Amós 4:10 - La'aqtaqa Ñim Lo'onatac 'Enauacna 2013

¹⁰ Qataq qami' ñamaxalo da qanhuaxanaguiiqui maye 'eeta'am so ñamaxa co'ollaxa ye Egipto, qataq serolec na ỹeelonec da qaỹalauat so nsoxoppi nache qaiuotaxanec so lalo caipi, qataq qauaviquiitañi ñaqa'en na laita so leuaxaicpi. Qalaq ñaqaiyeta saishet da aỹem qañe'eguelaqaỹa. Qaq 'era da la'aqtac Ñim Nataxala'.

Toba del Oeste

¹⁰ «Joote ja'uo da'me ane'uaĝanaguequi, ena'am ca'li joga'me je'etec di'me Egipto; nataq'aen jogaa'me ac'oqo'chedi' je'n qoyala't ca'li 'uo ga'me nalada't; nataq'aen jaje'tema jogaa'me adaute'udi' da'me e'n loqo'te jogaa'me alodi' jo'ne pe'ga. Chayovida'a da'me jen ami uetauelo da'me lichiyadaĝa ga'me lapa'che dia'me nalada't lo'olpi. ¡Qalaĝaja nach'e ena'am da'me dojo' jo'ne ami je'eteque, maliaĝa ja jayem 'te a'niyelaqaeya!» Naq'aeta da'me 'laqatac joñe'me Jaliaĝanec.

Amós 4:10 Referans Kwoze

Deuteronómio 28:60

Ñimaye 'am talec qome naqa'en nam nalolaxapi maye talec co'ollaxa ye Egipto, nam ỹataqta ỹo'ot co'ollaxa da lta'araic 'arcolanaxa, qaq ỹataqta 'anque'etaxaachigui qome namayepi.

Joel 2:20

Qataq seltaxaneguet qome namayepi na npa'aguenaxauapi maye chegaqa'ague da sheu', nache samaqauga ye toolec 'alhua. Qaq nam huotaique da dataỹa'aguet namayepi qalaq 'ogaxaicpi ñaqa'en huangui aso Auaxai Leuaxai, qaq nam chegaqa'ague da l-laq namayepi, nache huangui ñaqa'en aso Auaxai Mediterráneo. Qaq nam lo'ocỹaxac namayepi, nache ỹataqta nchega na laita. ¡Qaq cha'aye ỹataqta lta'araic qome cam so'ot!»

2 Reyes 13:7

Qaq so Joacaz, nachesota so cincuenta nalleppi maye netalec naxa na caaỹo da no'onañi, qataq aso diez naigonapi maye nalaataxaquipi, qataq so diez mil nalleppi maye petañepi, cha'aye so nta'a ye Siria, nmatchiguiñi so laỹepi nalleppi somaye, qataq ỹataqta dolachigui naqa'en.

Levítico 26:25

Qataq qami' nagueleguete ñaqa'en ca no'ogoxonaxat, da yaqto' huo'o da lvi' ñaqa'en da ñaỹamaxataxac, nache na'aictaxa da qavi'igueñiiua'a ca maiche qaralamaxache huaqta'a't nỹecpi maye qanpaxattaua'a, qalaxaye Aỹem qami' hueque ñaqa'en ca nalolaxasat maye qanlem, huaña nache ỹataqta qami' loxonqa ca qampa'aguenaxauaipi.

Deuteronómio 7:15

Qataq Ñim Nataxala' ỹataqta qami' ntela'alo qome, saishet da qami' hueque naqa'en na nalolaxasat, qataq na ỹotta'a't napiina maye iuaxanec co'ollaxa so Egipto le'ecpi, nachecata na qami' ipa'agueeta'ape maye huec naqa'en.

Amós 8:3

Nache que'eca na'a'q, ne'ena no'onecpi maye qaỹo'ootac da huaña ñi nma' lta'araic, nmeneguet qome da achoxonnaxac. Qataq ỹataqta qalota qome na ileu, nache choche qancheraxaatec da qaỹasaxauec. Qaq 'era da la'aqtac Ñim Nataxala'.

