Amós 3:2 - La'aqtaqa Ñim Lo'onatac 'Enauacna 2013

² «Nache qamiite' da qami' lleca'aua'alo, co'ollaq lleca'agui nam nhuo' le'ecpi ana 'alhua. Qaq ỹoqo'oye sauo'o qome ca qanhuaxanaguiiqui, souaxat nam qauemsat maye qauo'oche».

Toba del Oeste

² «Naqa'ami da'me jen ami yiquiyaqa, ja auañiya'ama gaa'me noyaqa laqaya'. Chane'eja yataqata ami je'uaĝa'n qomle, yajouaĝat jogaa'me adoecodi' jo'ne auauoyi' nale.»

Amós 3:2 Referans Kwoze

Deuteronómio 7:6

Cha'aye qami', ỹataqta qami' qaiỹotaugalo da qami' lalamaqa'ate Ñim Nataxala' maye Qanatamnaxala'ai. Qataq Ñimaye qami' lca'agui'she co'ollaq lca'agui 'enauac na shiỹaxauapi ana 'alhua da yaqto' qami' lalamaxatpi.

1 Pedro 4:17

Mashe ivita ye laloqo' da Ñim Lo'onatac 'Enauacna nmit 'enauac na shiỹaxauapi, nache ỹa'auaxaachiguiñi da nmit na maiche lalamaxatpi. Qaq da ỹa'auaxaachiyiñi da qomi' nmi't qataq ỹauo'o da qanque'eenaxac, nache ¡chaq 'eetec ca taỹa'aguet nque'eenaxac nam saishet da ỹalaxaguet Ñim Lo'onatac 'Enauacna!

Deuteronómio 10:15

Qalaxaye Ñimaye lca'ateua'a co'ollaxa so hua'au qarta'ailpi cha'aye ỹataqta ỹauotec. Ime, qaltaq lca'aua'alo qami' maye qauachegoqoiguet somayepi, cha'aye co'ollaq lca'agui na nhuo' le'ecpi maye netalec ana 'alhua, nache qami' lca'ateua'alo, qaq nachera da 'eeteque nagui qami'.

Romanos 2:9

'Enauac na qauemaicpi namayepi qome ỹauo'o ca nhuaxanaguec maye ỹo'ot da nqui'ic qataq da nque'eenaxac; nam hua'auchiguiñi qome nachena na judiopi, qalaxaye nataqa'en nam saishet da judiopi.

Daniel 9:12

'Am co'ollaq qomi' 'anamaxalo so lta'araic qauem, nache 'aupaqueelec som 'arasauaqtaxanaxac maye 'aua'axatta'a co'ollaxa da qomi' taleguete, qataq som nta'alpi maye qomi' ilotegueto co'ollaxa, cha'aye saỹauano' co'ollaxa da huo'o ca huaña ana 'alhua, cam 'eeta'am de'era nhuaxanaxanaxac maye talec ye Jerusalén.

Ezequiel 9:6

Qauachegoqoichiguiña qome añi ỹalamaqte atamnaxaqui nache qaualauache na ỹa'axaiquipi, nsoxoppiolec qataq na qa'ampiolec, na ñaqpiolec qataq na 'alpi, nache qaviraxachiỹa'a da qaica ca no'onañi da nca'altauec. Qalaxaye saishet qome da huo'o ca qoñeeta'ac ca huo'o ca na'anaxat. Nache soomaye ỹalauat so ỹa'axaiquipi maye nachatto'ot aso atamnaxaqui.»

Jeremías 14:10

Ñim Nataxala', 'eeta' da la'aqtac da detaxaỹa na nhuo' Israel le'ecpi: «Ne'ena nhuo' le'ecpi, ỹataqta lauela da chochaq queta. Qaq ỹoqo'oye sa saỹamaxaren da lataxac namayepi. Qaq nagui, nache seuennate na lasouaxashetpi namayepi, qataq sauo'o ca nhuaxanaguec souaxat namayepi.»

Jeremías 13:21

Qaq ¿'eetec qome ca 'ara'aqtac 'am Jerusalén qom ivita da 'am ilo'ogue nam shiỹaxauapi maye maiche 'arapaxaguenatacpi co'ollaxa? Qaq 'am nvita qome ca 'anqui'ic maye 'eeta'am da nqui'ic aca 'alo da deco'otapigui'.

