Amós 4:1 - La'aqtaqa Ñim Lo'onatac 'Enauacna 2013

¹ Ña qana'axaỹaxañiỹa de'era na'aqtac, qami' maye qoñeeta'am ana huacapi ye Basán, qami' 'alpi maye Samaria lashepi, maye huetaiya' naxa qanqa'eñi na choxoraqpi, qataq qaica ca nyacnataguec qanqa'eñi nam huo'o da lhuenaxanaxa, qataq qauamaqaitac naxa nam qarhuaipi, qoñiita': «Ña qandoiuo cam qaraquip lataxa».

Toba del Oeste

¹ Ami yauo' jo'ne at'achaqadi' di'me noic Samaria, ami jo'ne auañiya'ama gaa'me uacadi di'me aleua Basán, ami jo'ne aue'viñe'tape jogaa'me qaya'te yauata, nataq'aen ja avichoĝodeñi' jogaa'me p'ioĝoyaqa, nataq'aen auamaqai nale gaa'me adoua' qaedi netedaque ga'me lataĝa, qama'le yataqata aniyomiyigui nale 'uo: da'me ami, cha'li anaquiaĝañiya jenjo'.

Amós 4:1 Referans Kwoze

Salmos 22:12

Qataq aỹem coleesop na ñepa'aguenaxauapi, 'eeta'am na huaca yeloxoic, maye lma' ye Basán,

Amós 6:1

¡Choxoraxaso' qome nam ỹataqta ỹe'emaqtac da hueta'a ye Sión! ¡Qataq nam pe'etega añi qasoxonaxa ye Samaria! ¡Qataq choxoraxaso' nam 'amaqtaqaicpi lataxala'pi nam ỹotta'a't shiỹaxauapi, maye nam Israel le'ecpi pe'etecot naxa!

Amós 5:11

Qaq souaxat da ỹataqta huetaiya' qanqa'eñi nam choxoraqpi, nache desheetenaxana qanqa'eñi na ala na trigo da qami' isheete'n, qaq ỹoqo'oye qami' saishet qome da qoñiỹaigui na nỹecpi, nam chegaqaigui na no'onatac coma' maye qano'oxoñiisheguem, qataq saishet qome da qauañoxoche da qanỹomiigui na lataxa maye chegaqaigui anam qaỹa'añiiñi co'ollaxa uva.

Ezequiel 39:18

chec qome na lapat ca alleppi, qataq nỹomgui na ltago'q ca nta'alpi ana 'alhua, 'eeta'am naqa'en ca qagueta lhuaraicpi, qataq qagueta llalaqpi, huo'otaq ca quetaqpi, huo'otaq ca chaxarai huaca llalec maye qaỹachegoxota'a ye Basán.

Eclesiastés 4:1

Qaq ime, nache qaltaq semeteetac da saqaiyacnapec na shiỹaxauapi maye huetalec ana 'alhua, nache selota'a nam saqaiyaqnapecpi da nỹeetac qalaq qaica ca ishet da ỹa'añaqchet namayepi, nam saiyacnapec namayepi qalaq ỹataqta sairen, qalaxaye qaica ca chochaq ỹa'añaqchet namayepi.

Malaquías 3:5

«Aỹem ñanac qome da qami' ñemi't, qataq sa'axat nataqa'en nam napaxagueetega na 'iyaxaic, qataq na ncachetague' aca saishet da lhua, qataq na saipaguelec ca ỹan la'aqtac, qataq nam saiyacnapec na 'onataxanaxaicpi, qataq ana pa'aipi, qataq na saploqpi, qataq na saỹaỹamaxatapec na chegaqauecpi, qataq nam qaica ca 'enec naqa'en Aỹem. Qaq 'era da la'aqtac Ñim Nataxala' maye Qaica ca Ỹaqalanapec.

Joel 3:3

Qataq nallechigui co'ollaxa na ỹalamaxat nhuo' le'ecpi, qataq imen na ñaqpiolec naiguet naqa'en ana quisheguetaxaipi, qataq ana nogotolepi, naiguet naqa'en na lataxa.

Ezequiel 22:29

Nam 'amaqtaqaicpi qalaq nalemaqte' da lcachaxac, qataq qaica ca iren, qataq nhuottalec na choxoraqpi qataq na huo'o da lhuenaxanaxa, qataq saiyacnapec nam ỹaqa'a ca chegaqa'ague, na'aictaxa da qaica ca ỹasouaxat.

Ezequiel 22:27

Na nataxala'pi ne'ena 'alhua, qalaq 'eeta'am na qa'alaqpi da icolaxattac ca loxonec, qataq ỹataqta iyaqta'a da lalaataxanaxac, da ỹalauat na shiỹaxauapi da yaqto' desalligui.