Amós 4:6

Aỹem, so'ot co'ollaxa da huo'o na nqouaxa 'enauac nam qaralamaxache huaqta'a't nỹecpi, qataq qaica ca aloq ñaqa'en nam qarhuo'oi le'ecpi, qalaxaye ñaqaiyeta qami' saishet da aỹem qañe'eguelaqỹa. Qaq 'era da la'aqtac Ñim Nataxala'.

Jeremías 18:21

¡Qalaxaye nagui, 'auo'ot qome da nam llalaqpi namayepi ilem na lqouaxa, huo'otaq da ilem ca ỹeelonec, qataq 'auo'ot da pa'aipi qataq qaica ca llalaqpi ana lhuapi namayepi! ¡Qataq na ỹalleppi maye lhuapi anamayepi ỹalauat qome ca napiina, qataq na nsoxoppiolec ileuaigui qome ca alaataxac!

Jeremías 11:22

Ñim Nataxala' maye qaica ca Ỹaqalanapec, 'enapega namayepi, 'eeta': «Aỹem sauo'o ca qanhuaxanaguiqui: nam nsoxoppiolec qaỹalauat qome qaira'a ca ỹeelonec, qaq na qaỹa'alquipi ỹalleppi qataq ana 'alpi ilem qome na lqouaxa.

2 Reyes 13:3

Qaq ỹoqo'oye ỹataqta 'eroigui da lalemataic Ñim Nataxala' da dalemataỹa so Israel le'ecpi, nache ỹataqta qaỹoqtec naqa'en da ỹaneguet da lhuaqỹaxac so Jazael, maye nta'a ye Siria, qataq so Ben Adad, maye llalec so Jazael.

Deuteronómio 28:22

Nataqa'en 'am namaxa ca ỹotta'a't napiina maye dalaataxanapec, qataq ca lta'araic napaxa, qataq ca ỹo'ot na nalaache. Qataq ca lta'araic napaxaỹaxa, qataq ca lqaxaỹaxa na 'alhua, qataq huo'o ca lalaxat ca 'añiguishecpi, nache ỹataqta 'am saq nañaxaasheguem, ivitta'a da ỹataqta 'am ỹalauat.

Levítico 26:16

nache Aỹem qami' ñamaxalo qome ca ncolanaxa lta'araic, qataq ca nalolaxasat maye qanlem, qataq ca napaxa maye ỹo'ot na ne'eraxa, qataq na'aqche't naua na'ai'te, qataq qaica naqa'en ca la'añaxac da no'ocỹaxac, qataq choche qaỹa'añiiteguiñi qome ca qa'añiguishequi, qalaxaye ca qampa'aguenaxauaipi nacheca ca chec ca ala camaye.

Éxodo 8:19

Nache so 'oiquiaxaipi 'enapega so faraón, 'eeta': «Nacheñi Ñim Lo'onatac 'Enauacna ñim ỹo'ottac 'enauac de'era.» Qalaxaye so faraón ñaqaiyeta ỹataqta qaramchigui da lquiyaqteỹaxac, qaq saishet da ỹoqocha'a de'era. Qaq ipacchigui dam 'enapec co'olloxocheye Ñim Nataxala'.

Jeremías 48:15

Cha'aye mashe nayeetai' nam ilaxachigui qome ye Moab, qataq nam huaqta'a't nỹecpi maye ỹotta'a't na nañalo, qataq na no'on nsoxoppiolec qalaq ileu qome. Qaq 'era da la'aqtac Ñim Nta'a, maye le'enaxat Nataxala' maye Qaica ca Ỹaqalanapec.

Jeremías 16:4

Camayepi ilem qome ca nalolaxa maye ỹataqta qauem, nache qaica qome ca nỹeelec camayepi qataq qaica ca ilayiñi qome: camayepi laguelec qome na'alhua, 'eeta'am na shiguiỹac la'atec. Ca alaataxac qataq ca nqouaxa, nmichiguiñi qome naqa'en camayepi, qaq da lo'ocỹaxac camayepi qalaq chec qome na teguesanpi qataq na huauec shiguiỹacpi.»