Jeremías 11:22

Ñim Nataxala' maye qaica ca Ỹaqalanapec, 'enapega namayepi, 'eeta': «Aỹem sauo'o ca qanhuaxanaguiqui: nam nsoxoppiolec qaỹalauat qome qaira'a ca ỹeelonec, qaq na qaỹa'alquipi ỹalleppi qataq ana 'alpi ilem qome na lqouaxa.

Jeremías 10:25

Nacherata da 'aucorelec da 'arayeloxo nam ỹotta'a't shiỹaxauapi maye 'am saỹauatton nam nhuo' le'ecpi maye saishet da iỹaxaatega da 'are'enaxat, cha'aye namayepi ilaxachigui na lauo' le'ecpi so Jacob, nache qaica naqa'en ca no'onañi qataq nlachiguiñi naqa'en ne'ena 'alhua.

Jeremías 9:25

Ñim Nataxala', 'enapec: Anacta na na'a'q maye huaigui da sauo'o ca nhuaxanaguec 'enauac na nhuo' le'ecpi maye ỹo'ot na na'anaxat da lo'ocỹaxac:

Jeremías 1:15

Aỹem Nataxala', ỹoqta 'eesa qome da seỹaxana 'enauac nam nta'alpi maye neta'ague da sheu'. Qaq anac qome namayepi, nache ỹo'ot na lanataqa'pi ỹanaña yem naloteuga ye ñegueuo na Jerusalén qataq ye naloteuga na npaqtaxanaxatpi maye coleesop namaye qataq yem naloteuga na huaqta'a't nỹecpi maye ỹotta'a't naua nañalo na 'alhua Judá.

Isaías 63:19

Qomi' seviraqta'a da 'eco' saỹauanego' da qomi' 'aulotegueto, qataq da 'eco' saỹauanego' da sachoqtac da 'are'enaxat.

Salmos 147:19

Ñimaye, ỹachaxanalo co'ollaxa naua la'aqtaqa so Jacob, qataq ỹachaxanalo naua lqataxaco qataq naua lamaxasoxonaxaco so Israel.

Deuteronómio 26:18

Qaq nataqa'en nagui, Ñim Nataxala', 'am da'aqtaxanem da 'am Israel, ỹataqta 'am lalamaxat, nache ipacchigui da ỹan la'aqtac co'ollaxa, ỹoqo'oye ỹataqta 'aualaxaguet qome 'enauac na lamaxasoxonaxacpi.

Génesis 10:32

Qaq 'eso som llalaqpi soua llalqa so Noé, ỹataqtac na maiche nhuo' le'ecpi, qataq naua maiche nma'ate. Qaq co'ollaq mashe qaỹoqtegue so auot lta'araic, nache somayepi nlagaxaalec 'enauac ana 'alhua.

Hechos 17:26

Ñimaye ỹachegoxotchigui co'ollaxa so 'oonolec ỹale da ỹo'ot 'enauac na ỹotta'a't shiỹaxauapi, da yaqto' namayepi naleguete naua 'aleu'. Nache ỹauo'oi naua laloqo'ote namayepi, qataq ỹa'a'n naua lma'ate,

Nahúm 3:4

Qaq yo'oq 'enauac de'era souaxat da lquisheguetaxac, anam quisheguetaxaipi maye ỹataqta huo'o da lyac, qataq ỹaỹaten da dapaxaguenataxanec da ñi'iyaqnataxanaxac, qataq irolec da lquisheguetaxac qataq da lli'iyaqnataxanaxac da ỹatenachet nam ỹotta'a't shiỹaxauapi.

Oseas 9:9

Nache ỹataqta qauem da qarataxaqui, 'eeta'am da lataxac som netaña co'ollaxa ye Guibea. Qalaxaye Ñim Nataxala' ntoueeta'ac de'era qauem qarataxaqui, nache ỹauo'o qome ca qanhuaxanaguiiqui souaxat nam qarasouaxashechi.

Oseas 8:13

Qaq namayepi nqopita da aỹem ỹanot ana lachetaqtaxanaqtepi, nache namayepi chec na lapat nam nachetaqtaxanaxat, qalaxaye Aỹem Nataxala' sa saỹamaxaren da ỹo'ot namayepi. Qaq Aỹem seuennate qome nam qauem maye ỹo'otpi, nache sauo'o ca nhuaxanaguec souaxat na lasouaxashetpi, qataq she'eguelaxata qome ye Egipto.

