cha'aye da saishet da qonetec, nache que'eca nmit na nasouaxashet ishet da ỹamaxalec ca huataxanaq le'ec da 'am ỹauegueua'a aca ncoñetaxanaxaqui da 'am icoñerai'.

Oseas 13:8

Qataq ñauaneguet qome namayepi da seloquiaxan, sheeta'am aca oso da deqa't caua llalqa, nache ỹataqta secolaxattac añi lquiyaqte, qaq huaña nache sheeta'am ca llon da sachec namayepi, huo'otaq ca huauec shiguiỹac da ỹataqta secolaxattac namayepi.

Ezequiel 22:30

Aỹem ñimittapigui ne'ena shiỹaxauapi, da huo'otaq huo'o ca iueelec ne'ena 'alhua, huo'otaq da Aỹem iỹaxanot da yaqto' saishet da selaxachigui, qalaxaye Aỹem saishet da sanata.

Apocalipsis 3:3

Qataq 'auennata'a 'enauac nam 'auaỹaten maye na'aqtaguec Ñim Lo'onatac 'Enauacna, ime, nache 'avi'eguelaqot Ñimaye qataq 'aualaxaguet. Qaq da saishet da nache qonetec de'era, nache 'am ñeqo'ona da sauo'o ca 'anhuaxanaguec, qataq 'am sevira qom mashe saishet da Aỹem 'auauotaique; sheeta'am ca cachaxaic da saishet da qaỹaỹaten ca laloqo' da nvi' da decache.

Amós 2:14

Huaña, nache ca ỹataqta qayaqaic qaica ca lle'eguenaqa' da datauec, qataq ca ỹataqta 'añaxaic, qaica ca la'añaxac, qataq cam ỹataqta qaramchigui ye lauel saishet da nca'alec.

Isaías 32:11

Qami' 'alpi maye qaica ca qarhuogoqoi, ña qaviloxolli qome, qami' maye qaica ca qandaqaitaique, ña qami' cholaxa'n qome, qanqache' qome naua qarpotolli' nache qaỹa'añiiyiñi caua qarpotolli' maye sansattegueta maye la'anaxat da qanqui'iqui.

Isaías 64:2

'eeta'am ca norec da ỹavigaxat aca qo'oipaq, huo'otaq da nacham naqa'en ca 'etaxat. Qaq huaña taxa nache na 'ampa'aguenaxauapi ỹauatton da 'are'enaxat, qataq na ỹotta'a't shiỹaxauapi iviloxol taxa souaxat da 'arviraxac.

Jeremías 5:22

Qaq Aỹem Nataxala', shenapec: ¿Saishet peta'a da huo'o ca shenec qanqa'eñi? ¿Saishet peta'a da qaviloxolli da aỹem qauataito'ot? Aỹem so'ot co'ollaxa na delecpi da loga'tpi ñaqa'en ana auaxai, nam loga'tpi maye ana auaxai saishet da napacalec. Qaq na'aictaxa da dauaxan ana lapaxa qataq dellimigui qalaxaye saishet da napacalec yi'iye loga't.›