Jeremías 15:3

Aỹem ñamaxa qome namayepi caua cuatro ỹotta'a't nhuaxanagueco: Qaỹalauat qome huaigui ca alaataxac qaq na pioxoppi ỹauogoleetac qome namayepi qataq na maỹopi maye chec na lapat qalaq chec qome namayepi qataq na huauec shiguiỹacpi chec qome namayepi. Qaq 'era da ỹa'aqtac Aỹem Nataxala'

Jeremías 9:22

Qataq huetaiya' naqa'en da lo'ocỹaxac na shiỹaxauapi, 'eeta'am na la'atec na shiguiỹac da huetalec na no'onaxa, qataq 'eeta'am na nañiguishec ala da naañi naqa'en cam deqataxaatac, nache qaica ca ishet da laỹona't.» Qaq 'era da la'aqtac Ñim Nataxala'.

Jeremías 6:11

Qaq aỹem nlaqchigui da 'arayeloxo 'am Ỹataxala', qaq mashe saishet da ñalo'oguet.» Nache Ñim Nataxala' aỹem 'enapega, 'eeta': «'Aucorelec da 'arayeloxo na ñaqpiolec maye huetangui na nqa'aicpi, qataq na nsoxoppiolec maye laỹootega't cha'aye qaỹaconeua'a qome da qaicoñe' na ỹalleppi qataq ana lhuapi qataq na ỹa'axaiquipi maye qaỹoqtegue da llaxa.

Isaías 9:13

Qalaxaye na nhuo' le'ecpi saishet da ỹe'eguelaqot Ñim Lo'onatac 'Enauacna, maye ỹo'ot co'ollaxa da nhuaxanaguec, qataq saishet da nmitaique Ñim Nataxala' maye Qaica ca Ỹaqalanapec.

2 Reyes 10:32

Qaq se'esoua na'axa'te, Ñim Nataxala' nquiga't naqa'en so na'alhua so Israel le'ecpi. Cha'aye so Jazael loxonec co'ollaxa so huañalo naua loga'te so na'alhuapi somayepi,

2 Reyes 8:12

Nache so Jazael, inat somaye, 'eeta': ¿Ta'ainco' ye 'anỹeetac? nache so Eliseo, 'enapeco': Cha'aye saỹaten da 'auo'otec qome ca qauem na Israel le'ecpi, cha'aye 'auavigaxat qome na lle'eguenaxaquipi, qataq 'aurolec na ỹeelonec da 'aualauat na nsoxoppi, qataq 'aualauat nam ñaqpiolec maye llalaqpi namayepi, qataq 'aupeleca'ague ana da'am ana hualaxaipi.

Éxodo 15:26

Nache 'enapeco' da la'aqtac: «Aỹem Nachaỹem Nataxala' maye Qanatamnaxala'ai, qami' qom ỹataqta qauloitelec da ỹa'aqtac, qataq qom qauo'oche cam saỹamaxareeta, qataq qaualaqailec da ỹamaxasoxonaxac, qataq da qaupaquiiteleguete naua iqataxaco, nache aỹem saishet qome da ñamaq na nalolaxapi maye ñamaxa co'ollaxa ye Egipto le'ecpi, cha'aye aỹem Nachaỹem Nataxala' maye ishet da qami' ñatare'n».

Éxodo 14:4

Qaq aỹem so'ot qome da ỹataqta qaramchigui añi lquiyaqte ñi faraón, da yaqto' qami' ncaaleguete. Huaña qome, nache sachaxana ñimaye da ỹa'añaxac qataq 'enauac na nalleppi. Yaqto' na Egipto le'ecpi ỹaỹateeta da aỹem Nachaỹem Nataxala'.» Qaq so Israel le'ecpi nache ỹo'ot co'ollaxa de'era.

Éxodo 10:27

Qalaxaye Ñim Nataxala' ỹo'otec so faraón da ỹataqta qaramchigui añi lquiyaqte, da yaqto' saishet da ỹashenec somayepi.