Ezequiel 22:12

Qataq nam 'am netaiguipi, huo'o na ỹaỹamaxareeta da qaisheeten da yaqto' ỹalauat ca lỹa. Qataq huo'o na ỹan ana alom da qaỹa'aalaxana, qalaxaye da qaisheeten nache ỹagaqnauec añi iỹaxanaique, qataq nhuo' ca lỹa, qataq sairen ca lqaỹa, nache icoua'ai Aỹem. Qaq 'era da ỹa'aqtac Aỹem Nataxala'.

Ezequiel 22:7

Nam 'am hueta'a shiỹaxauapi, qalaq saishet da huo'o naqa'en ca 'enec ca lalamaxat lta'a, qataq aca late'e, qataq saiyacnapec na ỹaqa'a ca chegaqa'ague, qataq decachiỹot ana pa'aipi qataq na saploqpi.

Jeremías 51:34

Ye Jerusalén maye hueta'a ye Sión, 'eeta': «Ñi nta'a ye Babilonia aỹem chec, qataq aỹem ilaxachigui, nache ỹo'ot da sheeta'am ca nquia'axaqui da qui'itchigui. Qataq 'eeta'am ca shiguiỹac lta'araic 'etaxat le'ec da aỹem iuoxonañi, nache ỹataqta nlaqchigui ñimaye da isallaxa maye aỹem hueto'ot co'ollaxa, qaq so laỹepi maye no'onañi qalaq ỹalat.

Jeremías 50:27

¡Qaualauache 'enauac na nalleppi, nache qauaviqueuga ca nalaataxanqa'! ¡Choxoraxaso' namayepi! ¡Mashe nvita nam na'a'q qataq ye laloqo' da nhuaxanaguec!

Jeremías 7:6

qataq da saishet da qanhuoye nam chegaqauecpi, nam saploqpi qataq ana pa'aipi, qataq saishet da qaualauache na qaica ca ỹasouaxat maye hueta'a ne'ena, qataq saishet da qavio'oxoyeñi nam laỹepi atamnaxala'pi, maye ishet da qami' na'aqche't,

Jeremías 6:6

Ñim Nataxala' maye Qaica ca Ỹaqalanapec ỹan de'era lamaxasoxonaxac, 'eeta': «¡Qauchiqui aca qo'oipaqpi, nache qauo'oche ca ñeguisheguempi da yaqto' qauloquiaxañi ye Jerusalén! Yi'iye huaqta'a't nỹecpi qaỹauo'o qome da nhuaxanaguec, cha'aye nlaqchigui da qaica ca qairen.

Isaías 58:6

'A'i, saishet. Dam qouaqchetaxac maye saỹamaxareeta, 'eeta': Qaisouec nam lcoñetaxat lcat cam qaica ca ỹasouaxat, qataq qaisogui ana ncoñetapi maye nlletañi cam nauegaxanaxaqui, qataq qaisouec nam qaipataqta'a'tpi, qataq imeuo qanqa'en 'enauac nam qaica ca iren,

Isaías 5:8

¡Choxoraxaso' qome nam desheenaxatega na qalota lma'pi, qataq nquigaxattauec na na'alhuapi, nache qaica ca lma' naqa'en ca lỹa shiỹaxaua, qaq 'eco' da nachaqnata namayepi da netalec na 'alhua!

Eclesiastés 5:8

Saishet qome da 'aue'elaxam da huo'o ca 'alhua da huaña da sa qaiyacnapec ca choxoraq, qataq da sa qairen da nalochiguiñi lataxac, qataq da sa qaipaguelec cam lapaqtañi lataxac, cha'aye cam nataxala' qalaq huo'o ca lỹa ỹaquitcheguem nataxala' da npaxattalec camaye, qaq caamaye, qaltaq huo'o cam laỹepi nataxala'pi maye ỹactec da la'amaqchec da npaxattaleguete.

Salmos 140:12

Aỹem saỹaten da Ñim Nataxala' ỹo'otec ca ỹaỹamaqchiguiñi na choxoraqpi, qataq iueelec cam huo'o da lhuenaxanaxa.

Salmos 12:5

Qaq 'era da la'aqtac Ñim Nataxala', 'eeta': «Nagui maye ñachaañi da ñeca'alaxatec nam qaica ca nyacnataguec, qataq na choxoraqpi maye ỹataqta qanhuottalec nache sanem namayepi, da ntaunaguec maye ỹataqta iuattaique.»

Da na'aqtaguec so Job 20:19

Cha'aye nhuo', qataq ỹachoxoren co'ollaxa na choxoraqpi, qataq ỹacona na nma'pi maye saishet da lo'onatac co'ollaxa.

