Amós 3:8 - La'aqtaqa Ñim Lo'onatac 'Enauacna 2013

⁸ Qaq ¿negue'tom ca saishet da iviloxol da hua'axaỹa da desoqo ca llon? qataq da damaxasoxon Ñim Nataxala', nache ¿negue't cam saishet da ỹa'axat cam ỹa'axata'a Ñimaye?

Toba del Oeste

⁸ Qom t'oqo ñe'me jauaĝaic, ¿jach'e ga'me ja do'e? Nataq'aen qom doje joñe'me Jaliaĝanec, ¿jach'e ga'me aqataĝanaĝaic jo'ne ja 'yaĝatetac?

Amós 3:8 Referans Kwoze

Hechos 4:20

Cha'aye qomi' saishet da saxanaxañi da sa'axataqtac 'enauac nam sauanaqchigui qataq nam sa'axasoqchigui.

Amós 3:4

Cha'aye ca llon da desoqo da huaigui ca aviaq, qache mashe huo'o ca loxonec, qataq ca llalec camaye da desoqo da huetaigui ca lauac, qache huo'o ca loxonec.

Jeremías 20:9

Qaq da shenapec: «Saishet nagui da seuennatega Ñim Nataxala', qataq saishet da she'eguelaxa da sa'axattac da le'enaxat», nache naua 'ara'aqtaqa maye aỹem netaiguilo ỹe'eguelaxa da 'eeta'am ca norec da ỹavigaxa't naua ipi'ineqa. Qaq aỹem sauotaique naxa da ñala'agueta, qalaxaye sasañoxot.

Amós 1:2

Nache so Amós, 'eeta': Ñim Nataxala', qaỹa'axaỹa qome da lavilỹaxac 'eeta'am na nalataxa, huaña añi qasoxonaxa ye Sión maye naña ye Jerusalén, nache na 'alhuapi qataq na 'auaqpi deqaqa qome, qataq deqaqa ana lmilo añi qasoxonaxa Carmelo.

Apocalipsis 5:5

Qalaxaye huo'o so 'oonolec som nqueroxonecpi aỹem 'enapega, 'eeta': «Saishet da qoqueto'ot da 'anỹeetac, cha'aye Ñim talec da lo'onataxanaxac co'ollaxa so nta'a David, Ñim qaiỹaxana naxa da quiyoc lỹa maye chegoxoguet so Judá, Ñimaye mashe dauegaxan. Qaq ỹoqo'oye nachaqñita da huo'o da 'enec da nqa't naua siete na'anaxanaqtel qataq ishet da ỹauachigui ara nere.»

1 Corintios 9:16

Da sa'axattac da no'on na'axaỹaxac, qaq saishet da sauotaique da aỹem ỹo'oxoraq. So'ot damaye, cha'aye aỹem ỹamaxalec Ñim Lo'onatac 'Enauacna. Qaq ¡choxoraicolec aỹem da saishet da so'ot damaye!

Amós 2:12

Qalaxaye qami' qanỹomaxañiigui co'ollaxa na lataxa so nazareopi, qataq som na'aqtaxanaxanecpi saishet da qauashiñim da da'aqtaxan.

Hechos 5:29

Nache so Pedro qataq soua lỹa't namaxa'she 'ena'apo': –Qomi' iuen da hua'auñi da salaxasoxoguet Ñim Lo'onatac 'Enauacna, ime, nache nataqa'en ca choche shiỹaxaua.

Hechos 5:20

–Qanqo'oñiỹa añi no'onaxanaxaqui late'erai. Huaña, nache qaua'aqtaxañim 'enauac na shiỹaxauapi dam na'aqtaxanaxac maye chegaqaigui da nca'alaxa.

Isaías 31:4

Ñim Nataxala' aỹem 'enapega, 'eeta': «Qaq 'eeta'am ca llon da desoqtalec aca lalaata qagueta, nache saishet da iquichoqchet camaye cam qalota qagueta lo'opi, na'aictaxa da 'enauac camayepi da laỹona't nache ỹa'alaqtalec da huotaique da iquichoqchet, qalaxaye saishet da ñi'i, qaq nache 'eetec qom anac Ñim Nataxala' maye Qaica ca Ỹaqalanapec da iueelec nam lalamaxat nhuo' le'ecpi qom huaña añi qasoxonaxa Sión.

Ezequiel 29:21

Qaq que'eca, na'a'q, Aỹem so'ot qome da nquiguec da la'añaxac na nhuo' Israel le'ecpi, nache 'am Ezequiel, 'am huesochiguiñi qom 'autaqtacot namayepi. Qaq huaña qome nache namayepi ỹaỹaten da Aỹem nachaỹem Nataxala'.»

Isaías 21:10

Qami' ỹalamaxat ihuo' le'ecpi maye qami' qaỹapetapiguilo qoñeeta'am ca trigo, aỹem mashe qami' sa'aqtaxanema som sa'aqchigui maye chegoqo'ot Ñim Nataxala' maye qaica ca Ỹaqalanapec, Ñim Natamnaxala' na Israel le'ecpi.

Jeremías 26:12

Nache so Jeremías da'aqtaxanem so nataxala'pi qataq so nhuo' le'ecpi, 'eeta': «'Enauac nam mashe qaua'aqaichigui, nacheñi Ñim Nataxala' Ñim aỹem ỹamaxalec da sa'axata'a, cam talec qome ana'ana atamnaxaqui qataq ne'ena huaqta'a't nỹecpi.