Oseas 2:13

Qataq sauo'o ca nhuaxanaguec souaxat soua na'axa'te da ỹaatacot na ỹaqa'a atamnaxala'pi na lchenaxanaxat, qataq ỹaañi na no'otaxatpi, nchiguishaqtepi qataq ana lqolapi, nache ca'attague' na nquisheshaxauapi, nache aỹem icoua'ai. 'Era da ỹa'aqtac, Aỹem Nataxala'.

Deuteronómio 32:9

Cha'aye na iỹotaugapi Ñim Nataxala', nachena nam nalamaxat nhuo' le'ecpi, maye chegoxoguetpi so Jacob.

1 Corintios 8:3

Qalaxaye Ñim Lo'onatac 'Enauacna, ỹauattoota 'enauac nam ỹauotec Ñimaye.

Génesis 18:19

Aỹem lleca'aua'a co'ollaxa namaye, da yaqto' ỹamaxalec ca llalaqpi, qataq cam chegoxoguetpi, da ỹalaxalec na ỹapaxaguenataxanaxacpi, qataq da ỹo'ot 'enauac cam ỹaỹamaqchiguiñi, qataq ca no'on lataxac, yaqto' Aỹem sepaqueelec 'enauac nam sachaxanapeguempi.»

Deuteronómio 4:32

Qaq ỹoqo'oye qanmichi' qome soua hua'au' vi'iye co'ollaq saxanaxa da qami' huo'oi, chegoqchiguiña co'ollaq Ñim Lo'onatac 'Enauacna ỹo'ot so shiỹaxaua da ỹanalec ana 'alhua. Qataq qauchemaxachiỹalo naua loga'te na piguem, da huo'o ca qaỹa'aqtapeguelec, huo'otaq da qaỹauaachigui ca qaỹo'ot lta'araic da 'eeta'am de'era.

Ezequiel 5:9

Qaq souaxat nam ỹataqta qauem 'auo'otpi nache so'ot nam sa ỹauano' da so'ot co'ollaxa, qataq saishet da she'eguelaxalec da so'ot qome.

Oseas 5:3

Qaq aỹem, ỹataqta sauatton na Efraín, qataq na Israel saishet da sa sauatton. Qalaxaye na Efraín, quegue da nquisheguetaxac, qaq na Israel, qalaq ỹataqta nshepaxanaqcheela't».

Amós 2:4

Qaq Ñim Nataxala', 'eeta': Na Judá le'ecpi ỹataqta qalota nam qauem ỹo'otpi, ỹoqo'oye saishet qome da saxaañi da sauo'o ca nhuaxanaguec, cha'aye sa ỹaconeguet nam lapaxaguenataxanaxacpi Ñim Nataxala', qataq sa ỹalaxagueta naua lqataxaco Ñimaye, nacherata da natameetacot nam ỹaqa'a atamnaxala'pi, maye natameetacot co'ollaxa so hua'au lta'alpi.

Amós 3:3

Da huo'oi caua dos da nnaictega't, qaq damaye ỹa'axat da caamaye naỹamaxareeta't.

Amós 6:1

¡Choxoraxaso' qome nam ỹataqta ỹe'emaqtac da hueta'a ye Sión! ¡Qataq nam pe'etega añi qasoxonaxa ye Samaria! ¡Qataq choxoraxaso' nam 'amaqtaqaicpi lataxala'pi nam ỹotta'a't shiỹaxauapi, maye nam Israel le'ecpi pe'etecot naxa!

Miqueas 2:3

Qaq ỹoqo'oye da la'aqtac Ñim Nataxala', 'eeta': Aỹem nataqa'en mashe huo'o da llapaxañi da sataỹa'agueta qami', qami' ñamaxalo qome ca qauem maye saishet da qami' ỹetrauec, huaña nache saishet da qana'amaqchiñiitac cha'aye ỹataqta qauem qome que'eca na'a'q.

Éxodo 32:34

Qaq ỹoqo'oye qojec qome, 'auauega ye 'alhua maye sheetega sanem yi'iye nhuo' le'ecpi. Qaq so ñale, nacheso so 'am ỹaueca'aguet qome. Qalaxaye qom ivita ca na'a'q da sauo'o ca nhuaxanaguec, nache sauo'o ca nhuaxanaguec cam huo'o ca lasouaxashet.»