1 Reyes 16:24

Qaq somaye desheenaxana co'ollaxa añi qasoxonaxa maye naña ye Samaria, maye lalamaqte so Semer, nache sesenta y seis kilos so lcat plata so lasheue, qaq nache ỹanaña yemaye da no'oxoosheguem so huaqta'a't nỹecpi, nache ỹanagui da le'enaxat Samaria, cha'aye le'enaxat Semer, som hua'auchiguiñi lalamaxat yemaye.

Deuteronómio 28:33

Qaq na ala ca 'añiguishecpi maye ñaxaalec que'eca 'ana'alhua maye chegaqaigui da 'aro'onataxanaxac, camaye chec qome na chegaqauecpi shiỹaxauapi. Nache ỹataqta huo'o da 'anque'eenaxac qataq saishet da 'am qaiyacnapec 'enauaque naua na'axa'te.

Jeremías 50:11

Qami' caldeopi maye qanhuoyeeta co'ollaxa ye ỹalamaxat nhuo' le'ecpi ¡ñaq qauamaichiguiñi qome qataq qantoñiỹapigui'! ¡Qauparenaxañeetai' qome qoñeeta'am aca huaca llale da quetaigui na 'auaqpisat! ¡Qataq qauachemnaxañeetai' qoñeeta'am ca caaỹo!

Deuteronómio 24:14

Qaq da 'auo'onataxanaxan ca shiỹaxaua choxoraq maye huo'o da lhuenaxanaxa, nache saishet da sa 'ausheeten, na'aictaxa da Israel le'ec huo'otaq ca chegaqauec.

Ezequiel 18:12

qataq saỹaỹamaxatapec ca choxoraq qataq cam huo'o da lhuenaxanaxa, qataq decachiỹot na laỹepi, qataq sa ỹe'eguelaxatot ca lỹa cam nogoxoshet maye qaipatano'ot co'ollaxa, qataq ỹa'amaqten nam atamnaxala'pi maye saq'en, qataq da ỹo'ot nam lataxacpi maye seqaiga,

Amós 6:6

Qataq da qanỹomiigui na lataxa qalaq ỹataqta late'el naua qanỹomaxaquilli', qataq qancoyeetapigui na coraxat maye ỹataqta no'on da laitaỹaxac, qaq nache qaica ca qarhuogoqoi da nlaguiñi ne'ena 'alhua.

Números 21:33

Qaq co'ollaq ỹe'eguelaq somayepi, nache quetegue so nqa'aic maye taỹa'a ye Basán, nache so Og maye lta'a so netaña yemaye, lỹatec so nalleppi da huaqata'aguet somayepi, da yaqto' delogui' da huaña ye Edrey.

Da na'aqtaguec so Job 24:4

Qataq ca'ai naqa'en so nqa'aic na huo'o da lhuenaxanaxa, qataq nqañoxooñi naqa'en na choxoraqpi.

Proverbios 22:7

Ca sallaxanec ỹo'ot da lalamaxat na choxoraqpi, qaq ca 'aalaxanaxaic qalaq nache na'aco' cam ỹa'aalaxanaxan camaye.

Isaías 28:1

¡Qaq choxoraxaso' ye Samaria, maye ño'oxonnaxaqui qataq 'eco' no'on naro'o ye Efraín, yem nhuo' le'ecpi maye 'eeta'am na taxaicpi, qataq llo'oxoraqte ana huo'o da lyac lauoxo maye taỹa'a da deqaqa, maye hualec na lcomaraxa so 'onaxaic ca'amegue, yem huaqta'a't nỹecpi maye hueta'a na shiỹaxauapi maye mashe sa nauec da lamanaxanaxa na lataxa!

Isaías 56:12

Qaq 'enapec naxa namayepi: «Qolaq selaqaique ca lataxa, qataq cam lataxa maye ỹataqta chem da yaqto' ishet da qomi' taxaicpi. Qaq nache shenaqtec nataqa'en qonte' qalaxaye ỹactec qome ca qanỹomaxac.»

Ezequiel 34:16

Ñimitaique qome ana qaguetapi maye deqat, qataq ñe'eguelaxateuo ana laga't co'ollaxa, qataq sauo'o ca laxataxat na huacac lapia', qataq setauan qome ana mashe qaica ca la'añaxac, qalaxaye selaxachigui qome ana chaxaraipi qataq no'oitapi. Aỹem ỹataqta saỹamaxatchiguiñi da lataxac qom selo'ogue anamayepi.

Amós 3:1

Qami' Israel le'ecpi, ña qana'axaỹaxañiỹa da la'aqtac Ñim Nataxala', da 'enapega nam nhuo' le'ecpi maye nqateeguesop co'ollaxa ye Egipto, 'eeta':

Amós 3:3

Da huo'oi caua dos da nnaictega't, qaq damaye ỹa'axat da caamaye naỹamaxareeta't.