Éxodo 10:3

Nache so Moisés qataq so Aarón, nqo'ooreua'a so faraón nache 'enapegalo', 'eeta': «Ñim Nataxala' maye Natamnaxala' na hebreopi da la'aqtac, 'eeta': ¿Chaq lagui qaq 'am ishet da 'aỹa'axaañi da 'anapagaqaanaxac? 'Aua'aqta'a qome da jec na ỹalamaxatpi, da yaqto' Aỹem natamnot.

Éxodo 9:17

Qalaq ñaqaiyeta 'am ña 'anqanaxattac na ỹalamaxatpi, qataq saishet da 'auashen da jec.

Éxodo 9:12

Qalaxaye Ñim Nataxala' ỹo'otec da ỹataqta qaramchigui naqa'en añi lquiyaqte so faraón, da yaqto' saishet da ỹoqocha'a so Moisés qataq so Aarón. Qaq ipacchigui dam la'aqtac co'olloxoche 'eetega so Moisés.

Deuteronómio 28:21

Ñim Nataxala', 'am huec naqa'en qome ca napaxa maye qanlem da yaqto' 'am ỹalauat, qom qonetaña ye 'alhua maye 'am ỹanem qome da qonalec.

Isaías 9:17

Qaq ỹoqo'oye Ñim Nataxala' saishet co'ollaxa da ỹauotec na nsoxoppi, qataq saishet da ichoxoreetac na saploqpi qataq ana pa'aipi. Cha'aye imauec ne'ena nhuo' le'ecpi da qauemaicpi, qataq qauema naua la'aqtaqa 'enauac namayepi. Qalaxaye ñaqaiyeta da layeloxo Ñim Nataxala' saishet da vi'iiguet, Ñimaye nache queto'ot da darenaxaatac.

Isaías 34:3

Nache na leuaxaicpi qaỹasaxauec qome, qaq nam qauem laita namayepi naỹoxoosheguem qome, qataq ipaxanec na ltago'q 'eeta'am ca tala da ipaxaalec ana qasoxonaxapi.

Isaías 50:11

Qalaxaye qami' maye qaualoñi naxa na norec, qataq qauauo'oi ana qarcoỹaraxanaqche 'ettaigui, qataq qoquiitaigui na le'eraxa namaye qataq nam le'eraxa ana qarcoỹaraxanaqche. Qaq 'era qome da qami' taleguete ñaqa'en, nache qoviitangui qome da lta'araic qanque'eenaxaqui.

Jeremías 49:26

Que'eca na'a'q nam lalamaxat nsoxoppi ileu qome huetangui na nqa'aicpi, qataq nataqa'en ileu qome 'enauac na nalleppi maye alaataxaicpi. Qaq 'era da ỹa'aqtac Aỹem nataxala', maye Qaica ca Seqalanapec.

Isaías 9:12

Qaq chegoqtegue da nala' lliguisheguem so siiriopi, qataq chegoqtegue da nala' lliguiñi so filisteopi, nache 'eco' 'oonolec da iuoxonañi so Israel le'ecpi. Qalaxaye ñaqaiyeta da layeloxo Ñim Nataxala' saishet da vi'iiguet, Ñimaye nache queto'ot da darenaxaatac.

Jeremías 5:3

'Am Nataxala', 'Am 'anmittaique cam shiỹaxaua maye huesota da lataxac. 'Auauo'o co'ollaxa da nhuaxanaguec namayepi, qalaxaye saishet da iuet, qataq 'auachoxoren co'ollaxa, qalaxaye saỹaỹamaxaren da qaỹapaxaguen. Namayepi ỹataqta qaramchigui, napacalec ca coma', nache saishet da 'Am ỹe'eguelaxa.

Oseas 11:5

Qaq namayepi saishet qome da qaltaq ỹe'eguelaxa ye Egipto, cha'aye na asiiriopi choche ỹamaqtac qome namayepi, souaxat da namayepi saishet da aỹem ñe'eguelaxa.

Hageo 2:17

Qaq nache Aỹem co'ollaxa da selaxachigui somayepi, serolec so ỹataqta dapaqa la'at, qataq so lalaxatpi, qataq aso lache 'enauac so qa'añiguishequi, qalaxaye ñaqaiyeta saishet da Aỹem qañe'eguelaqaỹot. Qaq 'era da ỹa'aqtac Aỹem Nataxala'.